പെരുമാറ്റത്തെക്കുറിച്ചും സ്വഭാവത്തെക്കുറിച്ചുമുള്ള ശാസ്ത്രീയ പഠനമാണ് മനഃശാസ്ത്രം (Psychology) . മാനവവികസനം, ക്ലിനിക്കൽ, കായികം, ആരോഗ്യം, സാമൂഹിക സ്വഭാവം, വൈജ്ഞാനിക പ്രക്രിയകൾ (Research) എന്നിങ്ങനെയുള്ള നിരവധി ഉപമേഖലകൾ മനഃശാസ്ത്ര പഠനത്തിൽ ഉൾപ്പെടുന്നു.

ശാസ്ത്രത്തിന്റെ പിൻബലം ഇല്ലാത്ത പഠനങ്ങൾ മനഃശാസ്ത്രത്തിൽ ഉൾപെടുത്താറില്ല. ഉദാഹരണത്തിന്, മുഖം നോക്കി ലക്ഷണം പറയാൻ, മനഃശാസ്ത്രം പഠിപ്പിക്കുന്നില്ല. കൈ നോക്കിയും, കൈയക്ഷരം നോക്കിയും മനുഷ്യന്റെ മനസ്സ് മനസ്സിലിക്കാൻ ശ്രമിക്കുന്നത് മനഃശാസ്ത്ര പഠന വിഷയങ്ങൾ അല്ല. മാജിക്കും, മെന്റലിസവും, പ്രേതവും, പിശാചും മനഃശാസ്ത്ര പഠനത്തിന്റെ പ്രധാന ധാരയിൽ ഇല്ല.

മനഃശാസ്ത്രത്തിൽ 2 വർഷത്തെ ബിരുദാനന്തര ബിരുദം പൂർത്തിയാക്കിയവരെ ആണ് "സൈക്കോളജിസ്റ്" അല്ലെങ്കിൽ "മനഃശാസ്ത്രജ്ഞർ" എന്ന് വിളിക്കുന്നത്.

രണ്ട് വർഷം ദൈർഘ്യം ഉള്ള MPhil Clinical Psychology എന്ന കോഴ്സ് പൂർത്തീകരിച്ചവർ ക്ലിനിക്കൽ സൈക്കോളജിസ്റ് എന്ന് അറിയപ്പെടും.

രണ്ട് വർഷം ദൈർഘ്യം ഉള്ള MPhil Rehabilitation Psychology എന്ന കോഴ്സ് പൂർത്തീകരിച്ചവർ Rehabilitation സൈക്കോളജിസ്റ് എന്ന് അറിയപ്പെടും.

മാനസികാരോഗ്യം കേവലം മാനസിക രോഗങ്ങളുടെ അഭാവം മാത്രം അല്ല. മാനസികാരോഗ്യത്തിൽ നമ്മുടെ വൈകാരികവും മാനസികവും സാമൂഹികവുമായ ക്ഷേമം ഉൾപ്പെടുന്നു. ഒരു വ്യക്തിക്ക് സ്വന്തം കഴിവുകൾ തിരിച്ചറിയാനും ജീവിതത്തിലെ സാധാരണ സമ്മർദ്ദങ്ങളെ നേരിടാനും ഉൽ‌പാദനപരമായി പ്രവർത്തിക്കാനും അവന്റെ അല്ലെങ്കിൽ അവളുടെ കമ്മ്യൂണിറ്റിക്ക് ഒരു സംഭാവന നൽകാനും കഴിയുന്ന ഒരു ക്ഷേമാവസ്ഥയാണ് മാനസികാരോഗ്യം.