غم زندگی کی قسم تجھے، میرا زخم تجھ سے چھپا نہیں

تو نے نا سنا میرا حال دل، مجھے پھر بھی کوئی گلا نہیں

رہی تشنگی رہا درد دل، کہ لبوں پے اس کا بیاں نہیں

ہم محو خواب رہے یوں ہی، شب و روز کا بھی پتہ نہیں

کٹی فکر میں میری ہر گھڑی، کہ جہاں میں اب تو ضیاء نہیں

کرے عشق رب جو اگر کوئی، تو یہ زندگی سے ریا نہیں

جہاں جیتنے کی ہیں خواہشیں، ہے مگر یہاں تو بقا نہیں

کیا کروگے محفل عیش کو، کہ یہاں تو کوئی جیا نہیں

اے رعدؔ!بڑا تو ہے ہٹ دھرم، نہیں کوئی تجھ سا بنا نہیں

ہے اگر تجھے حُب نبیؑ، تویہ دو جہاں میں دغا نہیں