၃.၂.၁။ ပွံက်ဒုတိယအနိယတသိက္ခာပိုဒ်
454) ဌာန်ဂှ် အစဵုဗိုၚ်လေဝ် ဟွံမွဲရမ္ဂးဂှ် ဌာန်မဟဂပ်ဝ်ဂြောပ်ဗ္ဒန်စဵုလဝ် နကဵုဗ္ဒၚ်ကီု နကဵုသၠတြၚ်ကီု နကဵုသကဝ်ကီု နကဵုယာတ်သၞိက်ကီု နကဵုတၞံဆုကီု နကဵုဒယိုၚ်ကီု နကဵုကောပ်ကာဲဒေဲါကီု နကဵုမမိက်ကဵုမွဲမွဲရောၚ်။ တၞဟ်နသ္ပဒ္ဂေတ်မေထုန်လေဝ် ဟွံသၟဟ်စောံရမ္ဂးဂှ် ဌာန်မဟွံသၟဟ်စောံ တၞဟ်နသွိုန်ဗပိုန်သိပ်ဂၠိပ် ဒ္ဂေတ်မေထုန်ရောၚ်။ သွက်ဂွံဟီုသ္ဂး ဂရိုၚ်စရဵုကဵုမာတုဂါမ် နဂလာန်မရုန်မဵုဂမၠိုၚ်တုန် သၟဟ်စောံရမ္ဂးဂှ် တၞဟ်နဟီုသ္ဂးဂရိုၚ်စရဵု ကဵုမာတုဂါမ် နဂလာန်ရုန်မဵုဂမၠိုၚ် သၟဟ်စောံရ။ ယြဴမ္ဂးဂှ် ယြဴဍေံမၞုံသဘဴမဖှ်သာ်လဵု။ ပ ။ ခမဳမ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ ပ္ဍဲဌာန်မၞုံသဘဴမဖှ်သာ်ဂှ်မ္ဂးဂှ် ပ္ဍဲဌာန် မၞုံသဘဴရဴဝွံ။ မာတုဂါမမ္ဂးဂှ် ဗြဴမၞိဟ်ရောၚ်။ လကိုဟ် (ဒေဝတဴ) ဗြဴ ဟွံသေၚ်၊ ပြိုတ်ဗြဴဟွံသေၚ်၊ တိရစ္ဆာန်ဗြဴဟွံသေၚ်၊ မၞိဟ်ဗြဴ မသၟဟ်စောံ တီကၠိုဟ်ခၠၚ် ဂလာန်ခိုဟ်ဟွံခိုဟ် ရုန်မဵု ဟွံရုန်မဵုရောၚ်။ မွဲစွံမ္ဂးဂှ် မွဲဟာန်ကေုာံရောၚ်။ ညးမွဲကေုာံညးမွဲမ္ဂးဂှ် ခမဳမွဲဇကု မာတုဂါမ်မွဲတၠရောၚ်။ ဌာန်လ္ၚုဂြောပ်ဗ္ဒန်မ္ဂးဂှ် ဌာန်လ္ၚုဂြောပ်ဗ္ဒန်မတ် ဌာန်လ္ၚုဂြောပ်ဗ္ဒန်ကတောဝ်ရောၚ်။ ဌာန်လ္ၚုဂြောပ်ဗ္ဒန်မတ်မ္ဂးဂှ် ဌာန်ဟွံသၟဟ်စောံ တၞဟ်နညာတ် ပွမထ္ၜေက်ထ္ၜးမတ်ကီု ပွမပချဳထ္ၜးတၞေၚ်မတ်ကီု ပွမဓညိက်ထ္ၜးက္ဍိုပ်ကီုရောၚ်။ ဌာန်လ္ၚုဂြောပ်ဗ္ဒန်ကတောဝ်မ္ဂးဂှ် ဌာန်ဟွံသၟဟ်စောံ တၞဟ်နမိၚ်ဂလာန်ပကတိရောၚ်။ ဂဇအ်ဒၟံၚ်မ္ဂးဂှ် မာတုဂါမဂှ် ဂဇအ်မ္ဂး ခမဳဂှ် ပြာပ်အာတုဲလေဝ် ဂဇအ်ရ၊ ပြာပ်အာတုဲလေဝ် တိက်ရ၊ ခမဳဂှ် ဂဇအ်မ္ဂး မာတုဂါမဂှ် ပြာပ်အာတုဲလေဝ် ဂဇအ်ရ၊ ပြာပ်အာတုဲလေဝ် တိက်ရ၊ သီုညးၜါလေဝ် ဂဇအ်အိုတ်ရ၊ သီုညးၜါလေဝ် တိက်အိုတ်ရ။ ဍေံမၞုံဂလာန်ထေက်ကဵုပတှေ်မ္ဂးဂှ် ဍေံမအာစိုပ်သောတာပတ္တိဖိုလ်တုဲ ဍေံမထပက်ခၠၚ်တီကေတ်သစ္စပန်တုဲ ဍေံမဒ္ဂေတ်လ္ၚတ်သိက္ခာပိပြကာတုဲ။ ဥပးဗြဴမ္ဂးဂှ် ဒကာဗျဉ် မပြာပ်ခစကျာ်ဓရ်သၚ်ရောၚ်။ ညာတ်တုဲမ္ဂးဂှ် ရံၚ်ညာတ်တုဲ။ နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုၚ်ၜါ စောတ်စောဲနအာပတ်မွဲမွဲမ္ဂး၊ ခမဳမဒုၚ်ဝန် ပွမဂဇအ်ဂှ် နသံဃာဒိသေသ်ကီု နပဲါစိုတ်ကီု ပၞောဝ်အာပတ်ဂမၠိုၚ်ၜါ နအာပတ်မွဲမွဲ ဒးသ္ဂုတ်သွာတ်ရ၊ နအာပတ် ဥပးဗြဴ မၞုံကဵုဂလာန် မထေက်ကဵုပတှေ် မစောတ်စောဲဂှ် ဒးသ္ဂုတ်သွာတ်ခမဳဂှ်ရ။
455) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံၚ် အာစိုပ်ပွမနှဴရဴဇကုကာယ ကေုာံမာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံၚ် အာစိုပ်ပွမနှဴရဴဇကုကာယ ကေုာံမာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် “ဍာံပြရ အဲဂဇအ်ဒၟံၚ်ရ၊ ၜိုန်ဂှ်လေဝ် ပွမနှဴရဴ ဇကုကာယတုန် ဟွံအာစိုပ်ရ” ရဴဝွံ သ္ဂးတဴမ္ဂး ဒးသ္ဂုတ်သွာတ် နပွမဂဇအ်ရ။ ပ ။ “အဲဟွံဂဇအ်ဒၟံၚ်ရ၊ ဗွဲစၟတ်တုန် အဲတိက်ဒၟံၚ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံဂဇအ်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံၚ် အာစိုပ်ပွမနှဴရဴဇကုကာယ ကေုာံမာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံၚ် အာစိုပ်ပွမနှဴရဴဇကုကာယ ကေုာံမာတုဂါမ်တုဲရ” ရဴဝွံ စောတ်စောဲမ္ဂး၊ ခမဳဂှ် “ဍာံပြရ အဲတိက်ဒၟံၚ်ရ၊ ၜိုန်ဂှ်လေဝ် ပွမနှဴရဴ ဇကုကာယတုန် ဟွံအာစိုပ်ရ” ရဴဝွံ သ္ဂးတဴမ္ဂး ဒးသ္ဂုတ်သွာတ် နပွမတိက်ရ။ ပ ။ “အဲဟွံတိက်ဒၟံၚ်ရ၊ ဗွဲစၟတ်တုန် အဲဂဇအ်ဒၟံၚ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲ ဟွံတိက်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဥပးဗြဴဂှ် “အဲဍိက် ဂပ်ဝ်မိၚ်တဴတဳလပိုဉ် သီုမဂဇအ်ဒၟံၚ် ဟီုသ္ဂးဂရိုၚ်စရဵုကဵု မာတုဂါမ် နဂလာန်ရုန်မဵုဂမၠိုၚ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်မိၚ်တဴတဳလပိုဉ် သီုမဂဇအ်ဒၟံၚ် ဟီုသ္ဂးဂရိုၚ်စရဵုကဵု မာတုဂါမ် နဂလာန်ရုန်မဵုဂမၠိုၚ်တုဲရ” ရဴဝွံ စောတ်စောဲမ္ဂး၊ ခမဳဂှ် “ဍာံပြရ အဲဂဇအ်ဒၟံၚ်ရ၊ ၜိုန်ဂှ်လေဝ် ဟွံဟီုဂရိုၚ်စရဵု (ကဵုမာတုဂါမ်) နဂလာန်မရုန်မဵုရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲ ဟွံဂဇအ်ဒၟံၚ်ရ၊ ဗွဲစၟတ်တုန် အဲတိက်ဒၟံၚ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံဂဇအ်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဥပးဗြဴဂှ် “အဲဍိက် ဂပ်ဝ်မိၚ်တဴတဳလပိုဉ် သီုမတိက်ဒၟံၚ် ဟီုသ္ဂးဂရိုၚ်စရဵုကဵု မာတုဂါမ် နဂလာန်ရုန်မဵုဂမၠိုၚ်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ဥပးဗြဴဂှ် “အဲဍိက် ဂပ်ဝ်မိၚ်တဴတဳလပိုဉ် သီုမတိက်ဒၟံၚ် ဟီုသ္ဂးဂရိုၚ်စရဵုကဵု မာတုဂါမ် နဂလာန်ရုန်မဵုဂမၠိုၚ်တုဲရ” ရဴဝွံ စောတ်စောဲမ္ဂး၊ ခမဳဂှ် “ဍာံပြရ အဲတိက်ဒၟံၚ်ရ၊ ၜိုန်ဂှ်လေဝ် ဟွံဟီုဂရိုၚ်စရဵု (ကဵုမာတုဂါမ်) နဂလာန်မရုန်မဵုရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံတိက်ဒၟံၚ်ရ၊ ဗွဲစၟတ်တုန် အဲဂဇအ်ဒၟံၚ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲ ဟွံတိက်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။
456) ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမဂဇအ်ဒၟံၚ် ကေုာံမာတုဂါမ်ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “အဲဟွံဂဇအ်ဒၟံၚ်ရ၊ ဗွဲစၟတ်တုန် အဲတိက်ဒၟံၚ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမတိက်ရ။ ပ ။ “အဲ ဟွံဂဇအ်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဥပးဗြဴဂှ် “အဲဍိက် ဂပ်ဝ်ညာတ်တဴတဳလပိုဉ် သီုမတိက်ဒၟံၚ် ကေုာံမာတုဂါမ်ညးမွဲကေုာံညးမွဲ ပ္ဍဲဌာန်လ္ၚုဂြောပ်ဗ္ဒန်တုဲရ” ရဴဝွံ စောတ်စောဲမ္ဂး၊ ခမဳဂှ်လေဝ် ဒုၚ်ဝန်ပွဂှ်မ္ဂး၊ ဒးသ္ဂုတ်သွာတ် နအာပတ်ရ။ ပ ။ “အဲဟွံတိက်ဒၟံၚ်ရ၊ ဗွဲစၟတ်တုန် အဲဂဇအ်ဒၟံၚ်ရ” ရဴဝွံ သ္ဂးတဴမ္ဂး၊ ဒးသ္ဂုတ်သွာတ် နပွမဂဇအ်ရ။ ပ ။ “အဲ ဟွံတိက်ဒၟံၚ်ရ၊ ဗွဲစၟတ်တုန် အဲဒတူဒၟံၚ်ရ” ရဴဝွံ သ္ဂးတဴမ္ဂး၊ ဟဂပ်ဝ်သ္ဂုတ်သွာတ်ရ။ ဣဝွံလေဝ် မ္ဂးဂှ် ထံက်ကဵုသိက္ခာပိုဒ်ကၠာဂှ်တုဲ သ္ဂးရ။ ဟွံဗိုန်ရ မ္ဂးဂှ် သံဃာဒိသေသ်ရကီု ပဲါစိုတ်ရကီု ဟွံဗိုန်ရ။
457) ဒုၚ်ဝန် ပွမအာမ္ဂး၊ ဒုၚ်ဝန် ပွမဂဇအ်မ္ဂး၊ ဒုၚ်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဒုၚ်ဝန် ပွမအာမ္ဂး၊ ဟွံဒုၚ်ဝန် ပွမဂဇအ်မ္ဂး၊ ဒုၚ်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဒုၚ်ဝန် ပွမအာမ္ဂး၊ ဒုၚ်ဝန် ပွမဂဇအ်မ္ဂး၊ ဟွံဒုၚ်ဝန် အာပတ်မ္ဂး၊ ဒးသ္ဂုတ်သွာတ် နပွမဇအ်ရ။ ဒုၚ်ဝန် ပွမအာမ္ဂး၊ ဟွံဒုၚ်ဝန် ပွမဂဇအ်မ္ဂး၊ ဟွံဒုၚ်ဝန် အာပတ်မ္ဂး၊ ဟဂပ်ဝ်သ္ဂုတ်သွာတ်ရ။ ဟွံဒုၚ်ဝန် ပွမအာမ္ဂး၊ ဒုၚ်ဝန် ပွမဂဇအ်မ္ဂး၊ ဒုၚ်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဟွံဒုၚ်ဝန် ပွမအာမ္ဂး၊ ဟွံဒုၚ်ဝန် ပွမဂဇအ်မ္ဂး၊ ဒုၚ်ဝန် အာပတ်မ္ဂး၊ ဒးသ္ဂုတ်သွာတ် နအာပတ်ရ။ ဟွံဒုၚ်ဝန် ပွမအာမ္ဂး၊ ဒုၚ်ဝန် ပွမဂဇအ်မ္ဂး၊ ဟွံဒုၚ်ဝန် အာပတ်မ္ဂး၊ ဒးသ္ဂုတ်သွာတ် နပွမဂဇအ်ရ။ ဟွံဒုၚ်ဝန် ပွမအာမ္ဂး၊ ဟွံဒုၚ်ဝန် ပွမဂဇအ်မ္ဂး၊ ဟွံဒုၚ်ဝန် အာပတ်မ္ဂး၊ ဟဂပ်ဝ်သ္ဂုတ်သွာတ်ရ။ ဒုတိယအနိယတသိက္ခာပိုဒ်တုဲရ။
458) ယွံတၠဇမၠိၚ်အာယုက်တအ် အာပတ်အနိယတဂမၠိုၚ်ၜါပြကာဝွံ ဂပ်ဝ်စၞောန်ထ္ၜး ဗွဲသရုပ်တုဲအိုတ်ရ။ ပ္ဍဲအနိယတဂမၠိုၚ်ၜါဂှ် သၟာန်တဳလပိုဉ်ဂမၠိုၚ်ရ၊ သအးဇ္ၚးနူအာပတ်အိုတ်ရဟာ၊ မရနုက်ကဵုၜါဝါလေဝ် သၟာန်ရ၊ သအးဇ္ၚးနူအာပတ်အိုတ်ရဟာ၊ မရနုက်ကဵုပိဝါလေဝ် သၟာန်ရ၊ သအးဇ္ၚးနူအာပတ်အိုတ်ရဟာ၊ တၠဇမၠိၚ်အာယုက်တအ်ညးဂမၠိုၚ် ပ္ဍဲအနိယတဂမၠိုၚ်ၜါဝွံ သအးဇ္ၚးနူအာပတ်အိုတ်ရ၊ ဟိုတ်ဂှ်ရ ဒၟံၚ်သ္ၚိတ်သ္ၚိတ်ဇြဇြအိုတ်ရ၊ ရဴဝွံ နမဒၟံၚ်သ္ၚိတ်သ္ၚိတ်ဇြဇြဂှ် ဂွံသမ္တီကေတ် ဒဒှ်မသအးဇ္ၚးနူအာပတ်ဝွံရ။
