၁.၃.၆။ ဟိုတ်မထေက်ကဵုလလမ်ကၠေံ ပဗ္ဗာဇနဳယကမ်စှ်ဒ္စါံသာ်
၃၁။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဂှ် ဒးကဵုလလမ်ကၠေံပဗ္ဗာဇနဳယကမ်ရ၊ (ခမဳဂှ် သ္ပအ္စာဥပဇ္ၛာယ်တုဲ) ဟွံပကဵုပယျၚ်ရ၊ ဟွံကဵုနိဿယရ၊ ဟွံကဵုသာမဏဳကၠောန်ၜိုတ်ရ၊ ဟွံသာယျေန်သ္ဍိုက်မၠိုက် ပွမသၟိတ်ပတိုန် သွက်ဂွံဒၠောံဗတောန်ခမဳဗြဴဂမၠိုၚ်ရ၊ ၜိုန်ကလိဂွံသၟိတ်လေဝ် ဟွံဒၠောံဗတောန်ခမဳဗြဴဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဒးကဵုလလမ်ကၠေံ ပဗ္ဗာဇနဳယကမ်ရ။
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာသအာၚ်လေဝ် ဒးကဵုလလမ်ကၠေံ ပဗ္ဗာဇနဳကမ်ရ၊ (ခမဳဂှ်) ဟွံတန်ဒေါံဥပေါသ် ခမဳပကတတ်ရ၊ ဟွံတန်ဒေါံပဝါရဏာရ၊ ဟွံသ္ပ ပွမဒၠောံဗတောန်ရ၊ ဟွံဂိုၚ်ကေတ်အရာဇၞော်သကိုပ်သကရ၊ ဟွံအာတ်အခေါၚ်ရ၊ ဟွံစောဒနာရ၊ ဟွံကဵုဗှ်ဗၞုဟ်ရ၊ ဟွံကဵုစိုန်သကီုနှဴရဴ ကေုာံခမဳပကတတ်ဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံပြကာဝွံ ဒးကဵုလလမ်ကၠေံ ပဗ္ဗာဇနဳယကမ်ရ။
✤ ဟိုတ်မထေက်ကဵုလလမ်ကၠေံ ပဗ္ဗာဇနဳယကမ်စှ်ဒ္စါံသာ် တုဲရ။ ✤
၃၂။ ယွံခမဳတအ် ရဴဝွံ ဒးကဵုလလမ်ရ၊ ယွံခမဳတအ် ခမဳမဒးဒုၚ်သ္ပ ပဗ္ဗာဇနဳယကမ်ဂှ် ပြာပ်အာဇရေၚ်သၚ်တုဲ လၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ် လ္ၚောဝ်ဒၠးဇိုၚ်ခမဳဇၞော်ဂမၠိုၚ်တုဲ ဂဇအ်ဒၟံၚ်ဗွဲမလံက်ဂဇုန် သီုမပၚ်ပတိုန်ခၠအ်သၟိပ်တဲဂှ် “ယွံတဳလပိုဉ်တအ် ဟိုတ်နူသၚ် သ္ပလဝ် ပဗ္ဗာဇနဳယကမ်ဂှ်ရ အဲဍိက်ဒ္ဂေတ်တဴ ဗွဲမဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဒ္ဂေတ်ဝတ် ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ပဗ္ဗာဇနဳယကမ်ရ” ရဴဝွံ ဒးဂရၚ်ပတီရ။ မရနုက်ကဵုၜါဝါလေဝ် ဒးအာတ်အခေါၚ်ရ။ မရနုက်ကဵုပိဝါလေဝ် ဒးအာတ်အခေါၚ်ရ။
ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ဟိုတ်နူသၚ်သ္ပလဝ် ပဗ္ဗာဇနဳယကမ်ဂှ်ရ ခမဳမၞုံယၟုဝွံ ဒ္ဂေတ်တဴ ဗွဲမဒးရးရ၊ ဖျေံကၠေံ တသော်မာန်ရ ‘မာန်စှေ်’ ရ၊ ဒ္ဂေတ်တဴ ဒ္ဂေတ်ဝတ်ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ပဗ္ဗလလမ်ကၠေံ ပဗ္ဗဇနဳယကမ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်ကဵုလလမ်ကၠေံ ပဗ္ဗာဇနဳယကမ် ကုခမဳမၞုံယၟုဝွံရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ ဟိုတ်နူသၚ် သ္ပလဝ် ပဗ္ဗာဇနဳယကမ်ဂှ်ရ ဒ္ဂေတ်တဴဗွဲမဒးရးရ၊ ဖျေံကၠေံ တသော်မာန်ရ ‘မာန်စှေ်’ ရ၊ ဒ္ဂေတ်တဴဒ္ဂေတ်ဝတ် ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ပဗ္ဗာဇနဳယကမ်ရ၊ သၚ်ကဵုလလမ်ကၠေံ ပဗ္ဗာဇနဳယကမ် ကုခမဳမၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုလလမ်ကၠေံ ပဗ္ဗာဇနဳယကမ် ကုခမဳမၞုံယၟုရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ ဟိုတ်နူသၚ်သ္ပလဝ် ပဗ္ဗာဇနဳယကမ်ဂှ်ရ ဒ္ဂေတ်တဴ ဗွဲမဒးရးရ၊ ဖျေံကၠေံ တသော်မာန်ရ ‘မာန်စှေ်’ ရ၊ ဒ္ဂေတ်တဴ ဒ္ဂေတ်ဝတ်ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ပဗ္ဗာဇနဳယကမ်ရ၊ သၚ်ကဵုလလမ်ကၠေံပဗ္ဗာဇနဳယကမ် ကုခမဳမၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုလလမ်ကၠေံ ပဗ္ဗာဇနဳယကမ် ကုခမဳမၞုံယၟုရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်ကဵုလလမ်ကၠေံ ပဗ္ဗာဇနဳယကမ် ကုခမဳမၞုံယၟုတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
❀ ပဗ္ဗာဇနဳယကမ် တတိယတုဲရ။ ❀
