1Մրցույթի նկարագրություն

Հայաստանում Նիդերլանդների Դեսպանատան աջակցությամբ իրականացվող «Մարդու իրավունքների այբուբեն» ծրագիրը հայտարարում է մրցույթ «Ես՝ որպես մարդու իրավունքների պաշտպան» թեմայով։

Մրցույթին կարող են մասնակցել  14-16 տարեկան երիտասարդներ Հայաստանի բոլոր համայնքներից։

Մրցույթի նպատակն է բացահայտել մարդու իրավունքներով, հավասար հնարավորություններով  և համայնքահեն նախագծերով հետաքրքրված ապագա առաջնորդների, ովքեր կունենան բացառիկ հնարավորություն դառնալ «Մարդու իրավունքների այբուբեն. սովորել – գործել - փոխել» ծրագրի գործուն մասնակից։ Ծրագրի մանրամասներին և դասընթացների բովանդակությանը կարող եք ծանոթանալ «Ծրագրի մասին» և «Դասընթացների մասին» էջերում։ 

Մրցույթին մասնակցելու համար անհրաժեշտ է մինչև սույն թվականի դեկտեմբերի 14-ը` lac.humanrights@gmail.com էլեկտրոնային հասցեին ուղարկել «Ես որպես մարդու իրավունքների պաշտպան» թեմայով մեդիա բովանդակություն հետևյալ ձևաչափերից մեկով՝

• լուսանկար,

• նկար,

• իլյուստրացիա,

• փոդքաստ,

• էսսե,

• տեսանյութ:

Նամակի վերնագրում անհրաժեշտ է նշել՝ «Մրցույթի հայտ»։

Նամակի տեքստում անհրաժեշտ է նշել մասնակցի անունը, ազգանունը, տարիքը, մարզը, համայնքը, բնակավայրը, երկու հեռախոսահամար։

Մեդիա բովանդակությունն անհրաժեշտ է կցել ուղարկվող նամակին անմիջապես կամ հղումով։

Մեդիա բովանդակությունը պետք է ներկայացնի մասնակցի դիրքորոշումը հետևյալ թեմաներից մեկով՝

• • Մարդու իրավունքներ և հիմնարար ազատություններ. իմ համայնքի խնդիրները

  • Հավասար հնարավորություններ. անհավասարությունն իմ աչքերով

  • Սոցիալական ներառում. ովքե՞ր են միշտ «լուսանցքից դուրս»

  • Համայնքային նախաձեռնողականություն. ի՞նչ կփոխեմ իմ համայնքում

  • Առաջնորդություն հանուն իրավունքի գերակայության. ես կարող եմ փոխել

Մրցույթի հայտերի գնահատման չափանիշներ

1. Թեմայի համապատասխանություն (45%)

   • Որքանո՞վ է ներկայացված նյութն անդրադառնում մարդու իրավունքների թեմային։

   • Արդյո՞ք այն հստակ հաղորդում է որևէ կոնկրետ մարդու իրավունքների խնդիր կամ գաղափար։

   • Արդյո՞ք ներկայացվող խնդիրը կամ գաղափարը համայնքահեն է՝ վերաբերում է տվյալ մասնակցի համայնքին՝ բնակավայր, սոցիալական խումբ։

2. Ստեղծագործականություն և յուրօրինակություն (40%)

   • Արդյո՞ք բովանդակությունը յուրահատուկ է։

   • Կա՞ն նորարարական մոտեցումներ գաղափարները ներկայացնելու համար։

3. Հստակություն և հաղորդակցում (15%)

   • Արդյո՞ք ուղերձը հասկանալի է։

   • Արդյո՞ք մասնակիցը կարողանում է արդյունավետ կերպով փոխանցել իր տեսակետը մարդու իրավունքների վերաբերյալ։

   • Արդյո՞ք ապահովված է նվազագույն տեխնիկական որակ, օրինակ՝ փոդքաստի դեպքում՝ ձայնի լսելիություն, լուսանկարի դեպքում՝ որակ և այլն։

Գնահատման գործընթաց

• Յուրաքանչյուր հայտ կգնահատվի ժյուրիի անդամների կողմից՝ նշված չափանիշներով 1-ից 10 բալանոց սանդղակով։

• Վերջնական միավորների հիման վրա կընտրվեն ծրագրի մասնակիցները, ինչպես նաև կառանձնացվեն լավագույն աշխատանքներ յուրաքանչյուր ձևաչափում։

Ընտրված նյութերը կհանդիսանան ծրագրային պրոդուկտներ և կհանրայնացվեն՝ նշելով հեղինակի անունը, ազգանունը, բնակավայրը և տարիքը։