Year 1 Arrangement & Essential Materials

用人地份notes，主要做好哂research/排好structure/提早知model answer，慳時間。所以與其將year 1既notes大改，決定出一份guide，希望新人知道黎緊要面對既野，做最岩自己既準備，為自己成個course 諗清楚條路。

本篇分兩個部分，第一主要講MMU既安排，第二建議準備既materials。

（１）MMU安排

Year 1: Contract, Tort, Public, EU Law/ Hong Kong Legal System

Year 2: Criminal, Equity & Trusts, Land Law/ Hong Kong Land Law & Constitution Law

開sem 9月至10月頭會有一科English Legal System

Core Subject係Contract, Tort, Public Law，EU Law/ Hong Kong Legal System既weight 計半科。

出年4月開始revision lectures，考試重點/formal要係呢個時候問，一定要上。

5月中大考core subjects: Contract, Tort, Public Law (每科選3條，3小時)

Coursework: EU Law (一個月時間交, 多數係2月比題目)

就時間而言，year 1 core 3科 full time 讀需要6-8星期夠考試。揀MMU 而唔係UoL，分別在於UoL 目標一年讀哂，MMU 兩年。

基本上一年fulltime 係冇時間犯錯，但同樣既心理壓力MMU PT讀既你都會感受到，因為根本唔知點寫一份Ans 出黎，甚至連解題都解唔到。讀Law 係同時間比賽，愈有效學既野愈多，愈避開多餘野愈有利。最重要係愈早知道點砌Ans 出黎。但先講係MMU 早期入面應該持咩心態。

除左English Legal System/ Hong Kong Legal System，其他科既lectures 上唔上冇所謂（但我會聽，當係一個source 睇下有冇point 值得寫落我份notes 。但有online mode同recordings，我係year2做法儲起搭車聽，夜晚一路溫自己野一路掛聽）。而兩科legal system上堂講既野就係考試既野，要上。

English Legal System 極容易，考試mc。但建議認真聽，對之後讀Law起手有少少幫助。我唔建議提早準備呢科，因為呢科只係介紹下皮毛野，留返到時上堂比較好。如果要提早溫，year 1只有contract/tort/public law (core) 比較合乎時間利益。

Hong Kong Legal System 要提早搵定本基本法，將所有同legal 有關highlight哂time to time 不斷睇。呢科係上core之後唔應該佔太多時間，最有效既方法係將部分基本法內容化成你既common sense，之後唔使刻意去溫。

無論in-hall/online exam，考試d 題目相對簡單，好易過80分，可以幫你拉高average 分，建議係教 contract/tort 之前要大致溫好。

EU Law/ Public Law 上完堂你都唔會知學左咩。唯一建議係唔好依賴lecturer。除左跟佢地lecture 次序安排，就EU Law，起手直接睇direct effect/indirect effect/state liability/free movement of goods，核心concept 係 EU membership 係靠咩野做 legal basis 去告人（讀law 就係讀告人同被人告）。

Law exam 主要分problem question 同essay。 EU Law exam 只會係problem question。而contract 同tort 你都應該只係揀problem question。問題係public law。

Public Law Exam 主要固定分為

Essay: whether the UK should have a codified constitution/Parliamentary Sovereignty/ Human Rights Act

Problem Question: Minister Responsibility/ Human Rights/ Judicial Review x 2

大部分同學都會準備judicial review 既兩條problem questions，係相對容易高分既題目，而且兩題答法大同小異。但Minister Responsibility唔係咁岩香港人答，而且UK Constitution同Parliamentary Sovereignty係UK students 入面都係常揀同易高分，特別係Parliamentary Sovereignty。可以google 間唔中吸收下。

好多MMU同學會忽略UK Constitution同Parliamentary Sovereignty，建議你唔好。係你未決定好揀邊題之前，UK constitution/Parliamentary Sovereignty/Judicial Review 間唔中搵materials睇下。

而且year 2 既Hong Kong Constitutional Law 係一份3000字既research paper，建議year 1 答至少一題essay做下research，對成個year 2 都會有幫助。

Contract Law 第一科core。未讀過law 唔使擔心，上完堂唔識答問題好合理。你要慶幸自己係一張白紙。要掌握legal principles，最有效學習方法係唔好有固定答案。

一般law course 都會擺offer & acceptance, consideration 係前，misrepresentation/ remedies/ frustration 係最後。無錯offer & acceptance, consideration 學contract既basic principles，offer & acceptance 亦係最多人揀既一題。 但佢既Ans structure係唔固定，變相唔可以記固定structure 直抄。但無辦法，因為第一科第一topic，個個早期都準備好足，最後好難唔揀呢題。雖然唔係特別難，但唔係最好答既一條。

Contract 最易答係misrepresentation, remedies, frustration/offer & acceptance，尢其係misre。但要到最後先會教，最難既topic會放係中間。所以開頭上contract 唔識唔緊要，只要offer & acceptance 識哂，其他當興趣班學下就得。

Tort Law  2021年改制general negligence 為必考。係一件好事，tort law 既negligence concept會應用係criminal law homicide上。其餘各題，個人認為跟興趣揀就得。

如果你有信心係year 1 應付冇固定structure 既problem question，建議揀trespass to person (傳聞比較低分)。因為同criminal law 既non-fatal offence 有重覆concepts，online exam 下幾容易，實際closed book 考試要處理既地方唔少。每一題難度都係咁上下，愈有興趣愈記得熟d cases 就揀佢。

如果前期冇心水，可以入手溫熟negligence 先。

Lectures – 有人話上，有人話睇書比較岩自己，上堂唔入腦，究竟邊個岩？答案係唔使上。讀Law 需要睇大量case，上堂有用就唔使睇judgements, journals，雖然year 1 係唔使點睇journals。上堂唯一好處係有人present，好少少既lecturer 會講下d reasoning/recent development，差果d 照讀case，何不直接睇YouTube?

上堂對我份notes 既幫助可以話少過2%。Law 既世界係充滿uncertainty, counter arguments，你只有睇書睇law report 先會明背後理念。每個人係有唔同方法，但MMU入面係冇咩好lecturer。唔好天真d lecturer 教得誠懇，咬字清晰就當係好lecturer。你唯一學law 既方法只有睇cases 睇書，值得上既lecturer反而係講以外既內容：reasoning and conflicting arguments。

總結你會發現好似好易，堂又唔使上，揀3題，full time 6-8星期溫得完。關鍵係你點進入6星期準備就可以考試既狀態。以上既野只係了解一般你要係MMU year1 面對既野。真正要做既野只係學legal principles 同點樣寫出一份Ans，同係邊間school 讀無咩關係。

（2） 必須 Materials

Revision Books (有PDF 版...)

只建議Concentrate，無需要猶豫諗其他過氣系列，但可以比較一下Law Express。

Law Express: 內容淺，易明。但唔深入，唔完整。只可以用黎了解下legal principles，或係後期溫完書補充一下佢本書獨有既內容（cases comments, academic reference）。

Concentrate: 由2016年版起，已經係一本非常完整既revision books，cover 7-8成考試內容。

其他revision books 冇意見，可能有新發展。

兩系列既Questions & Answers都係唔太幫到考試，而兩科既Q&A都有部分subject 係寫得好差（揀邊個系列既Q&A 實在比唔到意見）。或者唔同Schools 有唔同標準，所有好難specifically 咁比model answers。參考價值係有，但唔係必須，因為有MMU 出既Ans outline 同exam scripts 既存在。

如果只係要一本revision book，concentrate 夠。亦唔建議係早期太過diversify睇太散。

Exam Scripts

考試前一定要有一份exam scripts，law exam 冇時間犯錯同改卷。一睇到問題就要知答案，即時就預好點排返d Ans 落去。你唔會係考試果一刻突然有新突破，所有野都係考試前設計好，預先模擬好考試環境，只係重覆一次編排過既動作。

Law exam 係好harsh，又要寫得快諗得快，唔比錯。而 Law 本身學識點溫之後，真係唔難，懶到剩係睇revision books 都學到7788。難在點樣present 出黎。

一份exam script 除左係答案，仲係成套application of law 既思路。寫得愈好，愈容易係exam 抄出黎。

而scripts 多數自製，點為至好，比唔到解釋。如果你對我份scripts 有興趣，可以睇我份 “Year 1 Note List” 介紹。有幾個point 可以留意：

(i)               愈短愈好 (concise)

(ii)             可以直抄成套application of law落problem question (precise)

(iii)            有岩examiner 口味既evaluation of law/reasoning

第三點d人會講evaluation of law。但如果唔關條題目事/對client冇幫助，evaluate 黎做咩？係year 1 呢個term 會聽得多d，但佢真正meaning 係reasoning。

Exam scripts/ Ans既寫法，係一份簡易/考試版既skeleton (barrister/counsel上court 既argument) ，目的係幫個客辯護 。係你每一個law point，背後都會有一個reason。點解reach 唔到certain Ans都有reason。係year 1 呢方面要求唔高，主要為year 2 做準備。

YouTube/Google

For year 1，我會建議睇YouTube 多過睇textbooks。首先，大部分人唔習慣睇過law books，冇objective咁睇textbooks同哂時間冇分別。Law books 絕對唔係for 興趣睇，你拎起本書係因為有principle 要搵解釋。新手連有咩principle 都唔知。

就public law/EU law，online 有好多debate/介紹，對寫essay 同了解人地legal文化係好大幫助。而且year 1係培養興趣同學legal research 既階段。

Google 係佔 >30% 溫書時間，search case name 就有case summary。係最佳casebook。

最常見case google search result 係LawTeacher, E-Lawresources, SimplyStuty, LawProf, Swarb 之類 (仲有Wiki)。冇話邊個網寫得好，多數睇明左就得。

一個topic 最少30隻cases，3題就差唔多睇成100隻。剩計contract同tort 都200隻 (目標distinction )，早d 習慣呢幾個網d style，對睇case 會快明好多。

Key cases 睇埋Wiki，甚至睇埋書。雖然year 1 係唔使睇書 (year 2 都係唔一定要睇書，可以人地睇完，你抄佢既source，唔係點解用人地份notes／form study group) ，如果你aim high，為PCLL做準備，legal research 既速度係本錢黎。

Textbooks/West Law

如果要深入理解條law，冇咩可能唔睇書。呢度唔會推薦任何textbooks，但唔建議將Space 比你果本白書當主要materials。佢既concept 係表達得清晰，易明，但冇咩必要將時間分比佢。Revision books 同exam scripts 係fundamental，如果唔明條law 係應該快速google，要深入係應該睇真正既textbooks。

最重要一點，我個人搵唔到對寫script 有咩幫助。不過初期睇下冇壞，佢都係集各家大成，唔會差得去邊。

WEST LAW – MMU 包左WEST LAW (UK) 比大家，用得唔好哂。

個人經歷（可以skip）

純分享，唔建議參考。係讀law 每個人際遇唔同，愈主觀既野愈唔可信。以上既野都可以話係比較客觀既事實，但以下當故事互相鼓勵就好。

雖然我用個半月時間溫，但係10月至2月期間，每日返工放工都係睇YouTube/ google cases。係3月中發現高分密碼exam script 之後，呢d 前期野幫唔到考試，但訓練左睇野速度，記cases/principles 同溫左好多雜亂無章既野對之後睇書速度快左好多。例如學rule of law 對考試冇咩幫助，但成套legal system 係由唔同基本原理組成，你會發現d legal term/test 不斷重覆出現：reasonable, ordinary, proportional, certain, foreseeable…簡單到呢幾字就係每條law 既原理。

就tort同contract，佢教一科我就溫一科。到12月就大鑊，因為開頭亂溫，太多內容又冇分類，contract 中間d 題目又難，MMU未到3 月都唔會派tutorial guidance，當時連intro 都寫唔出。Tort 又未決定到topic。基本上係一直擔心到2月做EU coursework 先諗究竟要點考試。

所以擔心係正常，係9-12月係比時間你習慣讀law。如果呢段時候因為冇成果就放棄唔睇law，就會睇唔到成個exam 係相對簡單。因為MMU 以前會派Revision Q&A (停左派)，一般60分既Ans 照背就得。前期冇做notes 都唔緊要，有google (除左買notes) 已經易過以前好多。宜家d人仲要個個揸住份Ans/script，咁都唔溫真係講唔過去。因為year 1 d subjects 已經唔使睇太多judgment 同做research，比機會漫無目的咁溫書。

但你睇完份野，要知道最終目標係一份配合你思路既exam scripts，要揀既topic 都已經知道哂，唔應該行人地行錯左既路。但係溫錯野係正常，有Ans 係手，開頭溫得開心就得。MMUCPE有太多時間剩，如果係為PCLL full time 做目標，可以諗下點樣將來同local LLB 競爭 / 3年點安排。

***時間分配：以part time program 黎講，如果aim good result，至少預一星期有4-5日，每日至少分到2小時認真睇materials。如果冇時間，朝早4, 5點起身都要。但實際做唔做到，做到又真係咪真係有回報，暫時答唔到。

至少for year 1，前期冇效果既reading 係唔緊要，最重要係睇得愈來愈快同決心堅持，會係最後兩個月反映出黎。