GABAY KAALAMAN: Masusing pinakinggan ng mga mag-aaral at mga magulang mula sa ika-pitong baitang ang pag-oorient sa kanila ni G. Victor Samaniego, isa sa mga adviser ng baitang.

Hindi nagpatinag ang mga mag-aaral at magulang mula sa ika-pitong baitang sa kabila ng maputik na kapaligiran buhat ng maulan na panahon at pinuno ang mga silya sa kick-off program ng Brigada Eskwela 2024 ng Quezon Science High School nitong nakaraang Lunes, Hulyo 22, 2024; mas marami kumpara sa ibang mga baitang. Bukod pa riyan ang mga dumalo na piniling umupo sa mga bleachers ng Multi-purpose Building ng paaralan. 

Ang unang nagtala ng attendance sa registration mula sa pangkat ay nag-register nang 6:30 nang umaga, na siya ring nanguna sa panunumpa ng pledge of commitment kapalit ng pangulo ng Parent-Teacher Association na si Engr. Jereco Natan na siyang nakatalang manguna sa panunumpa. “

Gusto ko pong ma-explore yung school at makita po yung magiging room ko,” pahayag ng isang mag-aaral mula sa ika-pitong baitang. Sa kabilang banda, hindi makakailang mas kaunti ang dumadalo mula sa ika-walong baitang paitaas. 

Sa ikatlong araw ng programa, kinailangan pang palipatin ng tagapagsalitang gurong si Ma’am Mary Grace Banal ang mga mag-aaral at magulang pa-unahan malapit sa entablado sapagkat kitang-kitang malapit sa kalahati ng mga silya ay hindi okupado. 

“I think dahil sa new ano (patakaran) na 120 na yung students (kaya mas maraming dumalo sa ika-pitong baitang) plus siguro din dahil magkakakilala na naman ang mga tao sa ika-walong baitang hanggang sa ika-labindalawang baitang while yung ika-pitong baitang kasi is di pa kilala,” pahayag ng isang mag-aaral mula sa ika-sampung baitang.

“It feels like a requirement sa kanila and para din marecognize nila yung Quesay, (mga) rooms, at iba pa kasi sa higher grade levels naman is recognized na naman ung ano, stuff (mga bagay-bagay), plus (yung) bagyo din,” dagdag pa niya.

______________

Share This Article