Mohala Pua

19-23 Mei 2025

Lā 1: Ānuenue & Kiʻi ‘Oniʻoni

‘O ke Kula Kaiapuni ‘o Ānuenue kahi mua i hele pū ai ka papa 5/6. Ma laila lākou i launa ai me ka loʻi ‘o Kaululoa. Ma laila hoʻi i ‘imi ‘ia ai ka pōhaku mai ke kahawai mai, ānai ‘ia e ka lima, a loaʻa ka ‘ulumaika, i makana no ka ‘ohana.

Ma hope o ia hana maikaʻi o ka lima, ua nanea pū ma ke kiʻi ʻoniʻoni ‘o Minecraft. Hū ka nui o ke kūlina pohāpohā i moni ‘ia!

Lā 2: Makapuʻu & Hana Lei

Ua piʻi pū ka papa 5/6 i luna o ka pali ʻo Makapuʻu, kahi i kaulana i ka uhu mākaʻikaʻi. ʻIke maka ʻia ʻo Kohelepelepe, Ka Lae o Kalāʻau, a me ka waiho kāhelahela o Waimānalo, mai Mānana a i Wailea. ʻIke ʻia hoʻi ka ʻilima papa a me ka pāʻū o Hiʻiaka.

A hoʻi hou i ka hale waihona puke no ka hili ʻana i nā lei lāʻī, i mau makana no nā limahana o ke Kula Kaiapuni.

Lā 3: Hanauma, ‘Ohe Kāpala

ʻO ka lua o ka puʻu i piʻi ʻia, ʻo Kuamoʻo-o-Kāne ia, ma kahi o Hanauma. He piʻina kūnihi, he makani ikaika o ka pā ʻana, he ua nāulu, a he nani wale ka ʻikena.

Ma mua naʻe o ia piʻina, ua hoʻomaʻamaʻa nā haumāna o ka papa 6 i ka hula, ka haʻi ʻōlelo, a me ka ʻohe kāpala.

Lā 4: Puka mai ka lā; Kāpala Lole

Ma ka wanaʻao i ala aʻe ai ua mau ʻōpio nei, hele wāwae i kahakai no ka puka ʻana mai o ka lā. Mele ʻia ke mele ʻo Ea mai ʻo Mānana - ua kō nā mea a pau o ua mele nei.

Ma kēia mau lā ʻelua hoʻi i hoʻomākaukau ʻia ai ka lole no ka ʻAha Mōhala Pua. He malo ko ke kāne, he kīkepa ko ka wahine. Kāpala ʻia na ka ʻōpio, hume ʻia e ke kumu, hiehie wale ke ʻike aku.

‘Aha Mohala Pua

Nā Āiwaiwa o Hawaiʻi Nei

Ea mai ʻo Mānana
Nā ʻAumākua
Mahalo + Ke Lei Maila
Haʻi ʻŌlelo: Poʻokumu Rezentes

Haʻi ʻŌlelo: Kumu Keoni (Āiwaiwa)
Papa 6: he mau āiwaiwa kaulana

Mele Koʻihonua
Moʻokūʻauhau

-- aʻo pū nā ʻohana i ke mele ʻo Ka Pua Uʻi --

Hula:
Kāwika
Liliʻu Ē
Heʻeia
Kuʻi Molokaʻi
Hoe Puna i ka Waʻa

Ka Pua Uʻi (na nā ʻohana)

Mahalo e Māmā me Pāpā

Pāʻina
Nānā Kiʻi

Hawaiʻi Aloha

Page updated

Google Sites