ಕರ ಮಧ್ಯೇ ಸರಸ್ವತೀ

...........ನಮೋ ಮಹದ್ಭ್ಯೋ ನಮೋ ಅರ್ಭಕೇಭ್ಯಃ

"ಕರಮಧ್ಯೇ ಸರಸ್ವತೀ" ಈ ಶ್ಲೋಕ ಭಾಗವನ್ನು ನೀವು ಕೇಳಿಯೇ ಇರುತ್ತೀರಿ. ಇಂದಿನ ಕಾಲಮಾನದಲ್ಲಿ ಸದಾಕಾಲವೂ ಕರಗಳಲ್ಲಿ ಮೊಬೈಲ್ ಸ್ಥಿತವಾಗಿ ನಮ್ಮ ಅನಿವಾರ್ಯ ಅಂಗವೇ ಆಗಿಬಿಟ್ಟಿದೆಯೆಂದರೆ ಅತಿಶಯೋಕ್ತಿಯಲ್ಲ. ಈ ಕರಾಗ್ರದಲ್ಲಿ ಕುಣಿದಾಡುವ ತಂತ್ರಾಲೋಕ ಪರಿಕರದೊಳಗೆ ಸಾಹಿತ್ಯ ಸರಸ್ವತಿಯು ಪ್ರವಹಿಸುವಂತೆ ಮಾಡಿ ಸದಾ ಕರಮಧ್ಯದಲ್ಲಿ ಸರಸ್ವತಿಯ ಲಾಸ್ಯವು ನಲಿದಾಡುವಂತೆ ಮಾಡುವ ಕಿರು ಸಾಹಸ ಈ ಕರಮಧ್ಯೇ ಸರಸ್ವತೀ ಎಂಬ ಟೆಲಿಗ್ರಾಮ್ ಗುಂಪಿನದ್ದು. ಅಂತರ್ಜಾಲದಲ್ಲಿ ಮುಕ್ತವಾಗಿ ಯಾವುದೇ ಹಕ್ಕುದಾರಿಕೆಯಿಲ್ಲದೇ (no copyrights) ದೊರೆಯುವ ಗ್ರಂಥ ಸಂಪತ್ತನ್ನು ಸಂಗ್ರಹಿಸಿ ನಿಯಮಿತವಾಗಿ ಹಂಚುವ ಯೋಜನೆ ನಮಗಿದೆ. ಗ್ರಂಥದ ವಿತರಣೆ ಕೇವಲ ನಮ್ಮ ಕಾಯಕವಷ್ಟೇ ಆಗಿ ಉಳಿಯದೇ ಸದಸ್ಯರ ಬಳಿಯೂ ಈ ತರಹದ ಮುಕ್ತ ಕೃತಿ ಸಂಪತ್ತುಗಳು ಲಭ್ಯವಿದ್ದು ಅದನ್ನು ಹಂಚಿಕೊಡರೆ ಮತ್ತೂ ಆನಂದವೇ.....ಎಂಬ ಧ್ಯೇಯದೊಂದಿಗೆ ಶುರುವಾದ ಗುಂಪು ಇಂದು ಸಹಸ್ರ ಸದಸ್ಯರನ್ನು ಹೊಂದಿದೆ. ಬಹಳಷ್ಟು ಪುಸ್ತಕಗಳು , ಬಹಳಷ್ಟು ವಿಚಾರ ವಿನಿಮಯ... ಪುಸ್ತಕ ವಿಮರ್ಶೆಗಳು....ಅವೆಲ್ಲವೂ ಕಳೆದು ಹೋಗಬಾರದೆಂಬ ಉದ್ದೇಶದಿಂದ ಈ blog ಜನ್ಮ ತಾಳಿದೆ...

ನಿಮ್ಮ ಬಳಿ ಇರುವ ಅಪೂರ್ವ ಪುಸ್ತಕಗಳು... ನೀವು ಓದಿದ ಪುಸ್ತಕಗಳ ವಿಮರ್ಶೆಗಳನ್ನು ಇಲ್ಲಿ ಪ್ರಕಟಿಸುವ ಉದ್ದೇಶ ನಮ್ಮದು.....

ನೀವು ಓದಿದ ಪುಸ್ತಕದ ವಿಮರ್ಶೆಗಳನ್ನು ಕರಮಧ್ಯೇ ಸರಸ್ವತೀ ಗೆ ಮಿಂಚಂಚೆ ಮಾಡಿ...