Sipat Lawin - Editoryal

ILAG! YABAG NG MATATAG

Ulat ni Karla Recacho

Pebrero 3, 2024 | Kartun ni: Joross Onsenada

Bagong Kurikulum, epektibo kaya? Habang patuloy na nahihirapan ang bansa sa learning poverty at sa patuloy na hamon ng post-pandemic na edukasyon, ang Department of Education (DepEd) ay naglulunsad ng bagong K to 10 curriculum na tinatawag nilang “MATATAG”. Pupuno na nga ba ito sa kakulangan ng K-12 o gagawin na namang trial and error ang mga estudyanteng sasalo ng kurikulum na ito?

Resulta ng K-12 Kurikulum

Ang K-12 program ay inumpisahan noong 2013 sa ilalim ng Republic Act 10533 o “Enhanced Basic Education Act of 2013”. Sa loob ng 10 taon mula nang ipatupad ang batas, walang nakitang pagbabago sa sistema ng edukasyon. Lalo pang nangulelat ang mga estudyante, partikular sa Science, Math at Reading Comprehension.

Kahit sa marami sa mga estudyanteng nagtatrabaho lalo na bilang call center agents habang tinitingnan, marami pa rin ang bumabatikos dahil hindi raw “job-ready” ang mga produkto sa curriculum na ito kung saan marami sa mga nag-aaral sa kolehiyo ay kailangan pang kumuha muli o sumailalim sa bridging classes para sa mga general education subject na dapat nilang natapos sa senior high school.

Pagkakaiba ng MATATAG Kurikulum sa K-12

Ayon kay Bise Presidente at DepEd Secretary Sarah Duterte, nasa 70% ng dating kurikulum ang tinanggal dahil sa paulit-ulit lamang at maaaring “nice to know” pero hindi talaga “must to know”, kaya isang essential learning competencies ang hatid ng bagong curriculum.

Bago sa kurikula ang “Makabansa” subject na tatalakay sa sining, kultura, lipunan, kasaysayan, physical education, at kalusugan. Palalalimin ang pagkilala sa sarili at bilang isang Filipino. Isa pang bago sa “Matatag” curriculum ang peace education na ukol sa pagkilala sa sarili, kahandaan sa mga kalamidad at trahedya, at usapin para sa tao o human security, at paghahanap ng mga mapayapang pamamaraan sa pagresolba ng mga ito. Pasok ito sa mga nasa grades I, IV at VII at sisimulan sa school year 2024 to 2025.

Ang problema sa edukasyon ang “higanteng problema” na hinaharap ng nakaupo nating presidente. Isa sa maaaring gawin ng ating presidente ay ang pagtatalaga ng mga opisyal at guro na tunay na sumusuporta at makatutulong sa kurikulum na ito. Dapat ding magbigay ng pagsasanay ang DepEd para sa mga guro sa paggamit ng unang wika (L1) ng bata upang mapabuti ang pag-unawa. Iniisip ng karamihan sa mga guro na ang L1 ay ginagamit lamang para sa back-translating. Gayunpaman, ang mga kamakailang kasanayan sa pedagogical sa pagbibigay ng "Pangunahing Suporta sa Wika" ay kinabibilangan ng maraming scaffolding technique tulad ng differentiation, Preview-View-Review (PRV), pagpapares/pagpapangkat, self-talk, pagkumpas, atbp.

Pero tulad ng K to 12, kuripot pa rin ang gobyerno para mag-eksperimento sa K to 10. Maraming tanong kung dapat bang tuluyang i-abolish ang K to 12 at palitan ng K to 10 MATATAG, kahit wala naman talagang resulta. Sa ngayon, umaasa ang lahat na magiging epektibo at makabuluhan ang tila pakikipagsapalaran na naman ng gobyerno sa pagkatuto ng mga mag-aaral.

TIGNAN