ශ්‍රී සම්බෝධි ජාත්‍යන්තර බෞද්ධ මධ්‍යස්ථානය පිහිටා තිබෙන්නේ බුලත්සිංහල ප්‍රාදේශීය මහා ලේකම් කොට්ඨාශයට අයත් කිරිමටිවලකඩ එම්බරගල කදූ මස්තකයෙහිය. මෙහි ජිවත් වන ජනතාව ඉතා දුෂ්කරව ගොවිතැන් බතින්  ජිවිත්වන  ජනතාවකි. විහාරස්ථානය කොබවක බුලත්සිංහල ප්‍රධාන මාර්ගයේ සිට කිලෝමීටර් 5 ක් පමණ ගම්මානය තුලට ප්‍රවිෂ්ට විය යුතුය. සුන්දර ගල්තලාවක් මත වන රක්ෂිතයක් තුල බණ භාවනායෝගීව ජීවිත ගත කිරීමට කැමති භික්ෂුන් වහන්සේලාට මෙන්ම ගිහි ප්‍රජාවට බණ භාවනා යෝගීව කටයුතු කිරීමට සුදුසු වන පියසකි. අපේ වෑයම ලෝකවාසී සැමට පැමිණ ආධ්‍යාත්මික සුවය සලසා ගත හැකි තපෝ වනයක් බවට මෙය පත්කිරීමයි. ඒ සදහා අප මුහුණ දෙන ගැටළු නිරාකරණය කර ගැනීමට ලෝකවාසී සියලු දෙනාගේ උපකාර බලාපොරොත්තු වෙමි.