കുഞ്ഞു"കാഴ്ചകൾ"ശുഭകരമാക്കാൻ..

പഠനം ഓൺലൈനിലേക്ക് മാറിയതോടെ നമ്മുടെ കുട്ടികളുടെ കയ്യിൽ മൊബൈൽ ഫോണും കമ്പ്യൂട്ടറും ഒഴിഞ്ഞ സമയം അപൂർവ്വമായി മാറി എന്നത് ഒരു സത്യമാണ് .ഇത് കാരണം പഠനത്തിനപ്പുറം ഇൻറർനെറ്റിൻ്റെ ഇടവഴികളിലൂടെ അവർ അറിയാതെ സഞ്ചരിക്കാനുള്ള സാധ്യതയും കൂടുതലാണ്. .. ഗൂഗിളിൻ്റെ വീഡിയോ പ്ലാറ്റ്ഫോമായ യൂടൂബ് അനന്തവും അഗാധവുമായ ഒരു ലോകമാണല്ലോ. മുതിർന്നവർ പോലും പലപ്പഴും വഴിതെറ്റാറുള്ള മായാലോകം .

ഇവിടെ കുട്ടികൾക്ക് വേണ്ട അതിർവരമ്പ് നിർണ്ണയിക്കൽ അസാദ്യവും . എന്നാൽ പഠനത്തിന് യൂടൂബ് ലിങ്കുകൾ കുട്ടികളിലേക്ക് എത്തിക്കാതിരിക്കാൻ നിർവാഹവുമില്ല.

ഇവിടെയാണ് പഠനാവശ്യത്തിനുള്ള മൊബൈൽ ഉപയോഗത്തിന് പുറമേ വിനോദോ പാതിക്ക് വേണ്ടി കൂട്ടികൾക്ക് നൽകാവുന്ന യൂടൂബ് സേവനമാണ് YT kids ( Youtub kids) ഇതിൽ കുട്ടികളുടെ പ്രായത്തിനനുസരിച്ചുള്ള വീഡിയോകൾ തെരഞ്ഞെടുക്കാനും മുതിർന്നവർക്ക് അത് നിയന്ത്രിക്കാനുമുള്ള സൗകര്യമുണ്ട്. വിവിധ കാറ്റഗറിയിൽ തരം തിരിച്ചിട്ടുള്ള വീഡിയോകൾ കുട്ടികൾക്ക് ഇഷ്ടപ്പെടുന്ന തരത്തിലാണ് ക്രമീകരിച്ചിരിക്കുന്നത്. പഠനത്തിന് കുട്ടികളെ സഹായിക്കുന്ന ഒത്തിരി വിഭവങ്ങൾ ഉൾക്കൊള്ളുന്നതാണ് Learning എന്ന ഓപ്ഷനിൽ ഉള്ളത്.

ഉർദു പഠനത്തിന് സഹായകരമായ കഥകൾ. കവിതകൾ, അക്ഷര പഠന സഹായികൾ തുടങ്ങി എല്ലാ ഇതിലുണ്ട്.

ലോക് ഡൗൺ കാലം ഓൺലൈൻ കുറ്റകൃത്യങ്ങൾ കൂടുതൽ റിപ്പോർട്ട് ചെയ്തതായി പഠനങ്ങൾ പറയുന്നു. അക്രമവാസന ,അധാർമീക പ്രവർത്തനങ്ങൾ മുതലായവയെ പ്രോത്സാഹിപ്പിക്കുന്ന അശുഭകരമായ കാഴ്ചകൾ കുട്ടികളിലേക്കെത്താതിരിക്കാൻ ഇത്തരം മാർഗങ്ങൾ സ്വീകരിക്കാവുന്നതാണ്.

ഇൻറർനെറ്റും ഇലക്ട്രിസിറ്റിയും ഒരു പോലെയാണ് ഒരിക്കലും ഒഴിച്ച് നിർത്താനാവില്ല എന്നാൽ ശ്രദ്ധിച്ച് ഉപയോഗിച്ചില്ലങ്കിൽ ........