Litrato Mula sa Facebook Page ng FINIS Swimming Philippines

CEBU, Philippines — Nagmistulang makikipagkompentensya sa pang internasyonal na patimpalak ang mga mahuhusay na manlalangoy mula sa iba’t ibang rehiyon ng Pilipinas para sa Palarong Pambansa 2024 Swimming Events. 

Bunsod ito ng pakikipagtambalan ng Finis Philippines sa Department of Education (DepED) para maisaayos ang pagdadausan na venue ng iba’t ibang kategorya ng swimming events para sa palaro.

Binigyan din ng Finis PH ng mga angkop na kasuotan ang mga student-athletes pati na rin ang mga nag-oorganisa sa likod ng magarbong swimming events.

Nagbahagi rin ng P50,000 cash at mga trophies ang Finis PH sa palaro para sa mga magiging top swimmers ng naturang torneo.

Layunin ng Finis PH na mabigyan nang maayos na mga kagamitan ang mga batang manlalangoy upang ipakita ang kanilang suporta sa sports ng kabataan at  ng sa gayon ay maipamalas ang kanilang buong potensyal sa paglangoy.

“We are thrilled to partner with the 2024 Palarong Pambansa, a platform that celebrates the talent and dedication of young swimmers from all regions of the Philippines,” sambit ni Coach Vince Garcia, Managing Director of Finis Philippines. “This partnership reflects our ongoing commitment to fostering a culture of sportsmanship and excellence in swimming.”

Isa ang Swimming sa pinaka-inaabanagn sa larangan ng isports, ibibida ng mga mahuhusay ng manlalangoy mula sa iba’t ibang panig ng bansa hindi lamang ang kanilang galing at talento kundi pati na rin ang kanilang puso at determinasyon sa paglalangoy sa Palarong Pambansa 2024.

______________

Share This Article