၄.၄။ ပဋိညာတကရဏ

၂၀၀။ ပ္ဍဲအခိင်ဂှ် ခမဳဆဗ္ဗဂ္ဂဳဂမၠိုင် သီုဟွံဒုင်ဝန် သ္ပကမ်ဂမၠိုင် ကုခမဳဂမၠိုင်အိုတ်ရ၊ သ္ပတဴ တဇ္ဇနဳယကမ် ‘ပွမဘပဠ’ ကီု နိယဿကမ် ‘ပွမဒးနိဿယ်ဗ္ဒာဲလၟိုန်’ ကီု ပဗ္ဗာဇနိယကမ် ‘ပွမဗက်ပတိတ်’ ကီု ပဋိသာရဏဳယကမ် ‘ပွမကဵုဗှ်ဗၞုဟ်’ ကီုဉက္ခေပနဳယကမ် ‘ပွမဗက်ပတိတ်’ (ဟိုတ်နူမပတမ် ပွမဟွံမၠာ်သ္ၚေဝ်အာပတ်) ကီုအိုတ်ရ။

ခမဳပၟိက်အောန်ဂမၠိုင်ဂှ် “ခမဳဆဗ္ဗဂ္ဂဳဂမၠိုင် သီုဟွံဒုင်ဝန် မုဟိုတ် သ္ပတဇ္ဇနဳယကမ် ‘ပွမဘပဠ’ ကီု နိယဿကမ် ‘ပွမဒးနိဿယ်ဗ္ဒာဲလၟိုန်’ ကီု ပဗ္ဗာဇနိယကမ် ‘ပွမဗက်ပတိတ်’ ကီု ပဋိသာရဏဳယကမ် ‘ပွမကဵုဗှ်ဗၞုဟ်’ ကီု ဉက္ခေပနဳယကမ် ‘ပွမဗက်ပတိတ်’ (ဟိုတ်နူမပတမ်ပွမဟွံမၠာ်သ္ၚေဝ်အာပတ်) ကီု ကုခမဳဂမၠိုင်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိင်ဂှ် ခမဳဂမၠိုင်ဂှ် ဂရင်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။

ယွံခမဳတအ် ဍာံပြဟာ ။ ပ ။ ဍာံပြရ ယွံကျာ်မၞုံပိုဉ် ရဴဝွံ ဂရင်ပတီအိုတ်ရ ။ ပ ။ ဟီုဂရိုဟ်တုဲ ။ ပ ။ တွံကဵု ဂလာန်ဓရ်တုဲမ္ဂး–

“ယွံခမဳတအ် သီုဟွံဒုင်ဝန် ဟဂပ်ဝ်သ္ပ တဇ္ဇနဳယကမ် ‘ပွမဘပဠ’ ကီု နိယဿကမ် ‘ပွမဒးနိဿယ်ဗ္ဒာဲလၟိုန်’ ကီု ပဗ္ဗာဇနိယကမ် ‘ပွမဗက်ပတိက်’ ကီု ပဋိသာရဏဳယကမ် ‘ ပွမကဵုဗှ်ဗၞုဟ်’ ကီု ဉက္ခေပနဳယကမ် ‘ပွမဗက်ပတိတ်’ (ဟိုတ်နူမပတမ်ပွမဟွံမၠာ်သ္ၚေဝ်အာပတ်) ကီု ကုခမဳဂမၠိုင်ရ၊ ကုခမဳမသ္ပဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုင်ရ။

၂၀၁။ ယွံခမဳတအ် ပွမသ္ပအတိုင်ဒုင်ဝန်ဂှ် ရဴဝွံ ဟွံဗဗွဲကဵုဓရ်ရ၊ ရဴဝွံ ဗဗွဲကဵုဓရ်ရ။ ယွံခမဳတအ် ပွမသ္ပအတိုင်ဒုင်ဝန် သာ်လဵုဂှ် ဟွံဗဗွဲကဵုဓရ်ရော?။

ခမဳဂှ် အာစိုပ်ပါရာဇိကရ၊ သင်ကဵုဒှ် ပူဂိုလ်ဂမၠိုင်မဂၠိုင်ကဵုဒှ် “တဳလပိုဉ်အာစိုပ်ပါရာဇိကရ” ရဴဝွံ စောဒနာ ခမဳဂှ်ရ။ ခမဳဂှ် “ယွံကောန်တၠတအ် အဲဍိက် ဟွံအာစိုပ်ပါရာဇိကရ၊ အာစိုပ်သံဃာဒိသေသ်ရ” ရဴဝွံ သ္ဂးရ၊ သင်သ္ဂုတ်သွာတ် ခမဳဂှ် နသံဃာဒိသေသ်ရ၊ ဒှ်ပွမသ္ပ အတိုင်ဒုင်ဝန် မဟွံဗဗွဲကဵုဓရ်ရ။

ခမဳဂှ် အာစိုပ်ပါရာဇိကရ၊ သင်ကဵုဒှ် ပူဂိုလ်ဂမၠိုင်မဂၠိုင်ကဵုဒှ် ပူဂိုလ်မွဲကဵုဒှ် “တဳလပိုဉ်အာစိုပ်ပါရာဇိကရ” ရဴဝွံ စောဒနာ ခမဳဂှ်ရ။ ခမဳဂှ် “ယွံကောန်တၠတအ် အဲဍိက် ဟွံအာစိုပ်ပါရာဇိကရ၊ အာစိုပ်ထုလ္လစ္စယ် ။ ပ ။ ပါဲစိုတ် ။ ပ ။ ပါဋိဒေသနိက် ။ ပ ။ ဒုက္ကဋ် ။ ပ ။ ဒုဗ္ဘာသိုတ်ရ”ရဴဝွံ သ္ဂးရ၊ သင်သ္ဂုတ်သွာတ် ခမဳဂှ် နဒုဗ္ဘာသိုတ်ရ၊ ဒှ်ပွမသ္ပ အတိုင်ဒုင်ဝန်မဟွံဗဗွဲကဵုဓရ်ရ။

ခမဳဂှ် အာစိုပ်သံဃာဒိသေသ် ။ ပ ။ ထုလ္လစ္စယ် ။ ပ ။ ပါဲစိုတ် ။ ပ ။ ပါဋိဒေသနိက် ။ ပ ။ ဒုက္ကဋ် ။ ပ ။ ဒုဗ္ဘာသိုတ်ရ၊ သင်ကဵုဒှ် ပူဂိုလ်ဂမၠိုင်မဂၠိုင်ကဵုဒှ် ပူဂိုလ်မွဲကဵုဒှ် “တဳလပိုဉ်အာစိုပ်ဒုဗ္ဘာသိုတ်ရ” ရဴဝွံ စောဒနာ ခမဳဂှ်ရ။ ခမဳဂှ် “ယွံကောန်တၠတအ် အဲဍိက် ဟွံအာစိုပ်ဒုဗ္ဘာသိုတ်ရ၊ အာစိုပ်ပါရာဇိကရ” ရဴဝွံ သ္ဂးရ၊ သင်သ္ဂုတ်သွာတ် ခမဳဂှ် နပါရာဇိကရ၊ ဒှ်ပွမသ္ပ အတိုင်ဒုင်ဝန် မဟွံဗဗွဲကဵုဓရ်ရ။

ခမဳဂှ် အာစိုပ်ဒုဗ္ဘာသိုတ်ရ၊ သင်ကဵုဒှ် ပူဂိုလ်ဂမၠိုင်မဂၠိုင်ကဵုဒှ် ပူဂိုလ်မွဲကဵုဒှ် “တဳလပိုဉ်အာစိုပ်ဒုဗ္ဘာသိုတ်ရ” ရဴဝွံ စောဒနာ ခမဳဂှ်ရ။ ခမဳဂှ် “ယွံကောန်တၠတအ် အဲဍိက် ဟွံအာစိုပ်ဒုဗ္ဘာသိုတ်ရ၊ အာစိုပ်သံဃာဒိသေသ် ။ ပ ။ ထုလ္လစ္စယ် ။ ပ ။ ပါဲစိုတ် ။ ပ ။ ပါဋိဒေသနိက် ။ ပ ။ ဒုက္ကဋ်ရ” ရဴဝွံ သ္ဂးရ၊ သင်သ္ဂုတ်သွာတ် ခမဳဂှ် နဒုက္ကဋ်ရ၊ ဒှ်ပွမသ္ပ အတိုင်ဒုင်ဝန် မဟွံဗဗွဲကဵုဓရ်ရ။

ယွံခမဳတအ် ရဴဝွံဟေင် ဒှ်ပွမသ္ပ အတိုင်ဒုင်ဝန် မဟွံဗဗွဲကဵုဓရ်ရ။

ယွံခမဳတအ် ပွမသ္ပအတိုင်ဒုင်ဝန် သာ်လဵုဂှ် ဗဗွဲကဵုဓရ်ရော? ခမဳဂှ် အာစိုပ်ပါရာဇိကရ၊ သင်ကဵုဒှ် ပူဂိုလ်ဂမၠိုင်မဂၠိုင်ကဵုဒှ် ပူဂိုလ်မွဲကဵုဒှ် “တဳလပိုဉ် အာစိုပ်ပါရာဇိကရ” ရဴဝွံ စောဒနာ ခမဳဂှ်ရ။ ခမဳဂှ် “ယွံကောန်တၠတအ် ဍာံပြရ၊ အာစိုပ်ပါရာဇိကရ” ရဴဝွံ သ္ဂးရ၊ သင်သ္ဂုတ်သွာတ် ခမဳဂှ် နပါရာဇိကရ၊ ဒှ်ပွမသ္ပ အတိုင်ဒုင်ဝန် မဗဗွဲကဵုဓရ်ရ။

ခမဳဂှ် အာစိုပ်သံဃာဒိသေသ် ။ ပ ။ ထုလ္လစ္စယ် ။ ပ ။ ပါဲစိုတ် ။ ပ ။ ပါဋိဒေသနိက် ။ ပ ။ ဒုက္ကဋ် ။ ပ ။ ဒုဗ္ဘာသိုတ်ရ၊ သင်ကဵုဒ်ှ ပူဂိုလ်ဂမၠိုင်မဂၠိုင်ကဵုဒှ် ပူဂိုလ်မွဲကဵုဒှ် “တဳလပိုဉ်အာစိုပ်ဒုဗ္ဘာသိုတ်ရ” ရဴဝွံ စောဒနာ ခမဳဂှ်ရ။ ခမဳဂှ် “ယွံကောန်တၠတအ် ဍာံပြရ၊ အာစိုပ် ဒုဗ္ဘာသိုတ်ရ” ရဴဝွံ သ္ဂးရ၊ သင်သ္ဂုတ်သွာတ် ခမဳဂှ် နဒုဗ္ဘာသိုတ်ရ၊ ဒ်ှ်ပွမသ္ပ အတိုင်ဒုင်ဝန် မဗဗွဲကဵုဓရ်ရ။ ယွံခမဳတအ် ရဴဝွံဟေင် ဒှ်ပွမသ္ပ အတိုင်ဒုင်ဝန် မဗဗွဲကဵုဓရ်ရ ရဴဝွံ (သ္ဂးရ)။