Tumulong ang mga mag-aaral mula sa Grade 10 Betelgeuse sa paglilinis ng dating silid-aralan ng Grade 8 Altair

Inilipat ang kabuuang bilang ng mga mag-aaral mula sa ika-walong baitang ng Quezon Science High School na 117 sa ikalawang palapag ng main building nito buhat ng kakulangan ng espasyo para sa bago at ikatlong pangkat ng ika-walong baitang na pinangalanang ‘Spica’ sa kapanahunan ng Brigada Eskwela 2024.

Matatagpuan dito ang isang bakanteng silid at ang dating mga silid ng ika-sampung baitang kasama ang mga silid ng ika-pitong baitang. Dalawang silid-aralan lang kasi ang maaaring ilugar sa ikatlong palapag ng gusali sa ngayon, kung saan orihinal na inilulugar ang mga taga-ika-walong baitang na mga mag-aaral. 

Kasabay nito, inilugar naman ang kasalukuyang silid-aralan ng mga mag-aaral na nasa ika-sampung baitang sa ikatlong palapag ng gusali na mayroong dalawang silid, ang eksaktong lugar kung saan sila dumaan sa pagiging mag-aaral ng ika-walong baitang. Napatanong tuloy ang isang mag-aaral mula sa ika-sampung baitang kung mararanasan pa ba niya ang pag-aaral sa ikalawang palapag ng gusali, sapagkat hindi rin nila ito naranasan noong sila ay nasa ika-pitong baitang dahil sa online learning modality. 

“Sad, kasi narinig ko rin kina Sims (kaklase niya noong nakaraang taong pampanuruan) na ano, may mga ibang gamit na kinuha sa Grade 8 Altair. (...) Never pa rin ako makaka-experience ng second floor,” sinabi ng mag-aaral. 

Dahil madalian ang pagpapalit ng mga silid na ito, tila sanhi ito ng “cramming” para sa mga gurong may advisory class na apektado, tulad ni Gng. Kerlin May Pauli. Kasabay rin kasi ng paglilipatan ng mga section ang paglilipatan ng mga gamit na naging proyekto noon ng mga naging mag-aaral ng mga ito. “Ang dami pa ring kailangang gawin. 

Ang first step kasi ay makapag-akyatan o makapagbaba ng gamit, second, nakita nating medyo hindi okay ‘yung sahig (ng silid ng Grade 10 Antares, ang kaniyang advisory class na noon ay Grade 8 Rigel), so ang solution do’n ay willing naman silang (mga magulang ng Grade 10 Antares) mag-contribute para sa ikagaganda ng ating sahig, at the same time ay ‘yung ating windows,” ayon sa guro.

______________

Share This Article