తెలుగులిపిలో స్వాగతవచనము: 

ఓం శ్రీగురుభ్యో నమః 

ఆదరణీయాః ౨౦౨౦-స్నాతకగణస్య సోదరసోదర్యాః,  

నమాంసి । స్వాగతమ్ ।

అద్య, వయం సర్వే ఉపాధిపత్రాణాం స్వీకరణార్థం సమాగతాః స్మః.। భవద్భ్యః సర్వేభ్యోఽభినన్దనాని ।

సుదీర్ఘకాలశ్రమఫలమిదమ్ । పరన్తు కేషాం శ్రమస్య ఫలమ్ ఏతత్? వయం ఏతావత్ అవర్ధామహి యతః, బహవః జనాః అస్మభ్యం అనిర్వచనీయ త్యాగాన్ అకుర్వన్. తేషు ప్రముఖాః సంతి అస్మాకం మాతృ, పితృ, గురు దేవాః । మాతః! నవమాసాన్ గర్భే ధృత్వా, జన్మ దత్వా, మాం వర్ధయితవతీ భవతీ; ఇదం మమ హృదయపూర్వకాభివన్దనమ్ । పితః! కుటుమ్బస్య మూలస్థమ్భం భూత్వా వికాసపథం అదర్శయత్; అయం మమ సాష్టాఙ్గప్రణామః । గురవః! సరస్వతీకటాక్షం దత్తవన్తః భవన్తః । అయం మమ ప్రాఞ్జలిః । అగణనీయాః ఇతరాః అపి మమ వర్ధనార్థం శ్రమితవన్తః । తేభ్యః అపి కృతజ్ఞతాః. సమర్ప్యన్తే । 

మాతృదేవో భవ । పితృదేవో భవ । ఆచార్యదేవో భవ ।  

ఆదరణీయ-సోదరసోదర్యాః! ఏతావత్ పర్యంతం, వయం విద్యార్థినః । ఇతఃపరం వయం దాయిత్వవన్తః భూత్వా లోకే వ్యవహరిష్యామః ।

అస్మిన్ అవసరే మమ ఆచార్యస్య వాక్యాని స్మరణపథే ఆయాన్తి । తస్య సారాంశః ఏవమ్ అస్తి - 

లోకే భిన్నాః శక్తయః భ్రమరాః ఇవ వర్తన్తే । మానవః కీటకవత్ అనవధానః అస్తి చేత్ భ్రమరాః తం భ్రమరకీటకన్యాయానుగుణం ఆవృణ్వన్తి । పరన్తు యది సః మానవః స్వధర్మే ప్రతిష్ఠితః భవతి, తర్హి ధర్మప్రసారితకాన్తికిరణాః తస్య హృదయకమలం వికాసయన్తి । తత్ కుసుమం భ్రమరాన్ సర్వాన్ ఆకర్షయతి. । తథా తే ఏవ భ్రమరాః ఆనన్దమకరన్దప్రసారకాః భవన్తి । 

తర్హి, వయం ధర్మపథమ్ అనుసృత్య లోకకల్యాణహేతుకాః భవేమ ।

ఉత్తిష్ఠత జాగ్రత ప్రాప్య వరాన్నిబోధత - ఇతి కఠోపనిషదః ఉపదేశం పాలయామ । సర్వే భవన్తు సుఖినః. । సర్వే సన్తు నిరామయాః. । సర్వే భద్రాణి పశ్యన్తు । మా కశ్చిద్దు:ఖభాగ్భవేత్ ।

ఓం శాన్తిః శాన్తిః శాన్తిః