Tabel de Elementi

Tabel de Elementi

Ekse tabel de elementi kimiik natural in Idiom Neutral. Elementi skribed in seluli blu es teli, keli no eksist in diksionari ofisik; sikause, mi av proposed nomi pro ili sekuantu regli konsernant formasion de paroli nov in Gramatik (i.e. komparasion de paroli in sept fontlingui: angl E, frans F, german D, espan S, ital I, rus R e latin L) e relativu model guvernant paroli used pro otr elementi. Ekse mie motivi:

10-Neon, 36-Kripton, 54-Ksenon, 86-Radon
Elementi 10-Neon, 36-Kripton, 54-Ksenon e 86-Radon: omni ist elementi aparten a grup VIIIa visinu argon e us sufiks -on, kel sign gasi nobl. Ili reten ist sufiks in omni fontlingui.

85-Astat
Element 85-Astat: ist element aparten a grup VIIa (halogeni). Negligante ke elementi de ist grup fini mediu sufiks -ine in lingu angl, ili no fini mediu sert sufiks kimiik in otr fontlingui (p.e. -ium, -io, -ij, i. o.). In Idiom Neutral, otr halogeni (9-Fluor, 17-Klor, 35-Brom, e 53-Iod) av et noun sufiks karakteristik.

Relativu 85-Astat: astatine (E), astate (F), Astat (D), ástato (S), astato (I), астат (R).

59-Praseodim, 60-Neodim
Elementi 59-Praseodim, 60-Neodim: praseodymium, neodymium (E); Praséodyme, Néodyme (F); Praseodym, Neodym (D); praseodimio, neodimio (SI); празеодим, неодим (R). 

On potes visar, ke in lingui angl, espan e ital, ist elementi fini mediu sufiks kimiik (i.e. -ium, -io, -io), ma no in lingui frans, german e rus. Mi av selekted no usar -ium kuale sufiks neutralidiomik in ist kasu, kause didim (angl. didymium), miksad de praseodim e neodim, kel esav suposed inkorekte esar un element unik kuande it esav dekuvred, av noun tal sufiks. 

43-Teknesium, 71-Lutesium, 87-Fransium
Elementi 43-Teknesium, 71-Lutesium, 87-Fransium: elementi 43 e 71 es skribed mediu -tium (angl. technetium, lutetium), ma literasion av esed muted a korespondar a pronunsiasion, kmp. tecnecio (S), tecnezio (I), технеций (R); lutécium (F), lutecio (S), lutezio (I), лютеций (R). Kompara et element 38-Stronsium. NB. literasion de 61-Prometium korespond a literasion originik ko -thium, no -tium (in lingu rus, literasion ko -т, no -ц). 

93-Neptunium, 94-Plutonium
Elementi 93-Neptunium e 94-Plutonium: in diksionar, 92-Uran apar sine sufiks -ium; negligante it, in omni fontlingui, nomi de elementi 93 e 94 eksist ko sufiks kimiik: neptunium (E), neptunium (F), Neptunium (D), neptunio (S), nettunio (I), нептуний (R); plutonium (E), plutonium (F), Plutonium (D), plutonio (SI), плутоний (R).
 

Omni elementi restant, keli av nom proposed, av esed litered sekuantu regli ortografik de Idiom Neutral.