၃.၂။ ဒုတိယအနိယတသိက္ခာပိုဒ်
445) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ် ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂး ခမဳရ။ မာတုဂါမ မ္ဂးဂှ် ဗြဴမၞိဟ်ရောၚ်၊ လကိုဟ် (ဒေဝတဴ) ဗြဴ ဟွံသေၚ်၊ ပြိုတ်ဗြဴ ဟွံသေၚ်၊ တိရစ္ဆာန်ဗြဴ ဟွံသေၚ်၊ ဗွဲတွဵုမယုတ် ကောန်ၚာ်ဗြဴ မၜံၚ်သၠးတိတ် တ္ၚဲဝွံရောၚ်။ ပ္ဍဲမၞိဟ်ဗြဴအဝယ်ဇၞော်ဂှ် သက်ဟီုဟွံမွဲဟေၚ်ရ။ မွဲစွံ မ္ဂးဂှ် မွဲဟာန်ကေုာံရောၚ်။ ညးမွဲကေုာံညးမွဲ မ္ဂးဂှ် ခမဳမွဲဇကု မာတုဂါမ်မွဲတၠရောၚ်။ ဌာန်လ္ၚုဂြောပ်ဗ္ဒန် မ္ဂးဂှ် ဌာန်လ္ၚုဂြောပ်ဗ္ဒန်မတ် ဌာန်လ္ၚုဂြောပ်ဗ္ဒန်ကတောဝ်ရောၚ်။ ဌာန်လ္ၚုဂြောပ် မ္ဂးဂှ် ဌာန်ဟွံသၟဟ်စောံ တၞဟ်နညာတ် ပွမထ္ၜေက်မတ်ကီု ပွမပချဳထ္ၜး တၞေၚ်မတ်ကီု ပွမဓညိက်ထ္ၜးက္ဍိုပ်ကီုရောၚ်။ ဌာန်လ္ၚုဂြောပ်ဗ္ဒန်ကတောဝ် မ္ဂးဂှ် ဌာန်ဟွံသၟဟ်စောံ တၞဟ်နမိၚ်ဂလာန်ပကတိရောၚ်။ ဌာန်မၞုံကဵုအစဵုအဗိုၚ် မ္ဂးဂှ် ဌာန်မဂပ်ဝ်ဂြောပ်ဗ္ဒန် စဵုလဝ်နကဵုဗ္ဒၚ်ကီု နကဵုသၠတြၚ်ကီု နကဵုသကဝ်ကီု နကဵုယာတ်သၞိက်ကီု နကဵုတၞံဆုကီု နကဵုဒယိုၚ်ကီု နကဵုကောပ်ကာဲဒေါဲကီု နကဵုမမိက်ကဵုမွဲမွဲရောၚ်။ မဗဗွဲကဵုတၞဟ်နသ္ပဒ္ဂေတ်မေထုန် မ္ဂးဂှ် ဌာန်မသၟဟ်စောံ တၞဟ်နသွိုန်ဗပိုန်သိပ်ဂၠိပ် ဒ္ဂေတ်မေထုန်ရောၚ်။ ဂဇအ်ဒၟံၚ် မ္ဂးဂှ် မာတုဂါမဂှ် ဂဇအ်မ္ဂး ခမဳဂှ် ပြာပ်အာတုဲလေဝ် ဂဇအ်ရ၊ ပြာပ်အာတုဲလေဝ် တိက်ရ၊ ခမဳဂှ် ဂဇအ်မ္ဂး မာတုဂါမ ပြာပ်အာတုဲလေဝ် ဂဇအ်ရ၊ ပြာပ်အာတုဲလေဝ် တိက်ရ၊ သီုညးၜါလေဝ် ဂဇအ်အိုတ်ရ၊ သီုညးၜါလေဝ် တိက်အိုတ်ရ။ ဍေံမၞုံဂလာန်ထေက်ကဵုပတှေ် မ္ဂးဂှ် ဍေံအာစိုပ်သောတာပတ္တိဖိုလ်တုဲ ဍေံမထပက်ခၠၚ်တီကေတ်သစ္စပန်တုဲ ဍေံမဒ္ဂေတ်လ္ၚတ်သိက္ခာပိပြကာတုဲ။ ဥပးဗြဴ မ္ဂးဂှ် ဒကာဗျဉ် မပြာပ်ခစကျာ်ဓရ်သၚ်ရောၚ်။ ညာတ်တုဲမ္ဂးဂှ် ရံၚ်ညာတ်တုဲ။ နပါရာဇ်ကီု နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုၚ်ပိ စောတ်စောဲ နအာပတ်မွဲမွဲမ္ဂး၊ ခမဳမဒုၚ်ဝန် ပွမဂဇအ်ဂှ် နပါရာဇ်ကီု နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုၚ်ပိ နအာပတ်မွဲမွဲ ဒးသ္ဂုတ်သွာတ်ရ၊ နအာပတ် ဥပးဗြဴ မၞုံကဵုဂလာန် မထေက်ကဵုပတှေ် မစောတ်စောဲဂှ် ဒးသ္ဂုတ်သွာတ် ခမဳဂှ်ရ။
446) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံၚ် သွိုန်ဗပိုန် သိပ်ဂၠိပ်ဒၟံၚ် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွမဂဇအ်ဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံၚ် သွိုန်ဗပိုန် သိပ်ဂၠိပ်ဒၟံၚ် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် ဍာံပြရ အဲဂဇအ်ဒၟံၚ်ရ၊ ၜိုန်ဂှ်လေဝ် မေထုန်ဂှ်တုန် ဟဂွံသွိုန်ဗပိုန်သိပ်ဂၠိပ်ရ ရဴဝွံ သ္ဂးတဴမ္ဂး ၊ ဒးသ္ဂုတ်သွာတ် နပွမဂဇအ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံၚ် သွိုန်ဗပိုန် သိပ်ဂၠိပ်ဒၟံၚ် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် အဲ ဟွံဂဇအ်ဒၟံၚ်ရ၊ ဗွဲစၟတ်တုန် အဲတိက်ဒၟံၚ်ရ ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံၚ် သွိုန်ဗပိုန် သိပ်ဂၠိပ်ဒၟံၚ် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် အဲဟွံဂဇအ်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ ရဴဝွံ သ္ဂးတဴမ္ဂး ၊ ဟဂပ်ဝ်သ္ဂုတ်သွာတ်ရ။
447) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံၚ် သွိုန်ဗပိုန် သိပ်ဂၠိပ်ဒၟံၚ် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွမတိက်ဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံၚ် သွိုန်ဗပိုန် သိပ်ဂၠိပ်ဒၟံၚ် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် ဍာံပြရ အဲတိက်ဒၟံၚ်ရ၊ ၜိုန်ဂှ်လေဝ် မေထုန်ဂှ်တုန် ဟဂွံသွိုန်ဗပိုန် သိပ်ဂၠိပ်ရ ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံၚ် သွိုန်ဗပိုန် သိပ်ဂၠိပ်ဒၟံၚ် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် အဲဟွံတိက်ဒၟံၚ်ရ၊ ဗွဲစၟတ်တုန် အဲဂဇအ်ဒၟံၚ်ရ ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံၚ် သွိုန်ဗပိုန် သိပ်ဂၠိပ်ဒၟံၚ် မေထုန် မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် အဲဟွံတိက်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။
448) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံၚ် အာစိုပ်ပွမနှဴရဴဇကုကာယ မာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “ဍာံပြရ အဲဂဇအ်ဒၟံၚ်ရ၊ ၜိုန်ဂှ်လေဝ် ပွမနှဴရဴဇကုကာယတုန် ဟွံအာစိုပ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲဟွံဂဇအ်ဒၟံၚ်ရ၊ ဗွဲစၟတ်တုန် အဲတိက်ဒၟံၚ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံဂဇအ်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံၚ် အာစိုပ်ပွမနှဴရဴဇကုကာယ ကေုာံမာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “ဍာံပြရ အဲတိက်ဒၟံၚ်ရ၊ ၜိုန်ဂှ်လေဝ် ပွမနှဴရဴဇကုကာယတုန် ဟွံအာစိုပ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲဟွံတိက်ဒၟံၚ်ရ၊ ဗွဲစၟတ်တုန် အဲဂဇအ်ဒၟံၚ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲဟွံတိက်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ” ရဴဝွံ သ္ဂးတဴမ္ဂး ၊ ဟဂပ်ဝ်သ္ဂုတ်သွာတ်ရ။
449) ဥပးဗြဴ “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံၚ် ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲကဵုအစဵုဗိုၚ် မဗဗွဲကဵုတၞဟ်နသ္ပ ဒ္ဂေတ်မေထုန်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “အဲဟွံဂဇအ်ဒၟံၚ်ရ၊ ဗွဲစၟတ်တုန် အဲတိက်ဒၟံၚ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံဂဇအ်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။
450) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် မတိက်ဒၟံၚ်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲကဵုအစဵုဗိုၚ် မဗဗွဲကဵုတၞဟ်နသ္ပ ဒ္ဂေတ်မေထုန်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “အဲ ဟွံတိက်ဒၟံၚ်ရ၊ ဗွဲစၟတ်တုန် အဲဂဇအ်ဒၟံၚ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲ ဟွံတိက်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဟွံဗိုန်ရမ္ဂးဂှ် ပါရာဇ်ရကီု သံဃာဒိသေသ်ရကီု ပဲါစိုတ်ရကီု ဟွံဗိုန်ရ။
451) ဒုၚ်ဝန် ပွမအာမ္ဂး၊ ဒုၚ်ဝန် ပွမဂဇအ်မ္ဂး၊ ဒုၚ်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဒုၚ်ဝန် ပွမအာမ္ဂး၊ ဟွံဒုၚ်ဝန် ပွမဂဇအ်မ္ဂး၊ ဒုၚ်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဒုၚ်ဝန် ပွမအာမ္ဂး၊ ဒုၚ်ဝန် ပွမဂဇအ်မ္ဂး၊ ဟွံဒုၚ်ဝန် အာပတ်မ္ဂး၊ ဒးသ္ဂုတ်သွာတ် နပွမဇအ်ရ။ ဒုၚ်ဝန် ပွမအာမ္ဂး၊ ဟွံဒုၚ်ဝန် ပွမဂဇအ်မ္ဂး၊ ဟွံဒုၚ်ဝန် အာပတ်မ္ဂး၊ ဟဂပ်ဝ်သ္ဂုတ်သွာတ်ရ။ ဟွံဒုၚ်ဝန် ပွမအာမ္ဂး၊ ဒုၚ်ဝန် ပွမဂဇအ်မ္ဂး၊ ဒုၚ်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဟွံဒုၚ်ဝန် ပွမအာမ္ဂး၊ ဟွံဒုၚ်ဝန် ပွမဂဇအ်မ္ဂး၊ ဒုၚ်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဟွံဒုၚ်ဝန် ပွမအာမ္ဂး၊ ဒုၚ်ဝန် ပွမဂဇအ်မ္ဂး၊ ဟွံဒုၚ်ဝန် အာပတ်မ္ဂး၊ ဒးသ္ဂုတ်သွာတ် နပွမဂဇအ်ရ။ ဟွံဒုၚ်ဝန် ပွမအာမ္ဂး၊ ဟွံဒုၚ်ဝန် ပွမဂဇအ်မ္ဂး၊ ဟွံဒုၚ်ဝန် အာပတ်မ္ဂး၊ ဟဂပ်ဝ်သ္ဂုတ်သွာတ်ရ။ ပဌမအနိယတသိက္ခာပိုဒ် တုဲရ။
452) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ် အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် တဳလပိုဉ်ဥဒါယဳဂှ် တဳလမၞုံပိုဉ်ကျာ်တြဲ ဆေဝ်ဒဝ်ကၠေံ "ပွမဂဇအ်ဒၟံၚ် ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန် မဟွံမွဲကဵုအစဵုဗိုၚ် မဗဗွဲကဵုတၞဟ်နသ္ပ ဒ္ဂေတ်မေထုန်တုဲရ" ရဴဝွံ ကေုာံသၟဝ်ဗြဴဂှ်ဟေၚ် ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန် သီုမဟီုဂလာန် တွံဓရ်မဗဗွဲကဵုအခိၚ်ဂှ် ဂဇအ်ဒၟံၚ်ရ။ မရနုက်ကဵုၜါဝါလေဝ် ဝိသာခါ မၞုံယၟုမိဂါရမာတာဂှ် ဂပ်ဝ်ဘိက်လဝ်ဒှ်တုဲ အာသ္ၚိဂကူဂှ်ရ။ ဝိသာခါ မၞုံယၟုမိဂါရမာတာဂှ် ညာတ်ဒးအာတဳလပိုဉ်ဥဒါယဳ မဂဇအ်ဒၟံၚ် မွဲဟာန်ကေုာံသၟတ်ဗြဴဂှ် ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်ရ၊ ညာတ်တုဲမ္ဂး “ယွံတဳလပိုဉ် တဳလပိုဉ် ဂဇအ်ဒၟံၚ် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်ရ၊ ယွံတဳလပိုဉ် ဒ္ဂေတ်ပွဝွံ ဟွံထေက်ကြိုက်ရ၊ ဟွံဗဗွဲရ၊ ယွံတဳလပိုဉ် တဳလပိုဉ်ဂှ် မၞုံပၟိက်ကဵုဒ္ဂေတ်မေထုန်ဂှ် ဟွံသေၚ်ရ၊ ၜိုန်ဂှ်လေဝ် သွက်ညးဟွံလျုၚ်ဇြုၚ်သ္ဍိုက်ဂမၠိုၚ်ဏီ ဇြိုၚ်ကဵုဂွံလျုၚ်ဇြုၚ်သ္ဍိုက်အိုတ်ရ” ရဴဝွံ သ္ဂးကဵုတဳလပိုဉ်ဥဒါယဳရ။ တဳလပိုဉ်ဥဒါယဳဂှ် ဝိသာခါ မၞုံယၟုမိဂါရမာတာ သီုဂပ်ဝ်ဟီုသ္ဂးတဴ ရဴဝွံဂှ် ဟွံကလၚ်ကေတ်ရ၊ ပ္ဍဲအခိၚ်ဂှ် ဝိသာခါ မၞုံယၟုမိဂါရမာတာ တိတ်အာတုဲ ဂရၚ်ပတီ ဟိုတ်ပရူပရာဝွံ ကုခမဳဂမၠိုၚ်ရ။ ခမဳပၟိက်အောန်ဂမၠိုၚ် “တဳလပိုဉ်ဥဒါယဳ မုဟိုတ် သ္ဂောံဂဇအ်ဒၟံၚ် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်ဂှ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲကြဴနူဂှ် ခမဳဂမၠိုၚ်ဂှ် ဟီုဂရိုဟ်တၚ်ဒုဟ် တဳလပိုဉ်ဥဒါယဳ နဟိုတ်မဂၠိုၚ်အိုတ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။ “ယွံဥဒါယဳ တၠအဲ သ္ပပွမဂဇအ်ဒၟံၚ် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ။ ပ ။ ယွံတြုံ မလ္ၚုသၟး (နူမဂ်ဖိုလ်) တၠအဲ မုဟိုတ်ဂဇအ်ဒၟံၚ် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုမတ်ဂြောပ်ဗ္ဒန်ဂှ်ရော?၊ ယွံတြုံ မလ္ၚုသၟး (နူမဂ်ဖိုလ်) (ပွတၠအဲသ္ပဒး)ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု။ ပ ။ ယွံခမဳတအ် ရဴဝွံဟေၚ် ဩဝ်စၞောန်ထ္ၜး သိက္ခာပိုဒ်ဝွံအိုတ်ညိ။
453) ဌာန်ဂှ် အစဵုဗိုၚ်လေဝ် ဟွံမွဲရ၊ တၞဟ်နသ္ပဒ္ဂေတ်မေထုန်လေဝ် ဟွံသၟဟ်စောံရ၊ ၜိုန်ဂှ်လေဝ် သွက်ဂွံဟီုသ္ဂး ဂရိုၚ်စရဵုကဵုမာတုဂါမ် နဂလာန်မရုန်မဵုဂမၠိုၚ်တုန် သၟဟ်စောံရ၊ ယြဴခမဳမွဲ ပ္ဍဲဌာန်မၞုံသဘဴမဖှ်သာ်ဂှ် သ္ပပွမဂဇအ်ဒၟံၚ် မွဲဟာန်ကေုာံမာတုဂါမ် ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်မ္ဂး၊ ဥပးဗြဴ မၞုံကဵုဂလာန် ထေက်ကဵုပတှေ် ဂှ် ညာတ်ခမဳဂှ်တုဲ နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုၚ်ၜါ စောတ်စောဲနအာပတ်မွဲမွဲမ္ဂး၊ ခမဳ မဒုၚ်ဝန် ပွမဂဇအ်ဂှ် နသံဃာဒိသေသ်ကီု နပါဲစိုတ်ကီု ပၞောဝ်အာပတ်ဂမၠိုၚ်ၜါ နအာပတ်မွဲမွဲ ဒးသ္ဂုတ်သွာတ် ခမဳဂှ်ရ၊ အာပတ်ဝွံတုန် ဟွံဗိုန်ရ ရဴဝွံ (ဩဝ်စၞောန်ထ္ၜးညိ ရဴဝွံ သ္ဂးရ)။
