2. Інтэрактыўныя практыкаванні

4. Для цікаўных 

Прагледзеўшы адукацыйнае відэа, вы даведаліся, што канструкцыя ‘пайсці ў грыбы’ з’яўляецца адной з асаблівасцей беларускага кіравання. А ці ведаеце вы, якія грыбы можна збіраць, а якія нельга? Як пазбегнуць атручвання грыбамі? І што рабіць, калі ўсё ж такі атруціліся імі? Адказы на гэтыя пытанні шукайце ніжэй.

Прафілактыка атручвання грыбамі, або Правілы грыбніка

– Не ўжывайце як сырыя, так і прыгатаваныя дзікарослыя грыбы, у ядомасці якіх не ўпэўненыя.

– Збірайце толькі тыя грыбы, якія добра ведаеце. Абавязкова з ножкай.

– Адпраўляючыся ў лес, па магчымасці запрасіце з сабой дасведчанага грыбніка.

– Не збірайце грыбы ўздоўж аўтамабільных дарог, чыгункі, у межах горада.

– Не вызначайце ядомасць грыбоў па іх назвах, паколькі яны могуць адрознівацца ў розных геаграфічных рэгіёнах.

– Не верце распаўсюджанаму міфу пра ядомасць грыбоў, калі яны не пакідаюць цёмных плям на срэбры або іх ядуць птушкі, слімакі, чарвякі і інш.

– Не спрабуйце сырыя грыбы на смак.

– Не купляйце грыбы ў выпадковых людзей.

– Не рэкамендуецца ўжываць у ежу грыбы людзям з захворваннямі органаў стрававання.

– Не ўжывайце грыбы, якія раней выклікалі захворванні ў вас, вашых сваякоў або жывёл.

– Атрутныя грыбы нярэдка растуць побач з ядомымі і могуць быць вельмі падобныя да іх.

– Памятайце, што нават ядомыя грыбы пры няправільным прыгатаванні і захоўванні могуць стаць неядомымі і таксічнымі.

– Нават ядомыя правільна прыгатаваныя грыбы павінны ўжывацца ў ежу ва ўмераных колькасцях у якасці гарніру, а не асноўнай стравы.

– Нельга захоўваць свежыя грыбы больш за суткі нават у халадзільніку.

5. Дыдактычныя матэрыялы