4 創作發表或研究

(1)112學年度校內閩南語演說與朗讀比賽

(2)本校教師參加109年度教育部閩南語語言能力認證考試合格(中高級)。

(3)112學年度校內閩南語演說比賽

 (4)閩南語演講比賽講稿-我上愛食的果子

《我上愛食的果子》

各位評判老師，各位同學逐家好，我是編號第○號，今仔日我欲演講的題目是我上愛食的果子

咱台灣是果子王國，規年迵天攏會使吃著不仝款的果子，尤其是熱人ㄧ到，就會當看到真濟好食的水果,親像鳳梨、荔枝佮西瓜。啊那講著西瓜, 就予我目睭輾大蕊，喙瀾㴙㴙滴！

有一擺歇熱，阿媽問我欲食西瓜嘛？囡仔人哪有無愛食果子的？當然嘛好。阿媽對冰箱提一盤西瓜出來，才食一喙爾，就感覺心涼脾土開，芳甜在心內，食了會紲喙啊！枵饞的我，連盤仔內底的湯汁嘛啉甲清氣清氣，阿媽笑我是貓仔咧洗面諾！彼是我頭一擺知影西瓜的好滋味。

西瓜是佇日頭赤焱焱的熱人夠分的，每年到這個時陣，你若來到庄腳，就會當看到田裡的西瓜，一粒比一粒閣較大粒。這些西瓜覕佇葉仔下腳，親像一個歹勢閣閉思的小姑娘仔。西瓜的葉子圓圓較蓮花的葉子差不大。你若站懸懸，你會發現，一大片的西瓜田，若像是用青葉仔鋪起來的地毯，真正系有夠媠的！熱人，若是落過幾擺西北雨，你行近去看，你會看著，西瓜葉仔頂懸，一粒一粒的水珠，日頭一照，金光閃閃好親像珍珠同款，實在是誠心適。

西瓜穿着青色的外衫，外衫頂懸閣有幾逝花紋，你若用刀仔供伊剖開，就會使看著紅記記的西瓜肉，一喙咬落去，西瓜汁就會為你嘴裡，一直流到你的全身軀，真正是有夠幸福的。食完了後，你吐出來的西瓜籽，烏金烏金，就相像黑珍珠仝款。毌但按哪，西瓜內底嘛有真濟營養素，所以食西瓜，毋但會當補充水分，而且對身體嘛誠有幫助喔。

各位朋友，聽了我的介紹，恁是無是想欲吃看覓，我上愛吃的果子——西瓜呢? 若按呢，就趕緊來阮兜，我一定請恁吃一大盤好食閣營養的西瓜。

我的演講就講到遮，多謝逐家。

(5)閩南語演講比賽演講稿-吃緊挵破碗  

有一工放學了後, 我和同學約好欲作伙去大廟埕 七迌(tshit-thô)。因為媽媽有規定:功課寫了才會當出去。所以我著趕緊寫寫咧, 拿去乎媽媽檢查。媽媽看了誠生氣講:你是咧畫土符啊, 寫的歪擱七挫, 花巴哩貓, 拿等去重寫。不管我按怎姑誠, 媽媽攏愛我重寫了後, 才會當出去。所以等我重寫了後, 天色嘛已經暗瞑摸啊, 沒使擱出去啊。害我後悔啊駡駡耗。 

那時陣，阮阿嬤佇邊仔，看我頭犁犁, 佇遐咧流目屎。著安慰我講：「憨囡仔, 莫閣哭仔，仙人打鼓有時錯，腳步踏錯啥人無，你愛會記得:「緊行無好步，趕事無好頭路。」、你著是見若想欲趕緊出去七迌(tshit-thô),才會宿題襯襯採採寫寫咧。按呢(án-ne), 顛倒是「食緊挵破碗。」規个去了了。所以人咧講「緊紡無好紗，緊嫁無好大家。」嘛是仝款意思」。 

媽媽嘛紲咧講：「對阿！做田就要好田底，嫁尪就要好孃惹。」大家(ta-ke)、媳婦紲佇遐咧相褒，打吶涼。講到笑哈哈。害我聽甲霧煞煞，一個人戇戇佇邊啊。毋知欲安怎應。 

阿嬤繼續講:「做人著認真，做事著頂真。這嚒真濟人攏想欲吃好，做輕可。常常吃無三把硬菜，就想欲上西天。為非散作，路尾攏是弄家散宅，無好結果。 成功的人，永遠是腳踏實地，一步一腳印走出來的。人在講「做雞著愛掅(cheing)，做人著愛反(bing)；做牛就要拖，做人就要磨。」越掅會越扭掠，越磨會越熟手，拼事業、做學問、學工夫，攏是同款，加用一寡時間，多一點仔耐性，只要骨力做，打拼學，一遍又一遍，千遍萬遍以後，自然就有成就，若無呢，作一個半筒師，就會被人笑講「膨風水蛙殺無肉」。 

所以我這馬知影「食緊挵破碗。」就是叫人毋管做什麼代誌，攏沒使襯襯採採，馬馬乎乎，才未講要趕緊，顛倒慢。欲做好，顛倒害。

(6)本校教師參加107年度教育部閩南語語言能力認證考試合格(中級)。

(7)本校主任參加教育部113年度台語語言能力認證考試合格(中高級)。

(8)本校主任參加教育部103年度閩南語語言能力認證考試合格(中高級)。

(9)母語學習成果發表(融入慶祝母親節活動

母語發表影片