Historien vår byrjar i 1984, då skulen i Hildre opna dørene for dei første elevane. Då den offentlege skulen vart lagt ned i 2012, tok engasjerte foreldre og lærarar initiativ til å starte Hildre Montessoriskule SA, med 39 elevar, SFO og tre lærarar som byrja på Montessori-utdanning.

Sidan den gong har skulen vakse, og over tid vart ønsket om ein Montessori-barnehage med same pedagogikk stadig sterkare. I 2024 vart dette ei realitet: den lokale kommunale barnehagen vart erstatta av Hildre Montessoribarnehage, takka vere engasjement frå foreldre, skulen og lokalsamfunnet. No kan barn oppleve Montessori frå 0 til 16 år – ein heilskapleg veg som følgjer dei gjennom barndom og skoleår.

I barnehagen møter barna ro, tryggleik og ei invitasjon til leik og utforsking. Montessori-materiellet er alltid til stades, og vi legg til rette for aktivitetar som fremjar sjølvstende og nysgjerrigheit.

Lunsjtid er eit viktig augeblikk: barna sit på eigne bord i høgd med barnet sjølv og serverer seg sjølve, og lærer frå tidleg alder å lage og dele måltida sine. Ein gong i veka er barna med på å lage varm mat, og får erfaring med samarbeid, ansvar og praktiske ferdigheiter.

Når ein kjem inn i Hildre Montessoribarnehage, vil ein oppleve at det er roleg, enkelt og harmonisk – ei ramme som inviterer barna til å utforske og lære i sitt eige tempo.