1. 原住民敢是逐工攏有小米酒（epah nu havay）通啉？

A：咧做小米酒的方式是真厚工，而且若毋是重要活動，較袂去做。小米酒對原住民來講是真珍惜的。

2. 原住民是運動天才，gau5走跤手閣猛掠？

A：恁當做原住民是超級賽亞人ni？每一个人的體質攏無仝，
      會當發揮的能力攏有限制。

3. 所有的原住民攏是獵人，會曉拍獵？

A：當然毋是啊！根據地理佮民族特色去發展家己的產業。

    有狩獵、做農的、捕魚、陶瓷家等等。

4. 豐年祭就是逐家做伙跳舞爾爾？

A：跳舞干焦是祭典內面一个階段，目的是希望祖靈（matuasay）聽著歌聲  會當「入來」佮阮做伙。祭典有足濟禁忌是外人袂當去攪擾的，包括查埔佮查某限制的祭儀，這馬知影會開放予觀光客參加豐年祭的通常是「迎賓」彼工。

5. 你敢熟似像A-Lin、張惠妹這款的原住民藝人？

A：我毋是鄉長，嘛毋是里長，這兩位我熟似in...毋過in無熟似我

    XD，阮蹛佇無仝的部落。   

6. 原住民的皮膚攏烏烏的？

A：恁看我本人敢有烏烏的？因人而異啦。

7. 蹛佇山頂的生活按怎？ 

A：原住民佮台中仝款有分山線佮海線喔！我本身蹛佇較倚海邊的所在，
      毋知影若生活佇山頂會有啥物感覺。

8. 你敢會曉講族語？你敢有家己的族服？

A：一寡自較早就搬到都市抑是其他縣市的原住民家庭，就是已經離開部落的，可能較袂接觸著族語，甚至是無族服，佇文化傳承上會淡薄仔食力。

這馬全民原教的推捒，開始予都市原住民有學習家己文化的機會，所以佇以後有可能逐家攏會使透過網路資源去學原住民的語言。

9. 番仔？山地仔？野蠻人？

A：番仔這个詞實在是歹聽，通常指漢民族對家己以外的人的號名。

山地仔其實無算做是歧視類的詞，毋過會佇無形中去歧視到原住民，因為這个詞予人感覺所有的原住民族攏蹛佇山頂。 

野蠻人是我本人的經驗，可能是平常時做代誌攏傷過粗魯.....XD。