SCHOOL NAUPANGTEN MIZO HNAM LAM ZIR

School Education Department,Govt.of Mizoram leh Central Young Mizo Association-te thawhhhona bawhzuiin Govt.Complex Branch YMA chuan an vengchhunga school hrang hrang, Govt. Complex Primary School, Govt. Complex Middle School, RMSA High School leh Elkton English Medium zirlaite hnenah Mizo Hnam Lam zirtirna an nei a, Govt. Complex PS naupang Class - I to IV pawhin an zir ve a ni. He lamzir vawikhatna leh a hawnna chu Govt. Complex YMA Hall-ah neih niin, hemi hi hian school naupang zawng zawng kalkhawmin, hmun remchangah lam hi a n zir a ni.

Lam zir vawihnihna erawh mahni school-ah neih niin, Govt. Complex Primary School chuan dt. 20.5.2022 chawhhnu kan Govt. Complex P/S tualah lamzirna hun hi neih a ni. Primary School bik hian Tlang Lam an zir a, naupangten nuam an tiin an hlawkpui hle a ni. Mizo Hnam Lam zir hi kalpui chhunzawm tura ruahman a ni a, Branch YMA lam atanga lam zirtirtute ramchan dan ang zelin lam zirna neih thin tur a ni.