Die aand het uiteindelik aangebreek en die gaste het begin opdaag en is ontvang met ñ "sundowner" en sap. Daar is lekker gesels en onbekendes het bekend geword. Om 18:00 het die verrigtinge begin met ñ verwelkoming, opening met gebed en die toesprake is afgehandel. Daar was ñ atmosfeer van afwagting en ñ verwagting, want wat gaan aan agter daardie geslote deure?

Die Waenhuis se deure is geopen en die gaste is geleentheid gegun om die kunswerke te gaan besigtig. Dit was ñ wonderlike gesig om te aanskou, want die kunswerke is met wasgoedpennetjies aan die wasgoedlyn opgehang. Wat ñ prentjie!! Na so 20 minute se kyk kon elke gas hul items merk met ñ plakker wat hul dan die eienaars van daardie skildery gemaak het. Die mooiste werk is deur ons kunstenaars vir hierdie geleentheid gemaak en die werk was annoniem , so niemand het geweet wie die kunstenaar was nie. Baie interessante konsep wat gebruik was en ook ñ eerste uitstalling van die aard vir Stilbaai. 

Die gaste is op pragtige agtergrond musiek trakteer terwyl hulle die kostafels, wat gekreun het onder wonderlike kosse, help ligter maak het. Pluimpie vir die mense wat betrokke was vir die kos; puik gedoen, so ook die versiering en dankie aan die span.

Daar is heerlik gekuier en die atmosfeer was nou ontspanne. Baie dankie aan ons Kunstenaars vir elkeen se bydrae ( ongeveer 400 Skilderye) julle het GROOT gegaan. So ook ñ woord van dank aan ons BORGE wat ñ suksesvolle aand verseker het. Die Kunstenaars en Borge is heel aand dmv tegnologie aan die publiek vertoon. Aan almal wat só hard gewerk het baie dankie, julle word waardeer. 

Die fondse wat ge-in is gaan na die beursie van Jagersbosch om hul fondse te steun vir die belangrike werk wat in die gemeenskap gedoen word. Volgende jaar maak ons weer só!!