– тақырыпты таңдап, танысу;

– рефераттың тақырыбы бойынша ақпарат көздерін іздеу;

– қажет әдебиттерді таңдау, зерттеу;

– жиналған деректерді жүйелеу.

– рефераттың жоспары (бөлімдер мен тармақтар- ды көрсету керек);

– кіріспе бөлім (тақырыптың өзектілігі, рефератты жазудағы мақсаты);

– негізгі бөлім;

– қорытынды бөлім;

– пайдаланылған әдебиеттер тізімі.

– рефераттың А4 пішімді ақ параққа орындалуы;

– реферат мәтіні Microsoft Word мәтіндік редакторында өлшемі 14-ке тең Times New Roman қарпімен, 1.0 интервал арқылы қара түспен теріледі.

Мәтін жолдары көлденеңінен реттеледі. Беттегі ақ шеттердің (жиектердің) өлшемі: сол шет – 2,5 см, оң шет – 1,5 см; жоғарғы және төменгі шеттер – 1,5 см-ге тең.

Дәйексөздерде автордың ойы бұрмаланбауы керек. Жекелеген сөздер қалдырылып, қысқартылатын болса, орнына көп нүкте қойылады. Дәйексөздер тырнақшаға алып жазылады. Егер бір автордың немесе бірнеше автордың жұмыстарына сілтеме жасалса, онда жақшаның ішінде нөмірлері үтір арқылы көрсетіледі: ... сияқты авторлар [14, 17, 19] «…», – деп есептейді.

Қорытынды бөлімнің тақырыбы абзацтан бас әріппен жазылады. Қорытынды бөлімнің көлемі 1-2 беттен аспауы тиіс.

Ресми-құжаттық басылымдар: 1. «Білім туралы» Қазақстан Республикасының Заңы, 2007 жылғы 27 шілде. 6-бап, 2-бөлім. 6-бет, т.б.

Кітаптар: 1. Ахметова А. Логика. Алматы: Қазақ университеті, 1992. – 56 бет, т.б.

Мақалалар: 1. Сманова Ж.М. Оқушылардың таным іс-әрекетінің белсенділігін арттырудың педагогикалық процестегі жолдары. «Педагогикалық ғылымдар» топтамасы. – Алматы, 2002. №4. – 55–58-беттер, т.б. Энциклопедиялар мен сөздіктер: Айқап. Энциклопедия. /Құрастырған: Сұбханбердина Ү., Дәуітов С. – Алматы; Қазақ энциклопедиясы. 1995. – 368 бет.

Әдебиеттер тізімі келесі критерийлер бойынша рәсімделеді:

– алфавиттік тәртіп бойынша;

– тақырыптық-хронологиялық;

– деректемелердің түрі бойынша.

Мысалы, дереккөздерді төмендегі ретпен орналастыруға болады.

1. ҚР Заңдары.

2. Тақырып бойынша нормативтік құжаттар

3. Статистикалық деректер (ресми жинақтар, хабарламалар, шолулар).

4. Оқулықтар, оқу құралдары, монографиялар.

5. Мерзімдік басылым материалдары ( газетжурналдардың мақалалары).

6. Электрондық ресурстар (интернет-сайттардың компакт-дискілердің материалдары) және т.б.