Stjórnin

Formaður er fulltrúi félagsins útávið og hefur ásamt félagsstjórn yfirumsjón með öllum framkvæmdum þess og daglegum störfum á vegum félagsins uns ákvörðun aðalfundar og lög  félagsins mæla fyrir um. Formaður boðar stjórnarfund eins oft og þurfa þykir og stjórnar þeim. Skylt er honum að boða stjórnarfund ef tveir stjórnarmenn æskja þess. Stjórnarfundur er lögmætur ef minnst þrír stjórnarmenn eru mættir. Formaður er sjálfkjörinn á þing Landssambands hestamannafélaga, en heimilt er honum að kalla til varaformann í sinn stað, eða einhvern annan stjórnarmann. Ritari skrái gjörðarbók stjórnarfunda og geymi hana, eins og annað ritað mál gamalt og nýtt, sem félagið varðar. Einnig myndir sem félagið kann að eignast. Gjaldkeri hefur fjárreiður félagsins með höndum og annast innheimtur og greiðslur fyrir þess hönd. Skylt er nefndum að skila til gjaldkera fjárhagslegu uppgjöri af starfsemi sinni sem fyrst eftir hvern framkvæmda þátt. Reiknisár félagsins er frá 1. október til 30. september. Stjórn félagsins er skylt að leita samþykkis félagsfundar um allar meiri háttar nýframkvæmdir á vegum félagsins, og allar stefnumarkandi ákvarðanir í starfsemi þess. Skylt er stjórn að halda a.m.k. einn almennan félagsfund á ári auk aðalfundar. Almenna félagsfundi skal boða með a.m.k. þriggja daga fyrirvara, á heimasiðu félagsins, símleiðis sms eða uppfestum auglýsingum. Einnig má boða fundi með auglýsingum í blöðum, útvarpi eða með bréfi.