「矮殺」、「以勒」、「阿嘟」

你敢聽過遮的語助詞？

阿嘟  a-tu  adju

是北排灣的用語，較早是兩个查某朋友之間的稱呼，類似「姐妹」、「閨蜜」的意思。

後來去予部落性別氣質溫柔的查埔使用，成做「Adju」，抑是佮部落查某互相叫，貢語詞的意思擴大。 部落內底性別氣質無符合主流期待的查埔、同性戀抑是跨性別，嘛會用這个詞來互相稱呼。

以勒  î-leh.  （h）i le

通常佇阿美族的溝通內面，定定聽會著的感嘆詞。暗中代表民族團結的意思。

譬如講：今年的豐年祭已經完滿矣，我祝逐家新年快樂，平安！ î-leh！！（全村做伙）

矮殺  ai-sa  ai sha

其實是對排灣族的族語來的詞，定定佇共話講煞了後、抑是佇一个足譀的場合內底來當做一个「態度佮情緒」的發揮。歡喜、受氣、悲傷的狀況攏有可能聽著。這馬佇原住民的溝通世界，ai-sa這个詞已經漸漸仔成做一个口語的交流方式。

歡喜的時陣：呀！今仔日總算是共族語的單詞完成矣！ai-sa!

受氣的時陣：哭枵！袂記得愛交作業矣，ai-sa!

悲傷的時陣：今仔日閣去予老師罵甲虛裂裂，ai-sa!