၁.၃.၅။ ဟိုတ်မဟွံထေက်ကဵုလလမ်ကၠေံစှ်ဒ္စါံသာ်

၃၀။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ် မသုန်ပြကာဂှ် ဟွံထေက်ကဵုလလမ်ကၠေံ ပဗ္ဗာဇနဳယကမ်ရ၊ (ခမဳဂှ် သ္ပအ္စာဥပဇ္ၛာယ်တုဲ) ပကဵုပယျၚ်ရ၊ ကဵုနိဿယရ၊ ကဵုသာမဏဳကၠောန်ၜိုတ်ရ၊ သာယျေန်သ္ဍိုက်မၠိုက် ပွမသၟိတ်ပတိုန် သွက်ဂွံဒၠောံဗတောန်ခမဳဗြဴဂမၠိုၚ်ရ၊ ကလိဂွံသၟိတ်တုဲ ဒၠောံဗတောန် ခမဳဗြဴဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴကေုာံအၚ်္ဂဂမၠိုၚ် မသုန်ပြကာဝွံ ဟွံထေက်ကဵုလလမ်ကၠေံ ပဗ္ဗာဇနဳယကမ်ရ။

ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ် မသုန်ပြကာသအာၚ်လေဝ် ဟွံထေက်ကဵုလလမ်ကၠေံ ပဗ္ဗဇနဳယကမ်ရ၊ (ခမဳဂှ်) အာစိုပ် အာပတ်မဒှ်ဟိုတ်သ္ပပဗ္ဗာဇနဳယကမ်ရ၊ အာပါတ် သအာၚ်တၠုၚ်လအာတုပ်ကဵုဂှ်ကဵုဒှ် အာပတ်ယုတ်မာ ကြံၚ်မ္ၚိုဟ်လောန်လတူဂှ်ကဵုဒှ် အာစိုပ်ရ၊ ဟီုဂရိုဟ်ကမ်ရ၊ ဟီုဂရိုဟ် ခမဳသ္ပကမ်ဂမၠိုၚ်ရ၊။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဟွံထေက်ကဵုလလမ်ကၠေံ ပဗ္ဗာဇနဳယကမ်ရ။

ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံပြကာဂှ် ဟွံထေက်ကဵုလလမ်ကၠေံပဗ္ဗာဇနဳယကမ်ရ၊ (ခမဳဂှ်) တန်ဒေါံဥပေါသ် ခမဳပကတတ်ရ၊ တန်ဒေါံပဝါရဏာရ၊ သ္ပ ပွမဒၠောံဗတောန်ရ၊ ဂိုၚ်ကေတ်အရာဇၞော်သကိုပ်သကရ၊ အာတ်အခေါၚ်ရ၊ စောဒနာရ၊ ကဵုဗှ်ဗၞုဟ်ရ၊ ကဵုစိုန်သကီုနှဴရဴကေုာံခမဳပကတတ်ဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ် ဒ္စါံပြကာဝွံ ဟွံထေက်ကဵုလလမ်ကၠေံ ပဗ္ဗာဇနဳယကမ်ရ။

✤ ဟိုတ်မဟွံထေက်ကဵုလလမ်ကၠေံ ပဗ္ဗာဇနဳယကမ်စှ်ဒ္စါံသာ် တုဲရ။ ✤