Upload a pdf version of your essay or, copy the text into a text box here.

Tumu Tapura: Reo Maori e te Reo Ingiriti kia riro ei kaveanga kura i te ʻāpiʻi

Akatomoanga

Teia te Peʻe; Kiritī----------ā--- kiritia (2x) (oh my dear son, o--pen)

Kiritia te papa i Avaiki (open the doors of Avaiki)

Kia tomo atu te marama ki roto (for the heavenly light to shine through)

Aiē----------koko (oh------------------yes)

Teia te akanoonooanga i teia karere, te mea mua ka tuatua au no runga i te pūapinga o te reo Maori. Ko te rua ka tuatua au no runga i te pūapinga o te reo Ingiriti. Ko te toru taku e rave nei i te akamatutuanga i teia nga reo e rua. Ko te openga eaa te ka rauka mai.

Pūapinga i te reo Māori

Ko te tuanga mua tāku ka tuatua atu koia oki, tāku i kite te pūapinga i te reo Maori. Ko te reo Maori, kua riro aia ei akarangatira iaku i riro mai ei au ei purotu Kuki Airani. Na te reo Maori i kave iaku ki te apii teitei. Kua apai aia iaku ki tetai turanga teitei i te oraanga nei i te riro anga mai au ei pūapiʻi. Na te reo Maori e akakite i taku peu tupuna, amani vairakau e pera ei akakite iaku ki toku matakeinanga, kopu tangata e te enua tangata. Kua riro te reo Maori ei parauanga naku i roto i te turanga imene e pera te peu ura. Ko te reo Maori katoa tei akakite i toku karape rangaranga, tuitui, toitoi e te tātatau. Te akakite nei te reo Maori i toku karape tautai, tanutanu, angai manu, tuanga tūroto e pera te au kaveinga teretere na te moana nui o kiva. Ko teia i runga nei taku i kite i te puapinga o te reo Maori e te vai atura rai tetai pae kare i tuku mai ki roto.

Pūapinga i te reo Ingiriti

Ko te rua o te tuanga tāku ka tuatua atu koia oki, tāku i kite te puapinga i te reo Ingiriti. Ko te reo Ingiriti kua riro te reira ei atui iaku ki teianei aʻo na roto i te kupenga ūira e tetai au ravenga apaipai karere. Kua kave katoa te reo Ingiriti iaku ki te apii teitei, turanga meitaki i roto i te oraanga nei, tauturu i te kopapa makimaki i te kimi ravenga mei te taote papaā. Akamārama i taku peu tupuna mei te ura akatangi kite turoto, akamārama i toku au karape rangaranga, tuitui, toitoi, tātatau, tanutanu, tautai e te angai manu. Kua riro katoa te reo Ingiriti i te akamārama i toku karape teretere na te moana nui o kiva ki toku au taeake i roto i te au enua i te Patipika nei.

Eaa i reira ta tatou ka rave.

Ka taangaanga tatou i te marama tā tatou e apii nei i te tauturu anga i to tatou au taeake puapii i roto i ta tatou au apii. Kia riro tatou ei au tumutoa i te akamaroiroianga i tauianga no te tupu ruperupeanga o te reo i roto i ta tatou apii e pera te oire tangata.

Taopenga

Ko teia nga reo e rua, te reo Maori e te Ingiriti e puapinga maata to raua kia apii kapitiia i tei taikuia i runga nei. Ka riro tetai reo i te tauturu i tetai i te kave anga i te karere na runga i te kupenga uira no te kave karere ki te tangata i te aʻo nei. Ka riro katoa I te akatupu I te tupuanga ruperupe o nga reo e rua. Te nako akaou nei te peʻe:

Kiritī----------ā--- kiritia (2x) (Oh my dear son, open)

Kiritia te papa i Avaiki (open the doors of Avaiki)

Kia tomo atu te marama ki roto (for the heavenly light to shine through)

Aiē----------koko (Oh------------yes)