Govt. Primary School, Ainawn in bung thar a kai leh ta a, kan khawvel changkang zelah thiamna leh khawsak phung pawh kan tih changkan ve zel a ngai ta a ni. Tun hmaa neih ve pawh kan rilruk ngai loh leh kan neih pawh kan rin phak loh thin WEBSITE leh Mobile Application changtluang tak kan nei ta hi lawmawm ka tiin, School tan Mellung pawimawh tak niin ka hria. He Website hi school-a thawktute tan chauh a ni lo a, nu leh pa, khawtlang bakah mi zawng zawngin tangkai taka an hman theih tura ruahman a ni. He website leh Apps kaltlang hian School hmalakna hrang hrang leh hmachhawp te hmuh theiha pholan thin tum a ni. Tin, mipuite tana hriattur awm chi school information leh pawimawh dang te puanchhuahnana hman tur a ni a, tangkai taka kan hman theuh ka beisei tak meuh a ni. Tin, kan school hming hi Govt. Complex P/S tih ni thin mah se veng hming thlak a nih tak avangin Govt. Primary School, Ainawn tia thlak a ni tawh a, thenkhat laiah Govt. Complex tiin a la lang mai thei a, a hun lai ang zela report leh news hi siam a nih avangin lo hrethiam turin kan in ngen bawk a ni.