Nasugbueños

            Pagmasdan ang iyong kapaligiran, anong kultura meron ang bayan na iyong kinabibilangan? Nasubukan mo na bang lumabas sa iyong tahanan para kilalanin ang ibang kultura na meron ang Pilipinas? Simulan nating talakayin ang kulturang meron ang bayan ng Nasugbu na matatagpuan sa probinsya ng Batangas. Kilalanin natin ang mga kulturang meron ang Nasugbu na atraksiyon para sa mga dayuhang turista. Sa pagtuklas sa kultura ng Nasugbu, makikita ang mga pinapahalagahang mga tradisyon, katangian, at pagmamahal na meron ang mamayan ng Nasugbu.

             Sa tradisyong masiglang ipinamamalas ng Nasugbu, isa sa pinakatanyag na pagdiriwang ay ang Fiesta de los Toros. Sa tuwing ito ay idinaraos ng Ika-3 ng disyembre, ang buong bayan ay nagkakaisa sa pagsasagawa ng kasiyahan at pagpapakita ng kanilang kultura at pagkakakilanlan sa paraan ng pagluluto at paghahanda sa mga bisita ng iba’t ibang putahe tulad na lang ng walang kamatayan na menudo, at pagpapakita ng kultura gamit ang kanilang iba’t ibang talento tulad na lamang nang pagawit, pagsasayaw o pagsasagawa ng kompetisyon na tinatawag na street dancing kung saan nagpapakita ang mga studyante na mula sa iba’t ibang eskwelahan at ipinamamalas ang kani kanilang angking galling. Sa gitna ng mga basabog na mga programa at kasiyahan, matatagpuan ang tunay na pagmamahal at dedikasyon ng mga Nasugbueno sa kanilang tradisyon at komunidad. Bilang bahagi ng kulturang Nasugbu, isa sa mga katangian ng mga Nasugbueno ay ang kanilang mainit na pagtanggap sa mga bisita. Pag merong mga bisita o turista sa bayan ng Nasugbu ay tunay ang galak ng bawat isa, kaya naman agad silang nagpapakita ng mapagbigay at kapilyuhang personalidad na nagpapatunay na sila ay may malasakit sa kanilang kapwa. 

              Sa kabuuan, ang kultura na meron ang Nasugbu Batangas ay nagpapakita ng pagpapahalaga sa kagandahan ng kanilang sariling tradisyon, mabuting katangian, at may busilak na pusong mapagmahal sa kapwa. May katangian silang naiiba sa lahat at ito ay ang patuloy pagkakaisa hindi lang sa pagdiriwang maging sa pang araw araw na pamumuhay ng walang okasyon. Sapat na ang kanilang malagintong katangian upang ang kanilang bayan ay naging makulay at masigla. Ang kultura ng Nasugbu ay hindi lamang nagpapakita ng kanilang kasaysayan at kahalagahan, kundi pati na rin ng kanilang pagmamahal at pagkakaisa bilang isang komunidad. Ikaw, maghahangad ka bang pumunta ng Nasugbu Batangas?

        N-A-S-U-G-B-U, Nasugbu, pitong letra na nagtataglay ng kakaibang ganda, mga tanawing sikat at nakakahalina, mga pagkaing masasarap na patok sa iyong panlasa, at marami pang iba. Tara't ating tuklasin ang mga tanawing hindi nakakasawang dalawin pati na rin ang mga pagkaing tiyak na ika'y bubusugin.  Ang bayan ng Nasugbu ay kilala bilang lugar bakasyunan dahil nagtataglay ito ng iba't ibang magagandang pasyalan. Sinasabing bago pa man makita ang ganda ng Boracay at iba pang sikat na lugar bakasyunan, ang bayan ng Nasugbu ay dinarayo ng maraming tao tuwing may okasyon na siya ring ginagawa nilang bakasyon. Kabilang na rito ang sikat na sikat na Kayraan beach resort na siyang dinarayo ng mga tao mula sa iba't-ibang lugar, nagtataglay ito ng napakagandang tanawin na siyang dahilan upang mahalina ang mga tao na nagdudulot upang ito ay kanilang balik balikan.

           Karagdagan, hindi lamang dyan natatapos ang pagtuklas sa mga sikat na lugar na nabibilang sa Nasugbu, ang lugar na ito ay pinapalibutan ng mga magagandang beaches na patok na patok sa kagustuhan ng bawat mamamayan. Kabilang na rito ang Calayo beach resort, Fortune Island, Punta Fuego at marami pang iba na nagtataglay ng 4.5 stars ayon sa review ng mga taong nakabisita na rito na naging katibayan upang masabi na ang lugar na ito ay napakaganda. Kung merong padagat ay meron ding pabundok ang lugar na ito, kung ang nais mo ay makalanghap ng sariwang hangin, mag hiking, ay meron ding maipagmamalaki ang bayang ito tulad ng Mt. Batulao at Mt. Talamitan na kung ikaw ay baguhan ay tinitiyak ng lugar na ito na hindi ka mahihirapan sa kadahilanang ito ay very beginner friendly. Sa puntong marating mo na ang tuktok nito ay iyong matatanaw ang iba't-ibang uri ng hayop na nagmula sa farm. 

          Pang huli, atin namang pag-usapan ang mga pagkaing nakakatakam na pinagmamalaki ng Nasugbueñian. Ang Nasugbu ay kilala bilang tahanan ng mga masasarap na kakanin dahil ang pangunahing hanap buhay dito ay ang pagsasaka ng mga anihin. Kabilang sa mga kakaning ito ang bibingka na siyang pinagmamalaki ng bayang ito dahil sa napakasarap nitong lasa. Ngayon na natuklasan niyo na ang taglay nitong ganda, ano pa ang hinihintay ninyo? tara na, halina't bumisita sa lugar na magdudulot saiyo ng saya, Ala Eh ika'y pumarne na sa Nasugbu, lugar kung saan iyong makakamit ang tunay na kahulugan ng ligaya.