exposure visit - 2019
State Museum & Mizoram Science Centre tlawh a ni.
District Project Office, Samagra, Aizawl District atanga Exposure Trip Inside the State Fund kan dawn angin Dt. 1st November, 2019 (Friday) khan Govt. Complex Primary School chuan Exposure Trip neih niin, hmun pawimawh pahnih - Mizoram State Museum leh Mizoram Science Centre-te tlawh a ni a. Heta kal tur hian School naupang zing atanga thlanchhuan naupang 50 leh zirtiru (guidance) te kal a ni. Hemi ni hian zing dar 10-ah sikul chhuahsan niin, Mizoram State Museum, Zarkawt tlawh hmasak a nih hnuah hian Mizoram Science Centre, Berawtlang tlawh leh a ni bawk. He Trip-a kal naupangte hi Trip an neihna Report ziah tir leh vek an ni bawk.
1. Mizoram State Museum : Mizoram State Museum hi chawhma dar 10:35 ah thlen niin, naupangte chu Museum hi fanpui an ni a. Museum-a awm Mizo thil hlui hrang hrangte enpui niin, zirtirtute atangin an hriatfiah loh te hrilhfiahna neih zel a nih bakah, zawhna te zawh niin, an hriatthiam theih tura sawifiah zel a ni bawk. Museum-a awmzia leh nihna te pawh hrilh niin, Mizo thil ni kher lo awmte pawh hrilhfiah an ni bawk. Heng sawifiahna leh hrilhfiahnate hi hrilh lawk angin naupangten Note-pad ah an chhianchhiah zel bawk a ni.
2. Mizoram Science Centre : Museum tlawh zawh a nih hian Mizoram Science Centre, Berawtlang chu tlawh leh a ni a. Science Centre hi chhun dar 12:30 ah thlen niin, thlen tirh hian Lunch eipui phawt an nih hnuah fankual pui an ni leh a ni. Science Centre-ah hian thil hrang hrang ena, inhrilhfiahna neih zel a ni a, practical-a tih theih awm te pawh tihpui zel an ni bawk a ni. Tin, Science Centre-ah hian 3D (3-Dimention) Video enpui an ni a, film hmuhnawm tak en niin, naupangte bulah 3D awmzia leh a danglamnate hrilhfiah nghal an ni bawk.
Mizoram Science Centre-ah hian ‘Planetarium’ enpui an ni bawk a. Hei hi naupangten ropui an tiin nuam an ti hle a. Planetarium hi Air-Condition Room a ni a, naupang tam zawk chu AC Room an vawikhat luhnate a nih hlawm avangin an tan hian thil thar pawimawh tak a ni. Planetarium-ah hian kan lei (Earth) leh arsi chanchin hrang hrang zirna lam hawi en a ni a. Planet hrang hrang leh anmahni heltu arsi neih dan te, Planet hrang hrang awmdan leh sik leh sa inan loh dante en niin, naupangten an hlawkpui hle a ni.
