Despois da charla que tivemos de Thais Pousada, levamos a cabo o deseño en 3D dun obxecto que facilitase algunhas das tarefas que limitan ás persoas maiores ou con movilidade reducida.

A través do método de deseño "design thinking", o alumnado realizou unha enquisa con cuestións dirixidas a coñecer as actividades que máis lles custaba facer aos maiores, as súas rutinas, cales eran as partes do corpo onde sentían máis dor... Cos datos recollidos, puxémolos en común entre todos e analizámolos para ver onde se podía centrar o noso estudo. Dividímonos en parellas na clase e cada un deles centrouse nun dos tres ámbitos que obtuvemos como respostas do cuestionario: a dificultade para subir escaleiras, para poñer os zapatos e para transportar as bolsas da compra.

Cada grupiño artellou un obxecto. No deseño do mesmo, atopáronse con dificultades que tiveron que resolver ou cambiaron o deseño a medida que o resolvían para que fose máis funcional e operativo. Isto fixérono en Onhshape, un programa de deseño en 3D. Esperamos imprimir estas pezas pronto para poder analizar os resultados de cerca.

Aquí quedan os tres artiluxios que deseñaron en parellas: 

• Unha muñequeira con agarre para poder pasar o esforzo de levar as bolsas da compra ao brazo e non cargalo todo na man, evitando tamén a articulación desta e o dano que fan as ásas das bolsas.

• Un artiluxio a modo de calzador para axudar a poñer os zapatos. Ten tres pezas que permiten abrir o zapato ao ancho e por detrás, ao largo, permitindo que o pé entre mellor.

• Un zapato que axuda a impulsarse para subir as escaleiras.

Para conmemorar o día da muller e da nena na ciencia, o alumnado de 4º de ESO, fixo dende a materia de intelixencia artificial un programa con Scratch no que coñecemos un pouco máis a Hedy Lamarr, a precursora do wiffi. Tiveron que buscar información sobre ela para logo plasmalo nesta tarefa. Unha vez máis, puidemos ver como o alumnado se estrañaba cando se pronunciaba o nome da científica por primeira vez e sen embargo están cansos de escoitar a outros como Einstein, Tesla, Faraday...

Dado que non podemos ensinar o xogo ao completo, ensinamos aquí algúns recortes obtidos destes xogos.

O alumnado de 4º de Dixitalización estivo estudando o refraneiro sobre alimentación que vimos traendo dos nosos ancestros dende fai anos. Eses "ditos" que invaden as nosas casas e que seguimos repetindo e tomándoos como certos cando nunca nos paramos a pensar se iso será verdade ou non.

Fixeron un formulario que enviamos a profes e familias para poder recoller eses refráns de pais e avós de diferentes localizacións. Cando os tivemos, estudaron a certeza de cada un deles empregando as técnicas de alfabetización que vimos con anterioridae. Logo, elaboraron un diálogo no que expoñían a súa investigación. Este diálogo levámolo á radio, onde o gravamos. 

Para concluír, editaron as gravacións na clase co programa de Audacity tras varias sesións nas que argallaron con el sobre a edición de audio. Xuntaron os audios recollidos de cada conversa e puxéronlle son.

Aínda que o produto final aínda está no forno, ensinámosvos algunha imaxe das evidencias do seu esforzo.