過年大掃除、食圍爐等等

這馬佇臺灣，過年過節已經是一个主流文化，當然嘛去影響著其他族群的生活方式。

為著佮主流社會配合，原住民嘛會去學習一寡漢族的文化等等⋯⋯

閣較特別的是，甚至是佮台語抑是客語當做家己的另外一个母語，宗教信仰嘛改作「佛道融合」的方式。

原本的信仰可能會選擇去放捒，去改變家族的歲時祭儀。

考試拜文昌、談戀愛拜月老、中元普渡

頭前有講著，台灣主流傳統社會的文化對原住民的影響真深，佇漢人的過節習俗嘛會有其他族群的信仰者。
無去信仰天主教、基督教抑是傳統原住民信仰的，為著欲「求心安」就會去模仿漢人去拜較靈驗的神，譬如講考試進前去拜文昌帝君、土地公信仰、媽祖等等。