TIKAS. Ibinida ni LeBron James ang maangas niyang pose matapos ang malupit niyang clutch play sa Tune-Up game ng Team USA laban sa South Sudan, 101-100. Kuha Mula sa Facebook Page ng USA Basketball

PARIS, France — Ibabandera ni four-time NBA Champion at two-time Olympic Gold Medalist LeBron James ang bandila ng bansang USA matapos siyang nominahin ng kanyang mga U.S Olympians bilang Team USA’s male flag bearer para sa opening ceremony ng nalalapit na Paris Olympics 2024 na gaganapin sa Seine River, July 26.

Inanunsyo ng kanyang co-teammate na si Stephen Curry sa kanilang Team Usa Basketball Meeting ang malaking karangalan na ito para kay LeBron James. 

Nagpasalamat naman si James sa mga USA Athletes na sasabak din sa Paris Olympics, sa pagnomina sa kanya bilang Team USA’s male flag bearer. “It’s an incredible honor to represent the United States on this global stage, especially in a moment that can bring the whole world together,” ani James nang malaman niyang siya ang magiging male flag bearer ng USA sa Paris Olympics 2024. 

“For a kid from Akron, this responsibility means everything to not only myself, but to my family, all the kids in my hometown, my teammates, fellow Olympians, and so many people across the country with big aspirations.”

 Sasalang si LeBron James sa kanyang ikaapat at huling Olympic Appearance sa kasalukuyang taon at inaasam na muling makakuha ng gintong medalya upang bigyan karangalan ang kanyang bansa. Samantala, puspusang pag-eensayo na rin ang ginagawa ng mga atletang pinoy na makikipagbakbakan din sa Paris Olympics. 

May kabuuang 22 atleta ang Pilipinas na tutungo sa Paris, France para sa gaganaping Paris Olympics 2024, kabilang dito ang mga Tokyo Olympics 2020 medalists na sina Nesthy Petecio at Carlo Paalam sa larangan ng Boxing. Isasagawa ang kaabang-abang na Paris Olympics 2024 sa July 26 hanggang August 11 ng kasalukuyang taon.

______________

Share This Article