School Timing hi Government Notification anga kalpui a ni ang.

School tan hun ngaihpawimawh tur a ni a, harsatna bik avang sikul tlai a awm chuan nu/paten zirtirtute hnenah an sawi tur a ni.

Zirna tan hmain Assembly/Devotion neih thin a ni a, hemi chhung hian nu/paten naupang tlai chhan an rawn sawi ngei tur a ni.

Attendance ngaihpawimawh a ni a, harsatna avanga naupang school kal thei lo an awm chuan nu/paten an kalloh chhan school-ah kalin an sawi tur a ni. Harsatna bik avang school-a an sawi thei lo a nih chuan phone hmangin Teacher-te an hrilh hria a nga, naupang school kal leh hunah school-ah nu leh paten an sawi leh tur a ni ang.

Engmah sawi lova naupangin school a kal loh chuan nitin Rs. 50 fine a ni ang.

KG – I & KG – II bikah Monthly Fee chu thlatin ni 10 ral hmaa pek tur a ni a, pek hman loh chuan Late Fee s. 50/- chawi tur a ni.

Naupangte tan school-ah MDM buatsaih a ni a, eitur dang reng reng school ah ken phal a ni lo.

School kal laia naupang damdawi ei ngai an awm a nih chuan Teacher-te hnenah hriattir tur a ni a, damdawi pawh Teacher-te kuta dah tur a ni.

Faina (Cleanliness) ngaihpawimawh a ni a, naupangte school-ah fai taka kaltir thin tur a ni.

Sorkarin a sem bak Text book leh Uniform lei ngai a awm chuan nu/paten an lei ngei tur a ni a. Zirna atana mamawh tur dang Exercise Book, Diary, Uniform, Report Card, etc. te pawh huntiam chhungin an lei ngei tur a ni.

Zirnain a kentel Project Work, Assignment, WE, etc. te ngaihpawimawh tur a ni a, sum sen a ngai a nih pawn nu/paten an tihsak ngei tur a ni.

Sualna hrang hrang – dawtsawi, ruk ruk bakah ruitheih thil – meizial, sahdah, khaini, kuhva, Gutkha product hrang hrang lakah naupang an fihlim ngei tur a ni. 

Unit Test ngaihpawimawh a ni a, Unit Test-a Fail an awmin nu/paten Test Paper lam/thehluh thin tur a ni.

Heng dan leh hrai, school-in a zamte zawm thei lo te chu school-ah an lut thei lo ang.