"ഹിന്ദി ഭാഷ"നിർബന്ധം ആക്കുകയാണെങ്കിൽ അതിനെ സ്വാഗതം ചെയ്യേണ്ടതിനെക്കുറിച്ച് നാം ചിന്തിക്കണം.

കേന്ദ്രസർക്കാർ രാജ്യത്തു "ഹിന്ദി ഭാഷ"നിർബന്ധം ആക്കുകയാണെങ്കിൽ അതിനെ സ്വാഗതം ചെയ്യേണ്ടതിനെക്കുറിച്ച് നാം ചിന്തിക്കണം. കേരളത്തിൽ ബംഗാളിൽ നിന്നും ആസാമിൽ നിന്നുമൊക്കെ ധാരാളം ജോലിക്കാർ ഉള്ളതുകൊണ്ട് വീട്ടമ്മമാർ പോലും ഹിന്ദിയിൽ അത്യാവശ്യം സംസാരിക്കുന്നത് കേട്ട് ഞാൻ അത്ഭുതം കൊണ്ടിട്ടുണ്ട്.....                                                                           

 ഇനി മുന്നോട്ട് ഹിന്ദി പഠിക്കേണ്ടത് മലയാളിയുടെ നിലനിൽപ്പിന് അത്യന്താപേക്ഷിതമാണ്. കാരണം കേരളത്തിൽ അന്യസംസ്ഥാന തൊഴിലാളികളുടെ പറുദീസയായി മാറിക്കഴിഞ്ഞു.                                       

യുവ ജനങ്ങൾ കേരളക്കര ഉപേക്ഷിച്ചു പോകുന്നു.......      ഇവിടെ ജീവിക്കണമെങ്കിൽ റിസർവേഷൻ കാറ്റഗറിയിൽ പെട്ടവരോ ഗുണ്ടാ രാഷ്ട്രീയപ്പാർട്ടിയുടെ അനുയായിയോ ആകണം. പഠിച്ചു റാങ്ക് നേടിയാലും ജോലി കിട്ടില്ല.                                                                  

100മീറ്റർ റണ്ണിംഗ് മത്സരത്തിൽ ഒന്നാം സ്ഥാനത്ത് എത്തിയാലും അവസാനം ഓടിയെത്തുന്നവൻ സമ്മാനർഹനാകുന്ന വിവരദോഷികളുടെ ജനാധിപത്യമാണ് ഇവിടെ നടമാടുന്നത്.                     

ഭരണം പിടിക്കുക  പിന്നീട് കട്ട് മുടിക്കുക എന്നതാണ് നിലവിലുള്ള രാഷ്ട്രീയപ്പാർട്ടിക്കാരുടെ പ്രധാന അജണ്ട.....                                                                             

ഇവിടെ സാമൂഹ്യ നീതിക്കോ സാമാന്യ ബോധത്തിനോ വിലയോ പ്രസക്തിയോ ഇല്ല. ധാർമികത കൈ മോശം വന്നു കഴിഞ്ഞു.... ഇനി ഇവിടെ ജീവിക്കാൻ വിധിക്കപ്പെട്ടവർ ഹിന്ദി പഠിച്ചേ മതിയാവൂ....     വയസ്സാൻ കാലത്ത് ആശുപത്രിയിൽ പോകാനും മരുന്ന് മേടിക്കാനും അടുത്തുള്ള ബംഗാളിയെയും ആസ്സാമിയെയും ആശ്രയിക്കാതെ തരമില്ല... ഹോട്ടലുകളിലും തൊഴിലിടങ്ങളിലുമെല്ലാം ഹിന്ദി ഭാഷക്കാരുടെ തേരോട്ടമാണ്. ആകയാൽ മലയാളിക്ക് ഭാഷ പ്രശ്നമാകാതിരിക്കണമെങ്കിൽ ഹിന്ദി പഠിക്കണം... ബോലോ മേരാ ഭാരത് മഹാൻ!!!

ഈ രാജ്യത്ത് ഭൂരിപക്ഷം ആളുകൾ ഉപയോഗിക്കുന്ന ഭാഷ ഹിന്ദി തന്നെയാണ്... രാജ്യത്തെ മുഴുവൻ പഠനവും ഗവേഷണവും ഔദ്യോഗിക കൃത്യനിർവഹണവും ഹിന്ദിയിൽ തന്നെ ആകണം. രാജ്യം ഔദ്യോഗികമായി ആശയവിനിമയം നടത്തുന്നതും ഹിന്ദിയിൽ തന്നെ ആകുന്നതിൽ എന്താണ് തെറ്റ്???പാർലിമെന്റിലേക്ക് കേരളത്തിൽ നിന്നും തെരഞ്ഞെടുത്തു പോയ മഹാന്മാരുടെ പ്രകടനങ്ങൾ കണ്ടിട്ടുള്ളവരെല്ലാം പറയും ഇവരെ ഹിന്ദിയോ ഇംഗ്ലീഷോ പഠിപ്പിച്ചു വിടേണ്ടതായിരുന്നുവെന്നു.മറ്റ് സംസ്ഥാനങ്ങളിൽ യാത്ര ചെയ്യാനും ജോലി തേടാനും ഹിന്ദി ഭാഷ പരിഞ്ഞാനം ഉതകും.                                                                         

ഓർക്കുക.... ചൈന ചൈനീസ് ഭാഷയിൽ ലോകം കീഴടക്കുന്നു. ജർമനി ജർമൻ ഭാഷയിൽ, ജപ്പാൻ ജാപ്പനീസ് ഭാഷയിൽ... അങ്ങനെ ലോകമെമ്പാടുമുള്ള എല്ലാ രാജ്യങ്ങളും അവരവരുടെ തനതു ഭാഷയിൽ വിദ്യാഭ്യാസവും ഭരണവും നിർവഹിക്കുമ്പോൾ ഇന്ത്യ ഭൂരിപക്ഷം പേരും ഉപയോഗിക്കുന്ന ഭാഷയായ ഹിന്ദിയിൽ വിദ്യാഭ്യാസവും ഭരണ നിർവ്വഹണവും നടത്തുന്നതിനെക്കുറിച്ച് ചിന്തിക്കുന്നതിൽ തെറ്റുണ്ടോ?? പക്ഷേ!ഇംഗ്ലീഷും അതുപോലെ പ്രാദേശിക ഭാഷകളും തിരസ്‌ക്കരിക്കപ്പെടാ തിരിക്കാനും നിതാന്ത ജാഗ്രത പുലർത്തേണ്ടതുമുണ്ട്.                                      

ശമ്പളം

ശമ്പളം എന്നാൽ ജോലിക്ക് കിട്ടുന്ന കൂലി ആണ്.. അത് ജോലി കൊടുക്കുന്ന കമ്പനിയുടെ ആസ്തി, ജോലിയുടെ സ്വഭാവം, വിദ്യാഭ്യാസ യോഗ്യത, ജോലി സമയം മുതലായ ഒരു പാട് ഘടകങ്ങളെ ആശ്രയിച്ചിരിക്കുന്നു 

  പെൻഷൻ            

പെൻ ഷൻ എന്നത് ജോലി ചെയ്യാൻ ആവാത്ത കാലത്ത്,  ആ രാജ്യത്തിനു വേണ്ടി ഓരോ പൗരനും ആയ കാലത്തു കൊടുത്ത നികുതിയിൽ നിന്നും അവരെ സംരക്ഷിക്കാൻ രാജ്യം കൊടുക്കുന്ന ജീവനാംശമാണ്. അത് ഒരു സമ്പാദനതിനല്ല. അനുദിന ജീവിതത്തിന് ഉതകുന്നതിനാണ്.

സമ്പാദ്യം ജോലി ചെയ്ത കാലത്ത് ഉണ്ടാക്കേണ്ടതാണ്..

സർക്കാർ ജീവനക്കാർക്കും ഭരണാധികാരികൾക്കും മാത്രം  ഭാരിച്ച തുക പെൻഷൻ കൊടുത്ത്   അവരാണ് രാജ്യത്തെ സേവിച്ചതു എന്നും...  ബാക്കി സ്വകാര്യ മേഖലയിൽ പണിയെടുത്തവരും കൃഷിക്കാരും വാഹന തൊഴിലാളികളും കച്ചവടക്കാരും ഒക്കെ ഇവിടുത്തെ രണ്ടാം കിട പൗരന്മാരാണെന്നും ഇവർ രാജ്യത്തിന്റെ ബാധ്യത മാത്രമാണെന്നും വിളിച്ച് പറയുകയാണ് സത്യത്തിൽ ക്ഷേമപെന്ഷൻ എന്ന പേരിൽ കൊടുക്കുന്ന 1200-1600 രൂപാ കൊണ്ട് സർക്കാരുകൾ  ചെയ്യുന്നത്...

വിവിധ മേഖലകളിൽ പണി എടുക്കുന്ന തെഴിലാളികളെ ഒരു താരതമ്യ പഠനം നടത്തി നോക്കിയാൽ നമുക്ക് മനസ്സിലാകും... ആരാണ് ഈ രാജ്യത്തിന് വേണ്ടി കൂടുതൽ കഷ്ട പെടുന്നത് എന്ന്.

ആരെയും വില കുറച്ചു കാണുകയല്ല... എന്നാൽ നമ്മൾ മനസ്സിലാക്കെണ്ടതായ  ഒരു സത്യം എന്താണെന്നു വെച്ചാൽ ഭാഗ്യത്തിന്റെ പ്രത്യേക ആനുകൂല്യമാണ് ഇന്ന് പലരെയും സർക്കാർ സർവീസിൽ എത്തിക്കുന്നത് എന്നാണ്. 

ഉദാഹരണത്തിന്...  PSC പരീക്ഷക്ക്‌ തയ്യാറെടുക്കുന്ന വിദ്യാർഥികൾ  ഒരു പതിനായിരം ഉത്തരം പഠിക്കുന്നതിൽ  പരീക്ഷക്ക് വരുന്നത് ഒരു  100എണ്ണം മാത്രമായിരിക്കും.അതിൽ ആ നൂറെണ്ണം വൃത്തിക്ക് പഠിച്ചവർ ജയിക്കും... എന്നാൽ അടുത്ത ഒരു പരീക്ഷ അതുപോലെ തന്നെ എഴുതുമ്പോൾ വേറൊരു നൂറ് ചോദ്യങ്ങളാണ് വരുന്നത് എങ്കിൽ ജയിക്കുന്നത് വേറെ കുറേ ഉദ്യോഗാർത്ഥികൾ ആയിരിക്കും... ഈ പരീക്ഷയിൽ ജയിച്ചവർ ഒരു പക്ഷേ പരാജയപ്പെട്ടെന്നുമിരിക്കും.

ഗവണ്മെന്റ് ജോലി കിട്ടിയവർക്കു വിവരം ഇല്ലാ എന്നല്ലാ പറയുന്നത്. കാണാപ്പാടം പഠിച്ച് പാസ്സായ ഇതിൽ പലർക്കും മാത്രമല്ല വിവരം ഉള്ളത് എന്നും...  വിവരത്തെക്കാൾ ഉപരി അവരെ തുണച്ചത് ഭാഗ്യം ആണ് എന്നുള്ളതാണ്.

പിന്നെ മെറിറ്റ്.ഈ സർക്കാർ ജീവനക്കാരിൽ എത്ര ആള്ക്കാരാണ് മെറിറ്റിൽ കയറിപ്പറ്റു ന്നത്...???

ആശ്രിത നിയമനങ്ങൾ...വിവിധ തരത്തിലുള്ള സംവരണങ്ങൾ... എയ്ഡഡ് സ്കൂളുകളിൽ കാശ് കൊടുത്ത് നിയമനം നേടുന്നത്... രാഷ്ട്രീയക്കാരുടെ ഇഷ്ടക്കാർക്കുള്ള പിൻ വാതിൽ നിയമനങ്ങൾ....ഇങ്ങനെ നോക്കിയാൽ ഞങ്ങൾ PSC എഴുതി പാസായതാണ് എന്ന് നിങ്ങളിൽ എത്ര പേർക്ക്  നെഞ്ചിൽ കൈ വെച്ച് പറയാൻ പറ്റും??? 

മന്ത്രിമാരുടെ പേർസണൽ സ്റ്റാഫ്‌, മന്ത്രി, MLA, MP ഇവരുടെ ഒക്കെ പരിവാരങ്ങൾ ഇവരുടെ ഒക്കെ യോഗ്യത, ശമ്പളം പെൻഷൻ ഇതിന്റ ഒക്കെ മാനദണ്ഡം അർഹത, മെറിറ്റ്  തന്നെയാണോ???

അത് എല്ലാം നമ്മൾ മറക്കുന്നു... അത് ഒക്കെ ജീവിതം മുഴുവൻ  കഷ്ടപ്പെടാൻ വിധിക്കപെട്ട, ഒരു  കൂട്ടം ആൾക്കാർ  കൊടുക്കുന്ന നികുതി കൊണ്ടാണ്... അത് ഞങ്ങൾ മറന്നാലും കൈ നീട്ടി മേടിക്കുന്നവർ മറക്കരുത്.

ഭാഗ്യം ഇല്ലാത്തവൻ പാടത്തും പറമ്പിലും പണി എടുത്ത് മരിച്ചു വീഴുക ആണെന്നും തല്ക്കാലം നമ്മൾ മറക്കുന്നു...

ഒരേ ജോലി എടുക്കുന്ന, ഒരേ യോഗ്യത ഉള്ള  സ്വകാര്യ വിദ്യാഭ്യാസ സ്ഥാപനങ്ങളിൽ പഠിപ്പിക്കുന്ന അധ്യാപകരും, ആശുപത്രിയിൽ ജോലി ചെയ്യുന്ന നഴ്സ്മാരും സ്വകാര്യ മേഖലയിൽ ജോലി ചെയ്യുന്ന മറ്റ് ഉദ്യോഗസ്ഥരും ഭാഗ്യം സിദ്ധിച്ച സർക്കാർ ജോലിക്കാരേക്കാളും, ഒട്ടും മോശമല്ല എന്നും, ഇവരെക്കാളും അഞ്ചും പത്തും ഇരട്ടി ശമ്പളം സർക്കാർ ജീവനക്കാർക്ക് കിട്ടുന്നത് ഇവർ കൂടി കൊടുക്കുന്ന നികുതിയിൽ നിന്നാണെന്നും തത്കാലം നമുക്ക് മറക്കാം...

എന്നാൽ പകലന്തിയോളം പണി എടുത്ത,  ഭാഗ്യം മാത്രം ഇല്ലാതെ പോയ-

സർക്കാർ ജോലിക്കാർക്ക്  ശമ്പളം കൊടുത്ത് , നികുതി കൊടുത്ത് രാജ്യത്തെ സംരക്ഷിച്ച്...തീറ്റി പോറ്റിയ ഞങ്ങൾ  പണി എടുക്കാനാവാതെ, ഭക്ഷണത്തിനും മരുന്നിനും വസ്ത്രത്തിനും വേണ്ടി ഇരക്കുന്നതും.... തെരുവോരങ്ങളിൽ ഉപേഷിക്ക പെടുന്നതും....ഇനിയും സഹിക്കാൻ  വയ്യ.

ഞങ്ങളുടെ ദുർഭാഗ്യം, നിങ്ങളുടെ ഭാഷയിൽ ഞങ്ങളുടെ  കഴിവില്ലായ്‍മ,  അതിന് ഞങ്ങൾ  ജീവിച്ച കാലത്ത് അനുഭവിച്ച യാതനകൾ പോരെ???

ഒരു പണിയും ചെയ്യാനാവാത്ത 60 വയസ്സ് കഴിയുന്ന കാലത്തെങ്കിലും ഞങ്ങളെ ഒന്നംഗീകരിച്ചു കൂടെ... ഞങ്ങളും ഈ നാടിനു വേണ്ടി എന്തെങ്കിലും ഒക്കെ ചെയ്തിരുന്നു എന്ന് ഒന്ന് വിളിച്ച് പറഞ്ഞൂടെ???

ആരും നാടിനെ സേവിക്കാത്ത  ഈ വാർദ്ധക്യ കാലത്തു എങ്കിലും ഒരേ കണ്ണിലൂടെ കണ്ടൂടെ ഞങ്ങളെയും ... ഞങ്ങളുടെ യോഗ്യത ഇല്ലായ്മക്ക് നല്ല പ്രായത്തിൽ തന്നെ അതിന്റെ ബുദ്ധിമുട്ട്കൾ ഞങ്ങൾ അനുഭവിച്ചില്ലേ??

പിന്നെ നിങ്ങളീ പറയുന്ന പെൻഷൻ സമ്പ്രദായം എന്താണെന്നു ഞങ്ങൾക്കെറിയാം..

നാട്ടു രാജാക്കൻ മാരുടെ കാലത്ത് അവർ തുടങ്ങി വെച്ച മാടമ്പിതരം.

ബ്രിട്ടീഷ് കാരുടെ കാലത്ത് ബ്രിട്ടനിൽ നിന്നും നമ്മളെ ഭരിക്കാനായി  ജോലിക്കാരെ കിട്ടാനായി, ആരും ബ്രിട്ടന്റെ സുഖലോലുപതയിൽ നിന്ന് ഇന്ത്യയിലേക്കു വരാത്തത് കൊണ്ട് കൊടുത്ത അധികാരങ്ങളും ആനുകൂല്യങ്ങളും.... അതല്ലേ ഇതിന്റ ഒക്കെ തുടക്കം???

പരിചാരകർ, ജോലി കഴിഞ്ഞു റിട്ടയർ ആയാലും തിരിച്ചു ബ്രിട്ടനിൽ എത്തുമ്പോൾ പണി എടുക്കണ്ട... അന്ന് ഇന്ത്യയിൽ കിട്ടിയിരുന്ന ശമ്പളത്തിന്റ പകുതി... നാമ മാത്രമായ ബ്രിട്ടീഷുകാരായ സർക്കാർ ജീവനക്കാർക്ക് നൽകിയിരുന്നതല്ലേ നിങ്ങളുടെ ആനുകൂല്യങ്ങളുടെ തുടക്കം????

ഇതാണ് നമ്മൾ  സ്വതന്ത്രർ ആയ ശേഷവും  സംഘ ബലം കൊണ്ട് നിങ്ങൾ തുടർന്ന് വന്ന നയം.... അത് പിന്നീട് സർക്കാർ ജീവനക്കാരുടെ എണ്ണം വർധിച്ചപ്പോൾ, ശമ്പളം കൂട്ടിയപ്പോൾ, വരുമാനം മുഴുവൻ ഉദ്യോഗസ്ഥ ശമ്പളവും പെന്ഷനും ആയി കൊടുക്കേണ്ടുന്ന സാഹചര്യം വന്നപ്പോൾ  ഈ രീതിയിൽ മുന്നോട്ട് പോയാൽ നാട് മുടിയും എന്ന് വന്നപ്പോൾ അന്ന് വരെ തുടർന്നു വന്ന statutory പെൻഷൻ,  അതായത് പിരിയുമ്പോൾ PF എന്ന പേരിൽ ഒരുമിച്ചു കിട്ടുന്ന 40 - 60 ലക്ഷം രൂപ കൂടാതെ അന്നുവരെ ഉണ്ടായിരുന്ന ശമ്പളത്തിന്റ ഏകദേശം പകുതി  പിന്നീട് മാസാമാസം തോറും പെൻഷൻ ആയി കിട്ടുന്ന ഇടപാട് ഇനിയും തുടരരുത് എന്ന് കേന്ദ്ര ഗവണ്മെന്റ് തീരുമാനിക്കുകയും ഫെഡറൽ സംവിധാനങ്ങളെ മാനിച്ചു കൊണ്ട് സംസ്ഥാനങ്ങൾക്കു ആ  നിർദ്ദേശം കൊടുക്കുകയും ചെയ്തു...... അതും ഞങ്ങൾ അറിയുന്നു...

അന്ന് വരെ കിട്ടി കൊണ്ടിരുന്ന മഹാഭാഗ്യം, പണി എടുക്കാതെ കിട്ടുന്ന പൈസ പഴയ ഫ്യൂഡലിസത്തിന്റെയും, കൊളോണിയലിസത്തിന്റെയും നിങ്ങൾ ആഗ്രഹിച്ച അവശേഷിപ്പുകൾ, അത്  നിന്ന് പോയാൽ ഉണ്ടാകുന്ന നഷ്ടമോർത്തു സംഘബലത്തിന്റ ധാർഷ്ട്യത്തിൽ കേരളത്തിൽ അത് നടപ്പിലാക്കാൻ

തീരുമാനിച്ചത് നീണ്ട പത്തു വർഷങ്ങൾക്ക് ശേഷം ആണ്...

അതായത് 2013-2014 കാലഘട്ടത്തിൽ.      അന്ന് എന്താണ് സംഭവിച്ചത് എന്നും ഞങ്ങൾ ഇന്ന്  ഓർത്തെടുക്കുന്നു....

അന്ന് വരെ ഉണ്ടായിരുന്ന ശമ്പളം നൂറ് ശതമാനം വർധിപ്പിച്ചു, അതായത് ഇരട്ടി ആക്കി എന്നിട്ടു അതിൽ നിന്ന് പത്തു ശതമാനം നീക്കി വെച്ച്, അതിലേക്ക് ഗവണ്മെന്റ് വീതമായി വീണ്ടും പത്തു ശതമാനം ഇടുവിച്ചു....

ചുരുക്കി പറഞ്ഞാൽ 50000 രൂപാ മാസം ശമ്പളം കിട്ടിയിരുന്ന ആൾക്ക് ശമ്പളം ഒരു ലക്ഷമായി വർധിപ്പിച്ചു, എന്നിട്ട് അതിൽ നിന്ന് പതിനായിരം രൂപാ നീക്കി വെച്ച്, അതിലേക്ക് വീണ്ടും ഗവണ്മെന്റ്നെ കൊണ്ട് പതിനായിരം കൂടി ഇടുവിപ്പിച്ചു....

അപ്പോൾ  അന്ന് വരെ മാസം 50000 ശമ്പളം  കിട്ടിയവന് 110000 രൂപ കൊടുക്കാൻ ഗവണ്മെന്റ്  ബാധ്യസ്ഥമായി  എന്നർത്ഥം.....

ജോലിയിൽ കയറി 25-30 വർഷങ്ങൾക്കു ശേഷം  പിരിയുമ്പോൾ മാസം കൊടുത്തു കൊണ്ടിരുന്ന പൈസ പങ്കാളിത്ത പെൻഷൻ വന്നതിലൂടെ അല്ലങ്കിൽ അതിൽ വന്ന ഭീമമായ ശമ്പള വർധനയിലൂടെ ഗവണ്മെന്റ്നു കൂടുതൽ ബാധ്യത ആണ് ഉണ്ടാക്കി എന്നുള്ളതാണ് സത്യം.

ജോലിയിൽ കയറി സർവീസ് തുടങ്ങുന്ന 25-30 വർഷങ്ങൾക്ക് മുന്നേ പതിനായിരം രൂപാ ( ഒരു ലക്ഷത്തിന്റ  പത്തു ശതമാനം എന്ന ഒരു ആവറേജ് കണക്കിൽ ആണ് കെട്ടോ) മാറ്റി വെക്കുന്നതും പിരിയുമ്പോൾ 50000 രൂപാ പെൻഷൻ കൊടുക്കുന്നതും തമ്മിൽ ഇന്നത്തെയും അന്നത്തേയും രൂപയുടെ മൂല്യം നോക്കുമ്പോൾ എന്ത് വ്യത്യാസമാണ്?

അതായത് ശമ്പളം ഇരട്ടി ആക്കി അതിൽ പിന്നെയും ഗവണ്മെന്റ്നെ കൊണ്ട് പത്തു ശതമാനം 25-30 വര്ഷങ്ങൾക്കു  മുന്നേ തന്നെ ഇടുവിച്ചു കൊണ്ട് ഉള്ള  പങ്കാളിത്ത പെൻഷൻ ആണ്, ഞങ്ങൾ മാറ്റി വെക്കുന്ന വിഹിതമാണ് പെൻഷൻ എന്ന് പറയുന്നതിന്റെ പൊള്ള തരം.....അത്  എത്ര ഭീകരമാണ് എന്ന് നമുക്ക് മനസ്സിലായ കാര്യമാണ്...

ഈ തരത്തിലുള്ള പങ്കാളിത്ത പെന്ഷനും പഴയ പെൻഷൻ സമ്പ്രദായവും തമ്മിൽ വന്ന വ്യത്യാസം എന്ത് ഗുണമാണ് ദോഷമല്ലാത്ത രാജ്യത്തിന് നൽകുന്നത്????

എന്നിട്ടോ പറയുമ്പോൾ പങ്കാളിത്ത പെൻഷൻ ആണ് പോലും..

വേണമെങ്കിൽ നിങ്ങളും അങ്ങനെ ചെയ്യൂ എന്ന് സാധാരണക്കാരനോട് ഉള്ള വാചക കസർത്തും..

മാറ്റി വെക്കാൻ പോയിട്ട് അന്നന്നു ജീവിക്കാൻ വരുമാനം കിട്ടാതെ എല്ലാത്തിനും തുല്ല്യ നികുതി കൊടുത്തു ഇവർക്കൊക്കെ ശമ്പളം കൊടുക്കുന്ന സാധാരണ കാരനോട് ആണ് പറയുന്നത് നിങ്ങളും പങ്കാളിത്തം ചെയ്യൂ എന്ന്????

എന്ത് മറുപടി ആണ് സാർ നിങ്ങൾക്ക് ശമ്പളം തരുന്ന, പെൻഷൻ തരുന്ന ഞങ്ങൾ  ഇതിന് തരേണ്ടുന്നത്???

അത് കൊണ്ട് പങ്കാളിത്ത.പെൻഷൻ ആണ്, ഞങ്ങളുടെ ശമ്പളം ആണ് എന്നൊന്നും, ഇതറിയുന്ന സാധാരണക്കാരനോട് ഇനിയും പറയാൻ നിൽക്കരുത്....

ശമ്പളം നൂറ് ശതമാനം കൂട്ടി  90 ശതമാനം വീട്ടിൽ കൊണ്ട് പോയി പത്തു ശതമാനം മാറ്റി വെച്ച് വീണ്ടും പത്തു ശതമാനം സർക്കാരിൽ നിന്ന് മേടിച്ചു പിരിഞ്ഞു പോകുമ്പോൾ അതിന്റെ  പലിശയും കൂട്ട് പലിശയും സഹിതം മേടിക്കുന്ന കലാ പരിപാടിയാണ് ഇത് എന്ന് അറിയുന്നത് കൊണ്ട് ദയവ് ചെയ്തു... ഇതും പറഞ്ഞു ന്യായീകരിക്കരുത്...

വരവ് അറിയാതെ, വരുമാനത്തിൽ ഒതുങ്ങാത്ത ചിലവുകൾ നിങ്ങൾക്ക് ശമ്പളമായി തന്നാൽ ഇപ്പോഴേ കടവും കടത്തിന് മേൽ കടവുമായി നിൽക്കുന്ന നമ്മുടെ നാട് ഇനി മുന്നോട്ട് പോവില്ല എന്ന് മനസ്സിലാക്കുക..

പകരം അർഹത പെട്ടവർക്ക് അവരുടെ വാർധക്യത്തിൽ കൊടുക്കുന്ന പതിനായിരം രൂപ മരുന്നിനും ഭക്ഷണത്തിനും വസ്ത്രതിനും വേണ്ടി ചിലവഴിക്കപ്പെടുമ്പോൾ ബിസിനസ്‌ മെച്ചപ്പെടും, കയ്യിൽ കാശ് വരുമ്പോൾ കൃഷി ഭൂമികൾ ഉണരും.. ഇതിൽ നിന്നും ക്രയവിക്രയം പല കൈ മറിയുമ്പോൾ പിന്നെയും നികുതി ഇനത്തിൽ സർക്കാർ ഖജനാവിൽ പണമെത്തും...

അത് കൊണ്ട് സ്വാർത്ഥ താൽപ്പര്യം കൊണ്ട്  മുടന്തൻ നയങ്ങൾ പറഞ്ഞു ഈ നാടിനെ തകർക്കുന്ന രാജ്യ ദ്രോഹികൾ ആയി നിങ്ങൾ മാറരുത്....

ഇത് ഒരു അപേക്ഷയാണ്.... സർക്കാർ ഉദ്യോഗസ്ഥരോടും, അനധികൃതമായി സർക്കാർ ഖജനാവിൽ കയ്യിട്ടു വാരുന്നവരോടും...