Documentos comúns para a matrícula:

1. Fotocopia do DNI ou Pasaporte.

2. Xustificante de ter aboados os prezos públicos de matrícula do alumnado que non realizou o pagamento de forma telemática a través de Nerta ou, no seu caso, documentación que acredite a exención destes segundo o estipulado nesta convocatoria de matrícula. Os centros que fagan un pagamento global por varios estudantes deben marcar na aplicación Nerta a realización do pagamento para o alumnado afectado.

3. Impreso oficial de matrícula na PAU debidamente cumprimentado (datos persoais, académicos e de matrícula para a PAU).

4. Fotocopia do Título de Bacharelato LOMCE ou LOE / Baccalauréat francés ou, no seu caso, resgardo acreditativo de ter efectuado o depósito deste. Co fin de axilizar o proceso, estes resgardos individualizados pódense substituír por unha certificación do centro na que conste que todos os alumnos e alumnas fixeron xa o depósito do titulo do Bacharelato.

5. Os centros acompañarán a matrícula dunha listaxe de alumnos matriculados na PAU con indicación do DNI, apelidos e nome, exención de Lingua Galega e Literatura II (se é o caso) e importe das taxas aboadas ou, no seu caso, xustificante de exención. Este listado poderá ser xerado a través da aplicación Nerta.

ESTRUCTURA DA PROBA

FASE XERAL

A proba versará sobre as materias comúns e as materias específicas obrigatorias de modalidade de segundo de Bacharelato.

A proba constará de exercicios que versarán sobre as seguintes materias:

1. Lingua Castelá e Literatura II e Lingua Cooficial e Literatura II.

2. Historia de España ou Historia da Filosofía, a elección do alumnado.

3. Lingua Estranxeira II. Para os efectos da organización da proba, o alumnado indicará na súa solicitude de preinscrición a lingua estranxeira da que se examinará, entre alemán, francés, inglés, italiano ou portugués.

4. A materia específica obrigatoria do segundo curso de Bacharelato da modalidade e, de ser o caso, vía cursada.

   1. Para a modalidade de Artes:

      • Na vía de Artes Plásticas, Imaxe e Deseño: Debuxo Artístico II.

      • Na vía de Música e Artes Escénicas: Análise Musical II ou Artes Escénicas II, a elección do alumnado.

   2. Para a modalidade de Ciencias e Tecnoloxía: Matemáticas II e Matemáticas Aplicadas ás Ciencias Sociais II, a elección do alumnado.

   3. Para a modalidade Xeral: Ciencias Xerais.

   4. Para a modalidade de Humanidades e Ciencias Sociais: Latín II ou Matemáticas Aplicadas ás Ciencias Sociais II, a elección do alumnado. 

   5. Validez de la nota de esta fase es indefinida

FASE ESPECÍFICA

A fase específica permite mellorar a nota de admisión aos distintos graos universitarios. O alumnado que queira mellorar a súa cualificación de admisión poderá examinarse dun máximo de tres materias, distintas das que se examinou na fase xeral, a elixir de entre as 27 materias seguintes: Historia de España, Historia da Filosofía, Debuxo Artístico II, Análise Musical II, Artes Escénicas II, Matemáticas II, Matemáticas Aplicadas ás Ciencias Sociais II, Latín II, Ciencias Xerais, Debuxo Técnico Aplicado ás Artes Plásticas e ao Deseño II,

Deseño, Fundamentos Artísticos, Técnicas de Expresión Gráfico-plástica, Coro e Técnica Vocal II, Historia da Música e da Danza, Literatura Dramática, Bioloxía, Debuxo Técnico II, Física, Xeoloxía e Ciencias Ambientais, Química, Tecnoloxía e Enxeñaría II, Movementos Culturais e Artísticos, Empresa e Deseño de Modelos de Negocio, Xeografía, Grego II e Historia da Arte. Ademais, poderá examinarse da materia optativa Segunda Lingua Estranxeira II nunha lingua distinta da que se examinou na fase xeral.

Tanto a materia cursada como específica obrigatoria da modalidade como as outras catro materias da fase xeral son materias da fase xeral pero, tamén poden contar como unha materia máis da fase específica para o acceso aos graos que as inclúan como materias ponderables nas distintas universidades españolas (no Sistema Universitario Galego, só poderá ponderar a materia específica obrigatoria de modalidade), sempre e cando a cualificación acadada na materia correspondente sexa igual ou superior a 5 puntos.

As cualificacións obtidas nos exercicios das materias desta fase específica terán validez durante o curso que se inicie inmediatamente despois da realización da PAU e os dous cursos académicos seguintes a este, sempre que se supere na mesma convocatoria ou se teña superado en convocatorias anteriores a Nota de Acceso á Universidade (NAU), sen prexuízo de que poidan mellorarse en futuras convocatorias.

A validez da nota desta fase é de tres cursos, sempre que se teña superada a parte obrigatoria.

CALIFICACIÓN DA PROBA

• Cada uno dos exercicios que comprenden a proba de acceso cualificarase de 0 a 10 puntos, con dúas cifras decimais.

• A cualificación da proba de acceso será a media aritmética das cualificacións obtidas en cada un dos exercicios. A media espresarase nunha escala de 0 a 10 puntos con tres cifras decimais, redondeada á milésima más próxima e, en caso de equidistancia, á superior. Esta cualificación deberá ser igual ou superior a catro puntos para que poida ser tida en conta no acceso ás ensinanzas universitaris oficiais de Grao.

CÁLCULO DA NOTA DE ACCESO 

1. A cualificación de acceso á universidade calcularase mediante a media ponderada do 60% da nota media de Bacharelato, calculada sen ter en conta a cualificación da materia de Relixión, e do 40% da cualificación da fase xeral .A cualificación obtida por este procedemento espresarase con tres cifras decimais, redondeada á milésima máis próxima e, en caso de equidistancia, á superior.

NAU = 0,4xNFX + 0,6xNMB

2. Entenderase que se reúnen os requisitos de acceso á universidade cando a cualificación ponderada descrita no apartado anterior, sexa igual ou superior a 5 puntos.

3. A cualificación obtida no acceso á universidade terá validez indefinida para o acceso ás distintas ensinanzas universitarias oficiais de Grado, sen prexuízo da mellora da cualificación obtida.

MATERIAS DE PONDERACIÓN PAU 2025

NOTAS DE CORTE DA UNIVERSIDADE 2025

(descarga e envía a ciug@ciug.gal)