පිවිසුම් පිළිවෙත
කුරැසියේ ලකුණ
පියාණන් වහන්සේගේ ද පුත්රයාණන් වහන්සේගේ ද ශුද්ධාත්මයාණන් වහන්සේගේ ද නාමයෙන්.
ආමෙන්.
ආචාරය
අප සමිඳාණන් වන ජේසුස් ක්රිස්තුන් වහන්සේගේ වරප්රසාදයත්, දෙවි පියාණන් වහන්සේගේ ප්රේමයත්, ශුද්ධාත්මයාණන් වහන්සේගේ සහභාගිකමත්, ඔබ සියල්ලන් සමග පවතීවා.
ඔබ සමග ද වන සේක්වා.
හෝ:
අප පියාණන් වන දෙවියන් වහන්සේගෙන් සහ සමිඳාණන් වන ජේසුස් ක්රිස්තුන් වහන්සේගෙන් ලැබෙන සාමයත් වරප්රසාදයත් ඔබ සමග පවතීවා.
ඔබ සමග ද වන සේක්වා.
හෝ:
සමිඳාණන් වහන්සේ ඔබ සමග වන සේක්වා. සැදැහැවත්හු පිළිතුරු දෙති.
ඔබ සමග ද වන සේක්වා.
➕➕➕➕➕➕➕➕
පශ්චාත්තාප වීම
සහෝදර සහෝදරියෙනි, මෙම දිව්ය පූජා යාගය සිදු කිරීමට අප නිසි ලෙස සූදානම් වන පිණිස අපි අපේ පව් සිහිකර කමාව අයැද සිට්මු.
සර්වබලධාරි දෙවියන් වහන්සේට ද සහෝදර සහෝදරියනි ඔබට ද මා පව් කළ බව කියමි. සිතින්, වචනයෙන්, ක්රියාවෙන් සහ අතපසු කිරීමෙන් මම බොහෝ සේ පව් කෙළෙමි.
ඒ මාගේ වරදින් ය, මාගේ වරදින් ය, මාගේ මහත් වරදින් ය.
එහෙයින් භාග්යවන්ත නිත්ය කන්ය මරියතුමියගෙන් ද සියලු සුරදූතයන්ගෙන් හා ශුද්ධවන්තයන්ගෙන් ද මාගේ සහෝදර සහෝදරියනි ඔබගෙන් ද උදෙසා, අපගේ සමිඳාණන් වන දෙවියන් වහන්සේට යාච්ඤා කරන මෙන් අවනතව ඉල්ලා සිටිමි.
හෝ
අහෝ සමිඳාණනි, අපට කරුණා කළ මැනව.
- මක්නිසාදයත්, අප ඔබ වහන්සේට විරුද්ධව පව් කළ බැවිනි.
අහෝ සමිඳාණනි, අපට ඔබ වහන්සේගේ කරුණාව පෙන්නුව මැනව.
- ඔබ වහන්සේගේ ගැලවීම අපට දානය කළ මැනව.
හෝ
සිත් තැවුල් වූවන් සුවපත් කිරීම සඳහා එවනු ලැබූ, සමිඳාණනි, කරුණා කළ මැනව.
- සමිඳාණනි, කරුණා කළ මැනව.
පව්කරුවන් කැඳවා ගැනීම සඳහා වැඩම කළ, ක්රිස්තුනි, කරුණා කළ මැනව.
- ක්රිස්තුනි, කරුණා කළ මැනව.
පියාණන් වහන්සේගේ දකුණු පසෙහි වැඩ සිටිමින්, අප වෙනුවෙන් මැදහත් වන, සමිඳාණනි, කරුණා කළ මැනව.
- සමිඳාණනි, කරුණා කළ මැනව.
සර්වබලධාරි දෙවියන් වහන්සේ අපට කරුණාකර, අපගේ පව් කමා කර, සදා ජීවනයට අප පමුණුවන සේක්වා.
- ආමෙන්.
➕➕➕➕➕➕➕➕
සමිඳාණනි, කරුණා කළ මැනව.
- සමිඳාණනි, කරුණා කළ මැනව.
ක්රිස්තුනි, කරුණා කළ මැනව.
- ක්රිස්තුනි, කරුණා කළ මැනව.
සමිඳාණනි, කරුණා කළ මැනව.
- සමිඳාණනි, කරුණා කළ මැනව.
මහිම ගීතිකාව
අති උත්කෘෂ්ට මණ්ඩලයෙහි දෙවියන් වහන්සේට මහිමය ද
මිහිපිට සුසිත් දනන් හට සාමය ද වේවා.
දෙවි සමිඳාණනි, ස්වර්ගීය රජාණනි, සර්වබලධාරී දෙවි පියාණනි,
අපි ඔබ වහන්සේට ප්රශංසා කරමු,
ඔබ වහන්සේගේ ගුණ වර්ණනා කරමු,
ඔබ වහන්සේට වන්දනා කරමු,
ඔබ වහන්සේගේ මහිමය පළ කරමු,
ඔබ වහන්සේගේ අති මහත් මහිමය නිසා අපි
ඔබ වහන්සේට තුති පුදමු.
ඒක ජනිත පුත්ර වු ජේසු ක්රිස්තුනි,
දෙවි සමිඳාණනි,
දේව බැටළුපෝතකයාණනි,
පියාණන් වහන්සේගේ පුත්රයාණනි, ලොවේ පව් හරන ඔබ වහසේ,
අපට කරුණා කළ මැනව.
ලොවේ පව් හරන ඔබ වහන්සේ,
අපගේ යැදුම පිළිගත මැනව.
පියාණන්ගේ දකුණු පසෙහි වැඩ සිටින ඔබ වහන්සේ,
අපට කරුණා කළ මැනව.
මක්නිසාදයත්,
ශුද්ධාත්මයාණන් වහන්සේ සමග
දෙවි පියාණන් වහන්සේගේ මහිමයෙහි එක්ව වැඩ වසන්නා වූ ජේසු ක්රිස්තුනි,
එකම ශුද්ධ වූ තැනැන් වහන්සේ
ඔබ වහසේම ය,
එකම සමිඳාණන් වහන්සේ ඔබ වහසේම ය,
එකම අති උත්කෘෂ්ට තැනැන් වහන්සේ
ඔබ වහන්සේ මය. ආමෙන්.
පිවිසුමේ යාච්ඤාව
අපි යාච්ඤා කරමු
➕➕➕➕➕➕➕➕
දේව වචනයේ පිළිවෙත
පළමු ප්රකාශනය
දෙවියන් වහන්සේගේ ශ්රී වචනයයි.
දෙවියන් වහන්සේට ස්තෝත්ර වේවා.
පිළිතුරු තෙහෙලි ගීය
දෙවන ප්රකාශනය
දෙවියන් වහන්සේගේ ශ්රී වචනයයි.
දෙවියන් වහන්සේට ස්තෝත්ර වේවා.
සුපුවත් ජය නද
ශ්රී සුබාරංචිය ප්රකාශනය
සමිඳාණන් වහන්සේ ඔබ සමග වන සේක්වා.
ඔබ සමග ද වන සේක්වා.
සුවිශේෂක ............... විසින් ලියන ලද ශුද්ධ වු සුවිශේෂයෙන් කොටසකි.
සමිඳාණනි, ඔබ වහන්සේට මහිමය වේවා.
සමිඳාණන් වහන්සේගේ ශ්රී සුබාරංචියයි.
ක්රිස්තුනි, ඔබ වහන්සේට ප්රශංසා වේවා.
ධර්ම දේශනාව
➕➕➕➕➕➕➕➕
විශ්වාස ලක්ෂණය
එකම දෙවියන් වහන්සේ කෙරෙහි මම විශ්වාස කරමි.
අහස හා පොළොව ද පෙනෙන නොපෙනෙන සියල්ල ද මවා වදාළ සර්වබලධාරි පියාණන් වහන්සේ කෙරෙහි මම විශ්වාස කරමි.
එකම සමිඳාණන් වන ජේසුස් ක්රිස්තුන් වහන්සේ කෙරෙහි මම විශ්වාස කරමි. උන් වහන්සේ සැම කලටම පෙර පියාණන් වහන්සේගෙන් ජනිත වූ සේක. උන් වහන්සේ දෙවිඳාණන්ගෙන් දෙවිඳාණෝ ද ආලෝකයෙන් ආලෝකය ද සැබෑ දෙවිඳාණන්ගෙන් සැබෑ දෙවිඳාණෝ ද වන සේක.ජනිත වූ නමුත්, මවනු පියාණන් වහන්සේ සමග සමභවත්වයෙන් යුතුව නොලැබ, උන් වහන්සේ වැඩ සිටින සේක. උන් වහන්සේ මගින් සියල්ල මවන ලද්දේ ය. මිනිස් අප උදෙසා ද අපගේ ගැලවීම උදෙසා ද ස්වර්ගයෙන් බැස උන් වහන්සේ වදාළ සේක. තවද ශුද්ධාත්මයාණන් වහන්සේ කෙරෙන් කන්ය මරියාවන්ගෙන් මාංශ ගත වී, උන් වහන්සේ මනුෂ්යයා වූ සේක. උන් වහන්සේ අප උදෙසා, පොන්සියු පිලාත් යටතේ කුරුසියේ ඇණගසනු ලැබ, මරණ වේදනා විඳ උකුත් වී, තැන්පත් කරනු ලැබූ සේක. ශුද්ධ ලියවිලි පරිදි, උන් වහන්සේ තුන්වන දා උත්ථාන වූ සේක. උන් වහන්සේ ස්වර්ගාරෝහණව, පියාණන් වහන්සේගේ දකුණු පසෙහි වැඩ සිටින සේක. ජීවතුන් ද මළවුන් ද විනිශ්චය කරන පිණිස, ද උන් වහන්සේ මහිමාන්විතව නැවත වඩින සේක. උන් වහන්සේගේ රාජ්යයට කෙළවරක් නොමැත්තේ ය.
සමිඳාණන් ද ජීවදායකයාණන් ද වන ශුද්ධාත්මයාණන් වහන්සේ කෙරෙහි ද මම විශ්වාස කරමි. පියාණන් වහන්සේගෙන් හා පුත්රයාණන් වහන්සේගෙන් නික්මෙන උන් වහන්සේ, පියාණන් වහන්සේ හා පුත්රයාණන් වහන්සේ සමග එකම වන්දනාවත් මහිමයත් ලබන සේක. උන් වහන්සේ දිවැසිවරුන් මගින් කථා කළ සේක.
එකම වූ ද, ශුද්ධ වූ ද, කතෝලික වූ ද, අපෝස්තලික වූ ද, සභාව කෙරෙහි මම විශ්වාස කරමි.
පව්කමාව සඳහා එක ම බව්තිස්මයක් ඇති බව මම විශ්වාස කරමි.
මළවුන්ගේ නැවත නැගිටීම ද මතු පැමිණෙන සදාතන ජීවිතය ද මම බලාපොරොත්තු වෙමි. ආමෙන්.
➕➕➕➕➕➕➕➕
චතාරික කාලයෙත්, පාස්කු කාලයෙත්,
අපෝස්තුළුවරුන්ගේ විශ්වාස ලක්ෂණය උච්චාරණය කළ හැකිය.
අහස පොළොව මැවූ සර්වබලධාරි පිතාවන දෙවියන් වහන්සේ කෙරෙහි ද,
උන් වහන්සේගේ ඒක පුත්රවූ අපගේ සමිඳාණන් වන ජේසුස් ක්රිස්තුන් වහන්සේ කෙරෙහි ද මම විශ්වාස කරමි. උන් වහන්සේ ශුද්ධත්මයාණන් වහන්සේ විසින් ගැබ වැස කන්ය මරියයෝත්තමාවන්ගෙන් උපන්නාහ. පොන්සියු පිලාත් හට යටහත්ව වද විඳ, කුරුසියේ ඇණ ගැසුම් කා උකුත් වී, තැන්පත් කරන ලද්දාහ. පාතාලවලට බැස, තුන් වැනිදා මළවුන් කෙරෙන් උත්ථාන කර වදාරා, පරමණ්ඩලවලට නැගී සර්වබලධාරි දෙවි පියාණන් වහන්සේගේ දකුණු පාර්ශ්වයෙහි වැඩ සිටින්නාහ. එහි සිට ජීවතුන් සහ මළවුන් විනිශ්චය කරන්නට වඩින්නාහ.
ශුද්ධත්මයණන් වහන්සේ කෙරෙහි ද
සාන්ත කතෝලික සභාව කෙරෙහි ද
සාන්තුවරයන්ගේ සමෝස ධර්මලාභය කෙරෙහි ද
පාප ක්ෂමාව කෙරෙහි ද
මාංශ උත්ථානය කෙරෙහි ද
අනන්ත ජීවිතය කෙරෙහි ද
මම විශ්වාස කරමි. ආමෙන්.
විශ්වාසකයන්ගේ යාච්ඤාව
සමිඳාණනි අප කරන යාච්ඤා අසා වදාල මැනව
➕➕➕➕➕➕➕➕
ස්තෝත්ර යාගික පිළිවෙත
සහෝදර සහෝදරියනි, මාගේ සහ ඔබගේ යාගය සර්වබලධාරි දෙවි පියාණන් වහන්සේට ප්රසන්න වන පිණිස යාච්ඤා කරන්න.
තමන් වහන්සේගේ නාමයට ප්රශංසාවත් මහිමයත් අත්වනු සඳහා ද අපගේත් තමන් වහන්සේගේ මුළු ශුද්ධවූ සභාවෙත් යහපත සඳහා ද ඔබගේ හස්තවලින් සමිඳාණෝ මේ යාගය පිළිගන්නා සේක්වා.
පඬුරු මත යැදුම
අපි යාච්ඤා කරමු
ස්තෝත්ර යාගික යැදුම
සමිඳාණන් වහන්සේ ඔබ සමග වන සේක්වා.
- ඔබ සමග ද වන සේක්වා.
ඔබගේ හදවත් ඔසවන්න.
- සමිඳාණන් වහන්සේ වෙත ඔසවා සිටිමු.
අපගේ දෙවිඳාණන් වන සමිඳාණන් වහන්සේට ස්තුති කරමු.
- එය යෝග්ය හා යුතු වන්නේය.
සුවිශුද්ධය, සුවිශුද්ධය, සුර සේනාවන්ගේ දෙවි සමිඳාණෝ සුවිශුද්ධ ය.
අහසත්, පොළොවත්, ඔබ වහන්සේගේ මහිමයෙන් පිරී තිබේ.
උත්කෘෂ්ට මණ්ඩලයෙහි හෝසන්නා.
සමිඳාණන් වහන්සේගේ නාමයෙන් වඩින උතුමාණෝ භාග්යවන්ත ය.
උත්කෘෂ්ට මණ්ඩලයෙහි හෝසන්නා.
විශ්වාසයේ අභිරහස.
අපි විශ්වාස කරන අභිරහස ප්රකාශ කරමු
සමිඳාණනි, ඔබ වහන්සේ නැවත වඩින තෙක්, ඔබ වහන්සේගේ ශ්රී මරණය ප්රකාශ කරමු. ඔබ වහන්සේගේ උත්ථානයට සාක්ෂි දරමු.
හෝ
මේ පූපය අනුභව කරන, මේ කුසලානෙන් පානය කරන සැමවිට ම, සමිඳාණනි, ඔබ වහන්සේ නැවත වඩින තෙක්, ඔබ වහන්සේගේ මරණය අපි ප්රකාශ කරමු.
හෝ
ඔබ වහන්සේගේ ශ්රී කුරුසියෙන් හා උත්ථානයෙන් අප මුදාගත් ලෝකයේ විමුක්තිදායකයාණනි, අප ගලවා ගත මැනව.
➕➕➕➕➕➕➕➕
උන් වහන්සේ මගින් ද
උන් වහන්සේ සමග ද
උන් වහන්සේ කෙරෙහි ද
සර්වබලධාරි දෙවි පියාණනි,
ශුද්ධාත්මයාණන් වහන්සේ හා සමග
එක් ව වැඩ වසන්නා වූ ඔබ වහන්සේට,
සකල ගෞරවයත්, මහිමයත්, සදහට ම අත් වේවා.
- ආමෙන්.
➕➕➕➕➕➕➕➕
දිව බොදුන් පිළිවෙත
පරමණ්ඩලවල වැඩ සිටින, අපගේ පියාණනි ඔබ වහන්සේගේ ශ්රී නාමය ආරාධිත වේවා. ඔබ වහන්සේගේ රාජ්යය පැමිණේවා. ඔබ වහන්සේගේ කැමැත්ත පරමණ්ඩලයෙහි මෙන් මෙලොවෙහි ද ඉටු වේවා. අපගේ එදිනෙදා භෝජනය අද අපට දානය කළ මැනව. අපට වරද කරන අයගේ වැරදි අප කමා කරන්නාක් මෙන්, අපගේ වැරදි ද කමා කළ මැනව. පාප අවස්ථාවලට අසුවීමට අපට ඉඩ නොදී, අයහපතින් අප මුදා ගත මැනව.
සමිඳාණනි, සියලු අයහපතින් අප මුදාගන්නා මෙන් ද... අපගේ ගැලවුම්කරුවාණන් වන ජේසුස් ක්රිස්තුන් වහන්සේ නැවත පැමිණීමේ භාග්යවත් අපේක්ෂාවෙන් අපි වෙසෙන්නෙමු.
- මක්නිසාදයත්, රාජ්යය ද බලය ද මහිමය ද සදහට ම ඔබ වහන්සේගේ ය.
"සාමය ඔබ සමග තබා යමි. මාගේ සාමය ඔබට දෙමි" යි ස්වකීය ශ්රාවකයන් අමතා වදාළ ජේසුස් ක්රිස්තුස් සමිඳාණනි, ඔබ වහන්සේ අපගේ පාපයන් නොතකා, ඔබ වහන්සේගේ සභාවේ විශ්වාසය සලකා, ඔබ වහන්සේගේ කැමැත්ත පරිදි, එම සභාවට දයාන්විතව සාමයද, සමගිය ද දානය කළ මැනව. ඔබ වහන්සේ සදහට ම, වැඩ වසන සේක. රජකම් කරන සේක.
ආමෙන්.
සමිඳාණන් වහන්සේගේ සාමය ඔබ සමග නිතර ම පවතීවා.
ඔබ සමග ද වන සේක්වා.
අපි එකිනෙකාට සාමය පතමු.
ලොවේ පව් හරන, දේව බැටළු පෝතකයාණනි,අපට කරුණා කළ මැනව.
ලොවේ පව් හරන, දේව බැටළුපෝතකයාණනි, අපට කරුණා කළ මැනව.
ලොවේ පව් හරන, දේව බැටළුපෝතකයාණනි, අපට සාමය දුන මැනව.
මෙන්න දේව බැටළුපෝතකයාණෝ, මෙන්න ලොවේ පව් හරන තැනැන් වහන්සේ, උන් වහන්සේගේ භෝජනයට ආරාධනා ලද්දෝ භාග්යවන්තයෝය.
සමිඳාණනි, ඔබ වහන්සේ මා තුළ ට වඩින්නට මම සුදුස්සෙක් නොවෙමි. එහෙත්, වචනයක් පමණක් වදාළ මැනව. එවිට මාගේ ආත්මය සුව වන්නේ ය.
ක්රිස්තුන් වහන්සේගේ ශ්රී ශරීරය.
- ආමෙන්.
දිව බොදුනට පසු යාච්ඤාව
අප යාච්ඤා කරමු
සමාප්ත පිළිවෙත
සමිඳාණන් වහන්සේ ඔබ සමග වන සේක්වා.
ඔබ සමග ද වන සේක්වා.
සර්වබලධාරි දෙවි මහෝත්තමයාණන් වන ➕ පියාණන් වහන්සේ ද ➕ පුත්රයාණන් වහන්සේ ද ➕ ශුද්ධාත්මයාණන් වහන්සේ ද ඔබ ආශීර්වාද කරන සේක්වා.
- ආමෙන්
රාජගුරු ප්රසාදීන් වහන්සේ පවත්වන දිව්ය පූජා යාගයේදී
සමිඳාණන් වහන්සේ ඔබ සමග වන සේක්වා.
ඔබ සමගද වන සෙක්වා.
සමිඳාණන් වහන්සේගේ නාමය ආරාධිත වේවා.
දැනුත් නිතිපතත් එසේම වේවා.
අපගේ ආධාරය සමිඳාණන් වහන්සේගේ නාමයෙහි ය.
උන් වහන්සේ අහසත් පොළොවත් මැවූ සේක.
සර්වබලධාරි දෙවි මහෝත්තමයාණන් වන පියාණන් වහන්සේ ද ක පුත්රයාණන් වහන්සේ ද ෂු ශුද්ධාත්මයාණන් වහන්සේ ඔබ ආශීර්වාද කරන සේක්වා.
ආමෙන්
ආශීර්වාදය
දිව්ය පූජාව අවසානයි. සුබාරංචිය රැගෙන යන්න.
දෙවියන් වහන්සේට ස්තොත්ර වේවා.
හෝ
යන්න, සමිඳාණන් වහන්සේගේ සුබාරංචිය ප්රකාශ කරන්න.
දෙවියන් වහන්සේට ස්තොත්ර වේවා.
හෝ
සාමයෙන් යන්න. ඔබගේ ජීවිතයෙන් සමිඳාණන් වහන්සේ මහිමයට පත් කරන්න.
දෙවියන් වහන්සේට ස්තොත්ර වේවා.
හෝ
යන්න, සාමය රැගෙන යන්න.
දෙවියන් වහන්සේට ස්තොත්ර වේවා.