أناشيد الجراميز

كان في تمساح                     وغوريلا كبيرة

وحيتين صغار                       وحمامة بتطير

وبيسي وفارة وفيل              وهـ الجمع مش قليل

وما ناقص هـ الجمعة غير وحيد القرن

C-1

كان في بيت في غزال           عم يطلع من الشباك

لاقا ارنب عم بينط                  وعم بيدق عالباب

غزال عزال افتح لي              جايي الصياد يقتلني

ارنب ارنب ادخل لي                            وسلم علي

C-2

جرموز ينادي أغيثوني

انا في الحفرة طلعوني

دفشني القائد .........

جيبو الحبل وطلعوني

حالي حالي حال بالي بالي بال

حالي حالي حال مالي مالي مال

C-3

نحن الاشبال زي العصافير

منحب نطير ونغني كتير

نحن الاشبال

منلعب ومنمرح في الهوا نطير

منقلد فيل ابو انف طويل

نحن الاشبال نحن الاشبال

نحن الاشبال

وين هالاشبال هالاشبال

اكيلا قال هالاشبال

نزلو عالغابة هالاشبال

مثل الحطابة هالاشبال

اصطادو غزال هالاشبال

شوا عشية هالاشبال

اكلو بشهية هالاشبال

C-5

نحن الأشبال بال بال منشد حبال بال بال

منطلع جبال بال بال ما معنا مال مال مال

معنا رسمال شو هوي شو هوي

قائد أشبال قائد أشبال

C-6

ياريتني حبة بشار                    بنط بقلب الطنجارة

ببرم هيك وببرم هيك               و بنط بقلب الطنجرة

C-7

جراميزنا هالأبطال نزلو الليلة عالساحة

زيحو من دربهم يا صغار عم نحكي بصاراحة

بربر بربتنا هيدي الساحة ساحتنا

واللي بدو يتحدى نكسر راسو بصرختنا

C-8

كركديلا هي   ماما        كركديلا هي (2)

شبل نظيف           دائم نظيف        يحب النظافة         ماما كركديلا هي

زهرة فواحة         دائم مرتاحة      تحب الصراحة     ماما   كركديلا هي

C-9

رزق الله عالعربيات وعلى ايام العربيات

من بيت جدي لبيت ستي يبقو يضلو 3 ساعات

عربية جدي لونين كانو يجروها حصانين

ولما يروحو على الصيفية يضلو بالسفرة يومين

يا مشاوير حلوه كتير يقضو عمرون على الطرقات

رزق الله عالعربيات وعلى ايام العربيات

من بيت جدي لبيت ستي يبقو يضلو 3 ساعات

ولما تكون الدرب طلوع وحيل العربية مقطوع

جدي يقول لستي انزلي امشي قدامي على الكوع

وشوك وقش وغبرة ترش وترجع ستي بلا كلسات

رزق الله عالعربيات وعلى ايام العربيات

من بيت جدي لبيت ستي يبقو يضلو 3 ساعات

ولما راحو رحلة بأيلول والدني تشتي على طول

ستي صار فستانها يصفي ونزلو شوارب جدي نزول

شرد الخيل بهاك الليل وما رجعو غير صبحيات

رزق الله عالعربيات وعلى ايام العربيات

من بيت جدي لبيت ستي يبقو يضلو 3 ساعات

C-10

شوفوا شوفوا نحن مين     نحن الأشبال مبسوطين

بالكشاف إجتمعنا                حتى نصير مسؤولين

نظافة وصدق وتهذيب                  أكيلا بيعلمنا

ومحبة وطني الحبيب              والإخلاص لفرقتنا

الشجاعة والإحترام            صرخات وأغاني منقول

والأهم هو النظام               نطيع أكيلا على طول

C-11

هيا يا أشبال نشكل القطار نصعد الجبال وننزل البحار

نجدد العزيمة لبلادنا العظيمة تش تش توت تش تش طا

C-12

اكيلا جي امتى                 جي الساعة ستة

راكب ولا ماشي                    راكب بسكلته

حمرا ولا بيضا               بيضا زي القشطه

وسعولو السكة              واضروبلو سلام

واضروبولو سلام

C-13

في ضفدع بالمستنقع *2

يا ينقنق يا ما ينقنق يا ما ينقنق بالمرة

تع تس تس تع.. تس تس تس تع

C-14

جراميز جراميز نحن الجراميز                   والي بيرفع راسو منعملو كبيس

منعملو تبولي او شي حبة فولي                       نحن نحن بأمرك يا اكيلا

C-15

(على وزن لحن الحلم العربي)

أشبال ورا أشبال   ربيت على عهدنا

بحركة كشفية واعدة    بتنور دربنا

صادق في كل مكان    طريقنا عهد ووفا

يبقى الفؤاد عنوان    شراع للمعرفة

يا ربنا احفظ لنا لبناننا يا ربنا ربنا

C-16

كان أكيلا عِندَ ست أشبال.. ستّ أشبال 2

كان أكيلا عِندَ ست أشبال.. السِتة كانوا شاطرين.

واحد مِنهُمْ كان موسيقي.. كان موسيقي 2

واحد مِنهُمْ كان موسيقي.. كان يرَقِصّ سعادين.

واحد مِنهُمْ كان كِندَرجي.. كان كندرجي

واحد مِنهُمْ كان كندرجي.. كان يصَلّح صبابيط.

واحد مِنّهُمْ كان حَداد.. كان حداد 2

واحد مِنهُمْ كان حداد.. كان يحَدِد شَبابيك.

واحد مِنهُمْ كان نَجار.. كان نَجار2

واحد مِنهُمْ كان نَجار.. كان ينَجِر قباقيب.

واحد مِنهُمْ كان خَياط.. كان خَياط 2

واحد مِنهُمْ كان خَياط.. كان يخَيط فَساطين.

واحد مِنهُمْ صار أكيلا.. صار أكيلا 2

واحد مِنهُمْ صار أكيلا.. صار يدرّب القَطيع.

C-17

أيّ، أيّ يا سناني، سِنّي موَجع خَلّاني،

أخدِتني الماما، ورَحِتْ، عِند طَبيب الأسنانِ،

حَطَلّي مَرهَمّ خَفيف، ما وجَعني شو خَفيف،

قالّيِّ كِلّ يوم قَبلّ النوم، نَظِفّ أسنانَك تِنظيف.

C-18

بدي شوفك كل يوم                 يا أكيلا

وما تغيب عني ولا يوم            يا أكيلا

وتنبه عليّ                    عبكرا وعشيّة

ونعيش بحرية                      يا أكيلا

C-19

اكيلا عندو حق                                                شريخان محتال

لالا ما تقولو لا                                                   شريخان محتال

C-20

ماما جابتلي بالـــون                يا عيني يا عيني

أحمر وأصـفر اللون                يا عيني يا عيني

نفخنوا تصـــار كبير                يا عيني يا عيني

ونفستو تصار صغير               يا عيني يا عيني

C-21

ماما جابتلي بالـــون                يا عيني يا عيني

أحمر وأصـفر اللون                يا عيني يا عيني

نفخنوا تصـــار كبير                يا عيني يا عيني

ونفستو تصار صغير               يا عيني يا عيني

C-22

كانوا الأشبال على النبعة          اجو القطيع صرنا جمعة

طلب أكيلا شي صرخة               السادوس الازرق ولعها

السادوس الازرق ولعها

C-23

موغلي يصطاد    موغلي يصطاد

إصطاد شريخان  إصطاد شريخان

سلخولو جلدو        سلخولو جلدو

مات مات مات       راح راح راح

C-24

جرموز انا جرموز انا والكل بيعرف من انا *2

شكلي ظريف اسمي لطيف واطيعوا اكيلا دائما

C-25

كان عنا مخيم عنبع المي             ادامو ساحات مزروعة فيّ

قائد كان بهالســاحـات                           يعلّـــم غنيــــــــات

ويبقوا الزهرات بهالساحات     شي معهن صحون شي كبايات

رايحين جايين عطول الطريق                  تنشــــــد غنيــــات

ويــــاي يــــاي يـــــاي                           يا سهر الليـــــالي

شي ســـــهرة نــــــــار                          جايي علبالـــــــــي

غنّــــــي آه غنّـــــي آه                           غنّي عهالطرقــات

C-26

ق قطيع دوماً مطيع

ط طلتنا حلوي كتير

يـ يا ريت فينا نضل

عـ علينا شغل كتير

نحنا رجال المستقبل

ونحن زهرات ما بندبل

طول ما كشافنا بيكمل

بدنا نضل بل قـ قطيع

C-27

أنا شبل ولابس فولار يا عيني يا عيني

شو حلو ولونو أصفر يا عيني يا عيني

بدله حلوه بالفولار يا عيني

يا عيني على الفولا يا عيني

بدلة نضيفي على طول يا عيني يا عيني

مرتبه على طول يا عيني يا عيني

وأمي بتكويلي الفولا يا عيني

يا عيني على الفولار يا عيني

حبسة فولاري من القش يا عيني يا عيني

متيني وما فيها غش يا عيني يا عيني

فيها بربط الفولار يا عيني

يا عيني على الفولار ياعيني يا عيني

C-28

بطلع بعيني وبتسمع بديني

بطلع بعيني وبتسمع بديني

بشم الوردة بأنفي وبدوق الطعمة بلساني

بشم الوردة بأنفي وبدوق الطعمة بلساني

وبإيدي بلمس لمسه هيدي الحواس الخمسه

وبإيدي بلمس لمسه هيدي الحواس الخمسه

C-28

كان في شبل وبرعم صغير

بري وبحري وجوي بطير

وقائد وجوال والكل عال العال

بس أحلى فرقة الأشبال

C-29

بتقدر أو لاء إنك تكون بالقطيع

بتقدر أو لاء إنك لأكيلا تكون كتير مطيع

بتقدر أو لاء إنك تصرخ بجنون

بتقدر أو لاء إنك تكون كمان مهضوم

يلا قلي إذا بقدر أو لاء عنجد

ركض ورانا شريخان وما لأطنا بعد

اسماع منيح افهام منيح أحلى جراميز بالقاطيع

اسماع منيح افهام منيح أحلى جراميز بالقاطيع

ما بنتعب ولعبنا كل لنهار

تفتيش صباحي من هون

رقصة بالغابة من هون

سكتش بسهرة نار من هون

كل واحد منا بلون

C-30

Pill banana pill pill banana

Pill banana pill pill banana

Chop banana chop chop banana

Chop banana chop chop banana

Smooth banana smooth smooth banana

Smooth banana smooth smooth banana

Eat banana eat eat banana

Eat banana eat eat banana

W gooooo banana go go bananaaa

W gooooo banana go go bananaaa

C-31

نحن الاشبال هاي هاي جينا عالحال هاي هاي

قائدنا صفر (تصفيق ثلاث ضربات)

وبأيدو أشر (تصفيق ثلاث ضربات)

اركض اركض عالسريع وبايدك زهر الربيع

اركض اركض عالسريع وبايدك زهر الربيع

C-32

شو ما بقول ردو ورايي... 

كان في بطة صفراوية

عم تسبح بل بريي

شافوها الشيرخانية

قالولا وين تذكرتك؟

قالتلون نسيتا بل بيت

قالولا مشي علكركون 

قالتلون pardon pardon

pardon pardon شو قالتلون؟

C-33

خلصت، خلصت، جمعتنا وكانت جمعة حلوة كتير

بيباي، بيباي، بيباي يا أشبال

غنينا وتجمعنا وأحد الجاي موعدنا

بيباي، بيباي، بيباي يا أشبال

C-34

زيئ زيئ                 زيئ زيئ

زيئ                    زيئ   فااااان

فان فان                      فان فان

فان     فان                   بيييييب

بيب بيب                      بيب بيب

بيب     بيب                     بااااي

باي باي                       باي باي

باي باي بااااي

C-35

الماما الماما ماماتي             إنتي أمل حياتي

عاشت عاشت الماما      عاش البابا وإخواتي

C-36

اللازمة: يلا بينا يا اولاد ايا ايا اوا

عجنينة الحيوانات ايا ايا اوا

نشوف البيسي نو البيسي نو البيسي نو نو نو

اللازمة

نشوف البوبي عو البوبي عو البوبي عو عو عو

اللازمة

نشوف الديك كيكي الديك كيكي الديك كيكي كيكي كيكي

اللازمة

نشوف الغنمة ماء الغنمة مائي الغنمة ماء ماء

اللازمة

نشوف البقرة باء البقرة باء البقرة باء باء باء

اللازمة

C-37

يا ولاد يا صغار اجا الاوتوكار (2)

بصوتوا هالشادي بينادي يا ولادي

يا ولاد يا صغار اجا الاوتوكار (2)

بيجي قبل النور (بياخدنا بكير 2)

عالمدرسة تنلعب مع رفقاتنا بالملعب

يا ولاد يا صغار اجا الاوتوكار (2)

C-38

مرحباً بالزهر والسنابل والعيون السود والربيع

سنغني كلنا نغني ليسود السلم والربيع

C-39

جيتو جبت الميكرو سكوبي تا أتفرج عالنملة

لقيتا قد الديناصوري ما صدقة عيني

يا سبحانك يا الله هالدنني شو غريبي

حدا بيقلك نملة فيها شي نية شغله

C-40

كان في فيل                                                      حجمو كبير

شاف النملة                                                       وحبها كتير

والنملة عرفة بالقصة                       وخافة على حالها من الجرصة

عرفتو ليش                                                                لا ليش

فهمتو ليش                                                                 لا ليش

قال بيها معصب كتير وههههههه

في مرة انعزمو على حفلة                            وراحو عليها نقلة نقلي

ووقة الرقص ترم ترم تم                          قامو عالرقص ترم ترم تم

نط الفيل وقال اييييي

عرفتو ليش                                                                   لا ليش

فهمتو ليش                                                                 لا ليش

قال دعست على اجرو النملة وههههههه

C-41

طرزان

طرازان

عم يتمرجح على اللحبال

طرازان

زحط وقع بالشلال

ييه يا حرام

وجيين

وجيين

عم تزحلط على الشجرة

زحطت وقعت على الصخرة

ييي يا حرام

طاطا

ساعدو لطرازان

واخدو عند جيين

وعاشو كلهم مبسوطين

ييي شو منيح

C-42

فئش فئش بإيدي..

زقف زقف بإيديك..

نفخ نوفيخة صغيره..

خبط خبط بإجريك..

واضحك ضحكه من قلبك.. ههههههه

C-43

قالو دق المية على راسي تنزلي كتاكيت حلو تصاصي الو ايه الو ايه

قالو دق المية على الحيطة تنزلي كتاكيت حلو بزيطة الو ايه الو ايه

قالو دق المية على كرشي تنزلي كتاكيت حلو بتمشي الو ايه الو ايه

C-44

موكلي يلي منحبو كتير

شوفو اكيلا ملك الغابات

وهاتي عم يلعب بقلب المياة

وتباكي متل العادة محتال

وبالوا عم يرقص ولا على بالو بال

غنو سوا بوم بوم بمبام

العبو سوى متل لبلحكايات

غنو سوا بوم بوم بمبام

حلوه سوى حياتنا بالقطيع

مع الجراميز والزهرات الحلوين

مبسوطين منضلنا مبسوطين

مع اكيلا لمنحبو كتير

شوفو بالو هالدب الحنون

يلي علم موكلي القانون

نحن نازلين نطبق القانون

كتير حلوة كتير حياتنا بالقطيع

غنو سوا بوم بوم بمبام

العبو سوى متل لبلحكايات

غنو سوا بوم بوم بمبام

حلوه سوى حياتنا بالقطيع

C-45

جارنا جبرا فخت دولابو

وصلحو بالمستكه

C-46

حجر على حجر والبيت بيتعمر

سني ورا سني ولصغير بيكبر

ايد بأيد بأيد منملى الدنيا عيد

قلب على قلب منملى الدنيا حب

C-47

بوبي هب هب هوهو

بس بس جاوب نونو

بين الهب الهب والنونو غابت شمس وطلع الضو

بس بس ماشي خلف فراشه

فراشة بأربع خمس ألوان

بوبي شاف البسبس ماشي مش مهتم ولا سألان

عقلو طار ضرب وطار صار ينط بقلب الدار

على طول تكهرب الجو

بوبي هب هب هوهو

بس بس جاوب نونو

بين الهب الهب والنونو غابت شمس وطلع الضو

بسبس صار يفتل شنبو ويمشي ويحدي على الميلين

بوبي قام عضو وضربو وقلو ضربني ان كنت بسين

ضربو البس وقلو حس حس على دمك بقى حس

لو بتشوفو الفرحة ولو وووووو

بوبي هب هب هوهو

بس بس جاوب نونو

بين الهب الهب والنونو غابت شمس وطلع الضو

C-48

انا بغني كبير جاي على لبنان

ونحن عازفين صغار في عنا برهان

بتعزف على البيانو

بيانو بيانو بيناولا بيانو بيانو بيناولا

انا بغني كبير جاي على لبنان

ونحن عازقين صغار في عنا برهان

بعزف على الدربكة

دربك دربك دربكلي دربك دربك دربكلي

انا بغني كبير جاي على لبنان

ونحن عازقين صغار في عنا برهان

بتعزف على الغيتار

غيتار غيتار غيترلا غيتار غيتار غيترلا

C-49

الضفدع لصغير

الضفدع لصغير بليل بتعمل

نحن منعرف انو الضفادع شدا بداه

بس ما بتعمل

C-50

نحن الأرانب نحن الأرانب

نجري ونلعب في كل جانب

نحن الثعالب نحن الثعالب 

نجري وانسطوا على الثعالب

نحن الأرانب نحن الأرانب

نجري ونلعب في كل جانب

نحن الثعالب نحن الثعالب

نجري ونسطوا على الأرانب

بالله عليك اعطف عليا 

انا واحيدة لي والدي

كلا وكلا كلا وكلا

انا منذ الامس ما ذقت الاكل

نحن الأرانب نحن الأرانب

نجري ونلعب مع الثعالب

نحن الثعالب نحن الثعالب

نجري ونلعب مع الأرانب

C-51

إني أغنى تحت المطر

قائد يغني تحت المطر

ايدك فوق لسانك برا

سك سك هيك وسك سك هيك

C-52

شو رأيك إيد وحدة عندي لأ عندي إيدتين تنين

ما بزقف بالإيد الوحدة تزقف لازم إيدتين

هيدي إيدي فيها كف وهيدا كف صاروا كفين

والكف مش لأضرب كف الكف لحتا إحمي العين

C-53

زوزو فوق المية زوزو تحت المية

زوزو اصطاد عصفورة اصطادها وهي طايرة

حط ايدك جوا وضهرها لبارا هزا هزا هزا ونط ثلاث نطاط

(اجرك، راسك، كوعك، لسانك، خصرك .....)

C-54

طُقّ، طُقّ، طُقّ، طُقّ (2)، مينّ إللي بِدِقّ الباب؟

أنا الصِحة إفتاحولي، مِشتاق ليكُمّ يا أولاد (2)

شوفوا شو حامل بإيدي، فرشاية، ومَعجون أسنان،

بحُطّ شوية، بفرشي شويِّ، بيطلعلي أبيضّ أسنان

دَخلِكّ يا ماما اسمَعيني، ما بَدي مِنكُ شي كتير،

بَدي ثيابي تكون نظيفة، كِلّ يوم عبُ6كرا بَكير (2).

C-55

هندي صغير شرع في الرقص هندي صغير شرع في الرقص واختار صديقة هي

واختار صديقة هي

اي يا ميامي اي شاي مي شامي

اي يا ميامياي شاي مي شامي

بالوم بالوم بالوميبالوم بالوم بالومي

ادولي دواليادولي دوالي

C-56

رح نعمل لعبة جديدة وحنسميها اسم جديد

لعبة ما ببلادي بعيدة لعبة كلها صنع الايد

عليها رح نكتب اسامينا بالخط العربي الواضح

لونها باجمل ألوان يشوفها الجاي والرايح

لح اكتب اسم البابا واسم الماما والجيران

وما رح أنسي اسم بلادي حتى ما ينسو العنوان

C-57

كل العالم بتزقف

كل العالم بتزقف (3 زقفات)

زقف زقف لا توقف (3 زقفات)

اديها ثلاث (3 زقفات)

واخرى ثلاث (3 زقفات)

واحد (زقفة واحدة)

واحد (زقفة واحدة)

عالوحدة ونص (زقفة ونص)

زوادة ونص (زقفة ونص)

زوادة كمان (زقفة ونص)

نختمها بايه (3 زقفات)

زقفة كشاف

C-58

كل العالم بتزقف

كل العالم بتزقف (3 زقفات)

زقف زقف لا توقف (3 زقفات)

اديها ثلاث (3 زقفات)

واخرى ثلاث (3 زقفات)

واحد (زقفة واحدة)

واحد (زقفة واحدة)

عالوحدة ونص (زقفة ونص)

زوادة ونص (زقفة ونص)

زوادة كمان (زقفة ونص)

نختمها بايه (3 زقفات)

زقفة كشاف

C-59

يلا نزقف يلا نغني فرحانين

الفرحة بتيقى بسمة وعيد مجتمعين

يلا تنغني سوا ونزقف سوا سوا

حلوي الهيصة لما نبقى مبسوطين

Youipi ya ya ya youipi yo

يلا نزقف ايد بايد قلب بقلب

يلا نفرح شو بيفيد زعل القلب

نيالو الهوى فرحان وبخلي خيو الانسان

يفرح يرقص حتى يغني بنص الدرب

Youipi ya ya ya youipi yo

ايد بايد نصرخ صرختنا

بالمحبة وحد بتكمل فرحتنا

خلقنا تنغني ونقول

يا فرحةو ضلك عطول

معنا انتي يا ميزان محبتنا

Youipi ya ya ya youipi yo

C-60

ماما بتضحك   هاهاهاها (ناعمة)

بابا بيضحك هاهاهاها (خشنة)

ستي بتضحك هي هي هي هي

جدي بيضحك هو هو هو هو

خيي بيضحك اه اه اه اه

ونحنا بنضحك (كل الضحكات)

C-61

انا بريق شاي المنيوم الي ايد معكوفي وزرزوبي

بيرفعوني بالعالي بصب عليهم شاي غالي

إذا شي نهار نسيوني والنار بتحرق يا عيوني (2)

دغري بتبكي الزرزوبي وبتزرزب عاجيوبي

بوق بوق بوق بوق بوق بوق

انا بريق شاي عم يغلي   والشاي بوق بوق بوق اريحلي

انا كلماتي مكتوبي انا شاياتي مسكوبي

بوق بوق بوق بوق بوق بوق

C-62

بليلة من آذار مدري شو للي صار

إجى الديب وأكل القرقور،القرقور البعدو زغيور

ولما كبروا قرونو صار يغمز بعيونه ضيعانك ضيعانك ضيعانك يا قرقور

بليلة من آذار مدري شو للي صار

إجى الكلب وأكل الديب، الديب اللي أكل القرقور، القرقور البعدو زغيور

ولما كبروا قرونو صار يغمز بعيونو ضيعانك ضيعانك ضيعانك يا قرقور

بليلة من آذار مدري شو للي صار

إجت العصا وضربت الكلب، الكلب اللي أكل الديب، الديب اللي أكل القرقور، القرقور البعدو زغيور

ولما كبروا قرونو صار يغمز بعيونو ضيعانك ضيعانك ضيعانك يا قرقور

بليلة من آذار مدري شو للي صار

إجت النار وحرقت العصا العصا اللي ضربت الكلب، الكلب اللي أكل الديب، الديب اللي أكل القرقور، القرور البعدو زغيور

ولما كبروا قرونو صار يغمز بعيونو ضيعانك ضيعانك ضيعانك يا قرقور

بليلة من آذار مدري شو للي صار

إجت المي وطفت النار النار اللي حرقت العصا، العصا اللي ضربت الكلب، الكلب اللي أكل الديب، الديب اللي أكل القرقور، القرقور البعدو زغيور

ولما كبروا قرونو صار يغمز بعيونو ضيعانك ضيعانك ضيعانك يا قرقور

بليلة من آذار مدري شو للي صار

إجت البقرة وشربت المي، المي اللي طفت النار، النار اللي حرقت العصا، العصا اللي ضربت الكلب، الكلب اللي أكل الديب، الديب اللي أكل القرقور، القرقور البعدو زغيور

ولما كبروا قرونو صار يغمز بعيونو ضيعانك ضيعانك ضيعانك يا قرقور

بليلة من آذار مدري شو للي صار

إجى اللحام وذبح البقرة، البقرة اللي شربت المي، المي اللي طفت النار، النار اللي حرقت العصا، العصا اللي ضربت الكلب، الكلب اللي أكل الديب، الديب اللي أكل القرقور، القرقور البعدو زغيور

ولما كبروا قرونو صار يغمز بعيونو ضيعانك ضيعانك ضيعانك يا قرقور

بليلة من آذار مدري شو للي صار

إجى الموت وأخذ اللحام، اللحام اللي ذبح البقرة، البقرة اللي شربت المي، المي اللي طفت النار، النار اللي حرقت العصا، العصا اللي ضربت الكلب، الكلب اللي أكل الديب، الديب اللي أكل القرقور، القرقور البعدو زغيور

ولما كبروا قرونو صار يغمز بعيونو ضيعانك ضيعانك ضيعانك يا قرقور

C-63

وين الصقفة العاليه.. هاي الصقفة العالية

وين الصقفة الواطية.. هاي الصقفة الواطية

وين الصففة البطيقة.. هاي الصقفة البطيقة

وين السقفة السريعة.. هاي السقفة السريعة

وين الصقفة المجنونة.. هاي الصقفة المجنونة

C-64

شو ما بقول عيدو وراي

في غنية حلوة كتير

وهالغنية ما أحلها

والشاطر بدو يغنيها

دوب يا صحن السكر

وقع مني وانكسر

ويلي شافو ما لمو

راح اشتكى لأمو

يي فرطت مسحبحتي

يي لمولي إياها

يي حردت بنت اختي

يي راضولي إياها

يي قلينا طاطا

مع السلطة

دوب يا صحن السكر

وقع مني وانكسر

ويلي شافو ما لمو

راح اشتكى لأمو

C-65

او لالا تيري يا او لالا كوكو                   يا اولالا تيري يا هواا

ملاحظة: كوكو فقط التي تتكرر

C-66

دجاجة ستي فلومينا يه ييخزي العين      لو جينا حتى نزينا بتطلع شي رطلين

دجاجة ستي مغرومة بالديك الرومي        ما بتاكل غير نعومي كيلو يا اتنين 

C-67

قولولي يا ناس ماذا تعرفون (*2)

هل تعرفون اللعب بالمزمار (*2)

مزمر مزمر مزمر (*2)

قولولي يا ناس ماذا تعرفون (*2)

هل تعرفون اللعب بالطبلة (*2)

طبلة طبلة طبلة (*2)

مزمر مزمر مزمر (*2)

قولولي يا ناس ماذا تعرفون (*2)

هل تعرفون اللعب بالبيانو (*2)

بيانو بيانو بيانو (*2)

طبلة طبلة طبلة (*2)

مزمر مزمر مزمر (*2) 

C-68

شو صار بأصحاب الفيل ليش هني شو عملوا (2)

بدن يهدوا الكعبة ولا الله ما يصلو

نيالك بالك طويل شو صار بأصحاب الفيل (2)

الله أرسل ابابيل طيور وبالسماء تطير

وترمي حجارة من سجيل والكافر الله يذلوا

والكافر الله يذلوا

في عنا شجرة قدام البيت

نلعب بفياتها ونعمر بيت

شجرتنا عتيقة خضرا كتير كتير

بتوعا من عبكرا فيها العصافير

نبقى انا واختي بلعب بها الفي

ومن فرحتنا نطير نطير

مرة من عبكرا وعينا وكان بكير

لقناها مقصوصة وراحوا العصافير

وما عاد عنا في بوقت الضهرية

زعلنا كتير كتير

C-70

زَرعنا جَزرة، في وَسطِ البُستان،

سَقاها أبي، عاشتْ في أمان، كَبُرَتْ في حَجمِها، عَظُمتْ في جِذعِها،

أتى لِيقلَعَها، لِمْ يقدِر لَها.

فَرأتهُ أُمي: جاءت بِعَجل، أمسَكَهُ بِنَشاط، مِنْ غيرِ كَسلّ،

أُمي أمسَكتْ أبي، أبي أمسَكَ الجَزرة،

شادوا، شادوا، لم قَلَعوها.

فرأتهُمْ أُختي: جاءت بِعَجل، أمسَكَهُمْ بِنَشاط، مِنْ غيرِ كَسلّ،

أُختي أمسَكتْ أُمي، ُأمي أمسَكتْ أبي،

أبي أمسَكَ الجزرة، شادوا، شادوا، لم قَلعوها.

فرآهُمْ كَلبي، جاءَ بِعَجَلّ، أمسَكَهُمْ بِنَشاط،

مِنْ غيرِ كَسلّ، كَلّبي أمسَكَ أُختي،

أُختي أمسَكَتْ أُمي، ُأمي، أمسَكتْ أبي،

أبي أمسَكَ الجَزرة، شادوا، شادوا، لَمْ يقلَعوها.

فرآهُمْ هِرّي، جاءَ بِعَجلّ، أمسَكَهُمْ بِنَشاط،

مِنْ غيرِ كَسلّ، هِرّي أمسَكَ كَلّبي،

كَلّبي أمسَكَ أُختي، أُختي أمسَكَتْ أُمي،

أُمي، أمسَكتْ أبي، أبي أمسَكَ الجَزرة،

شادوا، شادوا، لَمْ يقلَعوها.

فرآهُمْ جِرذي، جاءَ بِعَجَلّ، أمسَكَهُمْ بِنَشاط،

مِنْ غيرِ كَسلّ، جِرذي أمسَكَ هِرّي،

هِرّي أمسَكَ كَلّبي كَلّبي أمسَكَ أُختي،

أُختي أمسَكَتْ أُمي، أُمي، أمسَكتْ أبي،

أبي أمسَكَ الجَزرة، شادوا، شادوا، فقلَعوها

C-71

3mi mkrkb 3ndo farm eya eya ooo

Wbe hal farm 3ndo djej eya eya ooo

Bak bak hon bak bak honik

Bak hon bak honik wen ma ken bakbak

W3mi mkrkb 3ndo farm iya oya ooo

W be hal farm 3ndo bsen iya iya ooo

Myaw myaw hon myaw myaw honik

Myaw hon myaw honik wen ma ken myaw myaw…

C-72

نام بكير وفيق بكير   رح بتلاقي الخير كتير

وحتى توعى وتتنشط           غسل وجك وتمشط

وعمل جهدك ما تنسى    تفرشي سنانك ما تنسى

حرك مسواكك عمهل       وما تتصرف على عجل

ما تترك قص الاظافر     بتتجمع فيها الاوساخ

انت الربحان وظافر       وعدوك احتار وداخ

لما بيجي وقت الليل   والاولاد صاروا نايمين

حاول تبقى طول الليل        نايم عجنب اليمين

قبل الأكل وبعد الأكل    غسل بالصابون ايديك

وامضغ أكلك على مهل      بتهون الاكل عليك

قلل من اكل الطعام    حتى تكون كتير مرتاح

بالاكل الصحي يا سلام      ايامك فيها افراح

بالرياضة البدنية    بتقوى الدورة الدموية

بتخلينا عالتمام        لما بفيق عالصبحية

اسمع مني وتعلم          وجسمك بالمى نحمم

وما تترك هالتوجيهات    حتى ما تصير تتألم

C-73

طارت الطيارة طارت طارت الطيار..  وفاتت بالقطيع فاتت فاتت بالقطيع

وصار لونا اصفر صار صار لونا اصفر

C-74

أعطيني ايد يمين اعطين ايد شمال

اعطيني ايد يمين شمال اعطيني الإيدتين

أعطيني رجل يمين اعطين رجل شمال

اعطيني رجل يمين شمال اعطيني الرجلتين

C-75

سيارات سيارات

يا عجقة السيارات

ناس بتمشي وناس بتركض وناس بتعلق على الطرقات

يا شوفير السيارة على مهلك على الإشارة

حاجي تزمر حاجي تهوبر حاجي نازل تشفيطات

C-76

جلوم مرت راح على مستنفع الضفادع.. جلوم مرة رح على مستننننننقع

وعيونو عملوا قلوم قلموم قلوم.. وعيونو عملو قلو مقلوم قلو

كل الضفادع عم بتنط لالالالالا لالالالالا.. كل الضفادع عم بتنط لالالالالا لالالالالا

وعيونو عملوا قلوم قلوم قلوم.. وعيونو عملو قلوم قلوم قلوم

C-77

(على لحن شتي يا دنيا شتي)

يلا يلا يا أشبال أكيلا ينده

ركض ركض ركض يا أشبال نشكل الدايرة

والشبل دايما سريع ما بيخلي الوقت يضيع

واكيلا يحب القطيع وبيدير بالو عالجميع

واج اج اج ونج نج نج

والشبلل دايما مطيع

يلا يلا يا أشبال

قالوا انتو مين قالوا ليش قاعدين

قلنا لهم نحن نحن الأشبال

نحن منطلع جبال وانتو بتنزلوا

نحن مننصب الخيام وانتو بترحلوا

نحن منفرح منفرفش وانتو بتزعلوا

عندي أجمل بسيكلات بتزمر تيرا ريرا

بيجتمعوا حولا الجراميز تيسمعوا زماميرا

أجمل بسيكلات عندي ورثتا من أيام جدي

بتزمر تيرا ريرا

بمرق فيها بالساحات بيستحوا البسكلاتات

كرستها مع طراحة وفيها أسرع دويسات

أجمل بسيكلات عندي ورثتا من أيام جدي

بتزمر تيرا ريرا

تاما يصيبوها بالعين جبتلا خرزة زرقا

بيوقفولا عالصفين ولو فيها مرقت مرقة

أجمل بسيكلات عندي ورثتا من أيام جدي

بتزمر تيرا ريرا

شافا مرة نابليون قللي عطيني عليها دق

غمزتا أنا وعالبلكون وقعتو أكبر زق

أجمل بسيكلات عندي ورثتا من أيام جدي

بتزمر تيرا ريرا

كان جدي بزمانو كان يركب على حصانو

كان فارس الفرسان كان ريس الميدان

كان قائد للكشافة كان يخيم بالصفصافة

كان أكيلا للأشبال كان يطلع عالجبال

كان قائد للزهرات كان ياكل سكر نبات

كان قائد مرشدات كان ياكل غزل البنات

كان جدي بزمانو

نحن الزهرات ...... زهرات

شو فواحات ....... زهرات

مناكل ما منشبع .... مامنشبع

منعطش ما منشرب ... ما منشرب

منروح ما منرجع ... ما منرجع

منركض ما منتعب ... منتعب

وكمان عالبال ...... عالبال

كل هالأشبال ...... أشبال

أنا الزهرة القمورة

خدودي بلون البندورة

الله خالقني بها اللون

بأحلى وأجمل صورة

بحكيلكم قصة صغيرة

بمعانيها شو كبيرة

حتقولو بس وهالقد

يسلم تمك يا صغيرة

قال الشبل للزهرة

بتسمحيلي روح العب

قالتلوا لأ يا شبل

بلكي إجا ليك الديب

هز الشبل بكتافو

قال شو بدي بحكايتها

هيدي واحدة مجنونة

بدها ياني ضل مزروب

من عبكرا لعشيي

سمتنـــــــــــــــي تباكــــــــــــي .. سمتنــــــــــــــي باغيــــــــــرا

سمتنــــي شبــــــل

شبل شبل .. تر لا   لا

شبــــــــــــــــــــل شبــــــــــــــــــــــل .. تــــــــــــــــــــــــر لا لا لا لا

شبل شبل .. اسم غالي كتير (2)

ثمنه غالي ثمنه غالي .. ثمنه غالي كتير كتير

شبل شبل .. تر لا   لا

شبـــــــــــــــــل شبــــــــــــــــــــل .. تــــــــــــــــــــــــــــــر لا لا لا لا

ملاحظة: تعاد هذه الاهزوجة عدة مرات مع الصفقة.

سمتنـــــــــــــــي تباكــــــــــــي .. سمتنــــــــــــــي باغيــــــــــرا

سمتنــــي شبــــــل

شبل شبل .. تر لا   لا

شبــــــــــــــــــــل شبــــــــــــــــــــــل .. تــــــــــــــــــــــــر لا لا لا لا

شبل شبل .. اسم غالي كتير (2)

ثمنه غالي ثمنه غالي .. ثمنه غالي كتير كتير

شبل شبل .. تر لا   لا

شبـــــــــــــــــل شبــــــــــــــــــــل .. تــــــــــــــــــــــــــــــر لا لا لا لا

ملاحظة: تعاد هذه الاهزوجة عدة مرات مع الصفقة.

يا قادة يا اخواتي .. يا أشباب يا أهلاتي

سجلو عليي العهود.. بهدي بلادي حياتي

حب اللولو سنيناتي .. بنظفهن بدياتي

لونهن أبيض مثل الثلج .. شوفوهن يا رفقاتي

شعري الناعم حلو كتير  .. بيفتكروا الواحد حرير

بقول للقائدة تمشطي .. قائد أنا صرت كبير

هيدا قلبي شوفوني .. مدور مثل الليموني

بيتكتك مثل الساعة .. تك تك تك تك يا عيوني

في صدري جوا منحيا  .. عاحب الوطن مربى

طاهر وصغير قلبي.. رحمة الله ساكنة فيه

ألف با تا ثا جيم حا خا دال ذال را زين سين شين

صد ضد طه ظاه عين غين فا قاف كاف لام ميم نون هيا

هيا كشاف هيا كشاف وحد صفك صف النيا

حاجي تحكي حاجي تشكي وحد صفك صف النيا

تر لالا لا تر لا لا لا تر لا لا لا لا (2)

طليعتنا اليوم صغيرة وبكرا بتكبر شوي!

منفشخ فشخا مندعس دعسه ومنصير شوي شوي

تحيا بلادي والكشفية ومنصير شوي شوي

ألف با تا ثا جيم حا خا دال ذال را زين سين شين

صد ضد طه ظاه عين غين فا قاف كاف لام ميم نون هيا

تر لالا لا تر لا لا لا تر لا لا لا لا (2)

أنا الشبل نيالي .. الكل يغني وأنا مالي

أنا لي غاية بغنيها .. والكل بيعرف معانيها

غاية الأشبال .. والقلب ارتاح

قيموا الأفراح .. يا أشبال

غنوا معايا .. يا أشبال

قولوا ويايا .. يا أشبال

غنوا معايا معايا .. يا أشبال

قولوا معايا معايا .. يا أشبال

أنا الشبل...

أهلا أهلا بالأشبال وبكل الزهرات

يلى سوا يا أشبال نبتدي النشاط

عنا قصة موغلي حكايات ومشاوير

عنا وجوه جديدة حلوة كتير كتير

خذنا يا قائد معك شي مشوار

نتذكر سوى يوما الخيمنا صغار

مرجحنا يا قائد ودينا يا قائد

على دنيا جديدة بعالم الأشبال

لما كان موغلي صغير .. كان صغير كان صغير

لما كان موغلي صغير .. كان صغير موغلي

كان يلعب كان يضحك

كان يلعب كان يضحك

لما كان موغلي صغير .. كان صغير موغلي

لما صار موغلي رجال .. صار رجال صار رجال

لما صار موغلي رجال .. صار رجال موغلي

صار يعمل صار يتعب

صار يعمل صار يتعب

لما صار موغلي رجال .. صار رجال موغلي

لما صار موغلي ختيار .. لما صار موغلي ختيار

لما صار موغلي ختيار .. صار ختيار موغلي

كان صغير صار رجال .. كان صغير صار رجال

لما صار موغلي ختيار .. صار ختيار موغلي

أكيلا:

أشبالي أشبالي ما أجملها .. في موقفها تحت الشجرة

سيري سيري نحو الصخرة .. واجري فوق العشب الخضرا

الأشبال:

نمر يعوي في وادينا .. أسرع أسرع يا راعينا

قرب النمر شيرخان منا .. إن لم تدركنا اوذينا

أكيلا:

لا تجري واجتمعي عندي .. في الساحة قرب النهر

اجري لعبا وردي .. ماء عذبا يحل الشرب

الأشبال:

دامت أيام الخصب لنا .. تزهو وامتد لك العمر

هذا عمل قد أفرحنا .. يا أكيلا فلك الشكر

موغلـــــي كـــــان رايـــــح يصطـــــــاد .. شــــــــــــاف كـــــــــــلاب كتــــــــــــار

من هون عوعو من هون عوع ومن هون عوعو من كل الجهات عوعو

موغلـــــي كـــــان رايـــــح يصطـــــــاد .. شـــــــــــاف ديـــــــــــــوك كتــــــــــــار

من هون كيكي من هون كيكي من هون كيكي من كل الجهات كيكي

موغلـــــي كـــــان رايـــــح يصطـــــــاد .. شــــــــــاف عصافيــــــــــر كتـــــــــــار

من هون سي سي من هون سي سي من هون سي سي من كل الجهات سي

موغلـــــي كـــــان رايـــــح يصطـــــــاد .. شـــــــــاف بسينــــــــــــات كتــــــــــــار

من هون نونومن هون نونومن من هون نونومن نونو من كل الجهات نونو

موغلـــــي كــــــان رايــــــح يصطـــــاد .. شـــــــــاف حيوانــــــــــات كتــــــــــــار

(تقليد جميع الأصوات)

نحن أشبال البلاد .. نحن أبطال الغد

نحن عنوان الرشاد .. والعلا والسؤدد

رمزنا صدق المقال .. دأبنا حب العمل

درعنا خير الخصال .. نهجنا أسمى المثل

يا بلادي في حماك .. اقتفي سير الأسود

ما نحا روحي فداك .. باذلا أقصى الجهود

اخوة للخير نحيا .. ضمنا صدق الأخاء

كلنا خلق المحيا .. زننا طيب الصفا

كان عندي ماما .. مركب صغير

ما بعمر سا.. سا.. ما بعمره سافر

وينو وينو وينووو .. ها المركب (مرتين)

يللا نعمر يا أصحابي .. بيوت صغيري بوطنا (2)

بكره بنكبر يا اصحابي .. وكل الدنيا بتكبر معنا

يللا نزرع شجر أخضر .. حتى معنا تعلى وتكبر (2)

وعطرقاتك يا وطنا .. نغني ونسهر وبتبقى معنا

بد تبقى ساكن قلبي .. خلي شمسك ترزع دربي

شو ما بدك تطلب منا .. منقدملك يا وطنا (2)

عصوفي كان صغير .. ربيته على ايدي (2)

لما ريش وطير .. صار ينقد لي خدودي (2)

الي زمان ما شفته .. بالي مشغول وخايف (2)

يا ريتني ما ربيته .. ولا طعمته قطايف (2)

طقطق طقطق طقطق طقطق .. مين اللي بيدق الباب

أنا الهوا افتحوا لي .. من أجلي البسوا الصوفات

حوحو حوحو حوحو حوحو .. الهوا لح يخلع الباب

نزل الشتا، وإجا التلج .. هيدي الرحمة يا سادات

تك تك تك تك تك تك تك تك .. مين اللي بيضرب الباب

ابو عروة لابس فروة .. قبوعة جديدة وكلسات

لالا لالا     لالا لالا .. سكر بالساقوطة الباب

فين الجدة تحكي القصة .. ناكل كستنا ولوزات

بابا بابا بابا بابا مين اللي بيهز الباب .. أم رعيده عما ترعد والتلج بيندف ندفات

ماما ماما ماما ماما البرق بيلمع في السحاب .. صوت الهوا عما يصفر يللا اشعلوا الحطبات

طقطق طقطق طقطق طقطق .. مين اللي بيدق الباب

أنا الهوا افتحوا لي .. من أجلي البسوا الصوفات

ستي ستي ستي ستي أنا خايف يا أحباب .. في حرامي فين لحافي روحوا افرشوا لي الفرشات

نحنا ولاد صغار .. يا عمي الختيار

ما منعرف كاتي ماني  .. وما منسمع أخبار

منعربش عالأشجار .. ومناكل الأثمار

لا سياسة ولا رياسة .. ولا تعب أفكار

كل الدنيا عحسابنا .. جو وبر وبحار

لاحقني سياسة سياسة .. شو بدك تعمل مختار

عندي بكوخي ارنبو .. من قلبي وربي بحبو

ذيلو صغير عيونو سود .. كحلها الخالق ربو

تعا لعندي ارنبو .. يا نونو يا أرنبو

كول الجزر والملفوف .. واحمد ربك أرنبو

أرنبو هادي مطيع .. صوفو أبيض وبديع 

أرنبو بيركض سريع .. الله معك أرنبو

نطنط والعب يا أرنب .. كول تهنا ولا تتعب

دوره مي فاصول لا سي .. دق وغني أرنبو

يـــا أرنبـــو قــم بكيـــر قبــل الديك والعصافير .. تعا لعندي يا أمير حتى بوسك أرنبو

إنتي تلبيس وسعدان قرد ملفلف في البستان .. انتي حبيب الانسان بالنظافة ارنبو

ايديك صغار واجريك يا ارنبو اسم الله عليك .. هالقدى طولهن دينيك وجك حلو ارنبو

في الصبح صباحي فيك في المسا بدى لاقيك .. بقلبي وبروحي بفديك يا حلو يا ارنبو

من هذا؟ .. هذا أنا

نعم نعم .. رأسي أنا

العيـــون مــــــــــــدورة .. أنفــــي صغيـــــــر ناعـــم

والفم مثل السكرة

إذا ضحكت ها ها ها .. أنظروا أسناني البيضاء 2

وإذا عبست .. لا تعد جبهتي ملساء 2

وإذا بكيت هي هي .. أبدا أنا (أكره البكاء) 

إني انطويت كالكرة .. في العلبة سأختفي

راقبوا كيف سأظهر .. راقبوا سأختفي

هذا رأسي .. هذا عنقي

وصدري وذراعاي .. وكفايا الصغيران

وبطني .. ورجلاي

هذا أنا .. طبعا أنا

راقبوا سأختفي .. راقبوا سأختفي

بهونـــــــي نهــــــــــار .. شــــاف الفــــــــــــار

علبة فيها قطعة جبنة

لـــــــــــــــــف ودار .. شــــــــــــم وقـــــال

ريحة هالجبنة بتعجبني

ولما على العلبة فات .. من خلفو تسكر البار

صـار يصــــــــــرخ وينــادي .. النجدة النجـــدة يــا أصحـــــاب

بـــهــونــي نــــهـــــار .. عــــلــق الـــفــــــــار

بعلبة فيها قطعة جبنة

لـــــــــــــــــف ودار .. صــــــــــــرخ وقــــال

النجدة يا مين يطلعني

تلا صراخه كل الحي .. سمعو الأسد وقال خطيه

قـرب صـوبـو وفتــــح البــــاب .. وصار شــايف حـــالـــه عليـــه

راح نــهـــــــــــــــار .. ورجع نــهــــــــــــــار

سمع الفار صراخ وغني

لـــــــــــــــــف ودار .. انتبـه وقــــــــــــــــال

هيدا الاسد اللي خللصني

صار يدور بالوادي .. تلاقى اللي عمبنادي

شــافو عـلقـــــان بشبكـــــة .. نصبـــوهـا الصيــــــــــادة

ضحـــــك الفـــــــــــار .. نـــــــــــــــــط ودار

حيا الاسد وصار يغني

الاسد احتــــــــــــــــار .. تـرجـى وقـ_____________ـــال

ما في غيرك بيخلصني

الفار بسنانة مثل السيخ .. قطع الشبكة بدقيقة

قــدو زغيـر وفعلـــــــو كبيــر .. خلـص أسـد مــــــن الضيقــــة

وهيــــــــك صــــــــار .. لـــــــــولا الفــــــــار

كان الأسد نهار وولى

سمعــوا يا كبـــــــــــــار .. يــــامازغـــــــــــــار

فعلن قد الدنيا كلها

كان في راعي .. عنده جرة .. بالعرزال

كانت الجرة .. فيها سمنة .. ثلاث رطال

شاف بنومو .. أنو باعا .. وقبض كثير 

واشترى نعجة .. صارت النعجة .. قطيع كبير

قال بيعو .. لما باعو .. بعمر دار 

وما بيمضي مدة .. بيصير عندي .. ولاد زغار

وان عذبني .. مرة ابني .. وكان كسلان

بحمل العصا .. بضرب بالعصا .. وعي فزعان

لاقى حالو .. بعرزالو .. والسمنات

ضهرو لبرة .. وصارت الجرة .. ثلاث شقفات

اللازمة: أم الحمام، مرة قالت لهم: س س س "لا تخرجوا" لا لا لا

قالت لهم في عشها قالت لهم: س س س "لا تخرجــــوا" لا لا لا

فضحكوا من قولها .. ولم يبالوا بالخطر

وخرجوا من عشهم .. ولم يبالوا بالخطر

لكن أتاهم ثعلب .. فأكل الحمائما

رأى المكان خاليا .. فأكل الحمائما

هذا جزاء كل من .. يعصون أمر أمهم

قد هلكوا، لأنهم .. يعصون أمر أمهم