Verk-og tímaáætlun
Verk- og tímaáætlun
Þú skrifar núna verk- og tímaáætlunina en mátt ráða hvernig hún er sett upp. Þú hefur hana í verkdagbókinni þinni.
Nokkur atriði til að hafa í huga:
Verkáætlun þýðir að þú skráir hvaða verkefni á að vinna hverju sinni.
Tímaáætlun er þegar þú áætlar á hvaða tíma þú ætlar að vinna verkið.
Verk- og tímaáætlanir eru oft í stöðugri endurskoðun og þess vegna er mikilvægt að skrifa líka niður hvernig gekk að vinna verkið og hvenær það var unnið.
Hér er dæmi um fyrirmynd af verk- og tímaáætlun sem þú getur skoðað ef þér dettur ekkert annað í hug.
Settu upp verk- og tímaætlun og fylltu út í reiti sem sýna hvað þú átt eftir að gera og hvenær þú ætlar að gera það.
Það sem þarf að koma fram er:
Hvenær þú ætlar að vera búinn að finna allar heimildir sem þú getur notað í verkefninu.
Ef að þú ætlar að leita til aðila utan skólans, t.d. til að taka viðtöl, þá setur þú inn í áætlunina hvenær þú áætlar að vera búinn að því.
Hvenær fyrstu drög að skriflegu verkefni á að vera komið til kennara til að hann geti farið yfir það.
Hvenær afurðin þín er tilbúin.
Ef að þú ert ekki einn að vinna í verkefninu, þá þarf að koma fram hvað hver gerir og hvenær hann gerir það.
Hæfniviðmið og viðmið um árangur
Samfélagsgreinar-Hugarheimur
Nemandi getur sett sér markmið og gert áætlanir við fjölbreytt viðfangsefni
Ég set upp verkáætlun
Ég set upp tímaáætlun
Náttúrufræði- Nýsköpun og hagnýting þekkingar
Nemandi getur unnið undir leiðsögn í hópi eftir verkskiptri tímaáætlun við að hanna umhverfi, hlut eða kerfi.
Ég set upp áætlun sem sýnir hvernig verkefnið verður unnið
Í verk- og tímaáætlun eru tímasetningar sem sýna hvernig ég muni ná að gera verkefnið innan þess tímamarka sem ég hef