၁.၁.၆။ ဟိုတ်မထေက်ကဵုလလမ်ကၠေံ တဇ္ဇနဳယကမ်စှ်ဒ္စါံသာ်
၉။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဂှ် ဒးကဵုလလမ်ကၠေံ တဇ္ဇနဳယကမ်ရ၊ (ခမဳဂှ် သ္ပအ္စာဥပဇ္ၛာယ်တုဲ) ဟွံပကဵုပယျၚ်ရ၊ ဟွံကဵုနိဿယရ၊ ဟွံကဵုသာမဏဳကၠောန်ၜိုတ်ရ၊ ဟွံသာယျေန်သ္ဍိုက်မၠိုက် ပွမသၟိတ်ပတိုန် သွက်ဂွံဒၠောံဗတောန်ခမဳဗြဴဂမၠိုၚ်ရ၊ ၜိုန်ကလိဂွံသၟိတ်လေဝ် ဟွံဒၠောံဗတောန်ခမဳဗြဴဂမၠိုၚ် မသုန်ပြကာဝွံ ဒးကဵုလလမ်ကၠေံ တဇ္ဇနဳယကမ်ရ။
ယွံခမဳတအ် ကုခမဳမဍိုက်ပေၚ်တဴ ကေုာံအၚ်္ဂဂမၠိုၚ် မသုန်ပြကာသအာၚ်လေဝ် ဒးကဵုလလမ်ကၠေံ တဇ္ဇနဳယကမ်ရ၊ (ခမဳဂှ်) ဟွံအာစိုပ် အာပတ်မဒှ်ဟိုတ်သ္ပ တဇ္ဇနဳယကမ်ရ၊ အာပတ်သအာၚ်တၠုၚ်လအာတုပ်ကဵုဂှ်ကဵုဒှ် အာပတ်မယုတ်မာ ကြံၚ်မ္ၚိုဟ်လောန်လတူဂှ်ကဵုဒှ် ဟွံအာစိုပ်ရ၊ ဟွံဟီုဂရိုဟ်ကမ်ရ၊ ဟွံဟီုဂရိုဟ် ခမဳသ္ပကမ်ဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴကေုာံအၚ်္ဂဂမၠိုၚ် မသုန်ပြကာဝွံ ဒးကဵုလလမ်ကၠေံ တဇ္ဇနဳယကမ်ရ။
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံပြကာဂှ် ဒးကဵုလလမ်ကၠေံ တဇ္ဇနဳယကမ်ရ၊ (ခမဳဂှ်) ဟွံတန်ဒေါံဥပေါသ် ခမဳပကတတ်ရ၊ ဟွံတန်ဒေါံပဝါရဏာရ၊ ဟွံသ္ပ ပွမဒၠောံဗတောန်ရ၊ ဟွံဂိုၚ်ကေတ်အရာဇၞော်သကိုပ်သကရ၊ ဟွံအာတ်အခေါၚ်ရ၊ ဟွံစောဒနာရ၊ ဟွံကဵုဗှ်ဗၞုဟ်ရ၊ ဟွံကဵုစိုပ်သကီုနှဴရဴ ကေုာံခမဳပကတတ်ဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ် ဒ္စါံပြကာဝွံ ဒးကဵုလလမ်ကၠေံ တဇ္ဇနဳယကမ်ရ။
✤ ဟိုတ်မထေက်ကဵုလလမ်ကၠေံ တဇ္ဇနဳယကမ်စှ်ဒ္စါံသာ်တုဲရ။ ✤
၁၀။ ယွံခမဳတအ် ရဴဝွံ ဒးကဵုလလမ်ရ၊ ယွံခမဳတအ် ခမဳပဏ္ဍုက လောဟိတကဂမၠိုၚ်ဂှ် ပြာပ်အာဇရေၚ်သၚ်တုဲ လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ် လ္ၚောဝ်ဒၠးဇိုၚ် ခမဳဇၞော်ဂမၠိုၚ်တုဲ ဂဇအ်ဒၟံၚ်ဗွဲလံက်ဂဇုန် သီုမပၚ်ပတိုန်ခၠအ်သၟိပ်တဲဂှ် ဒးဂရၚ်ပတီ ရဴဝွံရ―
“ယွံတဳလပိုဉ်တအ် ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ပိုဲဍိုက်တအ်ညးဂမၠိုၚ် ဒ္ဂေတ်တဴဗွဲမဒးရးအိုတ်ရ၊ ဖျေံကၠေံတသော်မာန်ရ ‘မာန်စှေ်’ အိုတ်ရ၊ ဒ္ဂေတ်တဴ ဒ္ဂေတ်ဝတ်ဒှ်ဟိုတ်တိတ်ဗၠး နူကမ်အိုတ်ရ၊ အာတ်အခေါၚ်ပွမလလမ်ကၠေံ တဇ္ဇနဳယကမ်အိုတ်ရ” ရဴဝွံ ဒးသ္ဂးရ။ မရနုက်ကဵု ၜါဝါလေဝ် ဒးအာတ်အခေါၚ်ရ။ မရနုက်ကဵု ပိဝါလေဝ် ဒးအာတ်အခေါၚ်။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ဟိုတ်နူသ္ပလဝ် တဇ္ဇနဳယကမ်ဂှ်ရ ခမဳပဏ္ဍုက လောဟိတကဂမၠိုၚ်ဝွံ ဒ္ဂေတ်တဴ ဗွဲမဒးရးအိုတ်ရ၊ ဖျေံကၠေံတသော်မာန်ရ ‘မာန်စှေ်’ အိုတ်ရ၊ ဒ္ဂေတ်တဴ ဒ္ဂေတ်ဝတ်ဒှ်ဟိုတ်တိတ်ဗၠး နူကမ်အိုတ်ရ၊ အာတ်အခေါၚ်ပွမလလမ်ကၠေံ တဇ္ဇနဳယကမ်အိုတ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်ကဵုလလမ်ကၠေံ တဇ္ဇနဳယကမ် ကုခမဳပဏ္ဍုက လောဟိတကဂမၠိုၚ်ရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳပဏ္ဍုက လောဟိတကဂမၠိုၚ်ဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်တဴ ဗွဲမဒးရးအိုတ်ရ၊ ဖျေံကၠေံတသော်မာန်ရ ‘မာန်စှေ်’ အိုတ်ရ၊ ဒ္ဂေတ်တဴ ဒ္ဂေတ်ဝတ်ဒှ်ဟိုတ်တိတ်ဗၠးနူကမ်အိုတ်ရ၊ အာတ်အခေါၚ် ပွမလလမ်ကၠေံ တဇ္ဇနဳယကမ်အိုတ်ရ၊ သၚ် ကဵုလလမ်ကၠေံ တဇ္ဇနဳယကမ် ကုခမဳပဏ္ဍုက လောဟိကဂမၠိုၚ်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုလလမ်ကၠေံ တဇ္ဇနဳယကမ် ကုခမဳပဏ္ဍုက လောဟိတကဂမၠိုၚ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳပဏ္ဍုက လောဟိတကဂမၠိုၚ်ဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်တဴ ဗွဲမဒးရးအိုတ်ရ၊ ဖျေံကၠေံတသော်မာန်ရ ‘မာန်စှ်ေ’ အိုတ်ရ၊ ဒ္ဂေတ်တဴ ဒ္ဂေတ်ဝတ်ဒှ်ဟိုတ်တိတ်ဗၠးနူကမ်အိုတ်ရ၊ အာတ်အခေါၚ် ပွမလလမ်ကၠေံ တဇ္ဇနဳယကမ်အိုတ်ရ၊ သၚ် ကဵုလလမ်ကၠေံ တဇ္ဇနဳယကမ် ကုခမဳပဏ္ဍုက လောဟိကဂမၠိုၚ်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုလလမ်ကၠေံ တဇ္ဇနဳယကမ် ကုခမဳပဏ္ဍုက လောဟိတကဂမၠိုၚ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳပဏ္ဍုက လောဟိတကဂမၠိုၚ်ဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်တဴ ဗွဲမဒးရးအိုတ်ရ၊ ဖျေံကၠေံတသော်မာန်ရ ‘မာန်စှေ်’ အိုတ်ရ၊ ဒ္ဂေတ်တဴ ဒ္ဂေတ်ဝတ်ဒှ်ဟိုတ်တိတ်ဗၠးနူကမ်အိုတ်ရ၊ အာတ်အခေါၚ် ပွမလလမ်ကၠေံ တဇ္ဇနဳယကမ်အိုတ်ရ၊ သၚ် ကဵုလလမ်ကၠေံ တဇ္ဇနဳယကမ် ကုခမဳပဏ္ဍုက လောဟိကဂမၠိုၚ်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုလလမ်ကၠေံ တဇ္ဇနဳယကမ် ကုခမဳပဏ္ဍုက လောဟိတကဂမၠိုၚ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်ကဵုလလမ်ကၠေံ တဇ္ဇနဳယကမ် ကုခမဳပဏ္ဍုက လောဟိတကဂမၠိုၚ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
❀ တဇ္ဇနဳယကမ် ‘ပွမဘပဠ’ ပဌမတုဲရ။ ❀
