၄.၃။ အမူဠဝိနယ်
၁၉၆။ ပ္ဍဲအခိၚ်ဂှ် ခမဳဂဂ္ဂ ကြအ်ယှောတ်တုဲ နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရ အရာဟွံသေၚ်ကဵုခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်)ဟီုသ္ဂးရ၊ (နဇကုလေဝ်) သ္ပဒးရ။
ကြအ်ယှောတ်တုဲ နမစိုတ်ပၠန်ဂတးဂှ် ဟိုတ်နူကလိလောန်ဒ္ဂေတ်ဒးဂှ်ရ−
“တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ” ရဴဝွံ ခမဳဂမၠိုၚ် စောဒနာ ခမဳဂဂ္ဂ နအာပတ်အိုတ်ရ။
ခမဳဂဂ္ဂဂှ်−
“ယွံကောန်တၠတအ် အဲဍိက် ကြအ်ယှောတ်တုဲ နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ အဲဍိက် ဗှ်ဗၞုဟ်ပွမကလိလောန်ဒ္ဂေတ်ဒးဂှ် ဟွံမာန်ရ၊ အဲဍိက် နမဝိဝိၚ်ဂှ် သ္ပဒးပွမ ကလိလောန် ဒ္ဂေတ် ဒးဂှ်ရ” ရဴဝွံ သ္ဂးရ။
ၜိုန်ဟီုသ္ဂးရဴဝွံလေဝ် “တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ” ရဴဝွံ စောဒနာ ခမဳဂဂ္ဂဂှ် နအာပတ်အိုတ်ဟေၚ်ရ။
ခမဳပၟိက်အောန်ဂမၠိုၚ်ဂှ်−
“ကြအ်ယှောတ်တုဲ နမစိုတ်ပၠန်ဂတးဂှ် ဟိုတ်နူကလိလောန်ဒ္ဂေတ်ဒးဂှ် ‘တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ’ ရဴဝွံ မုဟိုတ်ခမဳဂမၠိုၚ် စောဒနာ ခမဳဂဂ္ဂ နအာပတ်အိုတ်ရော? ခမဳဂဂ္ဂဂှ်−
ယွံကောန်တၠတအ် အဲဍိက် ကြအ်ယှောတ်တဲု နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ အဲဍိက် ဗှ်ဗၞုဟ်ပွမကလိလောန်ဒ္ဂေတ်ဒးဂှ် ဟွံမာန်ရ၊ အဲဍိက် နမဝိဝိၚ်ဂှ် သ္ပဒးပွမ ကလိလောန်ဒ္ဂေတ် ဒးဂှ်ရ” ရဴဝွံ သ္ဂးရ။
ၜိုန်ဟီုသ္ဂးရဴဝွံလေဝ် ‘တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ’ ရဴဝွံ စောဒနာ ခမဳဂဂ္ဂဂှ် နအာပတ်အိုတ်ဟေၚ်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဍာံပြဟာ ။ ပ ။ ဍာံပြရ ယွံကျာ်မၞုံပိုဉ် ရဴဝွံ ဂရၚ်ပတီအိုတ်ရ ။ ပ ။ ဟီုဂရိုဟ်တုဲ ။ ပ ။ တွံကဵုဂလာန် ဓရ်တုဲမ္ဂး−
ယွံခမဳတအ် ဒှ်သာ်ဂှ်မ္ဂး သၚ် ဩဝ်ကဵုဝိနယ် မဝိဝိၚ်လောန် ကုခမဳဂဂ္ဂ မဝိဝိၚ်လောန်ညိ။ ယွံခမဳတအ် ရဴဝွံဒးကဵုရ။ ယွံခမဳတအ် ခမဳဂဂ္ဂဂှ် ပြာပ်အာဇရေၚ်သၚ်တုဲ လၜက်ကၠေဟ်ပတိုန် သ္ရာကၞေဟ် ပ္ဍဲလတူပၞးပါဲမွဲလပါ် လ္ရောဝ်ဒၠးဇိုၚ် ခမဳဇၞော်ဂမၠိုၚ်တုဲ ဂဇအ်ဒၟံၚ်ဗွဲလံက်ဂဇုန် သီုမပၚ်ပတိုန် ခၠအ်သၟိပ်တဲဂှ်−
“ယွံတီလပိုဉ်တအ် အဲဍိက် ကြအ်ယှောတ်တုဲ နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ်ဗွဲမဂၠိုၚ်ရ။ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ အဲဍိက် ဗှ်ဗၞုဟ်ပွမကလိလောန်ဒ္ဂေတ်ဒးဂှ် ဟွံမာန်ရ၊ ကြအ်ယှောတ်တုဲ နမစိုတ်ပၠန်ဂတးဂှ် ဟိုတ်နူကလိလောန်ဒ္ဂေတ်ဒးဂှ် ‘တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ’ ရဴဝွံ ခမဳဂမၠိုၚ် စောဒနာ အဲဍိက် နအာပတ်အိုတ်ရ။ ‘ယွံကောန်တၠတအ် အဲဍိက် ကြအ်ယှောတ်တုဲ နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ အဲဍိက် ဗှ်ဗၞုဟ်ပွမကလိလောန်ဒ္ဂေတ်ဒးဂှ် ဟွံမာန်ရ၊ အဲဍိက် နမဝိဝိၚ်ဂှ် သ္ပဒးပွမကလိလောန်ဒ္ဂေတ်ဒးဂှ်ရ’ ရဴဝွံ အဲဍိက် သ္ဂးကဵုခမဳဂမၠိုၚ်ရ။ ၜိုန်ဟီုသ္ဂးရဴဝွံလေဝ် ‘ တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ’ ရဴဝွံ ခမဳစောဒကဂမၠိုၚ် စောဒနာ အဲဍိက်အိုတ်ဟေၚ်ရ။ ယွံတီလပိုဉ်တအ် အဲဍိက်ဂှ် ဝိဝိၚ်လောန်ဒှ်တုဲ အာတ်သၚ် ဝိနယ် မဝိဝိၚ်လောန်ရ” ရဴဝွံ ဒးဂရၚ်ပတီရ။
မရနုက်ကဵုၜါဝါလေဝ် ဒးအာတ်ရ၊ မရနုက်ကဵုပိဝါလေဝ် ဒးအာတ်ရ။
“ယွံတဳလပိုဉ်တအ် အဲဍိက် ကြအ်ယှောတ်တုဲ နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ ကြအ်ယှောတ်တဲု နမစိုတ်ပၠန်ဂတးဂှ် ဟိုတ်နူကလိလောန်ဒ္ဂေတ်ဒးဂှ် ‘တီလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ’ ရဴဝွံ ခမဳဂမၠိုၚ် စောဒနာ အဲဍိက် နအာပတ်အိုတ်ရ။ ‘ယွံကောန် တၠတအ် အဲဍိက် ကြအ်ယှောတ်တုဲ နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရ အရာဟွံသေၚ်ကဵု ခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ အဲဍိက် ဗှ်ဗၞုဟ်ပွမကလိလောန်ဒ္ဂေတ်ဒးဂှ် ဟွံမာန်ရ၊ အဲဍိက် နမဝိဝိၚ်ဂှ် သ္ပဒးပွမ ကလိလောန် ဒ္ဂေတ်ဒးဂှ်ရ” ရဴဝွံ အဲဍိက် သ္ဂးကဵုခမဳဂမၠိုၚ်ဂှ်ရ။ ၜိုန်ဟီုသ္ဂးရဴဝွံလေဝ် ‘တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ’ ရဴဝွံ ခမဳစောဒနာကဂမၠိုၚ် စောဒနာအဲဍိက်အိုတ်ဟေၚ်ရ။ ယွံတီလပိုဉ်တအ် အဲဍိက်ဂှ် ဝိဝိၚ်လောန်ဒှ်တုဲ အာတ်သၚ် ဝိနယ်မဝိဝိၚ်လောန်ရ” ရဴဝွံ ဒးဂရၚ်ပတီရ။
ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ−
၁၉၇။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဂဂ္ဂဝွံ ကြအ်ယှောတ်တုဲ နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵု ခမဳဂမၠိုၚ်ဗွဲမဂၠိုၚ်ရ။ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ ကြအ်ယှောတ်တုဲ နမစိုတ်ပၠန်ဂတးဂှ် ဟိုတ်နူကလိလောန်ဒ္ဂေတ်ဒးဂှ် ‘တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဲ ရဴဝွံညိ’ ရဴဝွံ ခမဳဂမၠိုၚ် စောဒနာ ခမဳဂဂ္ဂ နအာပတ်အိုတ်ရ။ ခမဳဂဂ္ဂဂှ် ‘ယွံကောန်တၠတအ် အဲဍိက် ကြအ်ယှောတ်တုဲ နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵု ခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ အဲဍိက် ဗှ်ဗၞုဟ်ပွမကလိလောန် ဒ္ဂေတ်ဒးဂှ် ဟွံမာန်ရ ‘ဟွံဂွံသတိရ’၊ အဲဍိက်နမဝိဝိၚ်ဂှ် သ္ပဒးပွမကလိလောန်ဒ္ဂေတ်ဒးဂှ်ရ” ရဴဝွံ သ္ဂးရ။ ၜိုန်ဟီုသ္ဂးရဴဝွံလေဝ် ‘တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ’ ရဴဝွံ ခမဳစောဒကဂမၠိုၚ် စောဒနာ ခမဳဂဂ္ဂအိုတ်ဟေၚ်ရ။ ခမဳဂဂ္ဂဂှ် ဝိဝိၚ်လောန်ဒှ်တုဲ အာတ်သၚ် ဝိနယ် မဝိဝိၚ်လောန်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် ကဵုဝိနယ် မဝိဝိၚ်လောန် ကုခမဳဂဂ္ဂ မဝိဝိၚ်လောန်ရ၊ ဣဝွံတုန် ပွမကဵုတီရောၚ်။
ယွံတီလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဂဂ္ဂဝွံ ကြအ်ယှောတ်တုဲ နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရအရာဟွံသေၚ်ကဵု ခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ ကြအ်ယှောတ်တုဲ နမစိုတ်ပၠန်ဂတးဂှ် ဟိုတ်နူကလိလောန်ဒ္ဂေတ်ဒးဂှ် ‘တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ’ ရဴဝွံ ခမဳဂမၠိုၚ် စောဒနာ ခမဳဂဂ္ဂ နအာပတ်အိုတ်ရ။ ခမဳဂဂ္ဂဂှ် ‘ယွံကောန်တၠတအ် အဲဍိက်ကြအ်ယှောတ်တုဲ နမစိုတ်ပၠန်ဂတးဂှ် ကလိလောန်ဒ္ဂေတ်ဒး အာကာရအရာ ဟွံသေၚ်ကဵုခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ အဲဍိက် ဗှ်ဗၞုဟ်ပွမကလိလောန်ဒ္ဂေတ်ဒးဂှ် ဟွံမာန်ရ ‘ဟွံဂွံသတိရ’ ၊ အဲဍိက် နမဝိဝိၚ်ဂှ် သ္ပဒးပွမကလိလောန်ဒ္ဂေတ်ဒးဂှ်ရ” ရဴဝွံ သ္ဂးရ။ ၜိုန်ဟီုသ္ဂးရဴဝွံလေဝ် ‘တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ’ ရဴဝွံခမဳစောဒနာကဂမၠိုၚ် စောဒနာ ခမဳဂဂ္ဂအိုတ်ဟေၚ်ရ။ ခမဳဂဂ္ဂဂှ် ဝိဝိလောန်ဒှ်တုဲ အာတ်သၚ်ဝိနယ်မဝိဝိၚ်လောန်ရ၊ သၚ် ကဵုဝိနယ် မဝိဝိၚ်လောန် ကုခမဳဂဂ္ဂ မဝိဝိၚ်လောန်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုဝိနယ် မဝိဝိၚ်လောန် ကုခမဳဂဂ္ဂ မဝိဝိၚ်လောန်ရ၊ တဳလပိုဉ်ဂှ် သ္ဒးဒၟံၚ်သ္ရိတ်သ္ရိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ။ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။
သၚ် ဂပ်ဝ်ကဵုဝိနယ် မဝိဝိၚ်လောန် ကုခမဳဂဂ္ဂ မဝိဝိၚ်လောန်တုဲရ၊ ကုသၚ်ဂှ် မၞုံကဵုပွမ သ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ရောံသ္ရိတ်ဇြရ၊ နမဒၟံၚ်ကၞပ်သ္ရောံသ္ရိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
၁၉၈။ ယွံခမဳတအ် ပွမကဵုအမူဠ ဝိနယ်မဝိဝိၚ်လောန် မဟွံဗဗွဲကဵုဓရ်ဂမၠိုၚ် ဣဝွံမၞုံပိပြကာအိုတ်ရ။ ပွမကဵုအမူဠ ဝိနယ်မဝိဝိၚ်လောန် မဗဗွဲကဵုဓရ်ဂမၠိုၚ် ဣဝွံမၞုံပိပြကာအိုတ်ရ။
ယွံခမဳတအ် ပွမကဵုအမူဠ ဝိနယ်မဝိဝိၚ်လောန် မဟွံဗဗွဲကဵုဓရ်ဂမၠိုၚ် ပိပြကာဂှ် ညးဍေံအိုတ်ရော?။
ယွံခမဳတအ် ပ္ဍဲသာသနာဝွံ ခမဳမဒးအာပတ်ဂှ် သၚ်ကဵုဒှ် ပူဂိုလ်ဂမၠိုၚ်မဂၠိုၚ်ကဵုဒှ် ပူဂိုလ်မွဲကဵုဒှ် “တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ” ရဴဝွံ စောဒနာရ။
ခမဳဂှ် သီုမဗှ်ဗၞုဟ်ဒးဟေၚ် “ယွံကောန်တၠတအ် အဲဍိက် အာစိုပ်အာပတ် မၞုံသဘဴရဴဝွံဂှ် ဗှ်ဗၞူဟ်ဟွံဒးရ” ရဴဝွံ ဟီုသ္ဂးရ၊ သၚ်ကဵုအမူဠ ဝိနယ်မဝိဝိၚ်လောန် ကုခမဳဂှ်ရ၊ ဒှ်ပွမကဵု အမူဠ ဝိနယ် မဝိဝိၚ်လောန် မဟွံဗဗွဲကဵုဓရ်ရ။
ယွံခမဳတအ် ပ္ဍဲသာသနာဝွံ ခမဳမဒးအာပတ်ဂှ် သၚ်ကဵုဒှ် ပူဂိုလ်ဂမၠိုၚ်မဂၠိုၚ်ကဵုဒှ် ပူဂိုလ် မွဲကဵုဒှ် “တဳလပိုဉ် ဩဝ်ဗှ်ဗၞုဟ် မအာစိုပ်အာပတ် မၞုံသဘဴရဴဝွံညိ” ရဴဝွံ စောဒနာရ။
ခမဳဂှ် သီုမဗှ်ဗၞုဟ်ဒးဟေၚ် “ယွံကောန်တၠတအ် ညံၚ်ရဴပ်ပ္ဍဲသွပ်လ္ပအ်ကီု အဲဍိက်ဗှ်ဗၞုဟ်ဒးရ” ရဴဝွံ ဟီုသ္ဂးရ၊ သၚ်ကဵုအမူဠ ဝိနယ်မဝိဝိၚ်လောန် ကုခမဳဂှ်ရ၊ ဒှ်ပွမကဵုအမူဠ ဝိနယ်မဝိဝိၚ်လောန် မဟွံဗဗွဲကဵုဓရ်ရ။
“ယွံခမဳတအ် ပ္ဍဲသာသနာဝွံ ခမဳမဒးအာပတ်ဂှ် သၚ်ကဵုဒှ် ပူဂိုလ်ဂမၠိုၚ်မဂၠိုၚ်ကဵုဒှ် ပူဂိုလ်မွဲကဵုဒှ် “တဳလပိုဉ် ဩဝ်ဗှ်ဗၞုစ် မအာစိုပ်အာပတ် မၞုံသဘဴရဴဝွံညိ” ရဴဝွံ စောဒနာရ။
ခမဳဂှ် “အဲလေဝ် သ္ပရဴဝွံရ၊ မၞးတအ်ညးဂမၠိုၚ်လေဝ် ဩဝ်သ္ပရဴဝွံအိုတ်ညိ၊ ကုအဲလေဝ်ပွဝွံဂပ်ဝ်ရ၊ ကုမၞးတအ်ညးဂမၠိုၚ်လေဝ် ပွဝွံဂပ်ဝ်ရ” ရဴဝွံ သီုဟွံကြအ်ဂှ် ပပၞညံၚ်ကြအ်ရ သၚ်ကဵုအမူဠ ဝိနယ်မဝိဝိၚ်လောန် ကုခမဳဂှ်ရ၊ ဒှ်ပွမကဵုအမူဠ ဝိနယ်မဝိဝိၚ်လောန် မဟွံဗဗွဲကဵုဓရ်ရ။
ပိသာ်ဂမၠိုၚ်ဝွံတုန် ပွမကဵုအမူဠ ဝိနယ်မဝိဝိၚ်လောန် မဟွံဗဗွဲကဵုဓရ်ဂမၠိုၚ်ရ။
၁၉၉။ ယွံခမဳတအ် ပွမကဵုအမူဠ ဝိနယ်မဝိဝိၚ်လောန် မဗဗွဲကဵုဓရ်ဂမၠိုၚ် ပိပြကာဂှ် ညးဍေံအိုတ်ရော?။
ယွံခမဳတအ် ပ္ဍဲသာသနာဝွံ ခမဳဂှ် ကြအ်ယှောတ်တုဲ နမစိုတ်ပၠန်ဂတးဂှ် ကလိလောန် ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ ခမဳဂှ် သၚ်ကဵုဒှ် ပူဂိုလ်ဂမၠိုၚ်မဂၠိုၚ်ကဵုဒှ် ပူဂိုလ်မွဲကဵုဒှ် “တဳလပိုဉ် ဩဝ်ဗှ်ဗၞုဟ် မအာစိုပ် အာပတ် မၞုံသဘဴရဴဝွံညိ” ရဴဝွံ စောဒနာရ။
ခမဳဂှ် သီုမဗှ်ဗၞုဟ်ဟွံဒးဟေၚ် “ယွံကောန်တၠတအ် အဲဍိက် အာစိုပ်အာပတ် မၞုံသဘဴရဴဝွံဂှ် ဗှ်ဗၞုဟ်ဟွံဒးရ” ရဴဝွံ ဟီုသ္ဂးရ၊ သၚ်ကဵုအမူဠ ဝိနယ်မဝိဝိၚ်လောန် ကုခမဳဂှ်ရ၊ ဒှ်ပွမကဵု အမူဠ ဝိနယ်မဝိဝိၚ်လောန် မဗဗွဲကဵုဓရ်ရ။
ယွံခမဳတအ် ပ္ဍဲသာသနာဝွံ ခမဳဂှ် ကြအ်ယှောတ်တုဲ နမစိုတ်ပၠန်ဂတးဂှ် ကလိလောန် ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်)ဟီုသ္ဂးရ၊ (နဇကုလေဝ်) သ္ပဒးရ၊ ခမဳဂှ် သၚ်ကဵုဒှ် ပူဂိုလ်ဂမၠိုၚ်မဂၠိုၚ်ကဵုဒှ် ပူဂိုလ်မွဲကဵုဒှ် “တဳလပိုဉ် ဩဝ်ဗှ်ဗၞုဟ် မအာစိုပ် အာပတ် မၞုံသဘဴရဴဝွံညိ” ရဴဝွံ စောဒနာရ။
ခမဳဂှ် သီုမဗှ်ဗၞုဟ်ဟွံဒးဟေၚ် “ယွံကောန်တၠတအ် ညံၚ်ရဴပ္ဍဲသွပ်လ္ပအ်ကီု အဲဍိက် ဗှ်ဗၞုဟ်ဒးရ” ရဴဝွံ ဟီုသ္ဂးရ၊ သၚ်ကဵုအမူဠ ဝိနယ်မဝိဝိၚ်လောန် ကုခမဳဂှ်ရ၊ ဒှ်ပွမကဵုအမူဠ ဝိနယ် မဝိဝိၚ်လောန် မဗဗွဲကဵုဓရ်ရ။
ယွံခမဳတအ် ပ္ဍဲသာသနာဝွံ ခမဳဂှ် ကြအ်ယှောတ်တုဲ နမစိုတ်ပၠန်ဂတးဂှ် ကလိလောန် ဒ္ဂေတ်ဒး အာကာရအရာဟွံသေၚ်ကဵုခမဳဂမၠိုၚ်ဗွဲမဂၠိုၚ်ရ၊ (နပါၚ်လေဝ်) ဟီုသ္ဂးရ၊ (နဇကုလေဝ်) သ္ပဒးရ၊ ခမဳဂှ် သၚ်ကဵုဒှ် ပူဂိုလ်ဂမၠိုၚ်မဂၠိုၚ်ကဵုဒှ် ပူဂိုလ်မွဲကဵုဒှ် “တဳလပိုဉ် ဩဝ်ဗှ်ဗၞုဟ် မအာစိုပ် အာပတ် မၞုံသဘဴရဴဝွံညိ” ရဴဝွံ စောဒနာရ။
ခမဳဂှ် “အဲလေဝ် သ္ပရဴဝွံရ၊ မၞးတအ်ညးဂမၠိုၚ်လေဝ် ဩဝ်သ္ပရဴဝွံအိုတ်ညိ၊ ကုအဲလေဝ် ပွဝွံ ဂပ်ဝ်ရ၊ ကုမၞးတအ်ညးဂမၠိုၚ်လေဝ် ပွဝွံ ဂပ်ဝ်ရ” ရဴဝွံ သီုမကြအ်ဂှ် ပပၞပရအ်ရ၊ သင်ကဵုအမူဠ ဝိနယ်မဝိဝိင်လောန် ကုခမဳဂှ်ရ၊ ဒှ်ပွမကဵုအမူဠ ဝိနယ်မဝိဝိင်လောန် မဗဗွဲကဵုဓရ်ရ၊ ပိသာ်ဂမၠိုင်ဝွံတုန် ပွမကဵုအမူဠ ဝိနယ်မဝိဝိင်လောန် မဗဗွဲကဵုဓရ်ဂမၠိုင်ရ ရဴဝွံ (သ္ဂးရ)၊၊
