၄.၉.၈။ တိဏဝတ္ထာရက
၂၄၀။ အာပတ္တာဓိကိုရ်ဂှ် ဟွံပြာပ်အာ သမထမွဲဂကူမတွံဂး ပဋိညာတကရဏတုဲ နကဵုသမထဂမၠိုၚ်ၜါ မတွံဂးသမ္မုခါဝိနယ် တိဏဝတ္ထာရကဝိနယ်ဂှ် လလမ်ဟာ၊ လလမ်ရ ရဴဝွံ ထေက်ကဵုသ္ဂးရ။
ညံၚ်ရဴသာ်လဵုရောမ္ဂးမာ ပ္ဍဲသာသနာဝွံ ကယျာန်ဓဝါတ်သေက်ဇဵု ဂတမတ်, ကြဴမတ် အာစိုပ်ဟီုသ္ဂးစှေ်စး အရေဝ်ဂၠိုၚ်တုဲ ခမဳဂမၠိုၚ် မပဒတဴအိုတ်ဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ် ဗွဲမဂၠိုၚ်အိုတ်ရ၊ (နပါၚ်လေဝ်) ဟီုသ္ဂးအိုတ်ရ၊ (နဇကုလေဝ်) သ္ပဒးအိုတ်ရ။ ပ္ဍဲအရာမဒှ်သာ်ဂှ် “ကယျာန်ဓဝါတ်သေက်ဇဵု ဂတမတ်, ကြဴမတ် အာစိုပ်ဟီုသ္ဂးစှေ်စး အရေဝ်ဂၠိုၚ်တုဲ ပိုဲညးဂမၠိုၚ် မပဒတဴအိုတ်ဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ် ဗွဲမဂၠိုၚ်အိုတ်ရ၊ (နပါၚ်လေဝ်) ဟီုသ္ဂးအိုတ်ရ၊ (နဇကုလေဝ်) သ္ပဒးအိုတ်ရ။
ပိုဲညးဂမၠိုၚ် ကဵုဇအုဲဇဗကၠေံ အာပတ်ဂမၠိုၚ်ဝွံ ရၚ်သကအ်အိုတ်မ္ဂး အဓိကိုရ်ဝွံ တန်ဒှ်တၞဟ်နကြံၚ်မ္ၚိုဟ်သကာတ်မြဟ် သၚ်ပါ်ဒကးရ” ရဴဝွံ ကသပ်ဒှ်ကုခမဳဂမၠိုၚ်မ္ဂး။
ယွံခမဳတအ် အဓိကိုရ်မၞုံသဘဴရဴဝွံ ကဵုအခေါၚ် တၞဟ်နလလမ်ကၠေံ နကဵုတိဏဝတ္ထာရကဝိနယ်ကမ်ရ။
ယွံခမဳတအ် ရဴဝွံ ဒးကဵုလလမ်ရ၊ ခမဳဂမၠိုၚ်အလုံအိုတ်သီုဟေၚ် ဒးကောံဓရီု မွဲဂကောံဓဝ်ရ၊ ကောံဓရီုတုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကယျာန်ဓဝါတ်သေက်ဇဵု ဂတမတ်, ကြဴမတ် အာစိုပ်ဟီုသ္ဂးစှေ်စး အရေဝ်ဂၠိုၚ်တုဲ ပိုဲညးဂမၠိုၚ် မပဒတဴအိုတ်ဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ် ဗွဲမဂၠိုၚ်အိုတ်ရ၊ (နပါၚ်လေဝ်) ဟီုသ္ဂးအိုတ်ရ၊ (နဇကုလေဝ်) သ္ပဒးအိုတ်ရ။ ပိုဲညးဂမၠိုၚ် ကဵုဇကုဲဇဗကၠေံ အာပတ်ဂမၠိုၚ်ဝွံ ရၚ်သကအ်အိုတ်မ္ဂး အဓိကိုရ်ဝွံ တန်ဒှ်တၞဟ်နကြံၚ်မ္ၚိုဟ်သကာတ်မြဟ် သၚ်ပါ်ဒကးရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ ပါဲကၠေံ အာပတ်မရုန်မဵုကြံၚ်မ္ၚိုဟ် အာပတ်မဒးပ္ဍဲအရာနှဴရဴကေုာံခရှ်ဂမၠိုၚ်တုဲ အဓိကိုရ်ဝွံ ကဵုလလမ်ကၠေံ နကဵုတိဏဝတ္ထာရကဝိနယ်ကမ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
ပၞောဝ်ကဵုခမဳဂမၠိုၚ် လုပ်ဗော်သွးမွဲလပါ်ဂှ် ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် ဒးကဵုဗော်သွးပါလုပ်လပါ်ဇကုတီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကယျာန်ဓဝါတ်သေက်ဇဵု ဂတမတ်, ကြဴမတ် အာစိုပ်ဟီုသ္ဂးစှေ်စး အရေဝ်ဂၠိုၚ်တုဲ ပိုဲညးဂမၠိုၚ် မပဒတဴအိုတ်ဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ် ဗွဲမဂၠိုၚ်အိုတ်ရ၊ (နပါၚ်လေဝ်) ဟီုသ္ဂးအိုတ်ရ၊ (နဇကုလေဝ်) သ္ပဒးအိုတ်ရ။ ပိုဲညးဂမၠိုၚ် ကဵုဇကုဲဇဗကၠေံ အာပတ်ဂမၠိုၚ်ဝွံ ရၚ်သကအ်အိုတ်မ္ဂး အဓိကိုရ်ဝွံ တန်ဒှ်တၞဟ်နကြံၚ်မ္ၚိုဟ်သကာတ်မြဟ် သၚ်ပါ်ဒကးရ၊ ကမ်မၞုံကဵုအခိၚ်မဗဗွဲ ကုတဳလပိုဉ်တအ်ညးဂမၠိုၚ် ယဝ်ဒှ်မ္ဂး၊ အာပတ်တဳလပိုဉ်တအ်ညးဂမၠိုၚ်ကီု အာပတ်အဲဍိက်ကီု တၞဟ်နဖဵုတဳလပိုဉ်တအ်ညးဂမၠိုၚ်ကီု တၞဟ်နဖဵုအဲဍိက်ကီု ပါဲကၠေံအာပတ်မရုန်မဵုကြံၚ်မ္ၚိုဟ် အာပတ်မဒးပ္ဍဲအရာနှဴရဴကေုာံခရှ်ဂမၠိုၚ်တုဲ အဲဍိက် ဟီုလၟိၚ်ဒေသနာ ပ္ဍဲလဒေါဝ်သၚ် နကဵုတိဏဝတ္ထာရကဝိနယ်ကမ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
၂၄၁။ ကြဴနူဂှ် ပၞေဝ်ကဵုခမဳဂမၠိုၚ် လုပ်ဗော်သွးမွဲလပါ်သအာၚ်ဂှ် ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် ဒးကဵုဗော်သွးပါလုပ်လပါ်ဇကုတီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကယျာန်ဓဝါတ်သေက်ဇဵု ဂတမတ်, ကြဴမတ် အာစိုပ်ဟီုသ္ဂးစှေ်စး အရေဝ်ဂၠိုၚ်တုဲ ပိုဲညးဂမၠိုၚ် မပဒတဴအိုတ်ဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ် ဗွဲမဂၠိုၚ်အိုတ်ရ၊ (နပါၚ်လေဝ်) ဟီုသ္ဂးအိုတ်ရ၊ (နဇကုလေဝ်) သ္ပဒးအိုတ်ရ။ ပိုဲညးဂမၠိုၚ် ကဵုဇကုဲဇဗကၠေံ အာပတ်ဂမၠိုၚ်ဝွံ ရၚ်သကအ်အိုတ်မ္ဂး အဓိကိုရ်ဝွံ တန်ဒှ်တၞဟ်နကြံၚ်မ္ၚိုဟ်သကာတ်မြဟ် သၚ်ပါ်ဒကးရ၊ ကမ်မၞုံကဵုအခိၚ်မဗဗွဲ ကုတဳလပိုဉ်တအ်ညးဂမၠိုၚ် ယဝ်ဒှ်မ္ဂး၊ အာပတ်တဳလပိုဉ်တအ်ညးဂမၠိုၚ်ကီု အာပတ်အဲဍိက်ကီု တၞဟ်နဖဵုတဳလပိုဉ်တအ်ညးဂမၠိုၚ်ကီု တၞဟ်နဖဵုအဲဍိက်ကီု ပါဲကၠေံအာပတ်မရုန်မဵုကြံၚ်မ္ၚိုဟ် အာပတ်မဒးပ္ဍဲအရာနှဴရဴကေုာံခရှ်ဂမၠိုၚ်တုဲ အဲဍိက် ဟီုလၟိၚ်ဒေသနာ ပ္ဍဲလဒေါဝ်သၚ် နကဵုတိဏဝတ္ထာရကဝိနယ်ကမ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
၂၄၂။ ကြဴနူဂှ် ပၞေဝ်ကဵုခမဳဂမၠိုၚ် လုပ်ဗော်သွးမွဲလပါ်သအာၚ်ဂှ် ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် ဒးကဵုဗော်သွးပါလုပ်လပါ်ဇကုတီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကယျာန်ဓဝါတ်သေက်ဇဵု ဂတမတ်, ကြဴမတ် အာစိုပ်ဟီုသ္ဂးစှေ်စး အရေဝ်ဂၠိုၚ်တုဲ ပိုဲညးဂမၠိုၚ် မပဒတဴအိုတ်ဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ် ဗွဲမဂၠိုၚ်အိုတ်ရ၊ (နပါၚ်လေဝ်) ဟီုသ္ဂးအိုတ်ရ၊ (နဇကုလေဝ်) သ္ပဒးအိုတ်ရ။ ပိုဲညးဂမၠိုၚ် ကဵုဇကုဲဇဗကၠေံ အာပတ်ဂမၠိုၚ်ဝွံ ရၚ်သကအ်အိုတ်မ္ဂး အဓိကိုရ်ဝွံ တန်ဒှ်တၞဟ်နကြံၚ်မ္ၚိုဟ်သကာတ်မြဟ် သၚ်ပါ်ဒကးရ၊ ကမ်မၞုံကဵုအခိၚ်မဗဗွဲ ကုတဳလပိုဉ်တအ်ညးဂမၠိုၚ် ယဝ်ဒှ်မ္ဂး၊ အာပတ်တဳလပိုဉ်တအ်ညးဂမၠိုၚ်ကီု အာပတ်အဲဍိက်ကီု တၞဟ်နဖဵုတဳလပိုဉ်တအ်ညးဂမၠိုၚ်ကီု တၞဟ်နဖဵုအဲဍိက်ကီု ပါဲကၠေံအာပတ်မရုန်မဵုကြံၚ်မ္ၚိုဟ် အာပတ်မဒးပ္ဍဲအရာနှဴရဴကေုာံခရှ်ဂမၠိုၚ်တုဲ အဲဍိက် ဟီုလၟိၚ်ဒေသနာ ပ္ဍဲလဒေါဝ်သၚ် နကဵုတိဏဝတ္ထာရကဝိနယ်ကမ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကယျာန်ဓဝါတ်သေက်ဇဵု ဂတမတ်, ကြဴမတ် အာစိုပ်ဟီုသ္ဂးစှေ်စး အရေဝ်ဂၠိုၚ်တုဲ ပိုဲညးဂမၠိုၚ် မပဒတဴအိုတ်ဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ် ဗွဲမဂၠိုၚ်အိုတ်ရ၊ (နပါၚ်လေဝ်) ဟီုသ္ဂးအိုတ်ရ၊ (နဇကုလေဝ်) သ္ပဒးအိုတ်ရ။ ပိုဲညးဂမၠိုၚ် ကဵုဇကုဲဇဗကၠေံ အာပတ်ဂမၠိုၚ်ဝွံ ရၚ်သကအ်အိုတ်မ္ဂး အဓိကိုရ်ဝွံ တန်ဒှ်တၞဟ်နကြံၚ်မ္ၚိုဟ်သကာတ်မြဟ် သၚ်ပါ်ဒကးရ၊ ကမ်မၞုံကဵုအခိၚ်မဗဗွဲ ကုတဳလပိုဉ်တအ်ညးဂမၠိုၚ် ယဝ်ဒှ်မ္ဂး၊ အာပတ်တဳလပိုဉ်တအ်ညးဂမၠိုၚ်ကီု အာပတ်အဲဍိက်ကီု တၞဟ်နဖဵုတဳလပိုဉ်တအ်ညးဂမၠိုၚ်ကီု တၞဟ်နဖဵုအဲဍိက်ကီု ပါဲကၠေံအာပတ်မရုန်မဵုကြံၚ်မ္ၚိုဟ် အာပတ်မဒးပ္ဍဲအရာနှဴရဴကေုာံခရှ်ဂမၠိုၚ်တုဲ အဲဍိက် ဟီုလၟိၚ်ဒေသနာ ပ္ဍဲလဒေါဝ်သၚ် နကဵုတိဏဝတ္ထာရကဝိနယ်ကမ်ရ၊ ယြဴကုတဳလပိုဉ်မွဲ ပါဲကၠေံ အာပတ်မရုန်မဵုကြံၚ်မ္ၚိုဟ် အာပတ်မဒး ပ္ဍဲအရာနှဴရဴကေုာံခရှ်ဂမၠိုၚ်တုဲ သ္ဍိုက်မၠိုက် ပွမဟီုလၟိၚ်ဒေသနာအာပတ်ဂမၠိုၚ်ဝွံ ဒဒက်တဴ ပိုဲဍိက်တအ်ညးဂမၠိုၚ် ပ္ဍဲလဒေါဝ်သၚ် နကဵုတိဏဝတ္ထာရကဝိနယ်ကမ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
ပါဲကၠေံ အာပတ်မရုန်မဵုကြံၚ်မ္ၚိုဟ် အာပတ်မဒး ပ္ဍဲအရာနှဴရဴ ကေုာံခရှ်ဂမၠိုၚ်တုဲ ပိုဲဍိက်တအ်ညးဂမၠိုၚ် ဂပ်ဝ်ဟီုလၟိၚ်ဒေသနာ အာပတ်ဂမၠိုၚ်ဝွံ ပ္ဍဲလဒေါဝ်သၚ် နကဵုတိဏဝတ္ထာရကဝိနယ်ကမ် တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံ သ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။ ကြဴနူဂှ် သအာၚ်လေဝ် ။ ပ ။ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
အဓိကိုရ်ဝွံ လလမ်ရ ရဴဝွံ ထေက်ကဵုသ္ဂးရ။ မုရဴ နဝိနယ်ကမ်မွဲ လလမ်ရော?။ နကဵုသမ္မုခါဝိနယ်ကမ်ကီု နကဵုတိဏဝတ္ထာရကဝိနယ်ကမ်ကီု လလမ်ရ။ ပ္ဍဲအရာမလလမ်ဂှ် သမ္မုခါဝိနယ်ဂှ် ညးဍေံရော?၊ ပွမဒှ်ဂတမုက်သၚ် ပွမဒှ်ဂတမုက်ဓရ် ပွမဒှ်ဂတမုက်ဝိနယ် ပွမဒှ်ဂတမုက်ပူဂိုလ်ဂမၠိုၚ်ရ။
ပၞောဝ်ပန်ဂကူဂမၠိုၚ်ဂှ် မုမွဲ ဒှ်ပွမဒှ်ဂတမုက်သၚ်ရော? ပွမက္ညကၠုၚ်ခမဳဂမၠိုၚ်မဗဗွဲကဵုကမ် ပွမရၚ်တၠုၚ်ဆန် ခမဳဂမၠိုၚ်မထေက်ကဵုကဵုဆန် ခမဳမဒှ်ဂတမုက်ဂမၠိုၚ် ပွမဟွံဆေဝ်ဒဝ်ဂမၠိုၚ်ဂှ် ဒှ်ပွမဒှ်ဂတမုက်သၚ်ရ။
ပၞောဝ်ပန်ဂကူဂမၠိုၚ်ဂှ် မုမွဲ ဒှ်ပွမဒှ်ဂတမုက်ဓရ် ပွမဒှ်ဂတမုက်ဝိနယ်ရော?။ ဓမ္မဝိနယဉတ်ကမ္မဝါစ်ဂမၠိုၚ် မဒှ်ဟိုတ်လလမ်အဓိကိုရ်ဂှ် ဒှ်ပွမဒှ်ဂတမုက်ဓရ် ပွမဒှ်ဂတမုက်ဝိနယ်မ္ဂးအိုတ်ရ။
ပ္ဍဲအရာမလလမ်ဂှ် မုမွဲ ဒှ်တိဏဝတ္ထာရကကမ်ဝိနယ်ရော၊ ပွမသ္ပ အကာဲအရာမသ္ပ ပွမပြာပ်အာ ပွမပြာပ်အာတူရူ ပွမအေၚ်ဒုၚ် ပွမဟွံဆေဝ်ဒဝ် တိဏဝတ္ထာရကဝိနယ်ကမ်ဂမၠိုၚ်ဂှ် တိဏဝတ္ထာရကဝိနယ်ကမ်မ္ဂးအိုတ်ရ။
ယွံခမဳတအ် အဓိကိုရ်မလလမ်တုဲရဴဝွံ ခမဳမဒုၚ်ဒေသနာဂှ် ခ္ဍဟ်ကတဵုမ္ဂး၊ ဒးအာပတ်ပါဲစိုတ် မကတဵုဒှ်ဟိုတ်နူပွမခ္ဍဟ်ကတဵုရ။ ခမဳမကဵုဆန်ဂှ် ပျုတ်ဗ္ဒေက်မ္ဂး၊ ဒးအာပတ်ပါဲစိုတ် မကတဵုဒှ် ဟိုတ်နူပွမပျုတ်ဗ္ဒေက်ရ။
ကိစ္စာဓိကိုရ်ဂှ် နကဵုသမထဂမၠိုၚ်မုစိ လလမ်ရော?၊ ကိစ္စာဓိကိုရ်ဂှ် နကဵုသမထမွဲဂကူ မတွံဂးသမ္မုခါဝိနယ်ဂှ် လလမ်ရ ရဴဝွံ (သ္ဂးရ)။
☀︎☀︎☀︎သမထက္ခန္ဓကတုဲရ☀︎☀︎☀︎
