၄.၉.၇။ ပွမသ္ပအတိုၚ်မဒုၚ်ဝန်
၂၃၉။ အာပတ္တာဓိကိုရ်ဂှ် မုရဴ နသမထဂမၠိုၚ် လလမ်ရော?။ အာပတ္တာဓိကိုရ်ဂှ် နကဵုသမထဂမၠိုၚ်ပိ မတွံဂးသမ္မုခါဝိနယ် ပဋိညာတကရဏဝိနယ် တိဏဝတ္ထာရကဝိနယ်ကမ် လလမ်ရ။
အာပတ္တာဓိကိုရ်ဂှ် ဟွံပြာပ်အာ သမထမွဲဂကူမတွံဂး တိဏဝတ္ထာရကတုဲ နကဵုသမထဂမၠိုၚ်ၜါ မတွံဂးသမ္မုခါဝိနယ်ကမ် ပဋိညာတကရဏဝိနယ်ကမ်ဂှ် လလမ်ဟာ၊ လလမ်ရ ရဴဝွံထေက်ကဵုသ္ဂးရ။
ညံၚ်ရဴသာ်လဵုရောမ္ဂးမာ ပ္ဍဲသာသနာဝွံ ခမဳဂှ် အာစိုပ်လဟုကအာပတ်ရ၊ ယွံခမဳတအ်ခမဳဂှ် ပြာပ်အာဇရေၚ် ခမဳမွဲဇကုတုဲ လ္ၜက်ကၠေဟ်ပတိုန် သ္ၚာကၞေဟ်ပ္ဍဲလတူပၞးပါဲမွဲလပါ် ဂဇအ်ဒၟံၚ်ဗွဲလံက်ဂဇုန်တုဲ သီုမပၚ်ပတိုန်ခၠအ်သၟိပ်တဲဂှ် “ယွံကောန်တၠ အဲဍိက်အာစိုပ်အာပတ်မၞုံယၟုဝွံရ၊ ဟီုလၟိၚ်ဒေသနာ အာပတ်ဂှ်ရ ရဴဝွံ ဒးဟီုရ။
“မၠာ်သ္ၚေဝ် ‘ညာတ်’ ဟာ” ရဴဝွံ ခမဳဒုၚ်ဒေသနာဂှ် ဒးဟီုရ၊ “ယွံမၠာ်သ္ၚေဝ် ‘ညာတ်’ ရ” ရဴဝွံ ခမဳ (ဟီုလၟိၚ်ဒေသနာ) ဂှ် ဒးဟီုရ၊ “ပ္ဍဲကာလကြဴ ဩဝ်သ္ၚဳလလမ်မၚ်မွဲညိ” ရဴဝွံ ခမဳဒုၚ်ဒေသနာဂှ် ဒးဟီုရ။
ယွံခမဳတအ် အဓိကိုရ်ဝွံ လလမ်ရ ရဴဝွံ ထေက်ကဵုသ္ဂးရ။ မုရဴ နဝိနယ်ကမ်မွဲ လလမ်ရော?။ နကဵုသမုခါဝိနယ်ကီု နကဵုပဋိညာတကရဏဝိနယ်ကမ်ကီု လလမ်ရ။ ပ္ဍဲအရာမလလမ်ဂှ် သမ္မုခါဝိနယ်ဂှ် ညးဍေံရော?၊ ပွမဒှ်ဂတုမုက်ဓရ် ပွမဒှ်ဂတမုက်ဝိနယ် ပွမဒှ်ဂတမုက်ပူဂိုလ်ဂမၠိုၚ်ရ ။ ပ ။ ပၞောဝ်ပိဂကူဂမၠိုၚ်ဂှ် မုမွဲ ဒှ်ပွမဒှ်ဂတမုက်ပူဂိုလ်ရော?။ ပွမဒှ်ဂတမုက်ခမဳမဟီုလၟိၚ်ဒေသနာ ခမဳမဒးဒုၚ်ဒေသနာဂမၠိုၚ်ၜါဇကုဂှ် ဒှ်ပွမဒှ်ဂတမုက်ပူဂိုလ်ရ။
ပ္ဍဲအရာမလလမ်ဂှ် မုမွဲ ဒှ်ပဋိညာတကရဏကမ်ဝိနယ်ရော? ပွမသ္ပ အကာဲအရာမသ္ပ ပွမပြာပ်အာ ပွမပြာပ်အာတူရူ ပွမအေၚ်ဒုၚ် ပွမဟွံဆေဝ်ဒဝ် ပဋိညာတကရဏဝိနယ်ကမ်ဂမၠိုၚ်ဂှ် ပဋိညာတကရဏဝိနယ်ကမ်မ္ဂးအိုတ်ရ။
ယွံခမဳတအ် အဓိကိုရ်မလလမ်တုဲရဴဝွံ ခမဳမဒုၚ်ဒေသနာဂှ် ခ္ဍဟ်ကတဵုမ္ဂး၊ ဒးအာပတ်ပါဲစိုတ် မကတဵုဒှ် ဟိုတ်နူပွမခ္ဍဟ်ကတဵုရ။
ရဴဝွံ ကလိဂွံ ပွမဟီုလၟိၚ်ဒေသနာမ္ဂး ပွမကလိဂွံဝွံ ဆာဲသန်ရ (ဟွံမွဲကဵုဒုဟ်ရ)။ ဟွံကလိဂွံမ္ဂး ယွံခမဳတအ် ခမဳဒေသကဂှ် ပြာပ်အာဇရေၚ် ခမဳဂမၠိုၚ်မဂၠိုၚ်တုဲ လ္ၜက်ကၠေဟ်ပတိုန် သ္ၚာကၞေဟ်ပ္ဍဲလတူပၞးပါဲမွဲလပါ် လ္ၚောဝ်ဒၠးဇိုၚ် ခမဳဇၞော်ဂမၠိုၚ်တုဲ ဂဇအ်ဒၟံၚ်ဗွဲလံက်ဂဇုန် သီုမပၚ်ပတိုန်ခၠအ်သၟိပ်တဲဂှ် “ယွံတဳလပိုဉ်တအ် အဲဍိက်အာစိုပ်အာပတ်မၞုံယၟုဝွံရ၊ ဟီုလၟိၚ်ဒေသနာ အာပတ်ဂှ်ရ ရဴဝွံ ဒးဟီုရ။
ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုခမဳဂမၠိုၚ်ဂှ်တီရ—
“တဳလပိုဉ်တအ်ညးဂမၠိုၚ် ဩဝ်ကလၚ်ပၚ်မှိၚ် (ဂလာန်) အဲဍိက်အိုတ်ညိ၊ ခမဳမၞုံယၟုဝွံ ဗှ်ဗၞုဟ်အာပတ်ရ၊ ပံက်ထ္ၜးရ၊ သ္ပဗွဲမပြာကဋ်ရ၊ ဟီုလၟိၚ်ဒေသနာရ၊ ကမ်မၞုံကဵုအခိၚ်မဗဗွဲ ကုတဳလပိုဉ်တအ်ညးဂမၠိုၚ် ယဝ်ဒှ်မ္ဂး၊ အဲဍိက် ဒုၚ်ဂိုၚ်ကေတ် အာပတ်ခမဳမၞုံယၟုဝွံရ” ရဴဝွံ (ဒးကဵုတီရ ရဴဝွံ သ္ဂးရ)။
“မၠာ်သ္ၚေဝ်ညာတ်ဟာ” ရဴဝွံ ခမဳဂှ် ဒးသၟာန်ရ၊ “ယွံမၠာ်သ္ၚေဝ်ညာတ်ရ” ရဴဝွံ ခမဳဒေသကဂှ် ဒးဟီုဂှ်၊ “ပ္ဍဲကာလကြဴ ဩဝ်သ္ၚဳလလမ်မၚ်မွဲညိ” ရဴဝွံ ခမဳဒုၚ်ဒေသနာဂှ် ဒးဟီုရ။
ယွံခမဳတအ် အဓိကိုရ်ဝွံ လလမ်ရ ရဴဝွံ ထေက်ကဵုသ္ဂးရ။ မုရဴ နဝိနယ်ကမ်မွဲ လလမ်ရော?။ နကဵုသမ္မုခါဝိနယ်ကီု နကဵုပဋိညာတကရဏဝိနယ်ကမ်ကီု လလမ်ရ။ ပ္ဍဲအရာမလလမ်ဂှ် သမ္မုခါဝိနယ်ဂှ် ညးဍေံရော? ပွမဒှ်ဂတမုက်ဓရ် ပွမဒှ်ဂတမုက်ဝိနယ် ပွမဒှ်ဂတမုက်ပူဂိုလ်ဂမၠိုၚ်ရ ။ ပ ။
ပၞောဝ်ပိဂကူဂမၠိုၚ်ဂှ် မုမွဲ ဒှ်ပွမဒှ်ဂတမုက်ပူဂိုလ်ရော?။ ပွမဒှ်ဂတမုက် ခမဳမဟီုလၟိၚ်ဒေသနာ ခမဳမဒးဒုၚ်ဒေသနာဂမၠိုၚ်ၜါဇကုဂှ် ဒှ်ပွမဒှ်ဂတမုက်ဂူဂိုလ်ရ။ ပ္ဍဲအရာမလလမ်ဂှ် မုမွဲဒှ်ပဋိညာတကရဏကမ်ဝိနယ်ရော?၊ ပွမသ္ပ အကာဲအရာမသ္ပ ပွမပြာပ်အာ ပွမပြာပ်အာတူရူ ပွမအေၚ်ဒုၚ် ပွမဟွံဆေဝ်ဒဝ် ပဋိညာတကရဏဝိနယ်ကမ်ဂမၠိုၚ်ဂှ် ပဋိညာတကရဏဝိနယ်ကမ်မ္ဂးအိုတ်ရ။ ယွံခမဳတအ် အဓိကိုရ်မလလမ်တုဲရဴဝွံ ခမဳမဒုၚ်ဒေသနာဂှ် ခ္ဍဟ်ကတဵုမ္ဂး ဒးအာပတ်ပါဲစိုတ် မကတဵုဒှ် ဟိုတ်နူပွမခ္ဍဟ်ကတဵုရ။ ရဴဝွံ ကလိဂွံ ပွမဟီုလၟိၚ်ဒေသနာမ္ဂး ပွမကလိဂွံဝွံ ဆာဲသန်ရ (ဟွံမွဲကဵုဒုဟ်ရ)။ ဟွံကလိဂွံမ္ဂး ယွံခမဳတအ် ခမဳဒေသကဂှ် ပြာပ်အာဇရေၚ် ခမဳဂမၠိုၚ်မဂၠိုၚ်တုဲ လ္ၜက်ကၠေဟ်ပတိုန် သ္ၚာကၞေဟ်ပ္ဍဲလတူပၞးပါဲမွဲလပါ် လ္ၚောဝ်ဒၠးဇိုၚ် ခမဳဇၞော်ဂမၠိုၚ်တုဲ ဂဇအ်ဒၟံၚ်ဗွဲလံက်ဂဇုန် သီုမပၚ်ပတိုန်ခၠအ်သၟိပ်တဲဂှ် “ယွံတဳလပိုဉ်တအ် အဲဍိက်အာစိုပ်အာပတ်မၞုံယၟုဝွံရ၊ ဟီုလၟိၚ်ဒေသနာ အာပတ်ဂှ်ရ ရဴဝွံ ဒးဟီုရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုခမဳဂမၠိုၚ်ဂှ်တီရ—
“တဳလပိုဉ်တအ်ညးဂမၠိုၚ် ဩဝ်ကလၚ်ပၚ်မှိၚ် (ဂလာန်) အဲဍိက်အိုတ်ညိ၊ ခမဳမၞုံယၟုဝွံ ဗှ်ဗၞုဟ်အာပတ်ရ၊ ပံက်ထ္ၜးရ၊ သ္ပဗွဲမပြာကဋ်ရ၊ ဟီုလၟိၚ်ဒေသနာရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ အဲဍိက် ဒုၚ်ဂိုၚ်ကေတ် အာပတ်ခမဳမၞုံယၟုဝွံရ” ရဴဝွံ (ဒးကဵုတီရ ရဴဝွံ သ္ဂးရ)။
“မၠာ်သ္ၚေဝ်ညာတ်ဟာ” ရဴဝွံ ခမဳဒုၚ်ဒေသနာဂှ် ဒးဟီုရ၊ “ယွံမၠာ်သ္ၚေဝ်ညာတ်ရ” ရဴဝွံ ခမဳဒေသကဂှ် ဒးဟီုဂှ်၊ “ပ္ဍဲကာလကြဴ ဩဝ်သ္ၚဳလလမ်မၚ်မွဲညိ” ရဴဝွံ ခမဳဒုၚ်ဒေသနာဂှ် ဒးဟီုရ။
ယွံခမဳတအ် အဓိကိုရ်ဝွံ လလမ်ရ ရဴဝွံ ထေက်ကဵုသ္ဂးရ။ မုရဴ နဝိနယ်ကမ်မွဲ လလမ်ရော?။ နကဵုသမ္မုခါဝိနယ်ကီု နကဵုပဋိညာတကရဏဝိနယ်ကမ်ကီု လလမ်ရ။ ပ္ဍဲအရာမလလမ်ဂှ် သမ္မုခါဝိနယ်ဂှ် ညးဍေံရော? ပွမဒှ်ဂတမုက်သၚ် ပွမဒှ်ဂတမုက်ဓရ် ပွမဒှ်ဂတမုက်ဝိနယ် ပွမဒှ်ဂတမုက်ပူဂိုလ်ဂမၠိုၚ်ရ ။ ပ ။ ယွံခမဳတအ် အဓိကိုရ်မလလမ်တုဲရဴဝွံ ခမဳဒုၚ်ဒေသနာဂှ် ခ္ဍဟ်ကတဵုမ္ဂး၊ ဒးအာပတ်ပါဲစိုတ် မကတဵုဒှ် ဟိုတ်နူပွမခ္ဍဟ်ကတဵုရ။ ခမဳမကဵုဆန်ဂှ် ပျုတ်ဗ္ဒေက်မ္ဂး၊ ဒးအာပတ်ပါဲစိုတ် မကတဵုဒှ် ဟိုတ်နူပွမပျုတ်ဗ္ဒေက်ရ။
