A. Composition (Member turtle)

1. SMC ah chuan naupang nu leh pa / enkawltute zing atanga thlanchhuah mi pasarih an tel ang. An zinga pathum chu hmeichhia an ni ngei bawk tur a ni.

2. A school Headmaster emaw, Headmaster an neih loh chuan zirtirtu senior ber.

3. A School zirtirtute aiawh tur zirtirtu pakhat (SMC Treasurer chu zirtirtute zinga mi ruat tur a ni.

4. V C / L C aiawh mi pakhat.

5. School awmna veng atangin Education lama mi thiam pakhat.

6. SMC Member zawng zawng zahve chu hmeichhia an ni ngei tur a ni.

B. Office Bearer

1. Chairperson : SMC Member nu leh pa te awiawh zing a mi, SMC - in Secret Ballot in an thlang ang.

2. Vice-Chairperson : SMC Member nu leh pa te awiawh zing a mi, SMC in Secret Ballot in an thlang ang.

3. Member Secretary/Convener : A School Headmaster emaw, Headmaster awm lohna School a nih chuan zirtirtu Senior ber chu Ex - Officio Member Secretary/Convener a ni ang.

4. Treasurer : SMC a tel Teacher represent chu Treasurer a ni ang.

5. Member :

i) Naupang nu leh pa te atangin mi panga.

ii) A School awmna venga Education lam mi thiam pakhat.

iii) Village Council / Local Council aiawh pakhat.

C. Term of Office

1. SMC hi kum hnih ral apiangin din that tur a ni.

2. SMC memberte (Headmaster te tiam lovin) term chu kum hnih a ni ang.

3. SMC dinna school a Headmaster an neih loh chuan Zirtirtu Senior ber (an post an chelh chhung zawng) chu Ex - Officio member Secretary / Convener a ni ang a, Transfer emaw Pension emaw avanga sawn / thlak a nih chuan a thlaktu chuan SMC Ex - Officio member Secretary / Convener nihna a rawn chelh ve nghal ang.

4. A term alo tawpin, SMC chuan a School zitirtute atangin zirtirtu aiawh tur an thlang ang a, a ngai pawh thlan nawn theih an ni ang.

5. SMC term a lo tawpin, School in naupang nu leh pa / enkawltute zawng zawng a ko khawm ang a, nu leh pa kal khawm hian SMC - a an awiawh tur mi pasarih an thlang chhuak ang. A ngai thlan nawn pawh phal a ni.

6. SMC memberte chuan SMC a naupangte nu leh pa aiawh mi pasarih zing atangin Secret Ballot hmangin Chairperson leh Vice- Chairperson tur an thlang chhuak ang. A ngai pawh thlan nawn theih a ni.

7. Engvang pawhin Chairperson emaw Vice - Chairperson tanglaiin hna a thawk chhunzawm thei lo anih chuan SMC a nu leh pa aiawh tanglaite atangin Chairperson / Vice- Chairperson chu thlan chhuah leh mai tur a ni. Chutiang bawkin nu leh pate aiawh zing a mi, member ni chhunzawm theilo an awm anih chuan, nu leh pate zing tang tho in a hmunruak luahkhattu tur an thlang chhuak leh nghal tur a ni. Engtiklai pawhin SMC -a Nu leh pate aiawh hi pasarih an ni reng tur a ni.

8. Village Council / Local Council aiawh tur pawh kum hnih ral apiangin an inruat thar tur a ni.

9. Kum hnih a ral apiangin SMC chuan SMC awmna venga Education lam mi thiam, SMC - a tel tur a ruat thar thin ang a, a ngai pawh a ruat nawn theih ang.

D. Member nihna a tawp theih dan

1. Member tupawh a awm dan, a khawsak dan leh a thiltih chu naupangte hamthatna leh hmasawnna tur nena inkalh a awm a nih chuan insawifiahna hun pek a ni ang. A insawifiah loh emaw a inssawifiahna pawm anih loh chuan a bialtu SDEO - in a member nihna a tihtawpsak / hnuhdawhsak / hlihsak thei ang.

2. Member tupawhin ban an duh chuan ban an duh thu member Secretary hnenah ziakin an thlen ang a, SMC Chairperson - in an banna a pawm chuan a bang thei ang.

3. Member tupawh an member nihna tihtawpsak an nih chuan a bialtu SDEO - in chu hmun ruak hnawhkhahna tur chuan Member thar a ruat thei ang.

4. SMC - a member Secretary, Convener emaw Treasurer emaw te zing a mi tupawh ban ngai an awm a nih chuan SDEO pawmpuina lak hmasak tur a ni. An ban tir hmain a sum kawl leh leiba nei anih chuan a leibate chinfel hmasaktir ngei tur a ni. Chutiang a awm anih chuan SMC in bialtu SDEO kal tlangin Director of School Education a hriattir thin ang.

E. Rorelna kalpui dan tur

1. SMC chu alo berah thla hnih chhungin vawikhat tal an thukhawm tur a ni.

2. Rorel minute leh thutlukna te chu ziaka tha taka vawngin a duh apiang en theih turin a awm tur a ni.

3. Rorel turin member hmun thuma thena hmun khat tal an kal tur a ni.

4. Tul bik / thil hmanhmawh thlak bik tih lovah chuan meeting kohna sem chhuah leh meeting ni tur inkarah hian ni 5 tal a tla tur a ni.

5. Member pakhatin vote khat zel chauh an nei thei ang a, thurel ah vote hmuh a inzat chiah chuan Chairperson - in a duhna lamah thu a pawtchat thei ang.

6. SMC - in meeting a neih apiangin VEC leh a bialtu SDEO hnenah meeting minutes a thehlut thin ang.

F. SMC hnathawh dan tur

a) Hnathawhtur pui ber :

1. An Sikul hnathawh dan leh hmalakna te an vil ang.

2. Sikul Development Plan a siam ang.

3. Sikul in State sawrkar, District leh vantlang atanga tanpuina Grant a dawn reng reng a hmanna dik tak leh hman dan tur dik takah hman anih theih nan a vilin a endik ang.

b) A hnthawhtur tlangpui :

4. Naupangte chanvo, nu leh pate mawhphurhna, School, Village Council / Local Council leh Sawrkar mawhphurhna thleng pawhin a zau thei ang ber leh a tam thei ang ber ventlanga puanzara mipuite hrilhhriat hi SMC mawhphurhna a ni.

5. Zirtirtuten Sikul an kal thain hun an vawng dik em tih a endikin a vil reng tur a ni a, a tul angin siamthat hna a thawk bawk ang.

6. Naupang zawng zawngin Sikul an luh ngei theih nan te, zirna atana an mamawh an dawn ngei theih nan leh Rualbanlote leh Sikul kai ngai lo zawng zawng ten Sikul an luh a, Elementary Stage (Pawl VIII thleng) an zawh vek theih dan tur dapin hma an la ang.

7. Sikul kai lai zawng zawngten tawpsan lo leh bahlahna awm lova Sikul tha taka an kal tluan theih nan hm an la ang.

8. Naupangte chanvo leh dikna humhalhna kawngah, a bik takin uchuak taka naupangte hrem leh naupang admit duh lohte leh naupangin a dawn tur thil engpawh a hun taka a dawn loh a awm a nih chuan, SMC hian VEC leh Local / Village Councilte a hrilh hre vat tur a ni.

9. Hna bik leh zir chian ngai bik thil zir chiang tur leh hma la tur Working Group a din thei ang.

c) SMC in zirtirtute a vil dan tur :

1. Naupang zirtir tur Curriculum, thuneitutenzirtir tur hun chhung an bitukah a zirtir zo em tih a enfiah ang.

2. Naupang hnufual leh a bika enkawl ngaiten a bika enkawlna leh zirtirna an dawn leh dawn loh a enfiahin a vil ang.

3. School leh zirtirtuten an naupangte zirnaa hma an sawn dan thlir letna turin naupang nu leh pate meeting an neihpui thin em tih a endik ang.

4. Zirtirtuten Private Tuition an pek loh nan a vil reng tur a ni.

5. Zirtir hna ni lo ah Zirtirtute pawh buai leh mawhphurhna pek an nih loh nan a venpui ang.

6. An huamchhunga naupang zawng zawngte Sikul an luh vek a, khaihlak awm lova Sikul an luh theih nan hma a la ang.

7. Naupangte chanvo humhalh kawngah mawh a phur ang.

8. Naupanging chaw chhun (MDM) an dawng ngei em tih leh ei tlak a ni em tih an enfiah thin tur a ni.

9. Zirtirtuten zirlai naupawngte chanchin ziahna ‘Cumulative Record’ an vawng ngei em tih a endik ang.

10. Schhol in dan leh inkaihhruaina hrang hrang a neihte zawm ngei a ni em tih a enfiah ang.

G. SMC Sum vawn dan tur

1. Kum khat chhunga an sum hmuh leh hman dan ziahna “Annual Accounts of Income and Expenditure” a buatsaih ang.

2. SMC Account te hi kum tin Audit tur a ni.

3. SMC chuan Joint Account a hawng ang a. Chutah chuan an sum dawn reng reng an dahtha tur a ni.

4. SMC chuan Chairperson leh Member Secretary / Convener te Joint Account Holder a hmangin Account a hawng tur a ni.

5. Account hawn anih atanga thlakhat chhungin an Account Number hi VEC, Village / Local Council leh SDEO - ah te a hriattir ngei tur a ni.

6. A hun takah an pawisa hmanna Utilization Certificate an thehlut thin tur a ni.

H. VEC nena thawhho dan tur

1. ‘SMC ten School Development Plan an siam thin ang’ tih hi VEC te kaihhruaina leh enpuina hnuaiah an siam thin ang tihna a ni.

2. SMC in sum a dawn leh hman dan turte chu VEC in a enpui thin ang. A hman dan tur dik taka hman anih theih nan a kaihruaiin a vil ang.

3. Hemi atan hian VEC leh SMC te chuan Joint Meeting neiin an Fund hmuh dan tur an relho thin ang.

4. VEC chuan a huam chhunga SMC te nen Joint meeting a ko thin ang a, thla thum danah vawikhat tal Joint meeting an nei thin tur a ni.

5. SMC Chairperson te hi VEC Committee member atan Nominate / ruat tur an ni.

6. VEC leh SMC te hian Sikul hmasawn nan theihtawp chhuahin tan an la dun ang.

7. VEC ten an sum dawn leh an sem chhuah / hmanralna te tha taka chhinchhiahin Account Bu engtik lai pawha Audit theih turin fel takin an vawng ang.

8. SMC chuan an sum dawn reng reng an hmanna Utilization Certificate felfai tha taka siamin an sum dawn atanga thla thum chhungin VEC hnenah UC an thehlut thin tur a ni.

I. SMC thiah theih dan

1. SMC chu RTE Act / Rules kalh zawng emaw RTE tibahlah zawnga hma la anih chuan SDEO in a thiat thei ang.

2. SMC chu thiah tul nia a hriat chuan, SDEO - in zir chiangin Verification a la ang a, thiah ngeina khawp chhan a hmuh chauhin SMC hi thiah a ni ang. Thiah anih atanga karkhat chhungin SDEO chuan Director of School Education hnenah Report kimchang a pe tur a ni.

3. Chutianga SMC chu thiah a lo nih palh chuan, hun khaihlak chhung atan SMC thuneihna chu SDEO kutah a awm ang a. SDEO chuan SMC thiah anih atanga thla khat chhung ngeiin SMC thar din anih theih nan hma ala ang. Thla khat chhunga SMC hi din thar anih loh chuan SDEO chungah Disciplinary Proceedings draw theih ni ang.