၅.၁။ ခုဒ္ဒကဝတ္ထုဂမၠိုၚ်
၂၄၃။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဝေဠုဝန် မဒှ်ဒၞာဲကဵုစၞ ကုယန်လမ္စံက်ဂမၠိုၚ် ဇရေၚ်ဍုၚ်ရာဇဂြိုဟ်ဂှ် ခမဳဆဗ္ဗဂ္ဂဳဂမၠိုၚ် ဟုမ်ဍာ်အိုတ်မ္ဂး ဓဇိုတ်ပေါတ်ဂၠိန်ဇကု ပ္ဍဲတၞံဆုဂမၠိုၚ်၊ ဓဇိုတ်ပေါတ်ဂၠိန်ဒဳကီု သပါတဲကီု စၞိန်စးကီုအိုတ်ရ။
မၞိဟ်ဂမၠိုၚ် “ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ် သၟဟ်ညံၚ်ရဴသၟာလက်ပၠုဲဂမၠိုၚ်ကီု သၟဟ်ညံၚ်ရဴ ကောန်ညးဍုၚ်ဂမၠိုၚ် မပတိတ်ဇြဟတ် ပွမကျိုၚ်ကျဝ်ဗြံက်ဗြ ကဵုစောဲစပ်စၞာံပရဳကီု ဟုမ်ဍာ်အိုတ်မ္ဂး ဓဇိုတ်ဂၠိန်ဇကု ပ္ဍဲတၞံဆုအိုတ်ရော၊ ဓဇိုတ်ပေါတ်ဂၠိန်ဒဳကီု သပါတဲကီု သြိုဟ်ကီု စၞိန်စးကီုရော” ရဴဝွံ ဟီုဂရိုဟ်အိုတ်ရ။ ပျုတ်ဗ္ဒေက်အိုတ်ရ။ ဟီုထ္ၜးဒုဟ်အိုတ်ရ။
ခမဳဂမၠိုၚ် ဂွံမိၚ်ကေတ် ဂလာန်မၞိဟ်ဂမၠိုၚ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂမၠိုၚ်ဂှ်အိုတ်ဟေၚ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုဂကောံခမဳ ကောံဓရီုတုဲ—
“ယွံခမဳတအ် ခမဳဆဗ္ဗဂ္ဂဳဂမၠိုဟ် ဟုမ်ဍာ်အိုတ်မ္ဂး ဓဇိုတ်ပေါတ်ဂၠိန်ဇကု ပ္ဍဲတၞံဆုအိုတ်ရ၊ ဓဇိုတ်ပေါတ်ဂၠိန်ဒဳကီု သပါတဲကီု သြိုဟ်ကီု စၞိန်စးကီုအိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက် ခမဳဂမၠိုၚ်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။
တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ။ “ယွံခမဳတအ် ဟွံထေက် ကုခမဳဂမၠိုၚ် မဒှ်တြုံမလ္ၚုသၟး (နူမဂ်ဖိုလ်) ဂှ်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေၚ်ရ၊ ဟွံဂပ်ဝ် (ကုခမဳဂမၠိုၚ်) ရ၊ ဟွံထေက်ကဵုသ္ပရ၊ ယွံခမဳတအ် ခမဳဂမၠိုၚ် မဒှ်တြုံ မလ္ၚုသၟး (နူမဂ်ဖိုလ်) ဂှ် မုဟိုတ်ဟုမ်ဍာ်အိုတ်မ္ဂး ဓဇိုတ်ပေါတ်ဂၠိန်ဇကု ပ္ဍဲတၞံဆုအိုတ်ရော၊ မုဟိုတ်ဓဇိုန်ပေါတ်ဂၠိန်ဒဳကီု သပါတဲကီု သြိုဟ်ကီု စၞိန်စးကီုအိုတ်ရော၊ ယွံခမဳတအ် (ပွခမဳဆဗ္ဗဂ္ဂဳဂမၠိုၚ် သ္ပဒးဝွံ) ကုညးဟွံလျုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်သ္ဍိုက်ကီု။ပ။ ဟီုဂရိုဟ်တုဲ။ပ။ တွံကဵုဂလာန်ဓရ်တုဲမ္ဂး “ယွံခမဳတအ် ခမဳမဟုမ်ဍာ်ဂှ် ဟဂပ်ဝ်ဓဇိုတ်ပေါတ်ဂၠိန်ဇကု ပ္ဍဲတၞံဆုရ၊ ကုခမဳ မဓဇိုတ်ဂၠိန်ဂှ် ဒးအာပတ်ဒုက္ကဋ်ရ” ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဟုမ်ဍာ်အိုတ်မ္ဂး ဓဇိုတ်ပေါတ်ဂၠိန်ဇကု ပ္ဍဲဒယိုၚ်အိုတ်ရ၊ ဓဇိုတ်ပေါတ်ဂၠိန်ဒဳကီု သပါတဲကီု သြိုဟ်ကီု စၞိန်စးကီုအိုတ်ရ။
မၞိဟ်ဂမၠိုၚ် “ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ် သၟဟ်ညံၚ်ရဴသၟာလက်ပၠုဲဂမၠိုၚ်ကီု သၟဟ်ညံၚ်ရဴ ကောန်ညးဍုၚ်ဂမၠိုၚ် မပတိတ်ဇြဟတ် ပွမကျိုၚ်ကျဝ်ဗြံက်ဗြ ကဵုစောဲစပ်စၞာံပရဳကီု ဟုမ်ဍာ်အိုတ်မ္ဂး ဓဇိုတ်ပေါတ်ဂၠိန်ဇကု ပ္ဍဲဒယိုၚ်အိုတ်ရော၊ ဓဇိုတ်ပေါတ်ဂၠိန်ဒဳကီု သပါတဲကီု သြိုဟ်ကီု စၞိန်စးကီုအိုတ်ရော”၊ ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ခမဳဂမၠိုၚ် ဂွံမိၚ်ကေတ် ဂလာန်မၞိဟ်ဂမၠိုၚ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂမၠိုၚ်ဂှ်အိုတ်ဟေၚ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ။ ပ ။ တွံကဵုဂလာန်ဓရ်တုဲမ္ဂး “ယွံခမဳတအ် ခမဳမဟုမ်ဍာ်ဂှ် ဟဂပ်ဝ်ဓဇိုတ်ပေါတ်ဂၠိန်ဇကု ပ္ဍဲဒယိုၚ်ရ၊ ကုခမဳမဓဇိုတ်ပေါတ်ဂၠိန်ဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဟုမ်ဍာ်အိုတ်မ္ဂး ဓဇိုတ်ပေါတ်ဂၠိန်ဇကု ပ္ဍဲဗ္ဒၚ်အိုတ်ရ၊ ဓဇိုတ်ပေါတ်ဂၠိန်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဟုမ်ဍာ်အိုတ်မ္ဂး ဓဇိုတ်ပေါတ်ဂၠိန်ဇကု ပ္ဍဲဂတဵုခတှ်ေ မတှ်ေထၟံက်လဝ်ခန်ဒ္စာံခန်အိုတ်ရ။ ဓဇိုတ်ပေါတ်ဂၠိန်ဒဳကီု သပါတဲကီု သြိုဟ်ကီု စၞိန်စးကီုအိုတ်ရ။ မၞိဟ်ဂမၠိုၚ် ။ ပ ။ သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်’’ ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ခမဳဂမၠိုၚ် ဂွံမိၚ်ကေတ် ဂလာန်မၞိဟ်ဂမၠိုၚ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂမၠိုၚ်ဂှ်အိုတ်ဟေၚ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲ “ယွံခမဳတအ် ခမဳမဟုမ်ဍာ်ဂှ် ဟဂပ်ဝ်ဓဇိုတ်ပေါတ်ဂၠိန်ဇကု ပ္ဍဲခတဵုခတှ်ေ မတှ်ေထၟံက်လဝ် ခန်ဒ္စာံခန်ရ၊ ကုခမဳ မဓဇိုတ်ပေါတ်ဂၠိန်ဂှ် ဒးအာပတ်ဒုက္ကဋ်ရ” ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဟုမ်ဍာ် နကဵုဂတာတဲဆုအိုတ်ရ၊ မၞိဟ်ဂမၠိုၚ် ။ ပ ။ သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ခမဳဂမၠိုၚ် ဂွံမိၚ်ကေတ် ဂလာန်မၞိဟ်ဂမၠိုၚ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂမၠိုၚ်ဂှ်အိုတ်ဟေၚ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
ယွံခမဳတအ် ကုခမဳမဟုမ်ဍာ် နကဵုဂတာတဲဆုဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဟုမ််ဍာ် နကဵုပွေါတ်မိဟ် မဂပ်ဝ်ခ္ဍမ် (ကထေၚ်) လဝ် နခၞိက်ကြကောတ်တၟံသၟတ်အိုတ်ရ၊ မၞိဟ်ဂမၠိုၚ် ။ ပ ။ သၟဟ်ညံၚ်ရဴ မၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ဟုမ်ဍာ် နကဵုပွေါတ်မိတ် မဂပ်ဝ်ခ္ဍမ် (ကထေၚ်) လဝ် နကဵုခၞိက်ကြကောတ်တၟံသၟတ်ရ၊ ကုခမဳ မဟုမ်ဍာ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဓဇိုတ်ပေါတ်ဂၠိန်ဇကု ရၚ်သကအ်တုဲ ကဵုသ္ပပွမပေါတ်မိဟ်အိုတ်ရ။ မၞိဟ်ဂမၠိုၚ် ။ ပ ။ သၟဟ်ညံၚ်ရဴ မၞိဟ်ဒုၚ်စသိုၚ်ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဓဇိုတ်ပေါတ်ဂၠိန်ဇကု ရေၚ်သကအ်တုဲ ဟဂပ်ဝ်သ္ပ ပွမပေါတ်မိဟ်ရ၊ ကုခမဳမသ္ပဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဟုမ်ဍာ် နကဵုပေါတ်မိဟ် မဂပ်ဝ်ဂၞတ်လဖဝ်လဝ် ၚေက်ကမၚ်ကရ်အိုတ်ရ။ မၞိဟ်ဂမၠိုၚ်။ ပ ။ သၟဟ်ညံၚ်ရဴ မၞိဟ်မဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ဟုမ်ဍာ် နကဵုပေါတ်မိဟ် မဂပ်ဝ်ဂၞတ်လဖဝ်လဝ် ၚေက်ကမၚ်ကရ်ရ၊ ကုခမဳ မဟုမ်ဍာ်ဂှ် ဒးအာပတ်ဒုက္ကဋ်ရ ရဴဴဝွံ (သ္ဂးရ)။
၂၄၄။ ပ္ဍဲအခိၚ်ဂှ် ကုခမဳမွဲဇကုဂှ် ဒှ်ယဲစော်ဇၞော်ရ၊ ကုခမဳဂှ် စာ်စ္ဍးကေုာံပေါတ်မိဟ်တုဲ ဟွံဒှ် တသိုခ်၊ ဟွံသက်သာရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကုခမဳဂိယဲဂှ် ကဵုအခေါၚ်ပေါတ်မိဟ် မဂပ်ဝ်ဂၞတ်လဖဝ်လဝ် ၚေက်ကမၚ်ကရ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမွဲဇကု ဗျုအိုတ်သၞောတ်ဟွံမွဲကဵုဇြဟတ်ဒှ်တုဲ တၞဟ်နပေါတ်မိဟ်ဇကုဇကု ဟွံသၟဟ်ရထရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် သၞုက်ဍာ်ယာတ်ဗ္ၜန်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် တၞဟ်နသွက်ဂွံပေါတ်မိဟ် ပ္ဍဲစၞိန်စး မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ပေါတ်မိဟ် နဂတာတဲရ ရဴဝွံ (သ္ဂးရ)။
၂၄၅။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ် ဂ္ညိဂ္ညာတ်ကတောဝ် (ဇၟန်ဗၠဲ) အိုတ်ရ။ ပ ။ ပကၚ်ရၚ် ဇုက်လက်ကြာပ်အိုတ်ရ။ ပ ။ ပကၚ်ရၚ် ဇုက်ကွက်ကအ်အိုတ်ရ ။ ပ ။ ပကၚ်ရၚ်ဇုက်ဂ္ညိဂၞိၚ်အိုတ်ရ။ ပ ။ ပကၚ်ရၚ်လကံက်တဲအိုတ်ရ။ ပ ။ ပကၚ်ရၚ်လကံက်ဇိုၚ်အိုတ်ရ။ ပ ။ ပကၚ်ရၚ် ကယျိုၚ်ကယျဝ်ဂ္ညိတဲ (ဇုက်လက်ကြာပ်တဲ) အိုတ်ရ။ ပ ။ ပကၚ်ရၚ်လစိန်အိုတ်ရ။
မၞိဟ်ဂမၠိုၚ် “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ခမဳဂမၠိုၚ် ဂွံမိၚ်ကေတ် ဂလာန်မၞိဟ်ဂမၠိုၚ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂမၠိုၚ်ဂှ်အိုတ်ဟေၚ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
“ယွံခမဳတအ် ခမဳဆဗ္ဗဂ္ဂဳဂမၠိုၚ် ပကၚ်ရၚ် ဂ္ညိဂ္ညာတ်ကတောဝ် (ဇၟန်ဗၠဲ) အိုတ်ရ။ ပကၚ်ရၚ် ဇုက်လက်ကြာပ်အိုတ်ရ။ ပ ။ ပကၚ်ရၚ် ဇုက်ကွက်ကအ်အိုတ်ရ။ ပကၚ်ရၚ်ဇုက်ဂ္ညိဂၞိၚ်အိုတ်ရ။ ပကၚ်ရၚ်လကံက်တဲအိုတ်ရ။ ပကၚ်ရၚ်လကံက်ဇိုၚ်အိုတ်ရ။ ပကၚ်ရၚ် ကယျိုၚ်ကယျဝ်ဂ္ညိတဲ (ဇုက်လက်ကြာပ်တဲ) အိုတ်ရ။ ပကၚ်ရၚ်လစိန်အိုတ်ရဟီုဂှ် ဍာံပြဟာ” ရဴဝွံ စၟဳစၟတ် သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
“ယွံခမဳတအ် ဟဂပ်ဝ်ပကၚ်ရၚ် ဂ္ညိဂ္ညာတ်ကတောဝ် (ဇၟန်ဗၠဲ) ရ။ ဟဂပ်ဝ်ပကၚ်ရၚ် ဇုက်လက်ကြာပ်ရ။ ဟဂပ်ဝ်ပကၚ်ရၚ် ဇုက်ကွက်ကအ်ရ။ ဟဂပ်ဝ်ပကၚ်ရၚ် ဇုက်ဂ္ညိဂၞိၚ်ရ။ ဟဂပ်ဝ်ပကၚ်ရၚ် လကံက်တဲရ။ ဟဂပ်ဝ်ပကၚ်ရၚ် လကံက်ဇိုၚ်ရ။ ဟဂပ်ဝ်ပကၚ်ရၚ် ကယျိုၚ်ကယျဝ်ဂ္ညိတဲ (ဇုက်လက်ကြာပ်တဲ) ရ။ ဟဂပ်ဝ်ပကၚ်ရၚ် လစိန်ရ။ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။
၂၄၆။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် စွံလဝ်သော်က္ဍိုပ်ဂၠိၚ်ဂၠိၚ်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴ မၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်စွံလဝ် သော်က္ဍိုပ်ဂၠိၚ်ဂၠိၚ်ရ၊ ကုခမဳမစွံလဝ်ဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် သော်က္ဍိုပ်မၞုံၜါဂိတု (ဗွဲကာလ) ကီု သော်က္ဍိုပ်မၞုံၜါလပုဟ် (ဗွဲပမာဏ) ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဂြးသော်က္ဍိုပ်ဂမၠိုၚ် နကဵုဂရးကရာတ်အိုတ်ရ။ ပ ။ ဂြးသော်က္ဍိုပ်ဂမၠိုၚ် နကဵုဂရးအိုတ်ရ။ ဂြးသော်က္ဍိုပ်ဂမၠိုၚ် နကဵုဂရးတဲအိုတ်ရ။ ဂြးသော်က္ဍိုပ်ဂမၠိုၚ် နကဵုကၠေၚ်ပၠုဲအိုတ်ရ။ ဂြးသော်က္ဍိုပ်ဂမၠိုၚ် နကဵုကၠေၚ်မနှဴရဴလဝ်ဍာ်အိုတ်ရ။ မၞိဟ်ဂမၠိုၚ် “ သၟဟ်ညံၚ်ရဴ မၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ဂြးသော်က္ဍိုပ်ဂမၠိုၚ် နကဵုဂရးကရာတ်ရ။ ပ ။ ဟဂပ်ဝ်ဂြးသော်က္ဍိုပ်ဂမၠိုၚ် နကဵုဂရးရ။ ဟဂပ်ဝ်ဂြးသော်က္ဍိုပ်ဂမၠိုၚ် နကဵုဂရးတဲရ။ ဟဂပ်ဝ်ဂြးသော်က္ဍိုပ်ဂမၠိုၚ် နကဵုကၠေၚ်ပၠုဲရ။ ဟဂပ်ဝ်ဂြးသော်က္ဍိုပ်ဂမၠိုၚ် နကဵုကၠေၚ်မနှဴရဴလဝ်ဍာ်ရ။ ကုခမဳ မဂြးဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၂၄၇။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် သ္ၚေဝ်ရံၚ်သၞိၚ်မုက္ခဝါ ပ္ဍဲဒ္ၚောဝ်ကီု ပ္ဍဲခရော်ဍာ်ကီုအိုတ်ရ။ မၞိဟ်ဂမၠိုၚ် “သၟဟ်ညံၚ်ရဴ မၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်သ္ၚေဝ်ရံၚ် သၞိၚ်မုက္ခဝါ ပ္ဍဲဒ္ၚောဝ်ကီု ပ္ဍဲခရော်ဍာ်ကီုရ။ ကုခမဳ မသ္ၚေဝ်ရံၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် သရဒှ် ပ္ဍဲမုက္ခဝါ ခမဳမွဲဇကုရ။ ခမဳဂှ် “ယွံကောန်တၠတအ် သရအဲဍိက် မၞုံသဘဴသာ်လဵုရော” ရဴဝွံ သၟာန်ခမဳဂမၠိုၚ်ရ။ ခမဳဂမၠိုၚ် “ ယွံကောန်တၠ သရတၠအဲ မၞုံသဘဴ ရဴဝွံရ” ရဴဝွံ ကလေၚ်ဟီုသ္ဂးအိုတ်ရ။ ခမဳဂှ် ဟွံပတှ်ေရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟိုတ်နူဟိုတ်မတွံဂးသရ ကဵုအခေါၚ် သွက်ဂွံသ္ၚေဝ်ရံၚ် သၞိၚ်မုက္ခဝါ ပ္ဍဲဒ္ၚောဝ်ကီု ပ္ဍဲခရော်ဍာ်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် လံက်လေတ်မုက္ခဝါအိုတ်ရ။ ပ ။ ဓဇိုတ်ပေါတ် မုက္ခဝါအိုတ်ရ။ ပၠေတ်မုက္ခဝါ နကဵုခၞိက်ပံၚ်မုက်အိုတ်ရ။ သ္ပစၟတ်သမ္တီ (မပတမ် ပွမဍံက်တြိနုတ်) မုက္ခဝါ နကဵုတၟံမြၚ်သိလ္လာအိုတ်ရ။ သ္ပပွမဖျောန် သၞေံတဲသၞေံဇိုၚ်အိုတ်ရ။ သ္ပပွမဖျောန်သၟန်ပါၚ်အိုတ်ရ။ သ္ပပွမဖျောန် သၞေံတဲသၞေံဇိုၚ် ပွမဖျောန်သၟန်ပါၚ်အိုတ်ရ။
မၞိဟ်ဂမၠိုၚ် “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်လံက်လေတ် မုက္ခဝါရ။ ပ ။ ဟဂပ်ဝ်ဓဇိုတ်ပေါတ် မုက္ခဝါရ။ ဟဂပ်ဝ်ပၠေတ်မုက္ခဝါ နကဵုခၞိက်ပံၚ်မုက်ရ။ ဟဂပ်ဝ်သ္ပစၟတ်သမ္တီ (မပတမ် ပွမဍံက်တြိနုတ်) မုက္ခဝါ နကဵုတၟံမြၚ်သိလ္လာရ။ ဟဂပ်ဝ်သ္ပပွမဖျောန် သၞေံတဲသၞေံဇိုၚ်ရ။ ဟဂပ်ဝ်သ္ပပွမဖျောန် သၟန်ပါၚ်ရ။ ဟဂပ်ဝ်သ္ပပွမဖျောန် သၞေံတဲသၞေံဇိုၚ် ပွမဖျောန်သၟန်ပါၚ်ရ။ ကုခမဳ မသ္ပဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ယဲမတ်ဂိ ဒှ်ကုခမဳမွဲဇကုရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟိုတ်နူဟိုတ်မတွံဂးယဲ ကဵုအခေါၚ် တၞဟ်နလံက်လေတ် မုက္ခဝါရ ရဴဝွံ (သ္ဂးရ)။
၂၄၈။ ပ္ဍဲအခိၚ်ဂှ် ပ္ဍဲဍုၚ်ရာဇဂြိုဟ် ပေဲါသဘၚ်က္ဍဟ်ဒဵု ဒှ်ရ၊ ခမဳဆဗ္ဗဂ္ဂဳဂမၠိုၚ် ကၠုၚ်တဴ တၞဟ်နဗဵုသ္ၚေဝ် ပေဲါသဘၚ်က္ဍဟ်ဒဵုအိုတ်ရ။ မၞိဟ်ဂမၠိုၚ် “ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ် သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီု မုဟိုတ် ကၠုၚ်တဴ တၞဟ်နဗဵုသ္ၚေဝ် ပွမဂယှေ် ပွတိၚ်တိုက်ဂမၠိုၚ်အိုတ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်အာ တၞဟ်နဗဵုသ္ၚေဝ် ပွမလှေ် ပွမဂယှေ် ပွတိၚ်တိုက်ရ။ ကုခမဳ မအာဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၂၄၉။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဖ္ဍောတ်ဂယှေ်ဓရ် နကဵုရမျာၚ်ဒွက်မဂၠိၚ်အိုတ်ရ။
မၞိဟ်ဂမၠိုၚ် “ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ် သၟဟ်ညံၚ်ရဴပိုဲညးဂမၠိုၚ် ဖ္ဍောတ်ဂယှေ်ကီု ဖ္ဍောတ်ဂယှေ်ဓရ် နကဵုရမျာၚ်ဒွက်မဂၠိၚ်အိုတ်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ခမဳဂမၠိုၚ် ဂွံမိၚ်ကေတ် ဂလာန်မၞိဟ်ဂမၠိုၚ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂမၠိုၚ်ဂှ်အိုတ်ဟေၚ်ရ။ ခမဳ ပၟိက်အောန်ဂမၠိုၚ်ဂှ် “မုဟိုတ် ခမဳဆဗ္ဗဂ္ဂဳဂမၠိုၚ် ဖ္ဍောတ်ဂယှေ်ဓရ် နကဵုရမျာၚ်ဒွက်မဂၠိၚ်အိုတ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဍာံပြဟာ ။ ပ ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ) ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
“ယွံခမဳတအ် ဒုဟ်ပူဂိုလ်မဖ္ဍောတ်ဂယှေ်ဓရ် နကဵုရမျာၚ်ဒွက်မဂၠိုၚ်ဂမၠိုၚ် မသုန်ပြကာဂမၠိုၚ်ဝွံရ။
(၁) အလဵုဇကုလေဝ် ထၞေန်စပ် ပ္ဍဲရမျာၚ်ဂှ်ရ။
(၂) ညးသအာၚ်ဂမၠိုၚ်လေဝ် ထၞေန်စပ် ပ္ဍဲရမျာၚ်ဂှ်အိုတ်ရ။
(၃) မၞိဟ်ဂမၠိုၚ်လေဝ် ဟီုဂရိုဟ်အိုတ်ရ။
(၄) ကုညးမၞုံပၟိက်ကဵု ပွမပြုပြေၚ်ပလေဝ်ရမျာၚ်ဂှ် သမာဓိလီုလာ်ရ။
(၅) ဂကောံမၞိဟ် ဗွဲကြဴလေဝ် ပတုပ်ဗက်ရ။
ယွံခမဳတအ် ဒုဟ်ပူဂိုလ်မဖ္ဍောတ်ဂယှေ်ဓရ် နကဵုရမျာၚ်ဒွက်မဂၠိၚ်ဂမၠိုၚ် မသုန်ပြကာဂမၠိုၚ်ဝွံရ။
“ယွံခမဳတအ် ဟဂပ်ဝ်ဖ္ဍောတ်ဂယှေ်ဓရ် နကဵုရမျာၚ်ဒွက်မဂၠိၚ်ရ။ ကုခမဳ မဖ္ဍောတ်ဂယှ်ဂှ်ေ ဒးအာပတ်ဒုက္ကဋ်ရ” ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ပ္ဍဲပွမဗှ်ဖ္ဍောတ် စဵုကဵုရမျာၚ်မပြာကဋ်ဂှ် မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ပွမဗှ်ဖ္ဍောတ် စဵုကဵုရမျာၚ်မပြာကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်လဝ် ယာတ်ဗ္ၜန် မၞုံကဵုတသော်သတ် ပ္ဍဲလပါ်မ္ၚးအိုတ်ရ။ မၞိဟ်ဂမၠိုၚ် “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ပကၚ်ရၚ် ယာတ်ဗ္ၜန် မၞုံကဵုတသော်သတ် ပ္ဍဲလပါ်မ္ၚးရ။ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၂၅၀။ ပ္ဍဲအခိၚ်ဂှ် ပ္ဍဲဥဒျာန်သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး တၞံကြုက်ဂမၠိုၚ် သတ်ဒၟံၚ်အိုတ်ရ။ “တဳလပိုဉ်ဂမၠိုၚ် အတိုၚ်မၞုံပၟိက် သြဝ်သ္ပပြဘိုဂ် သတ်ကြုက်အိုတ်ညိ” ရဴဝွံ သၟိၚ်ဗိမ္ဗိသာရ တၠညးမဂဓရး မၞုံယၟုသေနိယ ကဵုလဝ် အခေါၚ်ရ။ ခမဳဆဗ္ဗဂ္ဂဳဂမၠိုၚ် သတ်ကြုက်ၜတ်ၜတ်ဟေၚ် (ခတောဲကြုက်) ဟေၚ် ၜှ်ဂၠောၚ်ဖျေံတုဲ သ္ပပြဘိုဂ်အိုတ်ရ။ သၟိၚ်ဗိမ္ဗိသာရ တၠညးမဂဓရး မၞုံယၟုသေနိယလေဝ် မၞုံပၟိက်သတ်ကြုက်ရ။ ပ္ဍဲအခိၚ်ဂှ် သၟိၚ်ဗိမ္ဗိသာရ တၠညးမဂဓရး မၞုံယၟုသေနိယဂှ် “ယွံသကအ်တအ် အာဥဒျာန်တုဲ သြဝ်ရၚ်တၠုၚ်ဂိုၚ်ကေတ်နၚ် သတ်ကြုက်အိုတ်ညိ” ရဴဝွံ ဖအောဝ်စကာ တြုံသကအ်သၟိၚ်ဂမၠိုၚ်ရ။ တြုံသကအ်သၟိၚ်ဂမၠိုၚ်ဂှ် “ယွံတၠညးသၟိၚ်မပြဲ ခိုဟ်သန်ရ” ရဴဝွံ ဒုၚ်ဝန် ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးတုဲမ္ဂး အာဥဒျာန်တုဲ “ယွံမၞး သၟိၚ်ဇၞော် မၞုံပၟိက်သတ်ကြုက်ရ သြဝ်ကဵုသတ်ကြုက်ညိ” ရဴဝွံ ဟီုသ္ဂးကဵုပၟၚ်ဥဒျာန်အိုတ်ရ။ ယွံတၠနာဲတအ် သတ်ကြုက်ဟွံမွဲရ၊ သတ်ကြုက်ၜတ်ၜတ်ဟေၚ် ၜှ်ဂၠောၚ်ဖျေံတုဲ ခမဳဂမၠိုၚ် သ္ပပြဘိုဂ်အိုတ်ရ ရဴဝွံ သ္ဂးရ။
ပ္ဍဲအခိၚ်ဂှ် တြုံသကအ်သၟိၚ်ဂမၠိုၚ် ဟီုပတီလဴဗ္စ ဟိုတ်ပရူပရာဝွံ ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးအိုတ်ရ။ ယွံသကအ်တအ် တဳလပိုဉ်ဂမၠိုၚ် သ္ပပြဘိုဂ် သတ်ကြုက် ဗွဲမဒးရးတုဲအိုတ်ရ၊ ၜိုန်ဂှ် တဳလမၞုံပိုဉ်ကျာ်တြဲ ထိုၚ်သးတဴ ပွမတီဗၞတ်ဗ္ၜတ်ရ ရဴဝွံ သ္ဂးရ။
မၞိဟ်ဂမၠိုၚ် “ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ် မုဟိုတ် သီုဟွံတီဗၞတ်ဗ္ၜတ် သ္ပပြဘိုဂ် သတ်ကြုက်သၟိၚ်အိုတ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ခမဳဂမၠိုၚ် ဂွံမိၚ်ကေတ် ဂလာန်မၞိဟ်ဂမၠိုၚ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂမၠိုၚ်ဂှ်အိုတ်ဟေၚ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်သ္ပပြဘိုဂ် သတ်ကြုက်ရ၊ ကုခမဳ မသ္ပပြဘိုဂ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ပ္ဍဲဂကောံမွဲဂကောံ ကဵုဒါန်ပိဏ္ဍပါတ်ရ၊ ပ္ဍဲသွၜဲ စုတ်လဝ် ကြုက်ကရေက်ဂမၠိုၚ်အိုတ်ရ။ ခမဳဂမၠိုၚ် မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဟွံဂပ်ဝ်ဒှ်တုဲ ဟွံဒုၚ်ဂိုၚ်ကေတ်အိုတ်ရ။ ပ ။
ယွံခမဳတအ် သြဝ်ဒုၚ်ဂိုၚ်ကေတ်အိုတ်ညိ၊ သြဝ်သ္ပပြဘိုဂ်အိုတ်ညိ၊ ယွံခမဳတအ် ကဵုအခေါၚ် သတ်ကြုက်ကရေက်ရ ရဴဝွံ (သ္ဂးရ)။
ပ္ဍဲအခိၚ်ဂှ် ပ္ဍဲဂကောံမွဲဂကောံ ကဵုဒါန်ပိဏ္ဍပါတ်ရ၊ ဒကာဂမၠိုၚ်ဂှ် ဟိုတ်မဟွံကလိဂွံအခိၚ် သွက်ဂွံသ္ပကြုက်ကရေက်ကရေက်ဂှ်ရ ပ္ဍဲဇြပ်ကဵုပိုဉ် ကဵုဒါန်သတ်ကြုက်ဂမၠိုၚ် အတိုၚ်မဟေၚ်အိုတ်ရ။ ခမဳဂမၠိုၚ် မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဟဂပ်ဝ််ဒှ်တုဲ ဟွံဒုၚ်ဂိုၚ်ကေတ်အိုတ်ရ။
ယွံခမဳတအ် သြဝ်ဒုၚ်ဂိုၚ်ကေတ်အိုတ်ညိ၊ သြဝ်သ္ပပြဘိုဂ်အိုတ်ညိ၊ ယွံခမဳတအ် ကဵုအခေါၚ် တၞဟ်နသ္ပပြဘိုဂ် သတ်ဆု နပွမကပ္ပဳ ဒဒက်တဴခမဳဂမၠိုၚ် မသုန်သာ်ရ။ ပွမကပ္ပဳနပၟတ် ပွမကပ္ပဳနၜုန်သၟတ် ပွမကပ္ပဳနသၞေမ်တဲ သတ်ဆုကတဵုဗဒှ်ကဵုမဟွံမာန် (မဟွံတာန်မၜတ်)၊ သတ်ဆု ဗလတ်ပတိတ်မတုဲ မရနုက်ကဵုမသုန်။ ယွံခမဳတအ် ကဵုအခေါၚ် တၞဟ်နသ္ပပြဘိုဂ် သတ်ဆု နပွမကပ္ပဳ ဒဒက်တဴခမဳဂမၠိုၚ် မသုန်သာ်ဝွံရ။
၂၅၁။ ပ္ဍဲအခိၚ်ဂှ် ခမဳမွဲဇကု ဟိုတ်မဒးဒုၚ်ဒွံ (ၜံက်) ကဵုဇြုံဂှ်ရ စုတိကလိလောန်စဴရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳဂှ် ဟွံဖျေံဗျာပ် သၟိၚ်ဇြုံဂမၠိုၚ်ပန်ဂကူ နမေတ္တာစိုတ်ရောၚ်ထေၚ်ရ။
ယွံခမဳတအ် ခမဳဂှ် ယဝ်ဖျေံဗျာပ် သၟိၚ်ဇြုံဂမၠိုၚ်ပန်ဂကူဝွံ နမေတ္တာစိုတ်မ္ဂး၊ ဟိုတ်မဒးဒုၚ်ဒွံ (ၜံက်) ကဵုဇြုံဂှ် ဟွံဒးစုတိကလိလောန်စဴရ။
သၟိၚ်ဇြုံဂမၠိုၚ် ပန်ဂကူဂှ် ညးဍေံအိုတ်ရော?၊ သၟိၚ်ဇြုံ ဂကူဝိရူပက္ခ၊ သၟိၚ်ဇြုံ ဂကူဨရာပထ၊ သၟိၚ်ဇြုံ ဂကူဆဗျာပုတ္တ၊ သၟိၚ်ဇြုံ ဂကူကဏှာဂေါတမရောၚ်။ ယွံခမဳတအ် ခမဳဂှ် ဟွံဖျေံဗျာပ် သၟိၚ်ဇြုံဂမၠိုၚ် ပန်ဂကူ နမေတ္တာစိုတ်ရောၚ်ထေၚ်ရ။ ယွံခမဳတအ် ခမဳဂှ် ယဝ်ဖျေံဗျာပ် သၟိၚ်ဇြုံဂမၠိုၚ် ပန်ဂကူဝွံ ဟိုတ်မဒးဒုၚ်ဒွံ (ၜံက်) ကဵုဇြုံဂှ် ဟွံဒးစုတိကလိလောန်စဴရ။
ယွံခမဳတအ် တၞဟ်နပွမကဵုဂြောပ်ဗ္ဒန် ခိုၚ်ကၠိုက်ဇကုဇကုကီု တၞဟ်နပွမမၚ်မွဲဇကုဇကုကီု တၞဟ်နပွမသ္ပပၟၚ်ပၟဲဇကုဇကုကီု ကဵုအခေါၚ် တၞဟ်နပွမဖျေံဗျာပ် သၟိၚ်ဇြုံဂမၠိုၚ် ပန်ဂကူဝွံ နမေတ္တာစိုတ်ရ။ ယွံခမဳတအ် ရဴဝွံ ဒးသ္ပရ—
“မေတ္တာအဲ သြဝ်ကဵုဒှ်မွဲစွံ ကေုာံ သၟိၚ်ဇြုံ ဂကူဝိရူပက္ခညိ၊ မေတ္တာအဲ သြဝ်ကဵုဒှ်မွဲစွံ ကေုာံ သၟိၚ်ဇြုံ ဂကူဨရာပထညိ၊ မေတ္တာအဲ သြဝ်ကဵုဒှ်မွဲစွံ ကေုာံ သၟိၚ်ဇြုံ ဂကူဆဗျာပုတ္တညိ၊ မေတ္တာအဲ သြဝ်ကဵုဒှ်မွဲစွံ ကေုာံ သၟိၚ်ဇြုံ ဂကူကဏှာဂေါတမညိ။
မေတ္တာအဲ သြဝ်ကဵုဒှ်မွဲစွံ ကေုာံသတ်မဟွံမွဲကဵုဇိုၚ်ဂမၠိုၚ်ညိ၊ မေတ္တာအဲ သြဝ်ကဵုဒှ်မွဲစွံ ကေုာံသတ်မၞုံကဵုဇိုၚ်ၜါတၞုၚ်ဂမၠိုၚ်ညိ၊ မေတ္တာအဲ သြဝ်ကဵုဒှ်မွဲစွံ ကေုာံသတ်မၞုံကဵုဇိုၚ်ပန်တၞုၚ်ဂမၠိုၚ်ညိ၊ မေတ္တာအဲ သြဝ်ကဵုဒှ်မွဲစွံ ကေုာံသတ်မၞုံကဵုဇိုၚ်ဂမၠိုၚ်မဂၠိုၚ်ညိ။
သတ်မဟွံမွဲကဵုဇိုၚ်ဂှ် လ္ပကဵုပျဲပျာံအဲညိ၊ သတ်မၞုံကဵုဇိုၚ်ၜါတၞုၚ်ဂှ် လ္ပကဵုပျဲပျာံအဲညိ၊ သတ်မၞုံကဵုဇိုၚ်ပန်တၞုၚ်ဂှ် လ္ပကဵုပျဲပျာံအဲညိ၊ သတ်မၞုံကဵုဇိုၚ်ဂမၠိုၚ်မဂၠိုၚ်ဂှ် လ္ပကဵုပျဲပျာံအဲညိ။
သတ်ဂမၠိုၚ်အိုဿီုကီု သတ်မၞုံကဵုယီုတိတ် ယီုလုပ်ဂမၠိုၚ်အိုဿီုကီု သတ်ဥပပါတ်ဂမၠိုၚ်အိုဿီု ဟွံမွဲကဵုသက္ကုသၟေဟ်ကီု သြဝ်ကဵုညာတ်ကေတ် အာရီုခိုဟ်ဆာဲဂမၠိုၚ်အိုတ်ညိ။ အရာဟွံခိုဟ်ဆာဲ လ္ပကဵုအာစိုပ် ညးမမိက်ကဵုမွဲမွဲညိ။ ကျာ်ဂှ် ဟွံမွဲကဵုဗၞတ်ဗ္ၜတ်ရ၊ ဓရ်ဂှ် ဟွံမွဲကဵုဗၞတ်ဗ္ၜတ်ရ၊ သၚ်ဂှ် ဟွံမွဲကဵုဗၞတ်ဗ္ၜတ်ရ။ စၟတသော် ဇြုံအယဴဂဂဳ စၟဇာဖိုၚ် ဂစက် ကၞိဂမၠိုၚ် ဟွံမွဲကဵုဗၞတ်ဗ္ၜတ်အိုတ်ရ၊ အဲ သ္ပလဝ်ပၟၚ်ပၟဲတုဲရ၊ အဲ သ္ပလဝ်ဗွိုၚ်တုဲရ၊ သတ်ဂမၠိုၚ် သြဝ်ပါဲစ္ဍးအာအိုတ်ညိ၊ အဲဂှ် လ္ၚောဝ်တဴ ကုကျာ်တြဲရ၊ လ္ၚောဝ်တဴ ကုကျာ်တြဲထပှ်ဇကုရ” ရဴဝွံ (ဒးသ္ပရ)။
ပ္ဍဲအခိၚ်ဂှ် ခမဳမွဲဇကု ဟိုတ်နူပွမဟွံမိပ်လဟိၚ် ဂပ်ဝ်ပ္ဍဵုပ္ဍိုက်ရာန်သကိုတ်ဂှ်ရ ကုတ်ကၠေံ အၚ်္ဂဇာတ်ဇကုရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳမဒှ်လ္ၚုသၟး (နူမဂ်ဖိုလ်) ဂှ် သီုမထေက်ကဵု ကုတ်ကၠေံ အရာမွဲသအာၚ်မ္ဂး ‘ကိလေသ’ ဂှ် ကုတ်ကၠေံ အရာမွဲသအာၚ်မ္ဂး ‘အၚ်္ဂဇာတ်’ ရသွံ။
ယွံခမဳတအ် ဟဂပ်ဝ်ကုတ်ကၠေံ အၚ်္ဂဇာတ်ဇကုရ၊ ကုခမဳ မကုတ်ကၠေံဂှ် ဒးအာပတ်ထုလ္လစ္စယ်ရ ရဴဝွံ (သ္ဂးရ)။
၂၅၂။ ပ္ဍဲအခိၚ်ဂှ် သေဌဳ ပဒတဴဍုၚ်ရာဇဂြိုဟ် ကလိဂွံစၠန်ကလောံ မထေက်တန်ၚုဟ်မးမဂၠိုၚ်ရ။ ပ္ဍဲအခိၚ်ဂှ်—
“အဲ သ္ဂောံကဵုဗုတ်ဗဗေၚ် နကဵုစၠန်ကလောံဝွံမ္ဂး ခိုဟ်သန်ရ၊ အိက်ဗွုတ်လေဝ် ကြက်ဒှ်ပြဘိုဂ် အသုၚ်စောဲအဲရ၊ ဒါန်ဗဗေၚ်လေဝ် ကြက်ဂွံကဵုဒါန်ရ” ရဴဝွံ ကသပ်ဒှ်ကၠုၚ် ကုသေဌဳ ပဒတဴဍုၚ်ရာဇဂြိုဟ်ရ။
ပ္ဍဲအခိၚ်ဂှ် သေဌဳ ပဒတဴဍုၚ်ရာဇဂြိုဟ် ကဵုဗုတ်ဗဗေၚ် နကဵုစၠန်ကလောံဂှ်တုဲ ပ္ဍဲကြဴ စုတ်ဗဗေၚ် ပ္ဍဲဂျ ကွက်တကဲလဝ် ပ္ဍဲကၞောတ်ဒုန်တုဲ ဒုက်စုတ်နဒုန်အဆက်အဆက်တုဲမ္ဂး—
“ယြဴသမဏကီုလဝ် ယြဴဗြာဟ္မဏကီုလဝ် တၠအရှန်လေဝ်ဒှ် ဣဒ္ဓိကြဳဇှ်လေဝ်ဇၞော်မ္ဂး သြဝ်ကေတ်ဖျေံဗဗေၚ်ညိ၊ ကဵုလဝ်ဒါန်တုဲရ” ရဴဝွံ သ္ဂးရ။
ပ္ဍဲအခိၚ်ဂှ် ပူရဏကဿပ ပြာပ်အာဇရေၚ် သေဌဳရာဇဂြိုဟ်ရ၊ ပြာပ်အာတုဲ ပ္ဍဲကြဴ—
“ယွံဒကာဇၞော် အဲ တၠအရှန်လေဝ်ဒှ်ရ၊ ဣဒ္ဓိကြဳဇှ်လေဝ် နွံရ၊ သြဝ်ကဵုဒါန်ဗဗေၚ် ကုအဲညိ” ရဴဝွံ သ္ဂးကဵုသေဌဳရာဇဂြိုဟ်ရ။
ယွံတဳလပိုဉ် တဳလပိုဉ်ဂှ် တၠအရှန်လေဝ်ဒှ် ဣဒ္ဓိကြဳဇှ်လေဝ်ဇၞော်မ္ဂး သြဝ်ကေတ်ဖျေံဗဗေၚ်ညိ၊ ကဵုလဝ်ဒါန်တုဲရ ရဴဝွံ သ္ဂးရ။
ပ္ဍဲအခိၚ်ဂှ် မက္ခလိဂေါသာလကီု အဇိတကေသကမ္ဗလကီု ပကုဓကစ္စာယနကီု သဉ္စယဗေလဋ္ဌပုတ္တကီု နိကဏ္ဌနာဋပုတ္တကီု ပြာပ်အာဇရေၚ် သေဌဳရာဇဂြိုဟ်တုဲ ပ္ဍဲကြဴ—
“ယွံဒကာဇၞော် အဲ တၠအရှန်လေဝ်ဒှ်ရ၊ ဣဒ္ဓိကြဳဇှ်လေဝ်နွံရ၊ သြဝ်ကဵုဒါန်ဗဗေၚ် ကုအဲညိ” ရဴဝွံ သ္ဂးကဵုသေဌဳရာဇဂြိုဟ်ရ။ ယွံတဳလပိုဉ် တဳလပိုဉ်ဂှ် တၠအရှန်လေဝ်ဒှ် ဣဒ္ဓိကြဳဇှ်လေဝ် ဇၞော်မ္ဂး သြဝ်ကေတ်ဖျေံဗဗေၚ်ညိ၊ ကဵုလဝ်ဒါန်တုဲရ ရဴဝွံ သ္ဂးရ။ ပ္ဍဲအခိၚ်ဂှ် တဳလပိုဉ်မဟာမောဂ္ဂလာန်ကီု တဳလပိုဉ်ပိဏ္ဍောလဘာရဒွါဇကီု ပ္ဍဲအခိၚ်နူဂယး သၠောံရုၚ်လတက်ပလေဝ်သ္ၚာတုဲ သီုမဂိုၚ်ကေတ်ဗဗေၚ်သ္ၚာ လုပ်အာဂ္ၚေၚ်ပိဏ္ဍပါတ် ဍုၚ်ရာဇဂြိုဟ်အိုတ်ရ။
ပ္ဍဲအခိၚ်ဂှ် တဳလပိုဉ်ပိဏ္ဍောလဘာရဒွါဇဂှ် “တဳလပိုဉ်မဟာမောဂ္ဂလာန်ဂှ် တၠအရှန်လေဝ်ဒှ်ရ၊ ဣဒ္ဓိကြဳဇှ်လေဝ် ဇၞော်ရ၊ ယွံကောန်တၠ မောဂ္ဂလာန် သြဝ်အာညိ၊ သြဝ်ကေတ်ဖျေံဗဗေၚ်ဂှ်ညိ၊ ဗဗေၚ်ဂှ် ဗဗေၚ်တၠအဲရ” ရဴဝွံ သ္ဂးကဵုတဳလပိုဉ်မဟာမောဂ္ဂလာန်ရ။
“တဳလပိုဉ်ဘာရဒွါဇဂှ် တၠအရှန်လေဝ်ဒှ်ရ၊ ဣဒ္ဓိကြဳဇှ်လေဝ်ဇၞော်ရ၊ ယွံကောန်တၠဘာရဒွါဇ သြဝ်အာညိ၊ သြဝ်ကေတ်ဖျေံဗဗေၚ်ဂှ်ညိ၊ ဗဗေၚ်ဂှ် ဗဗေၚ်တၠအဲရ” ရဴဝွံ တဳလပိုဉ်မဟာမောဂ္ဂလာန် သ္ဂးရ။
ပ္ဍဲအခိၚ်ဂှ် တဳလပိုဉ်ပိဏ္ဍောလဘာရဒွါဇ ကလာၚ်တိုန်အကးတုဲ ဂိုၚ်ကေတ်ဗဗေၚ်ဂှ်တုဲမ္ဂး ဂေတ်ဍုၚ်ရာဇဂြိုဟ် ပိပွူရ။ ပ္ဍဲအခိၚ်ဂှ် သေဌဳရာဇဂြိုဟ်ဂှ် မွဲဟာန်ကေုာံကောန်သမ္ဘာ သီုမပၚ်ယဵုသၟိပ်တဲ လ္ၚောဝ်တဴဂှ် ဒတူဒၟံၚ် ပ္ဍဲသ္ၚိဇကုရ။
“ယွံတဳလပိုဉ် တဳလပိုဉ်ဘာရဒွါဇဂှ် သြဝ်က္ညကၠုၚ်တန်တဴ ပ္ဍဲသ္ၚိပိုဲဍိက်တအ်ညးဂမၠိုၚ်ညိ” ရဴဝွံ ဂရၚ်ပတီရ။ ပ္ဍဲအခိၚ်ဂှ် တဳလပိုဉ်ပိဏ္ဍောလဘာရဒွါဇ တန်တဴ ပ္ဍဲသ္ၚိသေဌဳရာဇဂြိုဟ််ရ။ ပ္ဍဲအခိၚ်ဂှ် သေဌဳဂှ် ဂိုၚ်ကေတ်ဗဗေၚ် နူတဲ တဳလပိုဉ်ပိဏ္ဍောလဘာရဒွါဇတုဲမ္ဂး ဗပေၚ်ကဵု နကဵုစၞအာဟာရ မထေက်ကဵုၚုဟ်မးမဂၠိုၚ်တုဲ ကဵုဒါန် ကုတဳလပိုဉ်ပိဏ္ဍောလဘာရဒွါဇရ။ ပ္ဍဲအခိၚ်ဂှ် တဳလပိုဉ်ပိဏ္ဍောလဘာရဒွါဇ ဂိုၚ်ကေတ်ဗဗေၚ်ဂှ်တုဲ အာအာရှာမ်ဘာရ။ မၞိဟ်ဂမၠိုၚ် “တဳလပိုဉ်ပိဏ္ဍောလဘာရဒွါဇ ကေတ်ဖျေံဗဗေၚ် သေဌဳရာဇဂြိုဟ်ရ” ရဴဝွံ ဂွံမိၚ်ကေတ်အိုတ်ရ။
မၞိဟ်ဂမၠိုၚ်ဂှ် မၞုံကဵုဗရုရမျာၚ် သကာတ်မြဟ်ဇၞော်လှဲဂမၠိုၚ်တုဲ ဗက်ကၠုၚ်နူလက်ကရဴ နူလက်ကရဴ တဳလပိုဉ်ပိဏ္ဍောလဘာရဒွါဇအိုတ်ရ။
တဳလမၞုံပိုဉ်ကျာ်တြဲ မိၚ်ကေတ် ဗရုရမျာၚ်သကာတ်မြဟ်ဇၞော်လှဲတုဲ “ယွံအာနန္ဒ ဗရုရမျာၚ် သကာတ်မြဟ်ဇၞော်လှဲဂှ် မုအရာမွဲရော?” ရဴဝွံ သၟာန်တဳလပိုဉ်အာနန္ဒရ။ “ယွံတဳလမၞုံပိုဉ် တဳလပိုဉ်ပိဏ္ဍောလဘာရဒွါဇ ကေတ်ဖျေံဗဗေၚ် သေဌဳရာဇဂြိုဟ်ရ၊ ယွံတဳလမၞုံပိုဉ် မၞိဟ်ဂမၠိုၚ် တဳလပိုဉ်ပိဏ္ဍောလဘာရဒွါဇ ကေတ်ဖျေံဗဗေၚ် သေဌဳရာဇဂြိုဟ်ရ ရဴဝွံ ဂွံမိၚ်ကေတ်အိုတ်ရ။ ယွံတဳလမၞုံပိုဉ် ဟိုတ်ဂှ်ရ မၞိဟ်ဂမၠိုၚ် မၞုံကဵုဗရုရမျာၚ်သကာတ်မြဟ်ဇၞော်လှဲဂမၠိုၚ်တုဲ ဗက်ကၠုၚ် နူလက်ကရဴ နူလက်ကရဴ တဳလပိုဉ်ပိဏ္ဍောလဘာရဒွါဇအိုတ်ရ။ ယွံကျာ် မပတၠပိုဉ်တြဴပြကာ ဗရုရမျာၚ်သကာတ်မြဟ်ဇၞော်လှဲဂှ် အရာဂှ်ရ” ရဴဝွံ ဂရၚ်ပတီရ။ ပ္ဍဲအခိၚ်ဂှ် ဟိုတ်နူဟိုတ် အရာဝွံ တဳလမၞုံပိုဉ်ကျာ်တြဲ ကဵုဂကောံခမဳ ကောံဓရီုတုဲ စၟဳစၟတ်သၟာန်သၟုက် တဳလပိုဉ်ပိဏ္ဍောလဘာရဒွါဇရ။
“ယွံဘာရဒွါဇ တၠအဲ ကေတ်ဖျေံဗဗေၚ် သေဌဳရာဇဂြိုဟ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ။
ယွံ ဘာရဒွါဇ ဟွံထေက်ကြိုက်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေၚ်ရ၊ ဟွံဂပ်ဝ် (ကုခမဳဂမၠိုၚ်) ရ၊ ဟွံထေက်ကဵုသ္ပရ။
ယွံဘာရဒွါဇ တၠအဲ သွက်ဗဗေၚ်ဆုမယုတ်သဝ်ဂှ် မုဟိုတ် ထ္ၜးဣဒ္ဓိပါဋိဟာ မပြဲလောန်လတူဓရ်ကုသလကမ္မပထစှ် မၞိဟ်တအ် ကုခရှ်ဂမၠိုၚ်ရော?။
ယွံဘာရဒွါဇ မာတုဂါမ်ဂှ် သွက်သၠုဲၜဲ မဍောတ်သောဲဂှ် ညံၚ်ရဴထ္ၜးတဴ အၚ်္ဂဇာတ်ကီု တၠအဲ သွက်ဗဗေၚ်ဆုမွဲ မဍောတ်သောဲဂှ် ထ္ၜးဣဒ္ဓိပါဋိဟာ မပြဲလောန် လတူဓရ်ကုသလကမ္မပထစှ် မၞိဟ်တအ် ကုခရှ်ဂမၠိုၚ်ရသွံ။
ယွံဘာရဒွါဇ (ပွတၠအဲသ္ပဒးဝွံ) ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
“ယွံခမဳတအ် ဟဂပ်ဝ်ထ္ၜးဣဒ္ဓိပါဋိဟာ မပြဲလောန် လတူဓရ်ကုသလကမ္မပထစှ် မၞိဟ်တအ် ကုခရှ်ဂမၠိုၚ်ရ၊ ကုခမဳ မထ္ၜးဂှ် ဒးအာပတ်ဒုက္ကဋ်ရ။
ယွံခမဳတအ် သြဝ်ပလီုပလာ်ထောံ ဗဗေၚ်ဆုဂှ်အိုတ်ညိ၊ သ္ပကရေက်ကၠေံသောဲသောဲတုဲ သြဝ်ကဵုကုခမဳဂမၠိုၚ် သွက်ဂွံပိုဟ်ယန်မတ်အိုတ်ညိ။
ယွံခမဳတအ် ဟဂပ်ဝ်ပကၚ်ရၚ် ဗဗေၚ်ဆုရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်တဴ ဗဗေၚ်ဂမၠိုၚ် မဒှ်ခိုဟ်ခိုဟ်ပရေအ်ပရေအ် ဍေံလေဝ် မဒှ်တုဲတဴနကဵုထဝ် ဍေံလေဝ်မဒှ်တုဲတဴ နကဵုသြန်အိုတ်ရ။
မၞိဟ်ဂမၠိုၚ် “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ပကၚ်ရၚ် ဗဗေၚ်ထဝ်ရ။ ပ ။ ဟဂပ်ဝ်ပကၚ်ရၚ် ဗဗေၚ်သြန်ရ။ ဟဂပ်ဝ်ပကၚ်ရၚ် ဗဗေၚ်မၞိက်ရ။ ဟဂပ်ဝ်ပကၚ်ရၚ် ဗဗေၚ်မၞိက်မတ်ဗ္ဂဲရ။ ဟဂပ်ဝ်ပကၚ်ရၚ် ဗဗေၚ်အဖၠိုက် (ဖာန်) ရ။ ဟဂပ်ဝ်ပကၚ်ရၚ် ဗဗေၚ်သၠာ်ရ။ ဟဂပ်ဝ်ပကၚ်ရၚ် ဗဗေၚ်စှေ် စိုက်ရ။ ဟဂပ်ဝ်ပကၚ်ရၚ် ဗဗေၚ်သကောဝ်ဗတာၚ်ရ၊ ဟဂပ်ဝ်ပကၚ်ရၚ် ဗဗေၚ်သကောဝ်ဒမျိုၚ်ရ။ ဟဂပ်ဝ်ပကၚ်ရၚ် ဗဗေၚ်ဗရိုတ်ဗကေတ်ရ။ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ။
ယွံခမဳတအ် ကဵုအခေါၚ် ဗဗေၚ်ၜါဂကူ မတွံဂး ဗဗေၚ်ပသဲ ဗဗေၚ်တိရ ရဴဝွံ (သ္ဂးရ)။
၂၅၃။ ပ္ဍဲအခိၚ်ဂှ် တမ် ‘တကေတ်’ ဗဗေၚ် ပေါတ်တေက်ဒးဂှ်ရ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဗၞဳအဝဏ်ဒုၚ်ဗဗေၚ် (ဇိုၚ်ဗဗေၚ်) ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်တဴ ဗၞဳအဝဏ်ဒုၚ်ဗဗေၚ်ဂမၠိုၚ် မဒှ်ခိုဟ်ခိုဟ် ပရေအ်ပရေအ် ဍေံလေဝ် မဒှ်တုဲတဴ နကဵုထဝ် ဍေံလေဝ် မဒှ်တုဲတဴ နကဵုသြန်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်ပကၚ်ရၚ် ဗၞဳအဝဏ်ဒုၚ်ဗဗေၚ်ဂမၠိုၚ် မဒှ်ခိုဟ်ခိုဟ်ပရေအ်ပရေအ်ရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ယွံခမဳတအ် ကဵုအခေါၚ် ဗၞဳအဝဏ်ဒုၚ်ဗဗေၚ်ဂမၠိုၚ် ၜါဂကူ ဍေံလေဝ် မဒှ်တုဲတဴ နကဵုသကောဝ်ဗတာၚ် ဍေံလေဝ် မဒှ်တုဲတဴ နကဵုသကောဝ်ဒမျိုၚ်ရ ရဴဝွံ (သ္ဂးရ)။
ဗၞဳအဝဏ်ဒုၚ်ဗဗေၚ်မတီုဂမၠိုၚ် ဟွံစုက်ဒးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နဒုၚ်ပေါတ်၊ ခါပတိတ်ရ ရဴဝွံ (သ္ဂးရ)။
(ဗၞဳအဝဏ်ဒုၚ်ဗဗေၚ်ဂမၠိုၚ်) တောအ်ထၟူထုပ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် တၞဟ်နကုတ်ၚေက်ကမၚ်ကရ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်တဴ ဗၞဳအဝဏ်ဒုၚ်ဗဗေၚ်ဂမၠိုၚ် မစိစောန် ဍေံလေဝ်မဒှ် မတ္ၜန်တ္ၜောဲတဴ နမပတမ်ရုပ်စုၚ် ဍေံလေဝ်မဒှ်မဂပ်ဝ်သ္ပလဝ် ဗွဲမကလိတ်ကလောတ် ပ္ဍဲလပါ်မ္ၚးဗ္ဒၚ် ဇိုၚ်ဗဗေၚ်အိုတ်ရ။ ဗၞဳအဝဏ်ဒုၚ်ဗဗေၚ်ဂမၠိုၚ်ဂှ် ပ္ဍဲတရဴသဗာန်ဍာန်ဇၞော်လေဝ် သီုမထ္ၜးတဴဂှ် ဂေတ်ဂ္ၚေၚ်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ပကၚ်ရၚ် ဗၞဳအဝဏ်ဒုၚ်ဗဗေၚ်ဂမၠိုၚ် မစိစောန် ဍေံမဒှ်မတ္ၜန်တ္ၜောဲတဴ နမပတမ်ရုပ်စုၚ် ဍေံလေဝ်မဒှ်မဂပ်ဝ်သ္ပလဝ် ဗွဲမကလိတ်ကလောတ် ပ္ဍဲလပါ်မ္ၚးဗ္ဒၚ် ဇိုၚ်ဗဗေၚ်ရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ ယွံခမဳတအ် ကဵုအခေါၚ် ဗၞဳအဝဏ်ဒုၚ်ဗဗေၚ် မတွံဂး ဗၞဳအဝဏ်ဒုၚ်ဗဗေၚ်ပကတိရ ရဴဝွံ (သ္ဂးရ)။
၂၅၄။ ပ္ဍဲအခိၚ်ဂှ် ခမဳဂမၠိုၚ် ဒေပ်စွံလဝ်ဗဗေၚ် မၞုံကဵုဍာ်ဂှ်ရ ဗဗေၚ်လီုလာ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ဒေပ်စွံလဝ် ဗဗေၚ်မၞုံကဵုဍာ်ရ၊ ကုခမဳ မဒေပ်စွံလဝ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ယွံခမဳတအ် စဲဗဗေၚ် ပ္ဍဲဂမ္တဴတ္ၚဲတုဲ တၞဟ်နဒေပ်စွံဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် စဲလဝ်ဂမ္တဴတ္ၚဲ ဗဗေၚ်မၞုံကဵုဍာ်ဂှ်ရ ဗဗေၚ်သၟူအမြာဲဟွံခိုဟ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်စဲလဝ်ဂမ္တဴတ္ၚဲ ဗဗေၚ်မၞုံကဵုဍာ်ရ။ ကုခမဳ မစဲလဝ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ ယွံခမဳတအ် ဇိုတ်ကၠေံစဵုကဵုဍာ်မကှ်တုဲ စဲဂမ္တဴတ္ၚဲတုဲ တၞဟ်နဒေပ်စွံဗဗေၚ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် စဲလဝ်ဗဗေၚ် ပ္ဍဲဂမ္တဴတ္ၚဲဂှ်ရ သာ်ဗဗေၚ်လီုလာ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်စဲလဝ်ဗဗေၚ် ပ္ဍဲဂမ္တဴတ္ၚဲရ၊ ကုခမဳဳ မစဲလဝ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ ယွံခမဳတအ် စဲပ္ဍဲဂမ္တဴတ္ၚဲ ဗၞတ်မွဲခဏဍောတ်တုဲ တၞဟ်နဒေပ်စွံဗဗေၚ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ််ဂှ် ဗဗေၚ်ဂမၠိုၚ်မဂၠိုၚ် စွံလဝ်ပ္ဍဲအမှဲအကး သီုဟွံမွဲကဵုဇိုၚ်ဗဗေၚ်အိုတ်ရ။ ဗဗေၚ်ဂမၠိုၚ် ကျာပလက်ကဝဲဏာ လောအာတုဲ ဗကးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇိုၚ်ဗဗေၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် စွံလဝ်ဗဗေၚ် ပ္ဍဲမုဟ်ၜိုန်ဂေၚ်အပ္ဍဲဂှ်ရ ဗဗေၚ်အာစှေ်တုဲ ဗကးရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်စွံလဝ်ဗဗေၚ် ပ္ဍဲမုဟ်ဝိုန်ဂေၚ်အပ္ဍဲရ၊ ကုခမဳ မစွံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် စွံလဝ်ဗဗေၚ် ပ္ဍဲမုဟ်ဝိုန်ဂေၚ်မ္ၚးဂှ်ရ ဗဗေၚ်အာစှေ်တုဲ ဗကးရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်စွံလဝ်ဗဗေၚ် ပ္ဍဲမုဟ်ဝိုန်ဂေၚ်မ္ၚးရ၊ ကုခမဳမစွံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဗကပ်စွံလဝ်ဗဗေၚ် ပ္ဍဲတိဂှ်ရ သၟန်ဗဗေၚ်ပေါတ်တေက်ဒးရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် သၞာလးချောဲရ ရဴဝွံ (သ္ဂးရ)။ စၟဂြုန်ကိတ်သၞာလးချောဲဂှ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သၞာလးယာတ်ရ ရဴဝွံ (သ္ဂးရ)။ စၟဂြုန်ကိတ်သၞာလးယာတ်ပၠန်ဂှ်ရ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် စၚ်ဗဗေၚ်ရ ရဴဝွံ (သ္ဂးရ)။ စၚ်ဗဗေၚ် သရိုဟ်စှေ်တုဲ ဗဗေၚ်ဗကးရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် နုၚ်အကြမၞုံကဵုပါၚ်မဇၞော် သွက်ဂွံစွံဗဗေၚ်ရ ရဴဝွံ (သ္ဂးရ)။ ပ္ဍဲနုၚ်အကြစွံဗဗေၚ်ဂှ် ဗဗေၚ်ပေါတ်တေက်ဒးပၠန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ထိုၚ် (ဖျေဲ) ဗဗေၚ်ရ ရဴဝွံ (သ္ဂးရ)။
ဇုက်ကၟာဲဟွံမွဲတုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဇုက်ကၟာဲကီု တောဝ်ဒက်ကီုရ ရဴဝွံ (သ္ဂးရ)။ (သတိ− အံသဗဒ္ဓက − ပလောံဟွံသေၚ် မံက်ထေၚ်လဵုအာရ။)
ပ္ဍဲအခိၚ်ဂှ် ခမဳဂမၠိုၚ် ကွက်စွံလဝ်ဗဗေၚ် ပ္ဍဲဇၜံက် (ဂမာ်) ဗ္ဒၚ်ကီု ပ္ဍဲတ္ၚံက်ဒြၚ်စိၚ်ကီုမ္ဂး ပြဟ်ဒတုံစှေ်တုဲ ဗဗေၚ်ဗကးအာဂှ်ရ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ကွက်စွံဗဗေၚ်ရ၊ ကုခမဳ မကွက်စွံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် စွံလဝ်ဗဗေၚ် ပ္ဍဲဇံၚ်ခါတ်အိုတ်ရ။ ဝိုတ်အာသတိတုဲ ခမဳမဂဇအ်ဂမၠိုၚ် ဍိုက်ဒးဗဗေၚ်တုဲ ကဵုဗကးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်စွံဗဗေၚ် ပ္ဍဲဇံၚ်ခါတ်ရ၊ ကုခမဳ မစွံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် စွံလဝ်ဗဗေၚ် ပ္ဍဲဂတဵု (ခုၚ်ဒလာဲ) အိုတ်ရ။ ဝိုတ်အာသတိတုဲ ခမဳမဂဇအ်ဂမၠိုၚ် ဍိုက်ဒးဗဗေၚ်တုဲ ကဵုဗကးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်စွံဗဗေၚ် ပ္ဍဲဂတဵုရ၊ ကုခမဳ မစွံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် စွံလဝ်ဗဗေၚ် ပ္ဍဲသြိုဟ် (ထွာဲဒဳ) အိုတ်ရ။ ဝိုတ်အာသတိတုဲ ကတဵုအိုတ်မ္ဂး လောစှေ်တုဲဲ ဗဗေၚ်ဗကးရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်စွံဗဗေၚ် ပ္ဍဲသြိုဟ် (ထွာဲဒဳ) ရ၊ ကုခမဳ မစွံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် စွံလဝ်ဗဗေၚ် ပ္ဍဲလတူက္ဍိုၚ်အိုတ်ရ။ ကျာပလက်ကဝဲဏာက္ဍိုၚ်မ္ဂး လောစှေ်တုဲ ဗဗေၚ်ဗကးရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်စွံဗဗေၚ် ပ္ဍဲလတူက္ဍိုၚ်ရ၊ ကုခမဳ မစွံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၂၅၅။ ပ္ဍဲအခိၚ်ဂှ် ခမဳဂမၠိုၚ် သီုမရပ်လဝ်ဗဗေၚ်ဂမၠိုၚ်ဂှ် ဓရိုဟ်ပံက်တြၚ် သၠတြၚ်ဂေတ်တုဲ ဗဗေၚ်ဗကးရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် သီုမၞုံကဵုဗဗေၚ်ပ္ဍဲတဲ ဟဂပ်ဝ်ဓရိုဟ်ပံက်သၠတြၚ်ရ၊ ကုခမဳ မဓရိုဟ်ပံက်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဂ္ၚေၚ်ပိဏ္ဍပါတ် နကဵုဂၞါလဵုအိုတ်ရ။ မၞိဟ်ဂမၠိုၚ် “သၟဟ်ညံၚ်ရဴတဳဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ဂ္ၚေၚ်ပိဏ္ဍပါတ် နကဵုဂၞါလဵုရ၊ ကုခမဳ မဂ္ၚေၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဂ္ၚေၚ်ပိဏ္ဍပါတ် နကဵုဂၞါနုၚ်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴတဳဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ဂ္ၚေၚ်ပိဏ္ဍပါတ် နကဵုဂၞါနုၚ်ရ၊ ကုခမဳ မဂ္ၚေၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမွဲဇကု ဒှ်ညးမၞုံကဵုပစ္စယ်ပံသုကူသီုဖအိုတ်ရ။
ခမဳဂှ် ပကၚ်ရၚ်လဝ် ဗဗေၚ်ဂၞါက္ဍိုပ်မၞိဟ်ရ၊ ဗြဴမွဲတၠ ညာတ်ဒးတုဲ ဟိုတ်မဖေက်ဂှ်ရ “သြယာဲအဲ ညးဝွံ အပိၚ်သာစ်ဘုတ်တိဇၞော်ရသွံ” ရဴဝွံ သ္ပပွမက္ညာၚ်ကရေဲရ။ မၞိဟ်ဂမၠိုၚ် “မုဟိုတ် ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ် သၟဟ်ညံၚ်ရဴအပိၚ်သာစ်ဘုတ်တိဂမၠိုၚ်ကီု ပကၚ်ရၚ်တဴ ဗဗေၚ်ဂၞါက္ဍိုပ်မၞိဟ်အိုတ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ပကၚ်ရၚ် ဗဗေၚ်ဂၞါက္ဍိုပ်မၞိဟ်ရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ယွံခမဳတအ် ဟွံထေက်ကဵုဒှ် ညးမၞုံကဵုပစ္စယ်ပံသုကူဖအိုတ်ရ၊ ကုခမဳ မဒှ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ရၚ်တၠုၚ်ဏာ ကၞာတ် ဇုတ် ဍာ်က္ၜဴပါၚ်ဂမၠိုၚ် နကဵုဗဗေၚ်အိုတ်ရ။ မၞိဟ်ဂမၠိုၚ် “ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ်ဝွံ ယြဴပ္ဍဲဗဗေၚ်မွဲဟေၚ် စအိုတ်ရ၊ ဗဗေၚ်ဂှ်ဟေၚ် ဒှ်ခရော်ကြာတ်တဲ (ထၟာဲတဲ) ခမဳဂမၠိုၚ်ဂှ်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ရၚ်တၠုၚ်ဏာ ကၞာတ် ဇုတ် ဍာ်က္ၜဴပါၚ်ဂမၠိုၚ် နကဵုဗဗေၚ်ရ၊ ကုခမဳ မရၚ်တၠုၚ်ဏာဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၂၅၆။ ပ္ဍဲအခိၚ်ဂှ် ခမဳဂမၠိုၚ် ကေမ်နတဲတုဲ (သာ်ကရေက် နတဲတုဲ) ဇိၚ်သ္ၚာဂှ်ရ တၞုၚ်သၟန်သ္ၚာဟွံညဳရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ၜုန်သၟတ်ကီု ယာတ်သကုတ်ပူပါတ် ၜုန်သၟတ်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ၜုန်သၟတ်မစုတ်လဝ်တဝ် ကတဵုဒှ်ကၠုၚ် ကုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ၜုန်သၟတ် မစုတ်လဝ်တဝ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်တဴ တဝ်ၜုန်ဂမၠိုၚ် မဒှ်ခိုဟ်ခိုဟ် ပရေအ်ပရေအ် ဍေံလေဝ်မဒှ်တုဲတဴ နကဵုထဝ် ဍေံလေဝ်မဒှ်တုဲတဴ နကဵုသြန်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ပကၚ်ရၚ် တဝ်ၜုန်ဂမၠိုၚ်တၞဟ်တၞဟ်ရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် တဝ်ၜုန်ဇုတ်ကီု တဝ်ၜုန်ဒြၚ်စိၚ်ကီု တဝ်ၜုန်ဒြၚ်သတ်ကီု တဝ်ၜုန်ကပိုဟ်ကီု တဝ်ၜုန်ဒုန်ကီု တဝ်ၜုန်ဖျုန်ဆုကီု တဝ်ၜုန်ကြေက်ကီု တဝ်ၜုန်ဖာန်ကီု (တဝ်ၜုန်သတ်ဆု−တြာဲ) တဝ်ၜုန်ဗရိုတ်ပသဲကီု တဝ်ၜုန်ဠိုတ်ကၞုသၚ်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဳဂမၠိုၚ် ဇိၚ်သ္ၚာ နကဵုသၞေၚ်စာၚ်ကီု နကဵုဇြေဟ်ဒုန်ကရေက်ကီုအိုတ်ရ။ သ္ၚာ ဗီုဇိၚ်ဇၟိၚ်ဟွံကျေဝ်ဂှ်ရ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် တၞိၚ်ရ ရဴဝွံ (သ္ဂးရ)။ တၞိၚ်ဂမၠိုၚ် အိက်နှိၚ်တိုန်အိုတ်ရ ။ ပ ။
ယွံခမဳတအ် ကဵုအခေါၚ် ထကိုအ်ဍေၚ်တၞိၚ်ရ ရဴဝွံ (သ္ဂးရ)။ ပ္ဍဲထကိုအ်ဍေၚ်တၞိၚ်လေဝ် အိက်နှိၚ်တိုန်အိုတ်ပၠန်ရ ။ ပ ။
ယွံခမဳတအ် ကဵုအခေါၚ် သွက်ဂွံစုတ်ခၞိက်ကြကောတ်ကွေဲရ ရဴဝွံ (သ္ဂးရ)။ ခၞိက်ကြကောတ်ကွေဲလေဝ် အိက်နှိၚ်တိုန်အိုတ်ရ။ ပ ။
ယွံခမဳတအ် ကဵုအခေါၚ် သွက်ဂွံစုတ်ခၞိက်ကွာၚ်ဝိုဟ် မနှဴရဴကဵုမိတ်ရ ရဴဝွံ (သ္ဂးရ)။ ပ္ဍဲခၞိက်ကွာၚ်ဝိုဟ်မနှဴရဴကဵုမိတ်လေဝ် အိက်နှိၚ်တိုန်အိုတ်ရ။ ပ ။
ယွံခမဳတအ် ကဵုအခေါၚ် ခၞိက်ကြကောတ်တၟံရ ရဴဝွံ (သ္ဂးရ)။ ပ္ဍဲခၞိက်ကြကောတ်တၟံလေဝ် အိက်နှိၚ်တိုန်အိုတ်ရ။ ပ ။
ယွံခမဳတအ် ကဵုအခေါၚ် တၞဟ်နလံက်လေတ် နကၠေၚ်ပၠုဲရ ရဴဝွံ (သ္ဂးရ)။ ခၞိက်ကြကောတ်တၟံ လီုလာ်အာရ။ ပ ။
ယွံခမဳတအ် ကဵုအခေါၚ် ထိုၚ််သွက်ဂွံစုတ်ခၞိက်ကြကောတ်တၟံရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် တက်တဵုလဝ်ကၞက် ပ္ဍဲဌာန်ဂှ်ဂှ်တုဲ ဒက်လဝ်တုဲမ္ဂး ဇိၚ်သ္ၚာအိုတ်ရ။ သ္ၚာ ဂရီုဟွံညဳရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဇဵုကထိုန်ကီု ဇုက်သွက်ဂွံဒက်ဇဵုကထိုန်ကီုရ။ ဒက်ကြာပ်စုတ် ပ္ဍဲဌာန်ဂှ်ဂှ်တုဲ သွက်ဂွံဇိၚ်သ္ၚာ ကဵုအခေါၚ်ရ ရဴဝွံ (သ္ဂးရ)။
လးပၠးလဝ် ဇဵုကထိုန် ပ္ဍဲဌာန်ဟွံညဳသာသၟဟ်သၟန်ဂှ်ရ ဇဵုကထိုန်လီုလာ်အာရ။ ပ ။
ယွံခမဳတအ် ဟဂပ်ဝ်လးပၠးဇဵုကထိုၚ်ပ္ဍဲဌာန်ဟွံညဳသၟဟ်သၟန်ရ၊ ကုခမဳ မလးပၠးဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
လးပၠးဇဵုကထိုန် ပ္ဍဲတိဂှ်ရ ဇဵုကထိုန် ခၞိက်တိကၠေဝ်ဗာန်ဒှ်ရ ။ ပ ။
ယွံခမဳတအ် ကဵုအခေါၚ် သၞာလးချောဲရ ရဴဝွံ (သ္ဂးရ)။
လပါ်အပ္ဍဲဇဵုကထိုန်ဂှ် အိုဟ်အာရ ။ ပ ။
ယွံခမဳတအ် ကဵုအခေါၚ် သွက်ဂွံပတိုန် အနာပတ် (ယာတ်နာပ်) ဇမၠိၚ်ကီု အနာပတ်အနာံကီုရ ရဴဝွံ (သ္ဂးရ)။
ဇဵုကထိုန်ဂှ် ဟွံစိုပ်ဟွံရုမ်ဂပ်ရ ။ ပ ။
ယွံခမဳတအ် ဇဵုကထိုန်မဂပ်ဝ်စုတ်လဝ်လေံ ပ္ဍဲဇဵုကထိုန်ကိုပ်ကၠာကီု ထဍပ်ကၠေံတၞုၚ်တုဲ ပွမဇိၚ်ၜါထပ်ကီု ဇြေဟ်ဒုၚ်ကရေက်ကီု ဇုက်သွက်ဂွံဒက် (ဇဵုကထိုန်ဂၠိၚ် ဇဵုကထိုန်ဂၠေံ) ကီု တောဝ်သွက်ဂွံဒက် (သ္ၚာပ္ဍဲဇဵုကထိုန်) ကီု ဒက်တုဲ သွက်ဂွံဇိၚ်သ္ၚာဂှ် ကဵုအခေါၚ်ရ ရဴဝွံ (သ္ဂးရ)။
အကြာတောဝ်ဂမၠိုၚ် ဟွံညဳသၟဟ်သၟန်အိုတ်ရ ။ ပ ။ ယွံခမဳတအ် ကဵုအခေါၚ် ပွမၜတ်ဗၞတ်ရ ရဴဝွံ (သ္ဂးရ)။
တောဝ်ဂမၠိုၚ် တ္ၚံက်အိုတ်ရ ။ ပ။ ယွံခမဳတအ် ကဵုအခေါၚ် ပွမတက်တောဝ်ပၞောန်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် လိုန်ဇဵုကထိုန် နကဵုဇိုၚ်ဂမၠိုၚ် မဟဂွံကြာတ်လဝ်ဂှ်ရ ဇဵုကထိုန်လီုလာ်အာရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်လိုန်ဇဵုကထိုန် နကဵုဇိုၚ်ဂမၠိုၚ် မဟဂွံကြာတ်လဝ်ရ၊ ကုခမဳ မလိုန်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် လိုန်ဇဵုကထိုန် နကဵုဇိုၚ်ဂမၠိုၚ် မဍေက်ဂှ်ရ ဇဵုကထိုန်လီုလာ်အာရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်လိုန်ဇဵုကထိုန် နကဵုဇိုၚ်ဂမၠိုၚ်မဍေက်ရ၊ ကုခမဳ မလိုန်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် သီုမလိုန်ဍိုက်လဝ်ဒၞပ် လိုန်ဇဵုကထိုန်ဂှ်ရ ဇဵုကထိုန် လီုလာ်အာရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳမလိုန်ဍိုက်လဝ်ဒၞပ်ဂှ် ဟဂပ်ဝ်လိုန်ဇဵုကထိုန်ရ၊ ကုခမဳ မလိုန်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဃောဇိၚ်သ္ၚာ ဒုၚ်ဂိုၚ်ကေတ် နကဵုလမုဟ်တဲအိုတ်ရ၊ လပုဟ်တဲဂမၠိုၚ် ဂိသကေဝ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဂရောပ်တဲ (သွက်ဂွံဒုၚ်လတူတဲ) ရ ရဴဝွံ (သ္ဂးရ)။
၂၅၇။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်တဴ ဂရောပ်တဲဂမၠိုၚ် မဒှ်ခိုဟ်ခိုဟ် ပရေအ်ပရေအ် ဍေံလေဝ်မဒှ်တုဲတဴ နကဵုထဝ် ဍေံလေဝ်မဒှ်တုဲတဴ နကဵုသြန်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ပကၚ်ရၚ် ဂရောပ်တဲဂမၠိုၚ် မဒှ်ခိုဟ်ခိုဟ် ပရေအ်ပရေအ်ရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ယွံခမဳတအ် ကဵုအခေါၚ် ဂရောပ်တဲဇုတ်ကီု ။ ပ ။ ဂရောပ်တဲဠိုတ်ကၞုသၚ်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် တၞိၚ်ဂမၠိုၚ်ကီု ၜုန်သၟတ်ဂမၠိုၚ်ကီု ဂရောပ်တဲဂမၠိုၚ်ကီု ကၠေံနှၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ထိုၚ်သွက်ဂွံစုတ် တၞိၚ်ၜုန်သၟတ် ဂရောပ်တဲရ ရဴဝွံ (သ္ဂးရ)။
ပ္ဍဲထိုၚ်သွက်ဂွံစုတ် မပတမ်တၞိၚ်ဂှ် ယှုက်ထုဲဒၟံၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ထိုၚ်သွက်ဂွံစုတ်ဂရောပ်တဲရ ရဴဝွံ (သ္ဂးရ)။
ဇုက်ကၟာဲဟွံမွဲရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဇုက်ကၟာဲကီု တောဝ်ဒက်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဇိၚ်သ္ၚာ ပ္ဍဲအမှဲအကးမ္ဂး ဟိုတ်နူလၟုဟ်ဂံက်ကီု ဟိုတ်နူဂမ္တဴကီု ဍောၚ်ၜိုတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဇြပ်သွက်ဂွံစွံဇဵုကထိုန်ကီု ကၞာထးသွက်ဂွံစွံဇဵုကထိုန်ကီုရ ရဴဝွံ (သ္ဂးရ)။
ဇြပ်စွံဇဵုကထိုန် တိသဝ်တုဲ ဍာ်ဓလီုရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် တၞဟ်နပွမသ္ပ စဵုကဵုတိသၠုၚ်ရ ရဴဝွံ (သ္ဂးရ)။ တိဗဝ် (တိဗွဝ်) လာ်စှ်ေရ ။ ပ ။ ယွံခမဳတအ် ကဵုအခေါၚ် တၞဟ်နပွမတပ်စဳဗွဝ် ပွမတပ်စဳဗွဝ်ဂမၠိုၚ် ပိဂကူ မတွံဂ: ပွမတပ်စဳဗဝ်ဍိုတ် ပွမတပ်စဳဗဝ်တၟံ ပွမတပ်စဳဗဝ်ဆုရ ရဴဝွံ (သ္ဂးရ)။ ခမဳမတိုန်ဂမၠိုၚ် ဍောၚ်ၜိုတ်အိုတ်ရ။ ပ ။ ယွံခမဳတအ် ကဵုအခေါၚ် တၞိန်ဂမၠိုၚ် ပိဂကူ မတွံဂး တၞိန်ဍိုတ် တၞိန်တၟံ တၞိန်ဆုရ ရဴဝွံ (သ္ဂးရ)။
ခမဳမတိုန်ဂမၠိုၚ် လောစှေ်အိုတ်ရ။ ပ ။ ယွံခမဳတအ် ကဵုအခေါၚ် ဗလဲသွက်ဂွံဂြဲရပ် (ဗလဲတၞိန်) ရ ရဴဝွံ (သ္ဂးရ)။
ပ္ဍဲဇြပ်စွံဇဵုကထိုန်ဂှ် ခၞိက်ချောဲ ဒတုံစှေ်ရ။ ပ ။ ယွံခမဳတအ် ဂရိုက်တုဲ တၞဟ်နလံက်လေတ် အပ္ဍဲမ္ၚးဂှ် ကဵုအခေါၚ်ရ။ သာ်ဗုကီု သာ်လမ္စံက်ကီု ပွမသ္ပကလိတ်ကလောတ် နကဵုဆီတၟံကီု ပွမသ္ပကသဴပ္ကဴကီု ပွမသ္ပကသဴလွာဇုက်ကီု ပွမထၟံက်လဝ်ၚေက်ကမၚ်ကရ်ကီု ပွမချူရုပ် ဒမၚ်သုၚ်ဍာ်ကီု (သရက်ပၞေတ်တဲမသုန်) ဒုန်တေၚ်သ္ၚာကီု ဇုက်တေၚ်သွက်ဂွံစဲသ္ၚာကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဇိၚ်သ္ၚာတုဲပ္ဍဲကြဴ ကၠဟ်ထောံလဝ် ဇဵုကထိုန် ပ္ဍဲဌာန်ဂှ်ဟေၚ်တုဲ စ္ဍးအာဂှ်ရ ကၞိဂမၠိုၚ်ကီု ဂြန်ဂမၠိုၚ်ကီု ကိတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် တၞဟ်နပွမထပ်ထၟူကၠေံ ဇဵုကထိုန်ရ ရဴဝွံ (သ္ဂးရ)။
အထပ်ဇဵုကထိုန် လီုလာ်အာရ။ ပ ။ ယွံခမဳတအ် သပၠုပ်ဒုန်စရံၚ်ပ္ဍဲအပ္ဍဲတုဲ တၞဟ်န ပွမထပ်ထၟူကၠေံ ဇဵုကထိုန်ရ ရဴဝွံ (သ္ဂးရ)။
အထပ်ဇဵုကထိုန် ပၠးလာဲတိတ်ရ။ ပ ။ ယွံခမဳတအ် ကဵုအခေါၚ် ဇုက်သွက်ဂွံဒက်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ပတူစွံလဝ်ဇဵုကထိုန် ပ္ဍဲဗ္ဒၚ်ကီု ပ္ဍဲဒယိုၚ်ကီုတုဲ စ္ဍးအာဂှ်ရ ဇဵုကထိုန် ဒေါမ်စှ်ေတုဲ လီုလာ်အိုတ်ရ။ ပ ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် သွက်ဂွံကွက်စွံ ပ္ဍဲဇၜံက် (ဂမာ်) ဗ္ဒၚ်ကီု ပ္ဍဲတ္ၚံက်ဒြၚ်စိၚ်ကီုရ ရဴဝွံ (သ္ဂးရ)။
၂၅၈။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ရာဇဂြိုဟ် ဗၞတ်မမိပ်လဟိၚ်တုဲမ္ဂး က္ညအာဍုၚ်ဝေသာလဳရ။
ပ္ဍဲအခိၚ်ဂှ် ခမဳဂမၠိုၚ် ဂိုၚ်ကေတ်တၞိၚ်ကီု ၜုန်သၟတ်ကီု ဂဥုဲကီု နကဵုဗဗေၚ်တုဲ အာအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ထိုၚ်ဂဥုဲရ ရဴဝွံ (သ္ဂးရ)။ ဇုက်ကၟာဲဟွံမွဲရ (ဟွံပါရ)။ ပ ။
ယွံခမဳတအ် ကဵုအခေါၚ် ဇုက်ကၟာဲကီု တောဝ်ဒက်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ပ္ဍဲအကြာဂၠံၚ်တရဴ ဍာ် ဟွံဂပ်ဝ်ဒှ်ရ။ ခ္ဍိုဟ်လေဝ် ဟွံပါရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ခ္ဍိုဟ်ဍာ်ရ ရဴဝွံ (သ္ဂးရ)။ ယာတ်သကုတ် ဟွံရုမ်ဂပ်ရ ။ ပ ။
ယွံခမဳတအ် ကဵုအခေါၚ် ‘ကဋစ္ဆုပရိဿာဝန’ ခ္ဍိုဟ်ဍာ်ဒက်စုတ်ယာတ် ပ္ဍဲလေံပိတၞုၚ်တုဲ မဂပ်ဝ်သ္ပ ရဴဝွံ (သ္ဂးရ)။
ယာတ်သကုတ် ဟွံရုမ်ဂပ်ရ ။ ပ ။
ယွံခမဳတအ် ကဵုအခေါၚ် ခ္ဍိုဟ်ဍာ်ဓမၚ်ကရိုဏ် ‘ခ္ဍိုဟ်ဍာ်ဓရောတ်ကျာ’ ရ ရဴဝွံ (သ္ဂးရ)။
၂၅၉။ ပ္ဍဲအခိၚ်ဂှ် ခမဳဂမၠိုၚ်ၜါဇကု သွိုန်ဗပိုန် တရဴအဓာန်မဂၠိၚ်သ္ၚောဲ ပ္ဍဲဇနပိုဒ်ကောသလရးအိုတ်ရ။ ခမဳမွဲဇကုဂှ် ဒ္ဂေတ်သ္ပ ဒ္ဂေတ်မဟွံဗဗွဲရ၊ ခမဳသကအ်ပွံၚ်ဂှ် “ယွံကောန်တၠ လ္ပပကမၠောန်ပွ ဂကူဝွံညိ၊ ပွဝွံ ဟွံဂပ်ဝ်ရ” ရဴဝွံ ဟီုသ္ဂးကဵုခမဳဂှ်ရ၊ ခမဳဂှ် ဒက်လဝ်ဝဲ ပ္ဍဲလတူခမဳ (မဟီု) ဂှ်ရ။
ပ္ဍဲအခိၚ်ဂှ် ခမဳဂှ် ဟိုတ်ပွမထၚ်ဍာ်ပ္ဍဵုပ္ဍိုက်ဂှ်ရ “ယွံကောန်တၠ သြဝ်ကဵုခ္ဍိုဟ်ဍာ်ညိ၊ ကြက်သုၚ်ဍာ်ရ” ရဴဝွံ ဟီုသ္ဂးကဵုခမဳမဒက်လဝ်ဝဲရ။ ခမဳမဒက်လဝ်ဝဲဂှ် ဟွံကဵုတုဲ ခမဳဂှ် ဟိုတ်ပွမထၚ်ဍာ်ပ္ဍဵုပ္ဍိုက်ဂှ် ဒးစုတိကလိလောန်စဴရ။
ပ္ဍဲအခိၚ်ဂှ် ခမဳဂှ် က္ညအာအာရှာမ်ဘာတုဲ ဟီုလဴဗ္စ ဟိုတ်ပရူပရာဝွံ ကုခမဳဂမၠိုၚ်ရ။ ယွံကောန်တၠ သီုမအာတ်ခ္ဍိုဟ်ဍာ်ဂှ် တၠအဲ ဟွံကဵုခ္ဍိုဟ်ဍာ်ဟာ ရဴဝွံ သၟာန်တိုန်အိုတ်ဂှ်ရ ယွံကောန်တၠတအ် ဟွံကဵုဂှ် ဍာံပြရ ရဴဝွံ ဟီုသ္ဂးရ။
ခမဳပၟိက်အောန်ဂမၠိုၚ်ဂှ် “မုဟိုတ် ခမဳဂှ် သီုမအာတ်ခ္ဍိုဟ်ဍာ်ဂှ် ဟွံကဵုရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုဂကောံခမဳ ကောံဓရီုတုဲ “ယွံခမဳ သီုမအာတ်ခ္ဍိုဟ်ဍာ်ဂှ် တၠအဲ ဟွံကဵုရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက် ခမဳဂှ်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီ)။
တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်တုဲ။ ယွံတြုံ မဒှ်မလ္ၚုသၟး (နူမဂ်ဖိုလ်) ဟွံထေက်ကြိုက်ရ၊ ဟွံဗဗွဲရ၊ ဟွံသပ္ပါယ်၊ အာကာရအရာခမဳတအ် ဟွံသေၚ်ရ၊ ဟွံဂပ်ဝ် (ကုခမဳဂမၠိုၚ်)ရ၊ ဟွံထေက်ကဵုသ္ပရ။ ယွံတြုံ မဒှ်မလ္ၚုသၟး (နူမဂ်ဖိုလ်) သီုမအာတ်ခ္ဍိုဟ်ဍာ်ဂှ် တၠအဲ မုဟိုတ် ဟွံကဵုရော?၊ ယွံတြုံ မဒှ်မလ္ၚုသၟး (နူမဂ်ဖိုလ်) (ပွတၠအဲ သ္ပဒးဝွံ) ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး−
“ယွံခမဳတအ် ခမဳမသွိုန်ဗပိုန် တရဴအဓာန်မဂၠိၚ်သ္ၚောဲဂှ် အာတ်ခ္ဍိုဟ်ဍာ်မ္ဂး ဒးကဵုရ၊ ကုခမဳဟွံကဵုဂှ် ဒးအာပတ်ဒုက္ကဋ်ရ။ ယွံခမဳတအ် ခမဳ ခ္ဍိုဟ်ဍာ်ဟွံပါဂှ် ဟဂပ်ဝ်အာတရဴမဂၠိၚ်သ္ၚောဲရ၊ ကုခမဳမအာဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။ ခ္ဍိုဟ်ဍာ်ယာတ်ပဝါကီု ခ္ဍိုဟ်ဍာ်ဓမၚ်ကရိုဏ် ‘ခ္ဍိုဟ်ဍာ်ဓရောတ်ကျာ’ ကီု ဟွံမွဲမ္ဂး တၞုၚ်မုဟ်သ္ၚာလေဝ် ‘ခ္ဍိုဟ်ကဵုသ္ၚာတုဲသုၚ်ရ’ ရဴဝွံ ဒးသှ်ပတူရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် က္ညဂေတ်ဂ္ၚေၚ်အာဒေသစာရိတ်မ္ဂး စိုပ်ကၠုၚ် ဍုၚ်ဝေသာလဳရ၊ တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဘာပြာသာဒ်ဇၞော် မၞုံကဵုအထောဋ်သ္ၚိကၠတ် အပ္ဍဲဂြိုပ်မဟာဝိုန် ဇရေၚ်ဍုၚ်ဝေသာလဳဂှ်ရ။ ပ္ဍဲအခိၚ်ဂှ် ခမဳဂမၠိုၚ် သ္ပဒၟံၚ်ကမၠောန် ကေၚ်ကာတၟိဂှ်ရ ခ္ဍိုဟ်ဍာ်ဟွံရုမ်ဂပ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ခ္ဍိုဟ်ဍာ်ယာတ် မဒက်ကြာပ်စုတ် ပ္ဍဲတိုၚ်ပန်တၞုၚ်ရ ရဴဝွံ (သ္ဂးရ)။ ခ္ဍိုဟ်ဍာ်ယာတ် မဒက်ကြာပ်စုတ် ပ္ဍဲတိုၚ်ပန်တၞုၚ်ဂှ် ဟွံရုမ်ဂပ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ခ္ဍိုဟ်ဍာ်မဒၠိုက်ဍာ်တုဲမခ္ဍိုဟ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဂမိတ်ပၠာဂမၠိုၚ် ပ္ဍဵုပ္ဍိုက်ခမဳဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ကၞဴရ ရဴဝွံ (သ္ဂးရ)။
၂၆၀။ ပ္ဍဲအခိၚ်ဂှ် ပ္ဍဲဍုၚ်ဝေသာလဳ လၟေၚ်အလန်ပိဏ္ဍပါတ်မပြဲ တန်ဒၟံၚ်ဟွံပိုတ်ရ။ ခမဳဂမၠိုၚ် ဟိုတ်မသ္ပပြဘိုဂ် ပိဏ္ဍပါတ်ဂမၠိုၚ်မပြဲဂှ်ရ မၞုံကဵုဇကုသၠေဟ်ကၠၚ်ကၟတ်ဂၠိုၚ်အိုတ်ရ။ ယဲဂၠိုၚ်အိုတ်ရ။ ပ္ဍဲအခိၚ်ဂှ် သဝ်ဇဳဝက ကောန်သၟိၚ်ဗၠာဲအဘယ မလွဳဗ္စလဝ် နကဵုကမၠောန်ကေၚ်ကာ မမိက်ကဵုမွဲမွဲ အာဍုၚ်ဝေသာလဳရ။ သဝ်ဇဳဝက ကောန်သၟိၚ်ဗၠာဲအဘယ မလွဳဗ္စလဝ် ညာတ်ကေတ် ခမဳဂမၠိုၚ် မၞုံကဵုဇကုသၠေဟ်ကၠၚ်ကၟတ်ဂၠိုၚ် မၞုံကဵုယဲဘဲဂၠိုၚ်တုဲ ပြာပ်အာဇရေၚ်တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲ ဂဇအ်ကေတ်ပ္ဍဲဒၞာဲမွဲတုဲ “ယွံတဳလမၞုံပိုဉ် ခမဳဂမၠိုၚ် ပ္ဍဲအခိၚ်လၟုဟ် မၞုံကဵုဇကုသၠေဟ်ကၠၚ်ကၟတ်ဂၠိုၚ်အိုတ်ရ၊ မၞုံကဵုယဲဘဲဂၠိုၚ်အိုတ်ရ၊ ယွံတဳလမၞုံပိုဉ် အာတ်ပါန်အခေါၚ်ရ၊ တဳလမၞုံပိုဉ်ကျာ်တြဲ သြဝ်ကဵုအခေါၚ် ပွမကွာ်စၚ်္ကြမ်ကီု သ္ၚိဇရုၚ်ပလက်ကီု ကုခမဳဂမၠိုၚ်ညိ၊ ကဵုအခေါၚ်ရဴဝွံမ္ဂး ခမဳဂမၠိုၚ် ကြက်ယဲဘဲအောန်အိုတ်ရ” ရဴဝွံ ဂရၚ်ပတီရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် နကဵုဂလာန်ဓရ် ကဵုသဝ်ဇဳဝက ကောန်သၟိၚ်ဗၠာဲအဘယ မလွဳဗ္စလဝ် တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာရ။
ပ္ဍဲအခိၚ်ဂှ် သဝ်ဇဳဝက ကောန်သၟိၚ်ဗၠာဲအဘယ မလွဳဗ္စလဝ်ဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲဒှ်တုဲ ဒၠိုက်ကတဵုနူဒၞာဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှေ်သှေ်ရဴဂဴကၠာ ပါဲစ္ဍးအာရ။
ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲ ယွံခမဳတအ် ကဵုအခေါၚ် ပွမကွာ်စၚ်္ကြမ်ကီု သ္ၚိဇရုၚ်ပလက်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဒးကွာ်စၚ်္ကြမ် ပ္ဍဲစၚ်္ကြမ်မဟွံညဳသာသၟဟ်သၟန်အိုတ်ဂှ်ရ ဇိုၚ်ဂိအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် တၞဟ်နသ္ပစဵုကဵုမညဳသၟဟ်သၟန် ကဵုအခေါၚ်ရ ရဴဝွံ (သ္ဂးရ)။ ကွာ်စၚ်္ကြမ်တိသဝ်တုဲ ဍာ်ဓလီုရ။ ပ ။
ယွံခမဳတအ် ကဵုအခေါၚ် တၞဟ်နပွမသ္ပ စဵုကဵုတိသၠုၚ်ရ ရဴဝွံ (သ္ဂးရ)။ တိဗဝ် (တိဗွဝ်) လာ်စှေ်ရ။ ပ ။
ယွံခမဳတအ် ကဵုအခေါၚ် တၞဟ်နပွမတပ်စဳဗွဝ် ပွမတပ်စဳဗွဝ်ဂမၠိုၚ် ပိဂကူ မတွံဂး ပွမတပ်စဳဗဝ်ဍိုတ် ပွမတပ်စဳဗဝ်တၟံ ပွမတပ်စဳဗဝ်ဆုရ ရဴဝွံ (သ္ဂးရ)။
ခမဳမတိုန်ဂမၠိုၚ် ဍောၚ်ၜိုတ်အိုတ်ရ။ ပ ။ ယွံခမဳတအ် ကဵုအခေါၚ် တၞိန်ဂမၠိုၚ် ပိဂကူ မတွံဂး တၞိန်ဍိုတ် တၞိန်တၟံ တၞိန်ဆုရ ရဴဝွံ (သ္ဂးရ)။
ခမဳမတိုန်ဂမၠိုၚ် လောစှေ်အိုတ်ရ။ ပ ။ ယွံခမဳတအ် ကဵုအခေါၚ် ဗလဲသွက်ဂွံဂြဲရပ် (ဗလဲတၞန်) ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ကွာ်စၚ်္ကြမ်အိုတ်မ္ဂး လောတ်ကဆေဝ်စှေ်အိုတ်ရ။ ပ ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် တိုၚ်ဗွုတ်စၚ်္ကြမ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ကွာ်စၚ်္ကြမ် ပ္ဍဲအမှဲအကးအိုတ်မ္ဂး ဟိုတ်နူလၟုဟ်ဂံက်ကီု ဟိုတ်နူဂမ္တဴကီု ဍောၚ်ၜိုတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ််တြဲအိုတ်ရ။
ယွံခမဳတအ် ကဵုအခေါၚ် ဇြပ်ကွာ်စၚ်္ကြမ်ရ ရဴဝွံ (သ္ဂးရ)။
ပ္ဍဲဇြပ်ကွာ်စၚ်္ကြမ်ဂှ် ခၞိက်ချောဲ ဒတုံစှေ်ရ။ ပ ။ ခမဳတအ် ဂရိုက်တုဲ တၞဟ်နလံက်လေတ် အပ္ဍဲမ္ၚးဂှ် ကဵုအခေါၚ်ရ။ သာ်ဗုကီု သာ်လမ္စံက်ကီု ပွမသ္ပကလိတ်ကလောတ် နကဵုဆီတၟံကီု ပွမသ္ပကသဴပ္ကဴကီု ပွမသ္ပကသဴလွာဇုက်ကီု ပွမထၟံက်လဝ်ၚေက်ကမၚ်ကရ်ကီု ပွမချူရုပ် ဒမၚ်သုၚ်ဍာ်ကီု (သရက်ပၞေတ်တဲမသုန်) ဒုၚ်တေၚ်သ္ၚာကီု ဇုက်တေၚ်သွက်ဂွံစဲသ္ၚာကီု ကဵုအခေါၚ်ရ ရဴဝွံ (သ္ဂးရ)။
သ္ၚိဇရုၚ်ပလက် တိသဝ်တုဲ ဍာ်ဓလီုရ။ ပ ။ ယွံခမဳတအ် ကဵုအခေါၚ် တၞဟ်နပွမသ္ပ စဵုကဵုတိသၠုၚ်ရ ရဴဝွံ (သ္ဂးရ)။
တိဗဝ် (တိဗွဝ်) လာ်စှေ်ရ။ ပ ။ ယွံခမဳတအ် ကဵုအခေါၚ်တၞဟ်နပွမတပ်စဳဗွဝ် ပွမတပ််စဳဗွဝ်ဂမၠိုၚ် ပိဂကူ မတွံဂး ပွမတပ်စဳဗဝ်ဍိုတ် ပွမတပ်စဳဗဝ်တၟံ ပွမတပ်စဳဗဝ်ဆုရ ရဴဝွံ (သ္ဂးရ)။
ခမဳမတိုန်ဂမၠိုၚ် ဍောၚ်ၜိုတ်အိုတ်ရ။ ပ ။ ယွံခမဳတအ် ကဵုအခေါၚ် ဗလဲသွက်ဂွံဂြဲရပ် (ဗလဲတၞိန်) ရ ရဴဝွံ (သ္ဂးရ)။
ပ္ဍဲသ္ၚိဇရုၚ်ပလက် သၠတြၚ်ဟွံမွဲရ ။ ပ ။
ယွံခမဳတအ် သၠတြၚ်ကီု ဇဵုတြၚ်ကီု ခအဳသၟတ်ကီု ပးလကံက်လတူကီု ဒယိုၚ်တိုၚ်စုတ်သၞောဝ်တြၚ်ကီု ပးလကံက်ဆုသၟတ် သွက်ဂွံစုတ်သၞောဝ်တြၚ်ကီု (ဂွေန်တဲကၞုဲပသဲ) သၞောဝ်တြၚ်သၟတ်ကီု သၞာဲတြၚ်ကီု ပၞော်ကောန်ပၞံက်ကို ပၞော်သွက်ဂွံတံၚ်ကီု ဇုက်သွက်ဂွံတံၚ်ကီု ကဵုအခေါၚ်ရ ရဴဝွံ (သ္ဂးရ)။
ဇိုၚ်ဗ္ဒၚ်သ္ၚိဇရုၚ်ပလက် အိုဟ်အာရ ။ ပ ။
ယွံခမဳတအ် ကဵုအခေါၚ် တၞဟ်နပွမထပ်ဗဝ်စုတ် ဒၞာဲသဝ်ရ ရဴဝွံ (သ္ဂးရ)။
ပ္ဍဲသ္ၚိဇရုၚ်ပလက် ပၞော်ပၠံၚ်သွက်ယေက်ဂွံတိတ် ဟွံမွဲရ။ ပ ။
ယွံခမဳတအ် ကဵုအခေါၚ် ပၞော်ပၠံၚ်သွက်ယေက်ဂွံတိတ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ကၠောန်ခၞံလဝ်ဖဴ ပ္ဍဲလဒေါဝ်သ္ၚိဇရုၚ်ပလက် မဍောတ်အိုတ်ရ။ ဥပစာဟွံမွဲရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် အပ္ဍဲသ္ၚိဇရုၚ်ပလက်မဍောတ်ဂှ် ပ္ဍဲဒၞာဲမဗဗွဲကီု အပ္ဍဲသ္ၚိဇရုၚ်ပလက်မဇၞော်ဂှ် ပ္ဍဲလဒေါဝ်ကီု ကဵုအခေါၚ် သွက်ဂွံကၠောန်ခၞံဖဴရ ရဴဝွံ (သ္ဂးရ)။
ပ္ဍဲသ္ၚိဇရုၚ်ပလက် ပၟတ်တူ မုက္ခဝါရ ။ ပ ။
ယွံခမဳတအ် ကဵုအခေါၚ် တိကမၠေတ် လံက်လေတ်မုက္ခဝါရ ရဴဝွံ (သ္ဂးရ)။
ဖ္ဍုက်ဍာ် တိကမၠေတ် နကဵုတဲအိုတ်ရ။ ပ ။
ယွံခမဳတအ် ကဵုအခေါၚ် ဒၞိဟ် (ဇရ) သွက်ဂွံပၠာ်တိကမၠေတ်ရ ရဴဝွံ (သ္ဂးရ)။
တိကမၠေတ် သၟူအမြာဲဟွံခိုဟ်ရ ။ ပ ။
ယွံခမဳတအ် ကဵုအခေါၚ် သွက်ဂွံထီုဗး (နကဵုမြမောဝ်) ရ ရဴဝွံ (သ္ဂးရ)။
ပ္ဍဲသ္ၚိဇရုၚ်ပလက် ပၟတ်တူဇကုရ ။ ပ ။
ယွံခမဳတအ် ကဵုအခေါၚ် သွက်ဂွံရၚ်တၠုၚ်ရ ရဴဝွံ (သ္ဂးရ)။
ရၚ်တၠုၚ်ဍာ် နကဵုခရော်ကီု နကဵုဗဗေၚ်ကီုရ။ ပ ။
ယွံခမဳတအ် ကဵုအခေါၚ် ဌာန်သွက်ဂွံစွံဍာ်ကီု ဗြံက်သုၚ်ဍာ်ကီုရ ရဴဝွံ (သ္ဂးရ)။
သ္ၚိဇရုၚ်ပလက် ကၟဳလဝ်ချောဲဂှ် ဟွံကဵုကလိဂွံပလက်ရ။ ပ ။
ယွံခမဳတအ် ကဵုအခေါၚ် ဂရိုက်တုဲ တၞဟ်နလံက်လေတ်အပ္ဍဲမ္ၚးရ ရဴဝွံ (သ္ဂးရ)။
သ္ၚိဇရုၚ်ပလက် ဒှ်လၟက်ရ။ ပ ။
ယွံခမဳတအ် ကဵုအခေါၚ် တၞဟ်နပွမလ: ပွမလးဂမၠိုၚ် ပိဂကူ မတွံဂး လးဍိုတ် လးတၟံ လးဆုရ ရဴဝွံ (သ္ဂးရ)။
ဒှ်လၟက်ဟေၚ်ရ။ ပ ။ ယွံခမဳတအ် ကဵုအခေါၚ် သွက်ဂွံကြာတ်ကၠေံရ ရဴဝွံ (သ္ဂးရ)။
ဍာ်ခၠိုၚ်ဍာ်မၚ်ဒၟံၚ်ရ။ ပ ။ ယွံခမဳတအ် ကဵုအခေါၚ် ပၠံၚ်ပတိတ်ဍာ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဂဇအ်ဒၟံၚ်ပ္ဍဲတိ အပ္ဍဲသ္ၚိဇရုၚ်ပလက်ဂှ်ရ ဇကုဂမၠိုၚ် သၞော်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ခုၚ်ဂဇအ်ပ္ဍဲသ္ၚိဇရုပ်ပလက်ရ ရဴဝွံ (သ္ဂးရ)။
ပ္ဍဲအခိၚ်ဂှ် သ္ၚိဇရုပ်ပလက် အစဵုဗိုၚ်ကၟာၚ်ဒပ် ဟွံမွဲရ။ ပ ။
ယွံခမဳတအ် ကဵုအခေါၚ် တၞဟ်နပွမစဵုဗိုၚ် ကၟာၚ်ဒပ်ပိဂကူ မတွံဂး ကၟာၚ်ဒပ်ဍိုတ် ကၟာၚ်ဒပ်တၟံ ကၟာၚ်ဒပ်ဆုရ ရဴဝွံ (သ္ဂးရ)။
မုက်ထော်တြၚ် ဟွံမွဲရ ။ ပ ။ ယွံခမဳတအ် ကဵုအခေါၚ် မုက်ထော်တြၚ်ရ ရဴဝွံ (သ္ဂးရ)။
မုက်ထော်တြၚ် တိသဝ်တုဲ ဍာ်ဓလီုရ။ ပ ။ ယွံခမဳတအ် ကဵုအခေါၚ် တၞဟ်နပွမသ္ပ စဵုကဵုတိသၠုၚ်ရ ရဴဝွံ (သ္ဂးရ)။
တိဗွဝ် (တိဗွဝ်) လာ်စှေ်ရ။ ပ ။ ယွံခမဳတအ် ကဵုအခေါၚ် တၞဟ်နပွမတပ်စဳဗွဝ် ပွမတပ်စဳဗွဝ်ဂမၠိုၚ် ပိဂကူ မတွံဂး ပွမတပ်စဳဗဝ်ဍိုတ် ပွမတပ်စဳဗဝ်တၟံ ပွမတပ်စဳဗဝ်ဆုရ ရဴဝွံ (သ္ဂးရ)။
ခမဳမတိုန်ဂမၠိုၚ် ဍောၚ်ၜိုတ်အိုတ်ရ။ ပ ။ ယွံခမဳတအ် ကဵုအခေါၚ် တၞိန်ဂမၠိုၚ် ပိဂကူ မတွံဂး တၞိန်ဍိုတ် တၞိန်တၟံ တၞိန်ဆုရ ရဴဝွံ (သ္ဂးရ။)
ခမဳမတိုန်ဂမၠိုၚ် လောတ်စှ်ေအိုတ်ရ။ ပ ။ ယွံခမဳတအ် ကဵုအခေါၚ် ဗလဲသွက်ဂွံဂြဲရပ် (ဗလဲတၞိန်) ရ ရဴဝွံ (သ္ဂးရ)။
ပ္ဍဲမုက်ထော်တြၚ် သၠတြၚ်ဟွံမွဲရ။ ပ ။
ယွံခမဳတအ် သၠတြၚ်ကီု ဇဵုတြၚ်ကီု ခအဳသၟတ်ကီု ပးလကံက်လတူကီု ဒယိုၚ်တိုၚ်စုတ်သၞောဝ်တြၚ်ကီု ပးလကံက်ဆုသၟတ် သွက်ဂွံစုတ်သၞောဝ်တြၚ်ကီု (ဂွေန်တဲကၞုဲပသဲ) သၞောဝ်တြၚ်သၟတ်ကီု သၞာဲတြၚ်ကီု ပၞော်ကောန်ပၞံက်ကို ပၞော်သွက်ဂွံတံၚ်ကီု ဇုက်သွက်ဂွံတံၚ်ကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲမုက်ထော်တြၚ် ခၞိက်ချောဲ ဒတုံစှ်ေရ။ ပ ။ ခမဳတအ် ဂရိုက်တုဲ တၞဟ်နလံက်လေတ် အပ္ဍဲမ္ၚးဂှ် ကဵုအခေါၚ်ရ။ သာ်ဗုကီု သာ်လမ္စံက်ကီု ပွမသ္ပကလိတ်ကလောတ် နကဵုဆီတၟံကီု ပွမသ္ပကသဴပ္ကဴကီု ပွမသ္ပကသဴလွာဇုက်ကီု ပွမထၟံက်လဝ်ၚေက်ကမၚ်ကရ်ကီု ပွမချူရုပ် ဒမၚ်သုၚ်ဍာ်ကီု (သရက်ပၞေတ်တဲမသုန်) ဒုၚ်တေၚ်သ္ၚာကီု ဇုက်တေၚ်သွက်ဂွံစဲသ္ၚာကီု ကဵုအခေါၚ်ရ ရဴဝွံ (သ္ဂးရ)။
ပြဝိုဏ် ‘ဝၚ်ဘာ’ ဒှ်လၟက်ရ။ ပ ။
ယွံခမဳတအ် ကဵုအခေါၚ် တၞဟ်နဂြာတ်စုတ်တၟံကြေဟ်ဝါန်ရ ရဴဝွံ (သ္ဂးရ)။
တၟံဝါန်ဂမၠိုၚ် ဟွံရုမ်ဂပ်အိုတ်ရ။ ပ ။
ယွံခမဳတအ် ကဵုအခေါၚ် တၞဟ်နလးတၟံလးရ ရဴဝွံ (သ္ဂးရ)။
ဍာ်ခၠိုၚ်ဍာ်မၚ်ဒၟံၚ်ရ။ ပ ။ ယွံခမဳတအ် ကဵုအခေါၚ် ပၠံၚ်ပတိတ်ဍာ်ရ ရဴဝွံ (သ္ဂးရ)။
၂၆၁။ ပ္ဍဲအခိၚ်ဂှ် ခမဳဂမၠိုၚ် သီုမဂၞံၚ်ဂၞာတ်ယာတ်ဟွံပါ လ္ၚောဝ်ခမဳ မဂၞံၚ်ဂၞာတ်ယာတ်ဟွံပါအိုတ်ရ။ သီုမဂၞံၚ်ဂၞာတ်ယာတ်ဟွံပါ ကဵုလ္ၚောဝ် ခမဳမဂၞံၚ်ဂၞာတ်ယာတ်ဟွံပါအိုတ်ရ။ သီုမဂၞံၚ်ဂၞာတ်ယာတ်ဟွံပါ သ္ပပွမတုဟ်ပေါတ်မိဟ် ကုခမဳမဂၞံၚ်ဂၞာတ်ယာတ် ဟွံပါအိုတ်ရ။ သီုမဂၞံၚ်ဂၞာတ်ယာတ်ဟွံပါ ကဵုသ္ပပွမတုဟ်ပေါတ်မိဟ် ကုခမဳမဂၞံၚ်ဂၞာတ်ယာတ်ဟွံပါအိုတ်ရ။ သီုမဂၞံၚ်ဂၞာတ်ယာတ်ဟွံပါ ကဵုဒါန် ကုခမဳမဂၞံၚ်ဂၞာတ်ယာတ်ဟွံပါအိုတ်ရ။ သီုမဂၞံၚ်ဂၞာတ်ယာတ်ဟွံပါ ဒုၚ်ဂိုၚ်ကေတ်အိုတ်ရ။ သီုမဂၞံၚ်ဂၞာတ်ယာတ်ဟွံပါ သ္ၚာဲအိုတ်ရ။ သီုမဂၞံၚ်ဂၞာတ်ယာတ်ဟွံပါ စအိုတ်ရ။ သီုမဂၞံၚ်ဂၞာတ်ယာတ်ဟွံပါ ကၠာအိုတ်ရ။ သီုမဂၞံၚ်ဂၞာတ်ယာတ်ဟွံပါ သုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်လ္ၚောဝ် ခမဳဂၞံၚ်ဂၞာတ်ယာတ်ဟွံပါ ရၚ်သကအ်ရ။ ပ ။ ခမဳဂၞံၚ်ဂၞာတ်ယာတ်ဟွံပါဂှ် ဟဂပ်ဝ်လ္ၚောဝ်ရ။ ဟဂပ်ဝ်ကဵုလ္ၚောဝ် ခမဳဂၞံၚ်ဂၞာတ်ယာတ်ဟွံပါ ရၚ်သကအ်ရ။ ခမဳဂၞံၚ်ဂၞာတ်ယာတ်ဟွံပါဂှ် ဟဂပ်ဝ်ကဵုလ္ၚောဝ်ရ။ ခမဳဂၞံၚ်ဂၞာတ်ယာတ်ဟွံပါဂှ် ဟဂပ်ဝ်သ္ပ ပွမတုဟ်ပေါတ်မိဟ် ကုခမဳဂၞံၚ်ဂၞာတ်ယာတ်ဟွံပါရ။ ခမဳဂၞံၚ်ဂၞာတ်ယာတ်ဟွံပါဂှ် ဟဂပ်ဝ်ကဵုသ္ပ ပွမတုဟ်ပေါတ်မိဟ် ကုခမဳဂၞံၚ်ဂၞာတ်ယာတ်ဟွံပါရ။ ခမဳဂၞံၚ်ဂၞာတ်ယာတ်ဟွံပါဂှ် ဟဂပ်ဝ်ကဵုဒါန် ကုခမဳဂၞံၚ်ဂၞာတ်ယာတ်ဟွံပါရ။ ခမဳဂၞံၚ်ဂၞာတ်ယာတ်ဟွံပါဂှ် ဟဂပ်ဝ်ဒုၚ်ဂိုၚ်ကေတ်ရ။ ခမဳဂၞံၚ်ဂၞာတ်ယာတ်ဟွံပါဂှ် ဟဂပ်ဝ်သ္ၚာဲရ။ ခမဳဂၞံၚ်ဂၞာတ်ယာတ်ဟွံပါဂှ် ဟဂပ်ဝ်စရ။ ခမဳဂၞံၚ်ဂၞာတ်ယာတ်ဟွံပါဂှ် ဟဂပ်ဝ်ကၠာန်ရ။ ခမဳဂၞံၚ်ဂၞာတ်ယာတ်ဟွံပါဂှ် ဟဂပ်ဝ်သုၚ်ရ။ ကုခမဳမသုၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဖျေံစွံလဝ်သ္ၚာပ္ဍဲတိ အပ္ဍဲသ္ၚိဇရုၚ်ပလက်ဂှ်ရ သ္ၚာကၠေဝ်ဗာန်အာခၞိက်တိရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဒုန်တေၚ်သ္ၚာကီု ဇုက်တေၚ်သွက်ဂွံစဲသ္ၚာကီုရ ရဴဝွံ (သ္ဂးရ)။
ဗြဲဂူမ္ဂး သ္ၚာဍေက်ဗြဲရ။ ပ ။
ယွံခမဳတအ် ကဵုအခေါၚ် ဇြပ်သ္ၚိဇရုၚ်ပလက်ရ ရဴဝွံ (သ္ဂးရ)။
ဇြပ်သ္ၚိဇရုၚ်ပလက် တိသဝ်တုဲ ဍာ်ဓလီုရ ။ ပ ။
ယွံခမဳတအ် ကဵုအခေါၚ် တၞဟ်နပွမသ္ပ စဵုကဵုတိသၠုၚ်ရ ရဴဝွံ (သ္ဂးရ)။
တိဗဝ် (တိဗွဝ်) လာ်စှေ်ရ။ ပ ။ ယွံခမဳတအ် ကဵုအခေါၚ် တၞဟ်နပွမတပ်စဳဗွဝ်ရ ။ ပ ။
ခမဳမတိုန်ဂမၠိုၚ် ဍောၚ်ၜိုတ်အိုတ်ရ။ ပ ။ ခမဳမတိုန်ဂမၠိုၚ် လောစှေ်အိုတ်ရ။ ပ ။
ယွံခမဳတအ် ကဵုအခေါၚ် ဗလဲသွက်ဂွံဂြဲရပ် (ဗလဲတၞိန်) ရ ရဴဝွံ (သ္ဂးရ)။
ပ္ဍဲဇြပ်သ္ၚိဇရုၚ်ပလက် ခၞိက်ချောဲ ဒတုံစှေ်ရ။ ပ ။
ယွံခမဳတအ် ကဵုအခေါၚ် ဂရိုက်တုဲ တၞဟ်နလံက်လေတ် အပ္ဍဲမ္ၚးရ။ ပ ။ ကဵုအခေါၚ် ဒုန်တေၚ်သ္ၚာကီု ဇုက်တေၚ် သွက်ဂွံစဲသ္ၚာကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် သွက်ဂွံသ္ပပွမတုဟ်ပေါတ်မိဟ် ပ္ဍဲသ္ၚိဇရုၚ်ပလက်ကီု ပ္ဍဲဍာ်ကီုဂှ် မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဟွံဂပ်ဝ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ပွမဂြောပ်ဗ္ဒန်ဂမၠိုၚ် ပိဂကူ မတွံဂး ပွမဂြောပ်ဗ္ဒန် နသ္ၚိဇရုၚ်ပလက် ပွမဂြောပ်ဗ္ဒန် နဍာ် ပွမဂြောပ်ဗ္ဒန် နယာတ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ပ္ဍဲသ္ၚိဇရုၚ်ပလက် ဍာ်ဟွံမွဲရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဍာ်ကမၠိုၚ်ရ ရဴဝွံ (သ္ဂးရ)။
သၟန်ဍာ်ကမၠိုၚ် လီုလာ်အာရ။ ပ ။ ယွံခမဳတအ် ကဵုအခေါၚ် တၞဟ်နပွမတပ်စဳ ပွမတပ်စဳဂမၠိုၚ် ပိဂကူ မတွံဂး ပွမတပ်စဳဍိုတ် ပွမတပ်စဳတၟံ ပွမတပ်စဳဆုရ ရဴဝွဴ (သ္ဂးရ)။
ဍာ်ကမၠိုၚ်ဂှ် တိသဝ်တုဲ ဍာ်ဓလီု (ဍာ်ဇွောဝ်လုပ်) ရ။ ပ ။ ယွံခမဳတအ် ကဵုအခေါၚ် တၞဟ်နပွမသ္ပ စဵုကဵုတိသၠုၚ်ရ ရဴဝွံ (သ္ဂးရ)။ တိဗဝ် (တိဗွဝ်) လာ်စှေ်ရ။ ပ ။ ခမဳမတိုန်ဂမၠိုၚ် ဍောၚ်ၜိုတ်အိုတ်ရ။ ပ ။ ခမဳမတိုန်ဂမၠိုၚ် လောစှေ်အိုတ်ရ။ ပ ။ ယွံခမဳတအ် ကဵုအခေါၚ် ဗလဲသွက်ဂွံဂြဲရပ် (ဗလဲတၞိန်) ရ ရဴဝွံ (သ္ဂးရ)။
၂၆၂။ ပ္ဍဲအခိၚ်ဂှ် ခမဳဂမၠိုၚ် တံၚ်ဓဇက်ဍာ် နကဵုလွာဇုက်ကီု နကဵုဇုက်ကာယဗန်ကီုအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဇုက်တံၚ်ဍာ်ရ ရဴဝွံ (သ္ဂးရ)။
တဲဂမၠိုၚ် ဂိသကေဝ်အိုတ်ရ။ ပ ။ ယွံခမဳတအ် ကဵုအခေါၚ် မံၚ်တံၚ်ဍာ်ကီု ယန္တရာတံၚ်ဍာ်ကီု စက်ဇြောတ်ဍာ်ကီုရ ရဴဝွံ (သ္ဂးရ)။
ခရော်နုၚ်ဂမၠိုၚ် ဗွဲမဂၠိုၚ် ဗကးအိုတ်ရ။
ယွံခမဳတအ် ကဵုအခေါၚ် ဍေၚ်ဂမၠိုၚ် ပိဂကူ မတွံဂး ဍေၚ်ဗရိုတ်ပသဲ ဍေၚ်ဆု ဍေၚ်စၞာံရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် တံၚ်ဓဇက်ဍာ် ပ္ဍဲအမှဲအကးအိုတ်မ္ဂး ဟိုတ်နူလၟုဟ်ဂံက်ကီု ဟိုတ်နူဂမ္တဴကီု ဍောၚ်ၜိုတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဇြပ်ဍာ်ကမၠိုၚ်ရ ရဴဝွံ (သ္ဂးရ)။ ပ္ဍဲဇြပ်ဍာ်ကမၠိုၚ်ဂှ် ခၞိက်ချောဲ ဒတုံစှေ်ရ။ ပ ။ ခမဳတအ် ဂရိုက်တုဲ တၞဟ်နလံက်လေတ် အပ္ဍဲမ္ၚးဂှ် ကဵုအခေါၚ်ရ။ သာ်ဗုကီု သာ်လမ္စံက်ကီု ပွမသ္ပကလိတ်ကလောတ် နကဵုဆီတၟံကီု ပွမသ္ပကသဴပ္ကဴကီု ပွမသ္ပကသဴလွာဇုက်ကီု ပွမထၟံက်လဝ်ၚေက်ကမၚ်ကရ်ကီု ပွမချူရုပ် ဒမၚ်သုၚ်ဍာ်ကီု (သရက်ပၞေတ်တဲမသုန်) ဒုၚ်တေၚ်သ္ၚာကီု ဇုက်တေၚ်သွက်ဂွံစဲသ္ၚာကီု ကဵုအခေါၚ်ရ ရဴဝွံ (သ္ဂးရ)။
ဍာ်ကမၠိုၚ် ဟွံမွဲကဵုကၟာတ်လဒဵု (သကိုပ်) တုဲ တ္ၜန်တ္ၜောဲနှဴရဴတဴ နကဵုခၞိက်ချောဲဂမၠိုၚ်ကီု နကဵုခၞိက်တိဂမၠိုၚ်ကီုရ။ ပ ။
ယွံခမဳတအ် ကဵုအခေါၚ် သကိုပ်ရ ရဴဝွံ (သ္ဂးရ)။
နုၚ်လေဝ် ဟွံမွဲရ ။ ပ ။
ယွံခမဳတအ် ကဵုအခေါၚ် ဒၞိဟ်ဇရသွက်ဂွံစုတ်ဍာ် ‘ကၟာဟုမ်ဍာ်သၟတ်’ကီု ကၠာၚ် (ကၠံက်) ဟုမ်ဍာ်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဟုမ်ဍာ်ဒၞာဲဂှ်ဂှ် အပ္ဍဲအာရှာမ်ဂှ်ရ အာရှာမ်ဒှ်လၟက်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် လးဂတဵုရ ရဴဝွံ (သ္ဂးရ)။ ဂတဵုလးဂှ် မံက်ထေၚ်ဒၟံၚ် ‘ဟွံမွဲကဵုအစဵုဗိုၚ်’ ဂှ်ရ ခမဳဂမၠိုၚ် သွက်ဂွံဟုမ်ဍာ် ဂွဂၠေံအိုတ်ရ။ ပ ။
ယွံခမဳတအ် ကဵုအခေါၚ် တၞဟ်နပွမစဵုဗိုၚ် ကၟာၚ်ဒပ်ပိဂကူ မတွံဂး ကၟာၚ်ဒပ်ဍိုတ် ကၟာၚ်ဒပ်တၟံ ကၟာၚ်ဒပ်ဆုရ ရဴဝွံ (သ္ဂးရ)။
ကတိုၚ်ဍာ် ဒှ်လၟက်ရ ။ ပ ။
ယွံခမဳတအ် ကဵုအခေါၚ် တၞဟ်နပွမလး ပွမလးဂမၠိုၚ် ပိဂကူ မတွံဂး လးဍိုတ် လးတၟံ လးဆုရ ရဴဝွံ (သ္ဂးရ)။
ဍာ်ခၠိုၚ်ဍာ်မၚ်ဒၟံၚ်ရ။ ပ ။ ယွံခမဳတအ် ကဵုအခေါၚ် ပၠံၚ်ပတိတ်ဍာ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဇကုဂမၠိုၚ် ဒဒက်တဴခမဳဂမၠိုၚ်ဂှ် လၟုဟ်လုပ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် သွက်ဂွံတးဍာ် (ထၞာတ်သာ်ဍာ်) ရ၊ နကဵုယာတ်တမြံၚ်လေဝ် ကဵုအခေါၚ် သွက်ဂွံဇိုတ်ရ ရဴဝွံ (သ္ဂးရ)။
၂၆၃။ ပ္ဍဲအခိၚ်ဂှ် ဥပးမွဲတၠ မၞုံပၟိက်ကၠောန်ခၞံ ကၟာဍာ် တၞဟ်နဖဵုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ်ကၟာဍာ်ရ ရဴဝွံ (သ္ဂးရ)။ ကၟိုန်ဇဵုကၟာ လာ်စှ်ေရ ။ ပ ။
ယွံခမဳတအ် ကဵုအခေါၚ် တၞဟ်နပွမတပ်စဳဗွဝ် ပွမတပ်စဳဗွဝ်ဂမၠိုၚ် ပိဂကူ မတွံဂး ပွမတပ်စဳဗဝ်ဍိုတ် ပွမတပ်စဳဗဝ်တၟံ ပွမတပ်စဳဗဝ်ဆုရ ရဴဝွံ (သ္ဂးရ)။
ခမဳမတိုန်ဂမၠိုၚ် ဍောၚ်ၜိုတ်အိုတ်ရ။ ပ ။ ယွံခမဳတအ် ကဵုအခေါၚ် တၞိန်ပိဂကူ မတွံဂး တၞိန်ဍိုတ် တၞိန်တၟံ တၞိန်ဆုရ ရဴဝွံ (သ္ဂးရ)။
ခမဳမတိုန်ဂမၠိုၚ် လောစှ်ေအိုတ်ရ။ ပ ။ ယွံခမဳတအ် ကဵုအခေါၚ် ဗလဲသွက်ဂွံဂြဲရပ်(ဗလဲတၞိန်)ရ ရဴဝွံ (သ္ဂးရ)။
ဍာ်ပ္ဍဲကၟာ တြေံအာရ။ ပ ။
ယွံခမဳတအ် ကဵုအခေါၚ် မြံၚ်သပၠုပ်ဍာ်ကီု ပၠံၚ်ပတိတ်ဍာ်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမွဲဇကု မၞုံပၟိက်သိုၚ်ခၞံ သ္ၚိဇရုၚ်ပလက် မဗ္ဂပ်လဝ်အထောဋ်ဇၞော် ဗိုၚ်လဝ်အထောဋ်သၟတ်ဂေတ်ကၠောံ တၞဟ်နဖဵုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် သ္ၚိဇရုၚ်ပလက် မဗ္ဂပ်လဝ်အထောဋ်ဇၞော် ဗိုၚ်လဝ်အထောဋ်သၟတ်ဂေတ်ကၠောံရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် လုကဴပန်ဂိတု စာ်စ္ဍးကၞောံသၞာနိသဳဒိုန်တုဲ ပဒတဴအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ ။
ယွံခမဳတအ် လုကဴပန်ဂိတု စာ်စ္ဍးကေုာံသၞာနိသဳဒိုန်တုဲ ဟဂပ်ဝ်ပဒတဴရ၊ ကုခမဳ မပဒတဴဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၂၆၄။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် တိက်ပ္ဍဲသၞာသတိက်ဂမၠိုၚ် နတ္ၜန်တ္ၜောဲနှဴရဴ နဍောၚ်ပ္ကဴဂမၠိုၚ်အိုတ်ရ၊ မၞိဟ်မဂေတ်ဂ္ၚေၚ်လၟေၚ်ဘာဂမၠိုၚ် ညာတ်ဒးတုဲ “သၟဟ်ညံၚ်ရဴ မၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်တိက်ပ္ဍဲသၞာသတိက်ဂမၠိုၚ် နတ္ၜန်တ္ၜောဲနှဴရဴ နဍောၚ်ပ္ကဴဂမၠိုၚ်ရ၊ ကုခမဳ မတိက်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် မၞိဟ်ဂမၠိုၚ် ရၚ်တၠုၚ်ကေတ်နၚ် မြမောဝ်ကီု ပ္ကဴသဴကီုတုဲ ကၠုၚ်ဘာအိုတ်ရ။ ခမဳဂမၠိုၚ် မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဟဂပ်ဝ်ဒှ်တုဲ ဟွံဒုၚ်ကေတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဂိုၚ်ကေတ်မြမောဝ်တုဲ တၞဟ်နပွမကဵုပၞေတ်တဲမသုန်တၞုၚ် ပ္ဍဲသၠတြၚ်ကီု ဂိုၚ်ကေတ်ပ္ကဴသဴတုဲ တၞဟ်နစွံဌာန်မဗဗွဲ ပ္ဍဲဘာကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် သၞာမတုဲတဴ နတသော်သတ် မဟဂပ်ဝ်တုတ်လဝ် ကတဵုဒှ်ကၠုၚ် ကုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် သၞာမတုဲတဴ နတသော်သတ် မဟဂပ်ဝ်တုတ်လဝ်ရ ရဴဝွံ (သ္ဂးရ)။
ပ္ဍဲအခိၚ်ဂှ် “သၞာမတုဲတဴ နတသော်သတ် မဟဂပ်ဝ်တုတ်လဝ်ဂှ် ဒးပတိုန်အဓိဋ္ဌာန်ဟာ၊ ဒးသ္ပဝိကပ္ပနဟာ” ရဴဝွံ ကသပ်ဒှ် ကုခမဳဂမၠိုၚ်ရ။ ပ ။
ယွံခမဳတအ် သၞာမတုဲတဴ နတသော်သတ် မဟဂပ်ဝ်တုတ်လဝ်ဂှ် ဟဂပ်ဝ်ပတိုန်အဓိဋ္ဌာန်၊ ဟဂပ်ဝ်သ္ပဝိကပ္ပနရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် (စုတ်) ပ္ဍဲခ္ဍအ်ပုက်ဗရိုတ်ဗကေတ် ခ္ဍအ်ပုက်သြန်တုဲ စအိုတ်ရ။ မၞိဟ်ဂမၠိုၚ် “သၟဟ်ညံၚ်ရဴ မၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် (စုတ်) ပ္ဍဲခ္ဍအ်ပုက်ဗရိုတ်ဗကေတ် ခ္ဍအ်ပုက်သြန်တုဲ ဟဂပ်ဝ်စရ၊ ကုခမဳ မစဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမွဲဇကု ဂိယဲဒၟံၚ်တုဲ ကဵုပိုဉ်မ္ဂး နကဵုတဲ ကဵုဗဗေၚ်တန်တဴ ဗွဲမဒးရးဟွံမာန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဇိုၚ်ဗဗေၚ်လေံရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပ္ဍဲမွဲပ္ၚာန်ဓဝ်လေဝ် စဟာပ်အိုတ်ရ။ ပ ။ ပ္ဍဲမွဲခရော်ဓဝ်လေဝ် သုၚ်အိုတ်ရ။ ပ္ဍဲမွဲဇံၚ်ဓဝ်လေဝ် တိက်အိုတ်ရ။ ပ္ဍဲမွဲသၞာလးဓဝ်လေဝ် တိက်အိုတ်ရ။ ဓလီုမွဲယာတ်လတက်ဓဝ်တုဲလေဝ် တိက်အိုတ်ရ။ ပ္ဍဲမွဲသၞာလး ဓလီုမွဲယာတ်ဓဝ်တုဲလေဝ် တိက်အိုတ်ရ။ မၞိဟ်ဂမၠိုၚ် “သၟဟ်ညံၚ်ရဴ မၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်စဟာပ် ပ္ဍဲမွဲပ္ၚာန်ဓဝ်ရ။ ပ ။ ဟဂပ်ဝ်သုၚ် ပ္ဍဲမွဲခရော်ဓဝ်ရ။ ဟဂပ်ဝ်တိက် ပ္ဍဲမွဲဇံၚ်ဓဝ်ရ။ လးမွဲသၞာလးဓဝ်တုဲ ဟဂပ်ဝ်တိက်ရ။ ဓလီုလတက်မွဲယာတ်ဓဝ်တုဲ ဟဂပ်ဝ်တိက်ရ။ မွဲသၞာလးဓဝ်ဓလီုလတက်မွဲယာတ်ဓဝ်တုဲ ဟဂပ်ဝ်တိက်ရ။ ကုခမဳ မတိက်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၂၆၅။ ပ္ဍဲအခိၚ်ဂှ် ကောန်သၟိၚ်လိစ္ဆဝဳ မၞုံယၟု၀ဍ္ဎဂှ် ဒှ်ဗော်သွး ခမဳမေတ္တိယဘူမဇကဂမၠိုၚ်ရ။
ပ္ဍဲအခိၚ်ဂှ် ကောန်သၟိၚ်လိစ္ဆဝဳဝဍ္ဎ ပြာပ်ကၠုၚ်ဇရေၚ် ခမဳမေတ္တိယဘူမဇကဂမၠိုၚ်တုဲ ပ္ဍဲကြဴ “ယွံတဳလပိုဉ်တအ် လ္ၚောဝ်သ္ပဝတ်ရ” ရဴဝွံ သ္ဂးကဵုခမဳမေတ္တိယဘူမဇကဂမၠိုၚ်ရ။ သ္ဂးတဴရဴဝွံမ္ဂး ခမဳမေတ္တိယဘူမဇကဂမၠိုၚ် ဟွံဟီုအရေဝ်အိုတ်ရ။ မရနုက်ကဵုၜါဝါလေဝ် ကောန်သၟိၚ်လိစ္ဆဝဳဝဍ္ဎဂှ် “ယွံတဳလပိုဉ်တအ် လ္ၚောဝ်သ္ပဝတ်ရ” ရဴဝွံ သ္ဂးကဵုခမဳမေတ္တိယဘူမဇကဂမၠိုၚ်ရ၊ သ္ဂးတဴရဴဝွံမ္ဂး မရနုက်ကဵုၜါဝါလေဝ် ခမဳမေတ္တိယဘူမဇကဂမၠိုၚ် ဟွံဟီုအရေဝ်အိုတ်ရ။ ပ ။ မရနုက်ကဵုပိဝါလေဝ် ကောန်သၟိၚ်လိစ္ဆဝဳဝဍ္ဎဂှ် “ယွံတဳလပိုဉ်တအ် လ္ၚောဝ်သ္ပဝတ်ရ” ရဴဝွံ သ္ဂးကဵုခမဳမေတ္တိယဘူမဇကဂမၠိုၚ်ရ၊ မရနုက်ကဵုပိဝါလေဝ် ခမဳမေတ္တိယဘူမဇကဂမၠိုၚ် ဟွံဟီုအရေဝ်အိုတ်ရ။
အဲဍိက် ပသာ်လုတ်မှာဒးဒုဟ် ကုတဳလပိုဉ်တအ်ညးဂမၠိုၚ်ရော?၊ မုဟိုတ် တဳလပိုဉ်တအ်ညးဂမၠိုၚ် ဟွံဟီုအရေဝ် ကဵုအဍိက်အိုတ်ရော? ရဴဝွံ (သၟာန်ရ)။
ယွံကောန်တၠဝဍ္ဎ လဴထ္ၜးကဵု အတိုၚ်ဒဒှ်ပိုဲတအ်ရ၊ ဒဗ္ဗကောန်သၟိၚ်မလ္လ သီုဂပ်ဝ်ရာန်သကိုတ်ပျဲပျာံဒၟံၚ်ပိုဲညးဂမၠိုၚ်ဂှ် တၠအဲ သ္ၚေဝ်မဲမဇ္ၛဟ်ရောၚ်သွံ ရဴဝွံ (သ္ဂးအိုတ်ရ)။
ယွံတဳလပိုဉ်တအ် အဲဍိက် မုမွဲ သ္ဂောံသ္ပညိရော? ရဴဝွံ (သၟာန်ရ)။ ယွံဒကာဝဍ္ဎ တၠအဲ ယဝ်နွံပၟိက်မ္ဂး ပ္ဍဲတ္ၚဲဝွံဟေၚ် တဳလမၞုံပိုဉ်ကျာ်တြဲ သကဵုပြာမ် (ပလီုပလာ်) ထောံ ဒဗ္ဗကောန်သၟိၚ်မလ္လရ ရဴဝွံ (သ္ဂးအိုတ်ရ)။
ယွံတဳလပိုဉ် အဲဍိက် မုမွဲ သ္ဂောံသ္ပညိရော?၊ အဲဍိက် တၞဟ်နသ္ပတဴ မုမွဲသၟဟ်ရထရော? ရဴဝွံ (သၟာန်ရ)။
ယွံဒကာ သြဝ်ကၠုၚ်ညိ၊ တၠအဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲ “ယွံတဳလမၞုံပိုဉ် ပွမဝွံ ဟွံထေက်ကြိုက်ရ၊ ဟွံဗဗွဲရ၊ ယွံတဳလမၞုံပိုဉ် ယြဴဌာန်ဒိုဟ်မွဲ ဟွံမွဲကၠုၚ်ကဵုဘဲရ၊ ဟွံမွဲကၠုၚ်ကဵု သၞသတြုသၞဝဲရ၊ ဟွံမွဲကၠုၚ်ကဵု ပရိုက်ဘဲမလေပ်ရာန်သကိုတ်ရ၊ ဌာန်ဒိုဟ်ဂှ် (လၟုဟ်) မၞုံကဵုဘဲရ၊ မၞုံကဵုသၞသတြုသၞဝဲရ၊ မၞုံကဵုပရိုက်ဘဲမလေပ်ရာန်သကိုတ်ရ၊ ယြဴနူဒိုဟ်မွဲ ဟွံမွဲကၠုၚ်ကဵုပွမကျာဗာ ပိုက်လွိၚ်ရ၊ (လၟုဟ်) နူဒိုဟ်ဂှ် မၞုံကၠုၚ်ကဵု ပွမကျာဗာ ပိုက်လွိၚ်ရ၊ တဳလပိုဉ်ဒဗ္ဗ ကောန်သၟိၚ်မလ္လ ဂပ်ဝ်ပလီုပလာ်ထောံ သမ္ဘာအဲဍိက်ရ” ရဴဝွံ သြဝ်ဂရၚ်ပတီညိ ရဴဝွံ (သ္ဂးရ)။
“ယွံတဳလပိုဉ်တအ် ခိုဟ်သန်ရ” ရဴဝွံ ကောန်သၟိၚ်လိစ္ဆဝဳဝဍ္ဎ ဒုၚ်ဝန် ကုခမဳမေတ္တိယဘူမဇကဂမၠိုၚ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်တန်တဴဒၟံၚ် ပ္ဍဲဒၞာဲမွဲရ၊ ကောန်သၟိၚ်လိစ္ဆဝဳဝဍ္ဎ မဂဇအ်တန်တဴဒၟံၚ် ပ္ဍဲဒၞာဲမွဲတုဲဂှ် “ယွံတဳလမၞုံပိုဉ် ပွမဝွံ ဟွံထေက်ကြိုက်ရ၊ ဟွံဗဗွဲရ၊ ယွံတဳလမၞုံပိုဉ် ယြဴဌာန်ဒိုဟ်မွဲ ဟွံမွဲကၠုၚ်ကဵုဘဲရ၊ ဟွံမွဲကၠုၚ်ကဵု သၞသတြုသၞဝဲရ၊ ဟွံမွဲကၠုၚ်ကဵု ပရိုက်ဘဲမလေပ်ရာန်သကိုတ်ရ၊ ဌာန်ဒိုဟ်ဂှ် (လၟုဟ်) မၞုံကဵုဘဲရ၊ မၞုံကဵုသၞသတြုသၞဝဲရ၊ မၞုံကဵုပရိုက်ဘဲမလေပ်ရာန်သကိုတ်ရ၊ ယြဴနူဒိုဟ်မွဲ ဟွံမွဲကၠုၚ်ကဵုပွမကျာဗာ ပိုက်လွိၚ်ရ၊ (လၟုဟ်) နူဒိုဟ်ဂှ် မၞုံကၠုၚ်ကဵု ပွမကျာဗာ ပိုက်လွိၚ်ရ၊ ဍာ်ဂှ် သၟဟ်ညံၚ်ဂဵုဍာဲဒၟံၚ် ဂြၚ်ဒၟံၚ်ရောၚ်ထေၚ်ရ၊ တဳလပိုဉ်ဒဗ္ဗ ကောန်သၟိၚ်မလ္လ ဂပ်ဝ်ပလီုပလာ်ထောံ သမ္ဘာအဲဍိက်ရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသၚ် ကောံဓရီုတုဲမ္ဂး−
“ယွံဒဗ္ဗ အတိုၚ်ဝဍ္ဎဝွံ ဟီုဂှ် တၠအဲ သ္ပဒးကမၠောန်ပွမပလီုပလာ် မၞုံသဘဴရဴဝွံရဂှ် ဂွဴသတိ (သမ္တီ) ဒးဟာ” ရဴဝွံ စၟဳစၟတ်သၟာန်သၟုက် တဳလပိုဉ်ဒဗ္ဗ ကောန်သၟိၚ်မလ္လရ။ ယွံတဳလမၞုံပိုဉ် အတိုၚ်တဳလမၞုံပိုဉ်ကျာ်တြဲ တီတဴ အဲဍိက်ဟေၚ်ရ ရဴဝွံ (ဂရၚ်ပတီရ)။ မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် ယွံဒဗ္ဗ အတိုၚ်ဝဍ္ဎဝွံ ဟီုဂှ် တၠအဲ သ္ပဒးကမၠောန်ပွမပလီုပလာ် မၞုံသဘဴရဴဝွံရဂှ် ဂွဴသတိ (သမ္တီ) ဒးဟာ” ရဴဝွံ စၟဳစၟတ်သၟာန်သၟုက် တဳလပိုဉ်ဒဗ္ဗ ကောန်သၟိၚ်မလ္လရ။ ယွံတဳလမၞုံပိုဉ် အတိုၚ်တဳလမၞုံပိုဉ်ကျာ်တြဲ တီတဴ အဲဍိက်ဟေၚ်ရ ရဴဝွံ (ဂရၚ်ပတီရ)။
ယွံဒဗ္ဗ တၠပညာဂမၠိုၚ် ဟွံခၠေဝ်သှ် ရဴဝွံအိုတ်ရ။ (ဟွံသောၚ်ကလးရဴဝွံအိုတ်ရ)၊ တၠအဲ ယဝ်ဂပ်ဝ်သ္ပဒးမ္ဂး ဂပ်ဝ်သ္ပဒးရ ရဴဝွံ သြဝ်ဂရၚ်ပတီညိ၊ တၠအဲ ယဝ်ဟဂပ်ဝ်သ္ပဒးမ္ဂး ဟဂပ်ဝ်သ္ပဒးရ ရဴဝွံ သြဝ်ဂရၚ်ပတီညိ ရဴဝွံ (သ္ဂးရ)။
ယွံတဳလမၞုံပိုဉ် အဲဍိက် သ္ပတမ်နူၜံၚ်သၠးတိတ်တုဲ နအယာံမာတ်တိက်လ္ပအ်ညာတ်လေဝ် သွိုန်ဗပိုန်သိပ်ဂၠိပ်ဒး ဒ္ဂေတ်မေထုန်ရဂှ် ဟွံတီရ၊ အဲဍိက် မၚုဟ်ဒၟံၚ်ဂှ် မုသ္ဇက်သ္ဂး နွံဏီရော? ရဴဝွံ (ဂရၚ်ပတီရ)။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် −
“ယွံခမဳတအ် ဒှ်သာ်ဂှ်မ္ဂး သြဝ်ဗကပ်ဗဗေၚ် ကုကောန်သၟိၚ်လိစ္ဆဝဳဝဍ္ဎညိ၊ သြဝ်သ္ပပွမဟွံဆက်ဆောမ် ကေုာံသၚ်ညိ” ရဴဝွံ သ္ဂးကဵုခမဳဂမၠိုၚ်ရ။
