Sa pagdiriwang ng National Women’s Month ngayong Marso, buong pagmamalaking kinikilala ng NHA Region 9 at BARMM, sa pangunguna ni Regional Manager Engr. Al-kwarizmi U. Indanan at sa direktiba ni General Manager Joeben Tai, ang napakahalagang papel ng kababaihan sa pagbuo ng bansa. 

Bilang paggunita sa okasyon, isinagawa ng NHA Region 9 Office at Pagadian District Office ang ribbon-cutting ceremony para sa bagong tatag na Child-Minding Center sa opisina, na isang patunay ng ahensya sa dedikasyon nito sa pagtataguyod ng mga karapatan ng kababaihan, pagiging inklusibo sa trabaho, at mga patakarang pampamilya para sa maunlad na komunidad.

Lumahok ang National Housing Authority (NHA), kasama ang mga kasapi ng Key Shelter Agencies (KSAs), sa isinagawang Inter-KSA Advocacy Walk. 

Ang kaganapan ay alinsunod sa pagdiriwang ng Women's Month sa buwan ng Marso na naglalayong ipakita ang kahalagahan ng gender equality at women empowerment sa ating komunidad.

Bilang kinatwan ng National Housing Authority(NHA), dinaluhan nina Gender and Development (GAD) Chairperson Atty. Maria Magdalena Siacon; GAD Project Monitoring and Evaluation Committee Head Nerisa Subido; NHA-GAD Men Opposed to VAW Everywhere (MOVE) President Ar. John Derek Biag; Advocacy, Networking and Public Communications Committee (ANPCC) Head Maricris Maninit,  at GAD Secretariat Head Dianne Luzelle Masangkay ang pagpupulong ng Inter-Key Shelter Agencies (KSA) Gender and Development Focal Point System Coordinating Body. 

Ang pagtitipong ito ay nakatuon para matiyak na naisasakatuparan ang mga layunin ng GAD sa mga programa't serbisyo ng bawat ahensya.

Pinangunahan ng GAD Advocacy, Networking and Public Communications Committee (ANPCC) at ng buong National Housing Authority Gender Focal Point System (NHA GFPS) ang culminating activity ng 18-Day Campaign to End Violence Against Women. 

Kabilang sa mga aktibidad na naganap ang paglulunsad ng bagong GAD Bulletin Board na nagpapakita ng mga kaganapang isinasagawa ng NHA para isulong ang GAD, kabilang na ang mga parangal na nakuha ng ahensya ukol dito; at ang paggawa ng Impressions of Unity to End VAW, isang hand painting ng mga empleyado na naglalahad ng suporta laban sa karahasan sa mga kababaihan. 

Nagpasalamat naman si NHA GAD Chairperson Atty. Ma. Magdalena D. Siacon sa matagumpay na pakikiisa ng NHA sa naturang kampanya at binigyan diin din niya ang kahalagahan ng pamilya sa pagpapalaganap ng adhikain ng VAW.

Ang exhibit na pinangasiwaan ng GAD Advocacy, Networking and Public Communications Committee (ANPCC) ay nagpapakita ng mga aktibidad ng ahensya sa pagsusulong ng gender equality at karapatan ng mga kababaihan tungo sa isang komunidad na malaya sa karahasan at diskriminasyon. 

Sa ilalim ng pamumuno at gabay nina National Housing Authority (NHA) General Manager at GAD Champion Joeben Tai at HSSG Group Manager Atty. Maria Magdalena  T. de Leon-Siacon, sinimulan na ng ahensya ang pakikiisa sa buong bansa sa pagtalima sa 18-Day Campaign to End Violence Against Women. 

Ang aktibidad ay pinangasiwaan ng NHA GAD Advocacy, Networking and Public Communications Committee (ANPCC) matapos ang flag-raising ceremony.