Забаўлянкі, лічылкі, пацешкі варта выкарыстоўваць для чытання, запамінання, расказвання або ў якасці дапаможнага матэрыялу. Патрэбна звярнуць увагу на сакавітасць, выразнасць, мілагучнасць і багацце беларускай мовы, старацца больш апавядаць вусна.

Паглядзіце разам з дзецьмі відеаролік. Спытайце якая забаўлянка ім больш спадабалася. Прапануйце вывучыць яе на памяць.

Казка дае малому чалавеку ўрокі патрыятызму і маралі. Усім сваім паэтычным ладам яна вучыць дзяцей разумець народнае ўяўленне пра добрае і злое, высокае, сумленнае і агіднае, нізкае, гуманнае і жорсткае.

Казкі можна чытаць, расказваць, пераказваць, прыдумаваць свае канцоўкі да казак і інш.

Узрост 2+

1. Паслухайце разам казку "Коцік Петрык і Мышка"

2. Выканайце заданне "Чый галасок?"

Узрост 3+

1. Паслухайце разам казкі "Каза-Манюка" і "Коцік, пеўнік і лісіца"

2. Выканайце заданне "Навядзі парадак"

Узрост 4+

1. Паслухайце разам казку "Як курачка пеўніка ратавала"

2. Размалюйце пеўніка і курачку

Узрост 5+

1. Паглядзіце разам мультфільм па казцы "Селянін, Мядзведзь і Лісіца""

2. Выканайце заданне "Чый хвост?"

Пры чытанні і расказванні апавяданняў даросламу важна перадаваць тэкст эмацыянальна, праяўляць падчас расказвання сваё стаўленне да з'яў і падзей, скаладаць апавяданні, выкарыстоўваць у сваім маўленні трапныя выразы і вобразныя словы.

Прачытайце разам з дзецьмі апавяданне "Настачка" Б. Сачанкі.

Прапануйце дзецям разглядзець малюнак і адказаць на пытанні:

-Пра каго расказваецца ў апавяданні?

- Чым займаліся ад самага ранку бабуля і дзядуля маленькай дзяўчынкі?

- Якую работу даручылі выканаць Настачцы?

- Што даведаліся пра Настачку тата і мама?

- Якімі прыгожымі словамі мы можам рассказаць пра Настачку?

- Пра што Вам хацелася б запытацца ў Настачкі?

Лічыцца, што галоўная функцыя загадкі - развіваць у чалавека мастацка-вобразнае мысленне, паэтычны позірк на рэчаіснасць. У мінулым загадка служыла сродкам выпрабавання разумовых здольнасцей, загадкавая форма з поспехам выкарыстоўвалася ў ваенных і пасольскіх справах. Загадкі, песні-загадкі таксама шырока прымяняліся ў вясельных абрадах, напрыклад, з мэтай "праверкі" разумовай сталасці жаніха. Каштоўнасць традыцыйнай загадкі ў тым, што яна ў высакапаэтычнай форме адлюстроўвала гаспадарчую і працоўную дзейнасць чалавека, яго жыццёвы вопыт, быт, работу, фауну, флору, збудаванне сусвету і да нашых дзён мае вялікае эстэтыка-мастацкае значэнне для выхавання дзяцей.

Разам з дзецьмі знайдзіце адгадкі на Несцеркавы загадкі. УПЕРАД!

Паглядзіце відеаролік, а потым выканайце заданне.

Падчас знаёмства дашкольнікаў з паэзіяй можна выкарыстоўваць разнастайныя прыёмы: выразнае чатанне верша, шматразовае яго паўтарэнне, паказ нагляднасці, гульнявый практыкаванні.

Псіхолагі адзначаюць, што, для таго каб палепшыць запамінанне вершаў, неабходна мяняць форму іх паўтарэння: чытаць па частках, па ролях, выкарыстоўваць замалёўкі (мадэлі) пры завучванні і інш.

Прачытайце дзецям верш А. Ставера "Як зроблены цацкі?"

Прапануйце дзецям разглядзець малюнак да верша.

Папрасіце дзяцей аказаць на пытанні:

• Як Дзяніска гуляе з цацкамі?

• Адкажыце словамі верша, чаму Дзяніска "ў машыны адвінціў ураз кабіну, потым колы паздымаў, верталёт той паламаў, разабраў на дзіва скора да драбніцы матаролер"?

• Ці хацелася вам даведацца, з чаго зроблены вашы цацкі?

• Што паабяцаў дзядуля Дзяніску?

• Раскажыце пра сваю любімую цацку, як вы з ёй гуляеце.