Literarni radovi

Razredna nastava

BAKINI FTIČEKI

Zima je i retko de moreš videti ftičeke.

Moja baka je negda govorila

da se v zimi ftičeki ženijo,

a nama koločeke ostavijo.

Mislil sem si:

kak so si našli rom zimo za ženiti!?

I kak to da ftičeki uspejo

tak lepe kolačeke zafrknuti?

Baka se je sam nasmejala

i milo me je poglednola.

Bake ga več nej…

ali ftičeki se i dale ženijo!

Jo v črlenimi čizmicami

i z košaricom v rokaj

pobiram ftičekove kolačeke.

I mislim si v sebi:

sigurno je moja baka nafčila ftičeke

tak lepe i fine kolačeke zafrknuti!

Autor: Jan Boršić

Razred: 3

Škola: OŠ Gornji Mihaljevec

Mentorica: Nada Panić

FTIČEKI SE ŽENIJU

Došlo je i to vreme

da se zima zapira,

a ljubav otpira.

Ftičeki popevlejo,

veselo lejčejo,

na ženidbu se sprovlaju.

Z svojim porekom

krmicu nabiraju

i hižicu priprovlajo.

Melo i jejci mesiju,

kolačeke za dečicu pleteju

i dišeče spečejo.

Sunce je se topleše,

se se bole i više

na nebu zdiže

Autor: Gabriel Slokan

Razred: 3

Škola: PŠ Železna Gora – OŠ Štrigova

Mentorica: Sanja Žganec

KOZJA GRABA

Jo v Brezju na brego živim

i prema šumi k Kozjoj grabi gledim.

Zakaj se tak zove?

Ne znam!

Valjda so se koze tam negda posle,

a deda veli da so i visibabe tam rosle.

Jedva saki den dočekam

kaj z svojim prijateljom

na biciklin skočim

i po poljskomo poto punom storih čavli

do Kozje grabe kak veter odletim.

Negda si i gumu na beciklinu prepičim

pa dimo peške moram iti.

V Kozji grabi nišči nas ne vidi,

delamo kaj očemo,

igramo se i uživlemo.

Tam i čički rostejo.

Mi se onda rata igramo

i čičkove bombe jan drugomo hičemo.

Negda završiju i v losima.

Večer brzo dojde,

tre je dimo iti

kaj namo od tatija ili mame biti.

Autor: Hrvoje Levatić

Razred: 2

Škola: OŠ „Petar Zrinski“ Šenkovec

Mentorica: Ladislava Šestak-Horvat

Ja i zima

Biv sam v hiži i dojde zima.

„Hoj vum, tak je lepo, a kujko ga snega, nemreš verovati!“

Dojdem vum i počnem se igrati.

Bežav sam, skakav sam, bnorev sam od sreče!

„No vidiš dečec, vuni je lepše neg nutri!“

„Praf imaš zima. I drugoč mi se oglasi ka se bumo igrali!“

Autor: Antonio Novak

Razred: 4

Škola: OŠ Domašinec,

PŠ Florijana Andrašeca Dekanovec

Mentorica: Tatjana Pintarić

ŠUMA

Poleg moje hiže

je šuma.

Velika,gosta,zelena.

Z mojega obloka se vidi.

Saki den jo gledim!

Najveselejši sam

dok s tatijom

v njo idem.

Moj tata pozna sako drevo!

Čuda mi pripoveda.

Jo ga poslušam i poslušam

i nigdar mi je ne dosta.

Autor: Roko Abramović

Razred: 1

Škola: OŠ „Petar Zrinski“ Šenkovec

PŠ Mačkovec

Mentorica: Senka Saško

ZUMBUL

Mmmm, kak diši!

Na obloku bakine sobe

sunce vum gledi.

Još je zima i mrzla je noč,

al' dok ga vjutro sunce greje

v sakomo listo protuletje se smeje!

Na obloku posluša

kak ftičeki se lepše i glasniše popevlejo,

kak da i oni protuletje sejajo.

Z dneva v den se z bakom zumbulu veselimo.

Saka latica od lepote mu blešči,

a on nas mirno z obloka gledi

i kak da cela soba odjemput po sreči diši!

Autor: Petar Jurković

Razred: 3

Škola: OŠ Gornji Mihaljevec

Mentorica: Nada Panić

Međimurska puca

Kak je lepa ova puca!

Dok na joj je nošnja stara.

Na glavi joj poculica,

na nogama čizma gležnjarica.

Široka joj kiklja naguzana,

bela robača i plečka uzana.

A pred njom je fertof deti,

na hrptu joj se tibet sveti.

Još ve polek nje da momak stoji,

i s črnim očima da ju gledi.

Pa da joj se lice začrleni,

dok i ona njega milo gledi.

Drugo već ništ ne nuca

međimurska lepa puca.

Autor: Niko Kocijan

Razred: 4

Škola: OŠ Belica

Mentorica: Gordana Turk

Kaj sam jo velika ili mala?

Ne razmem...

Kaj sam jo velika ili mala?

Si dok me prvi put vidijo, veliju :

„Kak je lepa ova mala,

dišeča kak rožica,

a slatka kak cukorek!“

Ja im velim da sam velika

jer so mi več čižmice premale,

a i baku sam prerosla.

Idem v tretji razred i imam veliko srce

v štero zideju mama, tata, sestra i

si moji

prijatelji.

Zakaj mi velijo da sam mala?

Ne razmem…

Nam se več sekerala .

Pa kaj, nek mi veliju da sam mala.

Niti kapljica vode je ne velika,

a život znači.

Autor: Lora Flojhar

Razred: 3

Škola: OŠ "Petar Zrinski" Šenkovec

Mentorica: Jasminka Mesarić

Moje muke z beciklinom

Na novi beciklin sam štel skočiti

i na igralište odjuriti.

Dečkima sam obečal da

z mrzlim sokom odma dojurim.

Velika flaša i lopta,

vu vrečki su bile

i med špicama mi završile.

Najemput sam se našel na betonu.

Roka me joko bolela,

suze su mi tekle i bilo me stroh.

Mama je doletela i bez reči ostala,

a sestra pak se plakala.

Tata me na hitnu pelal

i spitaval me kaj sam delal.

Mama i tata su mi stoput rekli

kaj nam pelal vrečku na krmanu.

Ja sam ih ne poslušal

i zato ve

žice v roki

celo leto moram meti

i na terapije hoditi.

Mamu niti ne vupam pitati

da bum z beciklinom pok mogel letati.

Autor: Filip Sklepić

Razred: 3

Škola: OŠ "Petar Zrinski" Šenkovec

Mentorica: Jasminka Mesarić

Megla

Kak mleko se razlejala,

celo selo v belinu ogrnula,

oči sam otprla, čez oblok poglednula,

fkrej se obrnula i zadremala.

Autorica: Gita Radiković

Razred: 2

Škola: OŠ "Petar Zrinski" Šenkovec

Mentorica: Gordana Magdalenić

VRANA

Sedela vrana na drevi i gledala seme vu vrtu,

dojde do bačve pa zakriči starome krtu:

"Mekni se, moram jesti jer sam lačna,

a semena je puna bačva."

Kad počne ščukati seme i gristi živicu,

doletiju vrapci na žicu.

Kaj god su meli, to su pojeli:

I rehe i seme, čak i graje,

ali sreća kratko traje.

Zgrabil botu stari deda,

pokal vrapce se od reda.

A lukava vrana skriva se vu flaši

pa staroga dedu za osvetu prestraši.

Autorica: Gita Radiković

Razred: 2

Škola: OŠ Petar Zrinski Šenkovec

Mentorica: Gordana Magdalenić

Page updated

Google Sites

Report abuse